June 24, 2024

अर्थ

झापाको बुद्धशान्ति गाउँपालिका वडा नं २ मा प्रथम जयपुर भेन्ट्रास फुटबल कल्बको आयोजनामा भएको टोल स्तरिय नकआउट फुटबल प्रतियोगिता २०८० को  हिसाब सार्बजनिक भएको  छ ।
फागुन १ गते वाट सन्चालन भएर ७ गते सम्पन्न भएको टोल स्तरिय नकआउट फुटबल प्रतियोगिता २०८० को आयोजक समितिले ११ गते शक्रवार  समितिका सम्पुर्ण सदस्यहरूको उपस्थितिमा आय तर्फ ९९,६००  व्यय तर्फ ९९,६०० साथै उठ्न बाकी रकम १५,००० हिसाब सार्बजनिक गरेको हो ।स्थानीय स्तरमा खेलाडी उत्पादन गर्नुका साथै खेल मैदानलाई स्तारोन्नती साथै खेलमा अनुशासनको महत्व सिकाउदै आन्तरिक पर्यटन प्रवर्धन गर्ने उदेश्यले प्रतियोगिताको आयोजना गरिएको संस्थाका अध्यक्ष  सेमन्त पोख्रेलले बताउनु भयो ।श्री आदर्श माविको जयपुरको खेल मैदानमा फागुन १ गते बाट सन्चालन भएको टोल स्तरिय फुटबल
प्रतियोगितामा जम्मा १० वटा टिमको सहभागीता रहेको थियो भने

प्रतियोगिताको बिजेताले नगद रु १५ हजार, मेडल र ट्रफि प्राप्त गरे भने  उपविजेताले नगद रु १० हजार र मेडल र ट्रफि  पाएका थिए ।

खेललाई थप रोचन र आक्रर्शक बनाउन विभिन्न मनोरन्जनात्मक कार्यक्रम समेत भएको  बताईएको छ ।

सहकारी क्षेत्रको नियमन तथा अनुगमनमा कडाइ नभएको फाइदा सञ्चालकहरूले लिँदा जोखिम निम्त्याएका छन् ऐन र नियमावलीमा भएको खुकुलो व्यवस्थाको दुरुपयोग गर्दै सञ्चालकहरूले जथाभाबी लगानी गर्दा सहकारी क्षेत्रमा जोखिम बढेको हो ।

सञ्चालकहरूले ऐन, नियम र कानुनमा नभएको व्यवस्था अनुसार, घरजग्गा र सेयरमा लगानी गर्दा सर्वसाधारण बचतकर्ताको लगानी जोखिममा परेको छ ।

सहकारीले लाखौँ लाख बचत गर्ने र त्यो रकम अनुत्पादक क्षेत्रमा लगानी गर्दा त्यसको असर देखा परेको छ । सञ्चालकहरूले छिटो पैसा कमाउन अनेकौँ कम्पनी खडा गर्ने, जग्गा तथा सेयरमा लगानी गर्दा पनि सहकारी क्षेत्रप्रति नै अविश्वास बढ्दै गएको छ ।

क्षणिक फाइदा मात्र हेरेर सहकारीका सञ्चालकहरूले लगानी गर्नाले समस्या निम्तिएको अध्ययन प्रतिवेदनहरूले देखाएका छन् ।

केही महिनाअघि राष्ट्रिय योजना आयोगका सदस्य डा. जयकान्त राउतको संयोजकत्वमा गठित सहकारी क्षेत्र सुधार सुझाव कार्यदलको प्रतिवेदनले पनि सहकारीमा समस्या आउनुमा सञ्चालककै बदमासी औँल्याएको छ ।

“निश्चित समुदायमा केन्द्रित रहेर संस्था सञ्चालन नगरिएको, सञ्चालक समिति, लेखा सुपरीवेक्षण समिति तथा व्यवस्थपनमा समेत एकाघरका व्यक्तिहरूको संलग्नता भई सदस्यहरूबाट संकलित बचत रकमलाई घरजग्गा, अपार्टमेन्ट, डिपार्टमेन्टल स्टोर तथा विभिन्न कम्पनीहरूमा प्रत्यक्ष लगानी गरेका कारण समस्या सिर्जना भएको हो,” प्रतिवेदन भनिएको छ ।

सहकारी ऐन, २०७४ को दफा ३ को उपदाफा १ मा कम्तीमा तीन नेपाली नागरिक आपसमा मिलेर विषयगत वा बहुउद्देश्यीय सहकारी संस्था गठन गर्न सक्ने व्यवस्था छ । यही व्यवस्थामा रहेर टाठाबाठाहरूले आफन्त राखेर सहकारी गठन गरी सहकारीको मान्यताविपरीत लगानी गर्दै नागरिकका बचत जोखिममा पारेका हुन् ।सहकारी एक समुदाय वा समूहले निश्चित सदस्यहरूलाई केन्द्रमा राखेर सेवा दिने उद्देश्यले सञ्चालन गरिन्छ । तर, बैंक तथा वित्तीय संस्थाले गर्ने काम सहकारीले गरेपछि समस्या निम्तिएको हो । सहकारीका बेथितिहरूको अनुगमन र सुपरीवेक्षण गर्ने निकाय नहुँदा सहकारीका सञ्चालकहरूले मनपरी गरेका छन् ।

सहकारीलाई स्वनियमनको अधिकार दिइएको छ । यसको फाइदा लिँदै सहकारीहरूले बचतकर्ताको सम्पत्ति जथाभाबी दुरुपयोग गरेका छन् ।

बलियो नियमन निकाय नहुँदा सञ्चालकहरूले जथाभाबी लगानी गरे । यतिखेर अर्थतन्त्रमा आएको मन्दीका कारण सहकारीका साना बचतकर्तादेखि लाखौँ बचत गर्नेहरू समस्यामा छन् । यी समस्याका समाधान गर्न बेलाबेलामा अध्ययन पनि भएका छन् । तर, अध्ययन प्रतिवेदनले दिएको सुझाव कार्यान्वयन हुन सकेका छैनन् ।

यसरी सुझाव कार्यान्वयन नहुनुमा सहकारी क्षेत्रमा भएको राजनीतिकरणलाई मुख्यरूपमा लिइएको छ । सहकारी क्षेत्रमा नै काम गर्नेहरूसँग अनौपचारिक कुरा गर्दा सहकारीलाई राजनीति गर्ने थलोका रूपमा विकास गरिएको बताउँछन् । सहकारी ऐन, २०७४ मा भएको सहज व्यवस्थालाई सञ्चालकहरूले दुरुपयोग गरेका छन् ।

त्यस्तै, सहकारी नियमावली, २०७५ को नियम १० मा सहकारी संस्थाको कार्यक्षेत्रसम्बन्धी व्यवस्था गरिएको छ । उक्त नियममा सहकारी संस्थाको कार्यक्षेत्र, सदस्यका सिप, पेसा र प्रकृति समेतबाट फराकिलो क्षेत्र आवश्यक पर्ने देखिएमा स्थानीय तहसम्म हुने उल्लेख छ ।

उत्पादनको संकलन, सञ्चय, प्रशोधन सुविधाका दृष्टिले न्यूनतम आयातन (भोल्युम) कायम गर्न आवश्यक भएको पनि उल्लेख छ । तर, सहकारीले यी मान्यताभन्दा बाहिर बसेर काम काम गरेका छन् ।

सहकारी व्यवस्थापन समितिको कार्यालयका अध्यक्ष काशीराज दाहाल पनि सहकारी आफ्नो मूल्य मान्यताबाहिर गएर कारोबार गर्दा समस्या निम्तिएको बताउँछन् ।

“बचतकर्ताको बचत सुरक्षण गर्नेभन्दा पनि त्यसको लापरबाही नियतवश काम गर्ने प्रवृत्ति सहकारीमा देखियो,” उनले एक सार्वजनिक कार्यक्रममा भने, “कागजपत्रमा ऋण प्रवाह आफ्नै परिवारलाई गरेको छ । अध्यक्ष आफू उपाध्यक्ष श्रीमती, सचिव फलानो सालो, जुवाइ, ससुरो आदि इत्यादि ।”

मुद्दा चलाउँदा श्रीमतीले थाहा नपाएको जस्ता बयान दिएको उनी बताउँछन् । राज्य, सरकार र सहकारी सञ्चालकले नै समस्या समाधान गर्न सक्ने उनी बताउँछन् ।

पहिले नै मूल्यांकन र सुपरीवेक्षण गर्ने मेकानिजम बनाउनुपर्ने उनको भनाइ छ ।

सहकारी ऐन, २०७४ ले विभागका रजिस्ट्रारलाई अधिकार दिएको छ । कुनै पनि सहकारीका पाँच प्रतिशत सदस्यले सदस्यको हितविपरीत काम भएको भनी छानबिनका लागि निवेदन दिएमा रजिष्ट्रार वा रजिस्ट्रारबाट अधिकारप्राप्त अधिकारीले त्यस्तो संस्थाको छानबिन गर्न या गराउन सक्ने व्यवस्था पनि गरिएको छ । तर, त्यो अभ्यास भने विभागले गरेको पाइएको छैन ।

सहकारीलाई बिगार्न केही व्यक्ति लागेको पूर्वसचिव गोपीनाथ मैनाली बताउँछन् । उनका अनुसार, सहकारीले सदस्यमा मात्र कारोबार गर्नुपर्छ । तर, सहकारीले फाइदा बढी खोज्दा समस्या निम्तिएको मैनाली बताउँछन् ।

“सहकारी भनेको सदस्यकेन्द्रित संस्था हो । सदस्यको क्षमता विकासका लागि र आर्थिक सवलीकरणका लागि सहकारीले काम गर्नुपर्छ,” मैनालीले भने, “तर, सहकारीमा राजनीतिकण धेरै छ । सहकारी क्षेत्र सुधार गर्ने हो भने राजनीतिकरण हुनुहुँदैन ।”

नियमन गर्दा पनि सहकारी अभियानमा लागेकाहरूले आलोचना गर्ने गरेको पाइएको छ । सहकारी विभागलाई बढी अधिकार दिएको भए पनि सहकारीमा सहकारी बुझेका जनशक्ति नहुँदा पनि समस्या निम्तिएको छ । कतिपय अवस्थामा विभागका कार्मचारीलाई प्रलोभनमा पनि राखिन्छ ।

सहकारी ऐनमा व्यक्तिगत बचतको सीमा तोकिएको छैन । यसले पनि सहकारी क्षेत्रम कालोधन आउने गरेको आँकलन गरिएको छ ।

यसलाई संशोधन गर्न भूमि व्यवस्था, सहकारी तथा गरिबी निवारण मन्त्रालयले सीमा तोक्न सम्पत्ति शुद्धीकरण (मनी लाउन्डरिङ) निवारण तथा व्यावसायिक वातावरण प्रवर्धनसम्बन्धी केही ऐनलाई संशोधन गर्न बनेको विधेयक, २०७९ मार्फत प्रस्ताव लगिएको थियो ।

तर, प्रतिनिधिसभाअन्तर्गतको कानुन समितिले यो सीमा नराख्ने निर्णय गरेको छ । विज्ञहरू भने यसको सीमा तोकिनुपर्ने बताउँछन् । सीमा नतोक्न सहकारी अभियानकै अभियन्ताहरूले चलखेल गरेको पनि आरोप छ ।

 

 

 

 

 इलामको पशुपतिनगरमा भन्सार  कार्यलयको राजश्व असुली बढ्न थालेको छ। ७२ औँ अन्तर्राष्ट्रिय भन्सार दिवसको अवसरमा पशुपतिनगरमा आयोजित कार्यक्रममा कार्यालयले गत आर्थिक वर्षको तुलनामा राजश्व सङ्कलन बढेको जानकारी दिएको हो। 

हरियो तरकारी, छुर्पी, दूध, चिया, घिउ, चिज, गमला, लत्ताकपडा र  जुत्ता चप्पल भारत निर्यात हुँदै आएको पशुपतिनगर नाकाबाट भन्सार कार्यालय लक्ष्य अनुसार राजश्व सङ्कलन गर्न थालेको कार्यालय प्रमुख प्रविन सुब्बाले जानकारी दिनुभयो। 

आर्थिक वर्ष २०७७/०७८ मा १ करोड ८९ लाख ९९ हजार राजश्व सङ्कलन गर्ने लक्ष्य लिएकोमा एक करोड दुई हजार (५२ दशमलव ६५ प्रतिशत) राजश्व सङ्कलन भएको थियो। यस्तै  २०७८/०७९ मा २ करोड ५३  लाख ४० हजार राजश्व सङ्कलन गर्ने लक्ष्य लिएकोमा ८७ लाख ३८ हजार (३४ दशमलव ४८ प्रतिशत) राजश्व सङ्कलन गरेको थियो। यस्तै २०७९/०८० मा दुई करोड ५० लाख ८५ हजार राजश्व सङ्कलन गर्ने लक्ष्य लिएकोमा दुई करोड ७१ लाख ८२ हजार (१०८ प्रतिशत) राजश्व सङ्कलन गरेको थियो।

आर्थिक वर्ष २०८०/०८१ को अर्धवार्षिक नतिजा अनुसार एक करोड ९१ लाख ७१ हजार राजश्व संंकलनको लक्ष्य लिएकोमा एक करोड ३४ लाख १३ हजार (६९ दशमलव ९६ प्रतिशत) राजश्व सङ्कलन गरेको कार्यालयका नायव सुब्बा विनोद आचार्यले जानकारी दिनुभयो।  सबै भन्दा बढी राजश्व अवैध कारोबार अन्तर्गत बरामद भएको सामग्री लिलामीबाट भएको कार्यालयले जनाएको छ। पशुपतिनगर भन्सार अन्तर्गत ८ वटा छोटी भन्सार कार्यालय रहे पनि सबै छोटी भन्सार कार्यालय यस अघि नै बन्द भैसकेका छन्। 

कार्यक्रममा सूर्योदय उद्योग वाणिज्य सङ्घका अध्यक्ष प्रमोद राईले नेपालतर्फ भन्सार भए पनि भारतमा भन्सार कार्यालय नहुँदा समस्या हुँदै आएको बताउनुभयो। भारत तर्फ भन्सार नहुँदा बिल इन्ट्री नहुने समस्याका कारण आयात निर्यातमा समस्या हुँदै आएको अध्यक्ष राईले जानकारी दिनु भयो । 

उक्त अवसरमा भारतीय सुरक्षा निकायका अधिकारी अजय कौशीकले भारत तर्फ भन्सार, क्वारेनटाइन लगायतका कार्यालय स्थापना गर्न भौगोलिक समस्या रहेको बताउनुभयो। 

इलामका प्रमुख जिल्ला अधिकारी इन्द्रदेव यादवले दुवै देशले सीमा क्षेत्रमा आवश्यक कार्यालय स्थापना गरेर आयात निर्यात सहज बनाउनुपर्ने बताउनुभयो। उहाँले भौगोलिक विकटताका कारण कार्यालय स्थापना गर्न सकिएन भन्ने भारतको भनाइमा सत्यता नरहेको बताउनुभयो। कार्यालय प्रमुख सुब्बाले खुला सीमा नाका भएका कारण चोरी पैठारी रोकिन नसकेको बताउनुभयो। 

कार्यक्रममा सबैभन्दा बढी कारोबार गर्ने सूर्योदय २ पशुपतिनगरका दादिकी शेर्पालाई सम्मान गरिएको थियो। उक्त अवसरमा कार्यालयका नायब सुब्बाद्वय विनोद आचार्य र प्रकाश सुन्दासलाई उत्कृष्ट कर्मचारीका रूपमा सम्मान गरिएको थियो। 

भन्सार दिवसको उपलक्ष्यमा पहिलो सेवाग्राहीका रूपमा भारतको दार्जिलिङका दावानर्बु शेर्पालाई सम्मान गरेको नायब सुब्बा आचार्यले जानकारी दिनुभयो। कार्यक्रममा सशस्त्र प्रहरी बल प्रस्तावित गुल्म पशुपतिनगर र इलाका प्रहरी कार्यालय पशुपतिनगरलाई समेत राजश्व सङ्कलनमा सहयोग गरेको भन्दै कदरपत्र प्रदान गरिएको छ।

नेपाल आयल निगमले पेट्रोल, डिजेल र मट्टितेलको मूल्य घटाएको छ। आज (सोमबार) रातिबाट लागू हुने गरी प्रतिलिटर एक रुपैयाँका दरले मूल्य घटाएको छ ।

मूल्य घटेपछि काठमाडौं उपत्यकामा पेट्रोल एक सय ६६ रुपैयाँ र डिजेल तथा मट्टितेल समान एक सय ५६ रुपैयाँ प्रतिलिटर निर्धारण भएको छ।

इन्डियन आयल कर्पोरेसन (आइओसी) बाट पेट्रोल १.२६ रुपैयाँ र डिजेल ०.८३ रुपैयाँ प्रतिलिटर घटेर आएकाले नेपाली बजारमा मूल्य समायोजन गरिएको प्रवक्ता मनोज ठाकुरले जानकारी दिए।

झापा। कोच राजवंशी समुदाय तथा पूर्वी तराईमा बसोबास गर्ने समग्र आदिवासी समुदायले पुस २९ गतेलाई राष्ट्रिय भक्का दिवसका रूपमा मनाउने गरेका छन् ।

पछिल्लो समय कोच राजवंशी समुदायसँगै अन्य जातजातिले पनि रुचाएपछि भक्का खाने चलन व्यापक बनेको छ । राजवंशी जातिमा मात्र सीमित रहेको भक्का खाने चलन सबै जातजातिबिच लोकप्रिय बनेपछि यसलाई प्रवर्द्धनात्मक कार्यक्रमसहित पुस २९ गते भक्का दिवस मनाउन मनाइन्छ ।

राजवंशी समुदायको परम्परागत परिकार भक्का, पूर्वी नेपालको सर्वाधिक रुचाइने एउटा परिकार हो जुन विशेषतः हिउँदमा बढी खाने गरिन्छ ।

चामलको पिठोलाई पानीको बाफमा पकाएर तयार गरिने भक्कालाई चटनीसँग खाने गरिन्छ । जे भने पनि यसको मौलिक विशेषता र स्वास्थ्यकर फाइदा दुवैलाई प्रवर्द्धन गरिन जरुरी भएको ठम्याइका साथ हरेक वर्ष पुस २९ मा राष्ट्रिय भक्का दिवस मनाइन्छ ।

 झापाको बिर्तामोड विद्युतीय सवारी साधनप्रति यातायात व्यवसायीको विश्वास बढ्दै गएपछि झापाको बिर्तामोडमा पनि साइन रे मोटर्स (एसआरएम) र स्काइ वेल ब्राण्डका गाडी बिक्री सुरु गरिएको छ ।मेची अञ्चलका लागि आधिकारिक बिक्रेता विराट अटो ट्रेडिङ प्रालिले शनिबार एक कार्यक्रम गरी दुई मोडलका चीनमा उत्पादित विद्युतीय गाडी बिक्री सुरु गरेको जनाएको हो ।   ११ देखि २३ वटा सिट क्षमता भएको उक्त विद्युतीय गाडीको पुराना यातायात व्यवसायी कुलप्रसाद ओडारी र पूजा कन्ट्रक्सन नेपाल प्रालिका सिइओ विवेक विजुक्छेले रिबन काटेर उद्घाटन गरे ।

पूजा कन्ट्रक्सन विद्युतीय सवारी साधनको नेपालको आधिकारिक विक्रेता विशाल ग्रुपमातहत रहेको छ ।   आधिकारिक बिक्रेता विराट अटोका सञ्चालक देवराज प्रसाईले आजको आवश्यकतालाई मध्यनजर गर्दै व्यवसायीको माग र उपभोक्ताको हक हितलाई ध्यानमा राखी एसआरएम र स्काइ वेल ब्राण्डका विद्युतीय गाडी भित्र्याइएको बताए । 

समयको मागले इन्धनबाट चल्ने सवारीसाधनलाई विस्थापित गर्ने दाबी गरेका उनले विदेशी सवारी आयातलाई रोक्न, मुलुकको अर्थतन्त्र सुदृढ बनाउन, वातावरणमैत्री सवारीको प्रयोग र विदेशी मुद्रा बाहिर पठाउन विद्युतीय गाडीको प्रयोगले मद्दत गर्ने उल्लेख गरे । 

 सार्वजनिक यातायात प्रबुद्ध समूह नेपालका संरक्षक होमप्रसाद अधिकारीले वातावरण र मानव स्वास्थ्यमैत्री विद्युतीय गाडी अहिलेसम्मकै राम्रो भएको दाबी गरे ।

 उनले ब्रेक सिस्टम र बढी माइलेज दिने गाडी पूर्वबाट सुरुवात गरेको उनले सुनाए ।   कार्यक्रममा पूजा कन्ट्रक्सनका विवेक विजुक्छेले वातावरणमैत्री, सुरक्षित र आरामदायी यात्राका लागि यो गाडी होटल, स्कुल, हस्पिटल, कर्पोरेट अफिस र ट्राभल एजेन्सीका लागि अति उपयुक्त भएको दाबी गरे । 

यसैगरी, बिर्तामोड ५ का वडाध्यक्ष रोहित प्रसाईले विद्युतीय गाडी वातावरणमैत्री भएकाले इन्धन, इन्जिन मर्मतलगायतमा व्यवसायीले सुविधा लिनसक्ने बताए । 

एकपटक ब्याट्री चार्ज गरेपछि ३ सय किलोमिटर गुड्ने, ४५ मिनेटमै ८० प्रतिशत चार्ज हुने, प्रतिघण्टा १ सय किलोमिटर स्पीड भएको यस विद्युतीय गाडीको ग्राउण्ड क्लियरेन्स १८० एमएम भएको कम्पनीले जनाएको छ ।   अहिले बिर्तामोडमा एसआरएम ब्राण्डको ११ सिटको ४५ लाख ५० हजार र स्काइ वेल ब्राण्डको ५८ लाख ८० हजारमा बिक्री भइरहेको आधिकारिक बिक्रेता विराट अटो ट्रेडिङ प्रालिका सञ्चालक प्रसाईले जानकारी दिए ।

 प्रतिकिलोमिटर २ रुपैयाँमात्र खर्च लाग्ने दाबी गरिएको यस गाडीको खरिदमा ५ वर्षको ग्यारेन्टी रहेको छ भने नबिल बैंकमार्फत फाइनान्सको व्यवस्था गरिएको बताइएको छ । 

 सोही कार्यक्रममा स्वदेशी उद्योग बढाऔँ, विदेशी मुद्रा बचाऔँ भन्ने नाराका साथ वर्तमान अवस्थामा विद्युतीय गाडीको प्रवेश र चुनौती, राष्ट्रिय हितमा विद्युतीय गाडी या इन्धन गाडी विषयक अन्तरक्रिया पनि गरिएको थियो ।

सहकारी ठगीमा फरार रहेका गितेन्द्र बाबु जीबी राई संस्थापक रहेको पर्साको वीरगन्जस्थित सानो पाइला बचत तथा ऋण सहकारी संस्थामा पनि बचतकर्ताको झन्डै १ अर्ब ३५ करोड रुपैयाँ हिनामिना भएको पाइएको छ । आकर्षक ब्याजको लोभ देखाएर वीरगन्जका अधिकांश व्यवसायी घरानाबाट पैसा उठाएर सञ्चालक फरार भएपछि बचतकर्ता बिचल्लीमा परेका छन् ।

वीरगन्जको आदर्श नगरमा चुरा पोतेलगायतका सौन्दर्य प्रसाधनको व्यवसायमा आबद्ध बगडिया परिवार यतिबेला निकै चिन्तामा छ । यिनको चिन्ताको कारण बनेको छ आफ्नै पसल अगाडिको यो सानो पाइला बचत तथा ऋण सहकारी संस्था ।

यो सहकारीमा दैनिक सानो रकम बचत गर्दै आएको बगडिया परिवारलाई सञ्चालकले मुद्दती निक्षेपमा आकर्षक ब्याजको प्रलोभन देखाए । राम्रो ब्याज पाउने आशामा उनले १६ लाख रुपैयाँ सहकारीमा राखे पनि । तर, अहिले सञ्चालक फरार भएपछि यो परिवारको निद्रा हराएको छ ।

आदर्श नगरकै बजारमा काजु, पिस्ता बदामजस्ता खाद्य सामाग्रीको व्यापार गर्ने सञ्जयप्रसाद सोनीको कथा पनि उस्तै छ । उनले पनि सहकारीको चंगुलमा फसेर छोरीको पढाई खर्चका लागि १० लाख रुपैयाँ मुद्दती खातामा राखे ।

आर्थिक वर्ष २०६७/६८ मा पर्सा प्रशासनमा दर्ता भएको यो सहकारीले वीरगन्ज महानगरपालिकाको मुटु मानिने आदर्श नगरमा कार्यालय खोलेको थियो । तर, अहिले यहाँ ताला लागेको छ । घण्टाघरदेखि आदर्श नगरसम्मका करिब एक हजार व्यवसायीको झन्डै एक अर्ब ३५ करोड रुपैयाँ ठगी गरेर सञ्चालक फरार भएको पीडितहरू बताउँछन् ।

सञ्चालकहरू फरार भएपछि गत साउन २१ गते ५२ जना बचतकर्ताहरूले जिल्ला प्रहरी कार्यालय पर्सामा उजुरीसमेत दर्ता गराएका थिए । १३ जनामाथि उजुरी परेकामा राधेचन्द्र यादवलाई पक्राउ गरी प्रहरीले मुद्दासमेत चलाएको थियो । अदालतले तोकेको धरौटी रकम तिर्न नसकेपछि उनी थुनामा छन् । अन्य भने फरार रहेको र उनीहरुविरुद्ध बचतकर्ताहरूबाट थप उजुरी पनि आइरहेको पर्सा प्रहरी तथा प्रशासन कार्यालयले जनाएको छ ।

साना बचतकर्तालाई शेयर सदस्य बनाएर सञ्चालकले बचतको रकम दुरुपयोग गरेका अधिकांश घटना देशका अन्य स्थानमा छन् । तर, नियोजित रूपमै मोटो रकम ठगी गर्ने नियत राखेर खोलिएको यो सहकारीको निशानामा मुख्य सडकको सटरमा व्यापार गर्ने व्यवसायी र तिनका परिवारका सदस्य परेका छन् ।

झापाको बुद्धशान्ति गाउँपालिका वडा नं ३ स्थित हातेमालो बचत तथा ऋण सहकारी संस्थाको २५ औं वार्षिक साधारण सभा २६ औं स्थापना दिवस  सोमबार सम्पन्न भएको छ ।
हातेमालो बचत तथा ऋण सहकारी संस्थाका अध्यक्ष दिल कुमार श्रेष्ठको अध्यक्षतामा भएको कार्यक्रममा झापा जिल्ला बचत तथा ऋण सहकारी संस्थाका अध्यक्ष  तुलाराम न्यौपानेको प्रमुख आतिथ्यतामा सम्पन्न भएको थियो ।

आदर्श नमुना सामुदायिक वन समूह बुद्धशान्ति ३ को पार्कमा भएको कार्यक्रममा उपस्थित सम्पूर्ण अतिथिहरूलाई संस्थाकी उपाध्यक्ष मिरा भुर्तेलले स्वागत गर्नुभएको थियो ।

त्यस्तै कार्यक्रममा संस्थाको प्रगति प्रतिवेदन संस्थाका अध्यक्ष दिल कुमार श्रेष्ठले पेश गर्नुभएको थियो ।

कार्यक्रममा बुद्धशान्ति गाउँपालिकामा बसोबास गरि यस हातेमालो बचत तथा ऋण सहकारी संस्थामा उत्कृष्ठ बचत कर्तामा खड्ग वहादुर श्रेष्ठ ,,उत्कृष्ठ ऋणि सदस्यमा लोक बहादुर खड्का, उत्कृष्ठ बाल बचतमा शान्ता देवी पौडेल,बर्ष उत्कृष्ठ कर्मचारीमा यसोदा खतिवडा,संस्थाका सदस्य हरूमा सबै भन्दा न्यून आर्थिक अवस्था भएका सकृय सदस्य भागिरथा मिश्र, साथै एसईई २०७९ को छात्रवृत्तिमा प्रतिष्ठा ढुङ्गानालाई अविर टीका लगाई दोसल्ला ओढाएर सम्मान पत्र द्धारा सम्मान गरिएको थियो ।



त्यस्तै कार्यक्रममा संस्थाले ७० वर्ष भन्दा माथिका ज्येष्ठ नागरिक सदस्यहरूलाई समेत सम्मान गरिएको थियो ।

कार्यक्रममा  प्रमुख अतिथि झापा जिल्ला बचत तथा ऋण सहकारी संस्थाका अध्यक्ष  तुलाराम न्यौपानेले शुभकामना मन्तव्य राख्दै उँहाले भन्नुभयो संस्थाको आर्थिक प्रतिवेदन अद्ययनको आधारमा ढुक्कले बचत गर्न सकिने बताउनु भयो ।
उहाँले भन्नू, भयो, बुद्धशान्तिको क्षेत्रमा यस हातेमालो बचत तथा ऋण सहकारी संस्थाको अभिभावकत्व गर्न सक्ने संस्था रहेको बताउनु भयो ।

उक्त कार्यक्रममा आफ्ना भनाई राख्दै विशिष्ठ अतिथि बुद्धशान्ति गाउँपालिका सहकारी तथा संघ संस्था उपशाखा प्रमुख निर्मला आचार्यले भन्नू ,भयो ,हातेमालो बचत तथा ऋण सहकारी विभागलाई सुझाब दिने भ्यागुत्ताको गतिमा उफ्रदै शिखर चढेको सहकारी संस्था साथै उच्च शिक्षा हासिल गरेका युवा सन्चालकको नेतृत्व तथा स्मार्ट कर्मचारी भएको यस हातेमालो बचत तथा ऋण सहकारी संस्थामा ढुक्कले करोबार गर्न सक्ने संस्था भएको भन्दै खुलेर प्रशंसा गर्नुभयो ।
कार्यक्रममा बुद्धशान्ति उद्योग बाणिज्य संघका अध्यक्ष चन्द्र प्रकाश उप्रेति, राम जानकी मन्दिर समितिका अध्यक्ष टंक नाथ काफ्ले,बुधबारे इलाका प्रहरी कार्यलयका प्रमुख भानु मगर, संस्थाका निवर्तमान अध्यक्ष मिरा भुर्तेल, निवर्तमान अध्यक्ष गोबिन्द पौडेल,विभिन्न संघ संस्थाका प्रतिनिधि, संचारकर्मी लगायतको आतिथ्यतामा कार्यक्रम सम्पन्न भएको थियो  ।

सोमबार सम्पन्न हातेमालो बचत तथा ऋण सहकारी संस्थाको २५ औं वार्षिक साधारण सभा २६ औं स्थापना दिवसको कार्यक्रम संचालन संस्थाका सल्लाहकार समिति सदस्य केशव ढुङ्गेलले गर्नुभएको थियो ।

 

बारा प्रहरीले अवैध रुपमा भन्सार छलेर भारतबाट नेपाल ल्याइएको १५ लाख रुपैयाँ बराबरको मोबाइलसहित एक जनालाई पक्राउ गरेको छ ।

प्रहरीले बारागढी गाउँपालिका-३ खोपवाका रुपन भन्ने रूपनारायण चौधरीलाई पक्राउ गरेको हो । बुधबार राति ८ बजे प्रहरीले चौधरीको घरमा छापा मार्दा विभिन्न कम्पनीका ५१ थान मोबाइल, ४८ थान चार्जर र ९ थान ब्याट्री बरामद गरेको बारा प्रहरी प्रमुख सुरेशप्रसाद काफ्लेले जानकारी दिए ।

विशेष सूचनाको आधारमा चौधरीको घरमा छापा मारेको प्रहरीले जनाएको छ । प्रहरी प्रमुख काफ्लेका अनुसार मोबाइलसहित पक्राउ परेका चौधरीलाई जिल्ला प्रहरी कार्यालय बारामा राखेर थप अनुसन्धान भइरहेको छ ।

४ पुस, काठमाडौं । मेसी इज गोट । जी ओ ए टी अर्थात् गोटकोअर्थ हुन्छ ग्रेटेस्ट अफ अल टाइम । जसले सर्वकालीन महान् भन्ने बुझाउँछ ।

अर्जेन्टिनालाई कतार विश्वकप जिताउन फाइनलमा २ गोल गरेका सुपर स्टार फुटबलर लिओनल मेसी पनि अब सर्वकालीन महानको सूचीमा समावेश भएका छन् । ३५ वर्षको उमेरमा पनि जबरजस्त प्रदर्शन गर्दै मेसीले ३६ वर्षपछि अर्जेन्टिनालाई विश्वकप दिलाएका छन् ।

विश्वकपको आफ्नो अन्तिम खेलमा साविक विजेता फ्रान्सलाई हराएर करिअरको पहिलो विश्वकप उपाधि जिते । मेसीले विश्वकपमा अन्तिम खेल खेले पनि पहिलो पटक उपाधि जित्दै बिदाइलाई सुखद बनाए । कतारमा विश्वकप ट्रफी उचालेसँगै विश्वकप जित्न नसकेको खेलाडी भन्ने ट्याग उनले हटाएका छन् ।

यो पुस्ताका दुई उत्कृष्ट खेलाडी हुन् मेसी र क्रिस्टियानो रोनाल्डो । क्लब लेभलमा यी दुईले सम्भव भएसम्म सबै उपाधि जिते व्यक्तिगत अवार्डहरु पनि उत्तिकै जिते । राष्ट्रका लागि पनि एकाध उपाधि जिते । तर फुटबलको सबैभन्दा ठूलो प्रतियोगिता वा महान खेलाडीको मानकका रुपमा रहेको विश्वकप जितेका थिएनन् । विश्वकप नजित्दासम्म दुवै खेलाडीलाई महान भन्ने वा नभन्नेमा मतमतान्तर देखिएको थियो ।

Credit: Online Khabar