नवज्योती यूवा क्लब जयपुरद्धारा आयोजना भइरहेको हाउजी खेलमा आज अन्तिम दिन विशेष पुरस्कार अन्तर्गत हाउसफुल बिजेतालाई बुलेट बाइक पुरस्कार दिइने भएको छ ।
आयोजक समितीका अध्यक्ष गोपाल पोख्रेलका अनुसार हाउजी खेलको समापन संगै अन्तिम दिन उक्त पुरस्कार राखिएको बताउनु भयो ।
क्लबद्धारा केहि वर्ष अघि बाट सामाजिक कामका लागी प्रत्येक वर्ष दशैंको घटस्थापनादेखि छठ पर्वसम्म हाउजी खेल संचालन गर्दै आएको छ ।
हाउजी खेल चाडवाडको बेलामा मनोरञ्जनको साथ साथै साथीभाइ भेटघाट गर्ने थलो समेत बनेको छ ।
प्रत्येक साँझ ७ बजेबाट सुरु हुने खेलमा झापाको बुद्धशान्ति, मेचिनगर, विर्तामोड, अर्जुुनधारा, इलामको रोङ तथा अन्य जिल्लाबाट समेत हजार बढी हाउजी खेलप्रेमीहरुको सहभागीता रहने गरेको र आज हुने अन्तिम दिनको खेलको टिकट बिक्रि साँझ ६-३० बजे देखि हुने र खेल सुरु बेलुका ७:३० बाट हुने छ भने खेल सुरू हुनुअघि राष्ट्रिय तथा स्थानिय कलाकारहरूको साङगीतिक प्रस्तुती समेत रहने आयोजक समितिका सचिब मुकेस भट्टराईले जानकारी दिनु भयो ।
