Uncategorized

झापामा मोटरसाइकल दुर्घटनामा चालकको मृत्यु भएको छ।

मृत्यु हुनेमा अर्जुनधारा नगरपालिका-९ कालीस्थानका ५५ वर्षीय खेम बराल रहेका जिल्ला प्रहरी कार्यालय झापाका प्रहरी निरीक्षक ढुण्डिराज गिरीले जानकारी दिनु भयो ।

बुधबारे जेसिज वर्ष २०२४ ले शाखा द्वारा गर्नुपर्ने गतिविधीमा उत्कृष्ट कार्य गर्दै जनवरी महिनाको 100% Efficiency Award बाट सम्मानित भएकोछ ।

उक्त अवार्ड चितवनको थारु भिलेज सौराहमा सन्चालन भैरहेको JCI Nepal Councillor Academy 2024 कार्यक्रममा आज मिति २०८० फाल्गुन ११ गते एक समारोह बिच प्राप्त गरि बुधबारे जेसिजका अध्यक्ष जेसि दुर्योधन सिंह राजपुत (देव) सम्मानित भएका छन् Efficiency Award बाट नेपाल जेसिज द्वारा सम्मानित भएकोमा बुधबारे जेसिज वर्ष २०२४ का अध्यक्ष जेसि दुर्योधन सिंह राजपुत (देव) लगायत सम्पुर्ण बुधबारे जेसिज परिवारलाइ हार्दिक बधाई तथा आगामी दिनमा समेत उत्कृष्ट कार्यको लागि शुभकामना ।

नेकपा (एमाले) धादिङको विवाद छताछुल्ल भएको छ । यही माघ १९ गतेदेखि सुरु जिल्ला अधिवेशनमा प्रतिनिधि छनोट र अध्यक्षमण्डलको विषयको विवादले अधिवेशन अन्योलपूर्ण बनेको हो ।

अधिवेशनमा कुटाकुटकै अवस्था सिर्जना भएको छ । प्रदेश अध्यक्ष कैलाश ढुंगेल आइतबार बिहान अधिवेशन स्थगित भएको विज्ञप्ति निकालेर काठमाडौं फर्किएका छन् ।

एमाले धादिङको अधिवेशनमा ‘धक्कामुक्का’, कार्यकर्ताको हात भाँचियो

काउन्टर’मा जिल्ला अध्यक्ष भूमि त्रिपाठीले अधिवेशन स्थगित नभएको भन्दै विज्ञप्ति जारी गरेका छन् ।

धादिङमा पार्टी अध्यक्ष केपी शर्मा ओलीनिकट नेताहरूबीच नै प्रतिस्पर्धा छ । अध्यक्षमा त्रिपाठी र रामकुमार अधिकारी आकांक्षी छन् । त्रिपाठीले प्रतिनिधि छनोटमा एकलौटी गरेको भन्दै अधिकारीलाई साथ दिएका नेताहरू असन्तुष्ट देखिएका हुन् ।

अधिकारीलाई प्रदेश अध्यक्ष ढुंगेल, खेम लोहनीलगायत नेताको साथ छ । लोहनीले प्रतिनिधिको अन्तिम नामावलीबारे अन्योल रहेको बताए ।

प्रतिनिधि उपस्थित गराउने सवालमा विवाद पहिलेदेखि नै भएको थियो । भूगोलबाट आएका प्रतिनिधिहरूमा कुनै विवाद थिएन,” उनले भने, “जनसंगठन, विभाग र कमिटीबाट मनोनयन गर्ने विषयमा विवाद थियो । अध्यक्षले त्यसमा एकलौटी गर्नुभयो । प्रतिनिधिको अन्तिम नामावलीको रजिस्ट्रर गर्ने विषयमा विवाद थियो । अहिलेसम्म पनि को–को भन्ने धेरै बाहिर आएको छैन ।”

अध्यक्षमण्डलमा पनि विवाद भएकाले अधिवेशन स्थगित गरिएको उनले सुनाए । जिल्ला अध्यक्षले निकालेको विज्ञप्तिबारे माथिल्लो कमिटीको अध्यक्षको निर्देशन मान्नुपर्ने उनको भनाइ छ ।

जिल्ला अध्यक्षले अरूको कुरा नसुनेको होला । पार्टीका प्रदेश इन्चार्जले स्थगित गर्नुभएको छ,” उनले भने, “हाम्रो पार्टी जनवादी केन्द्रीयतामा चल्छ । माथिल्ला कमिटीको निर्देशन तल्ला कमिटीले मान्नुपर्छ ।”

अध्यक्ष मण्डलका अध्यक्ष धर्मदत्त देवकोटाले मनोनीत प्रतिनिधि र अध्यक्षमण्डल सर्वसम्मतिले टुंग्याइएको जिकिर गरे । अधिवेशनअन्तर्गत आइतबार बिहान ८ बजेदेखि बन्दसत्र सुरु गर्ने तयारी हुँदा प्रदेश अध्यक्षले विज्ञप्ति सार्वजनिक गरेको उनले बताए । आफूहरू छलफलमा नै रहेको उनले जानकारी दिए ।

पार्टी अध्यक्ष ओली र महासचिव शंकर पोखरेलसँग छलफल गरेर अधिवेशन सञ्चालन गरिने उनले बताए । “प्रदेश अध्यक्षले कहाँबाट विज्ञप्ति जारी गर्नुभयो रे भन्ने सुनेँ । हामी छलफलमा नै छौँ,” उनले भने, “पार्टी अध्यक्ष र महासचिवसँग छलफल गरेर अधिवेशन चलाउँछौँ ।”

नेपाल आयल निगममले पेट्रोल, डिजेल, ग्याँस र मट्टितेलको मूल्य बढाएको छ। आज राती १ बजेदेखि लागू हुने गरी पेट्रोलमा प्रति लिटर ४ रुपैयाँ तथा डिजेल रमट्टितेलको साविक खुद्रा बिक्री मूल्यमा प्रतिलिटर २ रुपैयाँ बढाइएको निगमले जनाएको छ।
एलपि ग्यासको खुद्रा बिक्री मूल्यमाप्रति सिलिण्डर १५ रुपैयाँ बढाइएको छ।

झापाको बुद्धशान्ति गाउँपालिका वडा नं ५ को आयोजना र महिला बालबालिका तथा समाजकल्याण उपशाखा बुद्धशान्ति गाउँपालिकाको  आर्थिक सहयोगमा वडा नं ५ को वडा कार्यलयमा १० गते वाट सन्चालन भएको ४ दिने  साबुन बनाउने तालिम सोमबार सम्पन्न भएको छ ,।वडा नं ५ का वडा सदस्य राम लखन चौधरिको अध्यक्षतामा भएको समापन कार्यक्रममा बुद्धशान्ति गाउँपालिका महिला बालबालिका तथा समाजकल्याण उपशाखा प्रतिनिधि मिना विष्ठ, वडा नं ५ वडा सदस्य नर कुमाल,सदस्य  विन्दा गदाल,रिता चौधरि,  कार्यलयका प्राबिधिक,स्थानिय समाज सेवि सन्चारकर्मी लगायतको आतिथ्यता रहेको थियो ।कार्यक्रममा वडा नं ५ का वडा सदस्य रिता चौधरीले उपस्थित सम्पूर्ण अतिथिहरुलाई शाब्दिक स्वागत गर्नु भएको थियो ।कार्यक्रममा तालिमका प्रशिक्षक रूद्र भट्टराईले ४ दिनको तालिममा सिकेका सिपलाई व्यबहारमा प्रयोग गरि आत्मनिर्भर बन्नु पर्ने बताउदै कार्यक्रमको औचित्य माथि प्रकाश पार्नु भएको थियो ।कार्यक्रममा शुभकामना मन्तव्य राख्दै बुद्धशान्ति गाउँपालिका    वडा नं ५ का वडा सदस्य विन्दा गदालले महिला हरूको जिवनस्तर सुधारनका लागि यहाँका महिला हरूलाई सीप सिकाएर उध्यमी स्वरोजगार र सिपमुलक बनाउने र उनीहरूको आय आर्जनको माध्यम सिर्जना गरेर आत्मनिर्भर बनाउन वडा र पालिकाको तर्फबाट गर्नुपर्ने सहयोग गर्ने बताउनु भयो ।गदालले भन्नुभयो,तालिमले पक्कै पनि धेरै महिला दिदी बहिनी हरू रोजगार बन्नेमा विस्वास रहेको बताउदै यस अघि पनी वडाले  महिला हरूलाई आर्थिक अवस्था सबल बनाउने कार्यक्रम सँगै यश अघिपनि वडाले लैगिक हिंसा न्युनिकरणको सवालमा पनि विभिन्न कार्यक्रम संचालन गरेको बताउनु भयो ।कार्यक्रमम बुद्धशान्ति गाउँपालिका महिला बालबालिका तथा जनकल्याण  उपसाखा प्रमुख मिना विष्ठले बुद्धशान्ति गाउँपालिकाको वडा नं ५ भौगोलिक अवस्थाले महिला दिदिबहिनि हरूलाई यी र यस्ता तालिमहरूमा समावेश गराउन यातायातमा खर्च जस्ता अन्य कुरामा समस्या भएकाले वडा नं ५ को २ स्थानबाट यो तालिम सन्चालन गरेको बताउनु भयो  ।३२ जना सहभागी भएको तालिममा सहभागी हरूलाई प्रशिक्षक रूद्र भट्टराई,र साहयक प्रशिक्षक सितादेवी,वानियाले प्रशिक्षण दिनुभएको थियो ।समापनमा सहभागी प्रशिक्षार्थीहरुलाई प्रमाणपत्र समेत वितरण गरिएको थियो ।

इलामको सूर्योदय नगरपालिका वडा नं १३ लक्ष्मीपुर स्थित किरण टोलमा भाइले दाजुलाई छुरी प्रहार गरेका छन् । घरायसी विवादका क्रममा स्थानीय चन्द्र ध्वज नेम्वाङका एक्लो छोरा २७ बर्षीय तिलक नेम्बाङ्गले मधिरापान गरी बुवा आमालाई कुटपिट गरेपछि छुट्याउन पुगेका आफ्नै सानीमाको छोरा ३३ बर्षीय सन्तोष लिम्बुलाई तिलकले गए राती धारिलो छुरी प्रहार गरेको जिल्ला प्रहरी कार्यालय इलामका प्रहरी निरीक्षक प्रकाश जबेगुले जानकारी दिनुभयो ।

छुरी प्रहारबाट गम्भीर घाईते भएका सन्तोषको झापास्थित बी एण्ड सी अस्पतालमा उपचार भईरहेको जबेगुले  बताउनु भयो । आरोपितलाई प्रहरीले सूर्योदय–१३ को भालुखोपबाट नियन्त्रणमा लिएको जनाएको छ । उनलाई थप अनुसन्धानका लागि नजीकैको प्रहरी विट तिनघरेमा राखिएको जबेगुले बताउनुभयो । घटनाको थप विवरण आउन बाँकी छ ।

बुधबारे जेसीजले वर्ष २०२४ को पहिलो कार्यक्रम १०८ दिप प्रज्वलन गरी सुरुवात गरेको छ ।

स्थानीय बुद्धशान्ति ४ मा रहेको पाल्युल देछेन छोइलिङ्ग गुम्बामा शान्ति दिप प्रज्वलन, धर्म गुरुहरूलाई सम्मान गर्दै कार्यक्रमको सुरुवात गरेको छ । साथै बुधबारे जेसीजको नाममा एक महिनासम्म दिप प्रज्वलन गर्न व्यबस्थापन समेत गरेको छ ।

बुधबारे जेसीज वर्ष २०२४ का अध्यक्ष जेसी दुर्योधन सिंह राजपुतको अध्यक्षतामा भएको कार्यक्रममा गुम्बाका इन्चार्ज आचार्य पूर्णको प्रमूख आतिथ्यता, गुम्बा संरक्षक मिनबहादुर थिङको विशेष आतिथ्यता तथा बुधबारे जेसीजका पूर्व अध्यक्ष हेमन्त बराल, नन्दकुमार याफू राई, अनिल वाग्ले, निवर्तमान अध्यक्ष अर्जुन ढकाल लगायत बुधबारे जेसीजका पदाधिकारी, गुम्बाका पदाधिकारी लगायत सञ्चारकर्मीको उपस्थिति रहेको थियो ।

कार्यक्रम संयोजक जेसी तीर्थराज तिम्सिनाले कार्यक्रमको औचित्यमाथी प्रकाश पार्दै स्वागत गरेको कार्यक्रममा उपाध्यक्ष जेसी अच्युतराज ढकालले जेसीज आस्था पाठ गर्नु भएको थियो । भने

कार्यक्रमको सञ्चालन महासचिव गजुहाङ योङहाङले गर्नु भएको  थिए ।

अछाममा रूखले च्यापेर एक बालकको मृत्यु भएको छ।

जिल्लाकाे रामाराेशन गाउँपालिका वडा नम्बर ७ सुतारका १४ वर्षीय जनक बिककाे मृत्यु भएको हाे।

जंगलमा दाउरा चिर्न गएकाे बेला रूखले  च्या मृत्युु भएको हाे।

सर्लाहीको बरहथवामा नगरपालिकामा अस्पतालको बिषयमा भइरहेको झडपमा प्रहरीले चलाएको गोली लागेर एक जनाको ज्यान गएको छ ।

बरहथवा नगरपालिकाको नगर प्रमुख कल्पना कटुवालको घरमा आन्दोलनकारीले तोडफोड गर्न थालेपछि स्थित नियन्त्रणमा लिन प्रहरीले चलाएको गोली टाउकोमा लागेर एक जनाको घटना स्थलमै ज्यान गएको छ ।

मेयर कटुवालको घरमा प्रदर्शनकारीहरुले तोडफोड गर्न थालेपछि प्रहरीले गोली चलाएको गोली लागेर बरहथवा नगरपालिका ६ का ३० बर्षिय जयशंकर साहको घटना स्थलमै ज्यान गएको छ ।

साह बतलबास बजारबाट बरहथवा बजारतर्फ आउने क्रममा नेपाल विद्युत् प्राधिकरण नजिक छेउमा टाउकोमा गाली लाग्दा घटनास्थलमै मृत्यु भएको जनमत पार्टीका युवा नेता राजनकुमार सिंहले बताए । प्रहरीको गोली लागेर ज्यान गुमाएका साह बरहथवा स्थित सर्लाही होटेलका सञ्चालक हुन ।

अस्पतालको विषयलाई लिएर करिब दुई सातादेखि बरहथवा नगरपालिका अगाडि नेपाली काङ्ग्रेस, जसपा नेपाल, जनमत पार्टी, लोसपा नेपाल र बहुजन एकता पार्टी सहित पाँच दलिय गठबन्धनले आन्दोलन गर्दै आएको थियो । बरहथवा बजार क्षेत्र अहिले निकै तनावग्रस्त बनेका छन्।प्रहरी र प्रदशनकारीहरु विच ठाँउ ठाउँमा झड्प भईरहेको छ