मनोरञ्जन

झापा नेपाल सरकार सञ्चार तथा सूचना प्रविधि मन्त्रालय चलचित्र विकास बोर्डको विशेष सहयोगमा जनचेतना नेपालले झापाको बुद्धशान्तिमा नेपाली चलचित्रमा पर्यटन तथा युवाहरूको भूमिका सम्बन्धी चलचित्र कार्यशाला २०८१ चलचित्रसँग सम्बन्धित विभिन्न संस्थाका प्रतिनिधि राजनीतिज्ञ व्यक्तिहरूको उपस्थितिमा १५० युवाहरूको सहभागितामा सम्पन्न गरेको छ।कार्यक्रम जनचेतना नेपालका अध्यक्ष बालकृष्ण निरौलाको सभापतित्वमा सम्पन्न गरेको थियो भने प्रमुख अतिथि पूर्वमन्त्री नेपाली कांग्रेस केन्द्रीय सदस्य माननीय सरिता परसाईको आतिथ्यता रहेको थियो ।

कार्यक्रममा विशिष्ट अतिथि कोशी प्रदेश माननीय चिन्तन पाठक बुद्ध शान्ति गाउँपालिका अध्यक्ष मनोज प्रसाई विशिष्ट चलचित्र निर्माता  अभिनेता चिरञ्जीवी बस्नेत चलचित्र सङ्घका केन्द्रीय सदस्य मिराज पोखरेल चलचित्र द्वन्द कलाकार संघका कोशी प्रदेश अध्यक्ष विपिन प्रसाई वरिष्ठ चलचित्रकर्मी कुमार सिलवाल चलचित्र निर्माता प्रकाश मेचे जनचेतना नेपालका झापा जिल्ला अध्यक्ष शिवकुमार मैनाली ,दुर्योधन राजपुत ,मनोरथ तिवारी, विष्णु उप्रेती मैनाली ,गोकुल पौडेल, तुलसा खतिवडा लगायत विभिन्न व्यक्तिहरुको उपस्थितिमा रहेको कार्यक्रमको व्यवस्थापन रोहित नेपालले गर्नुभएको थियो ।

निर्माता निर्देशक चिरञ्जीवी बस्नेत चलचित्र संघका केन्द्रीय सदस्य मिराज पोखरेल चलचित्र द्वन्द निर्देशक सङ्घ कोशी प्रदेशका अध्यक्ष विपिन प्रसाईले चलचित्र कार्यशालासम्बन्धी औचित्य प्रष्ट पार्नुभएको थियो।

कार्यक्रममा जनजनमा चेतना फैलाउने विभिन्न संघसंस्था सामाजिक व्यक्तित्वहरूलाई जनचेतना सम्मान २०८१ बाट सम्मान गरिएको थियो।
सम्मानित व्यक्तिहरूमा मनोज प्रसाई, ज्ञानेन्द्र निरौला, मनिष दाहाल, मदन प्रसाई, रुद्र चापागाईं, बुद्ध शान्ति गाउँपालिका लगायत जनचेतना नेपालका राष्ट्रिय परिवेक्षकहरुलाई कदरपत्रबाट सम्मानित गरिएको थियो।

जनचेतना नेपालले निर्माण गरेको बालकृष्ण निरौलाको निर्देशन रहेको चलचित्र युवा उत्प्रेरणा पनि प्रदर्शन गरिएको थियो कार्यक्रमका प्रमुख अतिथि सरिता प्रसाई, चिन्तन पाठक, मनोज प्रसाई, मनोरथ तिवारी, तुलसा खतिवडा लगायतले संस्थालाई शुभकामना साथै चलचित्रमा पर्यटन तथा युवाहरूको बारेमा धारणा राख्नुभएको थियो भने गजलकार पदम निरौलाले गजल प्रस्तुत गर्नुभएको थियो ।

कार्यक्रम सञ्चालन गीता खनाल कोइरालाले गर्नुभएको थियो भने कार्यक्रममा शुभकामना मन्तव्य जनचेतना नेपाल झापा जिल्ला अध्यक्ष शिवकुमार मैनालीले गर्नुभएको थियो ।

कार्यक्रममा पर्यवेक्षकहरुको अनुभवको बारेमा निराजन गौतमले आफ्नो धारणा राख्नु भएकाे थियो चलचित्रमा पर्यटन तथा युवाहरूको भूमिका २०८१ मा भाग लिनुहुने १५० युवाहरूलाई प्रमाणपत्र वितरण गरी मौलिक परम्परासहित असार१५काे दहिचिउरा खाने कार्यक्रम गरी कार्यक्रम संस्था का अध्यक्ष कर्यम्रमका सभापति बालकृष्ण निरैलाले सम्पूर्ण उपस्थित हरुलाई धन्यवाद दिदै भव्य र सव्य रुपमा कार्यक्रम  समापन भएको थियो

इलामको रोङ गाउँपालिकाले यस बर्षदेखि नृत्य, गायन तथा कविता विधामा प्रतिभाको खोजी कार्यक्रम सञ्चालन गर्ने भएको छ। इलाम र झापाको सीमाना जोर कलशमा बिहीबार पत्रकार भेटघाट कार्यक्रम आयोजना गरेर प्रतिभाको खोजी कार्यक्रमबारे जानकारी दिइएको हो।

प्रतिभाको खोजी कार्यक्रमका लागि गाउँपालिकाले कानून नै निर्माण गरेर निर्देशक समितिसमेत बनाइसकेको छ।

गाउँपालिका क्षेत्रका विविध विधाका प्रतिभाशाली व्यक्तिहरूको खोजी गर्नका लागि प्रतिभाको खोजी कार्यक्रम सञ्चालन गर्न लागिरहेको गाउँपालिकाकी उपाध्यक्ष विष्णुमाया भुजेलले जानकारी दिनुभयो। कविता विधामा सबै उमेरसमूहका व्यक्तिहरूले प्रतिस्पर्धा गर्न पाउनेछन्। नृत्य र गायन विधामा भने ५ बर्षदेखि ५० बर्षसम्मका व्यक्तिहरूले भाग लिन पाउने निर्देशक समितिले जनाएको छ।

तिनवटै विधाका प्रतिभा छनोट एकै समयमा हुने निर्देशक समितिका संयोजक प्रमेश राईले जानकारी दिनुभयो।

प्रारम्भिक छनोट सबै ६ वटै वडामा गरिने र प्रत्येक विधाबाट ३० छनोट गरि पहिलो चरणको छनोट तिनवटै विधाका ९० जना प्रतिभा लगिने राईले जानकारी दिनुभयो। त्यसपछि दोस्रो र अन्तिम प्रतिस्पर्धामा लगिने उहाँले बताउनुभयो । 

अन्तिम प्रतिस्पर्धामा प्रत्येक विधाबाट पाँच/पाँच जना प्रतिभा लगिने निर्देशक समितिले जनाएको छ।

कार्यक्रमको कुल लागत ११ लाख ६२ हजार पाँचसय रुपैयाँ रहेको गाउँपालिका कार्यालयले जनाएको छ। जस्मा ८ लाख रुपैयाँ गाउँपालिका कार्यालयले उपलब्ध गराउनेछ।

प्रतिस्पर्धामा निर्णायकमा रोङ गाउँपालिका बाहिरका निर्णायकहरू राखिने निर्देशक समितिका संयोजक प्रमेश राईले जानकारी दिनुभयो।

प्रतिस्पर्धाका लागि प्रतियोगीहरूबाट फर्म भर्ने काम सुरु भइसकेको संयोजक राईले बताउनुभयो। फर्म भर्ने काम सम्पन्न भइसकेपछि प्रतिस्पर्धीहरूको संख्याका आधारमा प्रतिस्पर्धाको मिति तय गरिने उहाँले बताउनुभयो।

झापाको बुद्धशान्ति गाउँपालिका वडा नं १ स्थित बुद्धआदर्श  माध्यमिक विद्यालयको समकालीन साथी समूह-२०५४ ले वनभोज तथा  पुनर्मिलन कार्यक्रम सम्पन्न गरेको छ ।

शनिबार बुद्धशान्ति ३ स्थित आदर्शनमुना धार्मिक तथा पर्यापर्यटन  क्षेत्रमा कार्यक्रमको आयोजना गरिएको थियो ।
कार्यक्रमका संयोजक राजन दुलालको अध्यक्षतामा भएको कार्यक्रममा जेष्ठ शिक्षक चन्द्र प्रसाद अधिकारिको प्रमुख आतिथ्यतामा सम्पन्न कार्यक्रममा २० जना शिक्षक हरूलाई सम्मान समेत गरिएको थियो ।
सम्माननित हुनेहरूमा शिक्षक महेन्द्र संगौला,वेनु पनेरू, गणेश निरौला,भक्त वहादुर खपाङ्गी, धन वहादुर श्रेष्ठ,दिपक कुमार वुढाथोकी,टिकाराम पोख्रेल,केदार कोइराला,कुमार गिरी,चन्द्र प्रसाद अधिकारी,देवेन्द्र प्रसाद अधिकारी,लाल प्रसाद रेग्मि,लक्ष्मणआचार्य,सुमित्रा बास्कोटा, उर्मिला ढकाल,डिल्लि राम काफ्ले,हाल कार्यरत बुद्धआदर्श माद्यमिक विद्यालयका प्रधानाध्यापक कृष्णराज भण्डारी, त्यस्तै लेखा शाखा ,विश्व नाथ ढकाल,कार्यलय सहयोगी  हरि प्रसाद भन्डारी,गंगाराम अर्याल, लगायतलाई खदा लगाई मिस्ठान परिकारको साथै मायाको चिनो उपहार सहित सम्मान गरिएको थियो ।बुद्धआदर्श मावि समकालीन साथी समूह-२०५४ले  आयोजना गरेको वनभोज तथा पुनर्मिलन कार्यक्रम माघको महिना चिसो समय भएपनि आआफ्नो  पेशा र व्यवसायले निकै टाढा भएपनि समकालीन साथीहरू सबैजना यसरी भेलाभएर कार्यक्रममा आफ्ना तितामिठाअनुभवहरू साटासाट गर्न पाएकोमा सबैले खुशि व्यक्त गर्नु भएको थियो ।
शिक्षकहरूलाइ सम्मान सँङसँगै कार्यक्रममलाई थप रोचक बनाउन शिक्षकहरू बाट हाँडी फुटाउने कविता,गजल, मुक्तक,मटरको दाना गेस गर्ने लगायत विभिन्न कार्यक्रमको आयोजना गरिएको थियो । मटरको दाना गेस गर्नेमा शिक्षक धनबहादुर श्रेष्ठ ,साथै हाँडी
फुटाउनेमा शिक्षक कुमार गिरी विजेता हुनुभएको थियो ।
त्यस्तै कार्यक्रममा सगरमाथा आधार शिविरमा समकालीन साथि समूह २०५४ को झण्डा फहराएर हाम्रो समुहको साथै अध्ययन गरेको विद्यालयको नाम उच्च राख्न सफलएकोमा समकालिन साथि समुहका पुर्णबहादुर गौलीलाई पनि खदा अविर लगाई प्रशंसा पत्र र  मायाको चिनो द्वारा सम्मान गरिएको थियो ।

समूहका सदस्य चन्द्र कटुवालले उपस्थित सम्पुर्ण अतिथिहरूलाई शाब्दिक स्वागत गर्नु भएको कार्यक्रममा नारायण न्यौपाने,भक्त खपाङ्गी, गणेश निरौला,धन बहादुर श्रेष्ठ,लगायतले शुभकामना मन्तव्य राख्नु भएको थियो भने कार्यक्रमको संचालन समकालीन साथि दुर्गानाथ ढकालले गर्नु भएको थियो ।

झापाको बुद्धशान्ति-६ स्थित ठुटेबर परिसरमा लाग्दै आएको ऐतिहासिक, धार्मिक, साँस्कृतिक तथा पर्यटकीय रुपले प्रसिद्ध ठुटेबर मेला मंसिर ५ गते देखि ११ गते सम्म लाग्ने भएको छ ।

आज पत्रकार सम्मेलन मार्फत जानकारी गराउदै समितिका अध्यक्ष खड्ग पंधाक सुब्बाले बर्षको दुई पटक बैसाख पूर्णिमा र कात्तिक पूर्णिमाको दिन ठुटेवर परिषरमा मेला लाग्ने गरेको बताउदै स्थानीय स्तरमा उपलब्ध कृषि सामाग्रीको प्रोत्साहन तथा त्यहाँको साँस्कृतिक, धार्मिक तथा पर्यटकीय क्षेत्रको विकास गर्न मेला लगाउने तयारि भएको बताउनु भयो ।

परापूर्वकालमा बिहेमा जन्ती, न्याय अन्यायको छिनोफानो,आत्मीयता र सद्भाव साटासाट गर्दा–गर्दै मेलाको रुपमा परिणत भएको थियो
यश भुमीको बारेमा अघिल्लो पुर्खाले सिकाएको र भावि सन्ततीका लागि पनि जोगाएर राख्न आवश्यक रहेको उहाँको भनाई छ ।

कुनैबेला पर्यटकहरूको प्रमुख रोजाईमा पर्ने गरेको भएपनि पछिल्लो समय पर्यटकहरुको कमी हुन थालेपछि पर्यटकको संख्या बढाउन महोत्सवको तयारी गरिएको  सल्लाकार समिति सदस्य दिपक गौतमले बताउनु भयो

इलाम र झापाको संगम स्थलमा रहेको ठुटेवर, आसपासका क्षेत्रमा जनसंख्याको चाप बढ्दै जाँदा मेलाको स्वरुप पनि बेग्लै हुदै जाने गरेको र मेला लाग्न थालेपछि झापा, इलाम, मोरङ र भारतको दार्जिलिङबाट समेत मानिसहरु मेला भर्न आउने गरेको स्थानिय शिक्षा सेवी केशव भट्टराइले बताउनु भयो ।

ठुटेवर मेलामा स्थानीय स्तरमा पाईने, उखु, तरुल, सुन्तला, बासँबाट बनिने सामाग्री डोको, नाम्लो, थुन्से लगायतका सामाग्री सो मेलामा किनवेच हुने गरेको आयोजक समितिका सदस्य निलमणि न्यौपानेले बताउनु भयो
तर आधुनिकता संगसंगै ती सामाग्रीको विक्रि–वितरणमा कमी आउन थालेको दिननाथ काफ्लेले बताउनु भयो ।

ठुटेवर मेलामा ,बिभिन्न साहित्यिक कार्यक्रम, अन्तर बिद्यालय र क्लव स्तरीय साँस्कृतिक कार्यक्रम, बिभिन्न खेलहरु र हरेक साँझ स्थानीय तथा राष्ट्रिय स्तरका कलाकारहरुको साँगीतिक कार्यक्रम रहने मेला आयोजक समितिले जनाएको छ ।

कोरोना कहरले गर्दा दुई वर्ष एता लाग्न नसकेको ठुटेवर मेला यहि मंसिर ५ गते देखि ११ गते सम्म लाग्ने भएको छ । यसबर्ष पनि झापा, इलाम, लगायत छिमेकि मुलक भारतको दार्जिलिङ सहित करिव ५० हजार जनाले मेलाको अवलोकन गर्ने आयोजक समितिले अपेक्षा राखेको छ ।

त्यहाँको सौन्दर्य र यहाँको पहिचान संरक्षण गर्न, बिभिन्न लोक साँस्कृतिक कार्यक्रम आयोजना गर्ने मेला आयोजक समितिका सचिव कृष्ण आचार्यले बताउनु भयो

सो स्थानमा समितिले आन्तरिक तथा बाह्रय पर्यटक भित्राउन विभिन्न कृषि सामाग्रीहरूको स्टल र स्थानिय र राष्ट्रिय स्तरका कलाकार साथै साहित्यकार गजलकार हरूको समेत प्रस्तुति रहने आयोजकले समितिले जानकारि दिनु भयो ।

मंसिर ५ गतेदेखि ११ गतेसम्म संचालन हुने मेला सम्पन्न सम्पन्न गर्न ३ लाख ५० हजार रुपैयाँ लाग्ने अनुमान गरिएको समितीका सचिव कुष्ण अाचार्यले बताउनु भयो ।

https://m.youtube.com/watch?v=BVK2EiQ0D2U&fbclid=IwAR33RBBStg_4fMNJBgljfzn2TN3c8X9WJyUlgBIucHDs0WU2wv7F-9iR-Fo

झापाको बुद्धशान्ति गाउँपालिकामा बुधबारे बोइजले होलिको अवसर पारेर आज सांगितिक कार्यक्रम सम्पन्न गरेको छ । धरान बाट आउने डिजे कन्सड मेडमको प्रस्तुति रहेको थियो कार्यक्रमा उपस्थित सम्पुणमा बुधबारे बोईजका अध्यक्ष पंकज शेर्पाले धन्यबाद दिएका छन, कार्यक्रमको सन्चालन दिपेस भट्टराईले गरेका थिए ।

होलि पर्व किन मनाईन्छ त ?

हिरण्य कश्यपुले आफ्ना पुत्र प्रल्हादलाई मार्ने अनेक उपाय लगाउदा पनि केहि सिप नचलेपछि अन्तिम उपाय रची बिष्णु भक्त प्रल्हादलाई मार्नको लागी आफ्नी बहिनी होलिकालाई अह्राएका थिए जुन होलिका स्त्री थियिन उनलाई आगोले नजलाउने वरदान प्राप्त थियो । उनि मार्फत प्रल्हादलाई मर्नकालागी होलिकालाई प्रयोग गरियो । आगोको धुनि लगाइयो र आगोमा होलिका बसिन होलिकाले भक्त प्रल्हादलाई काखमा लिईन आगोले होलिका जलिन तर प्रल्हादलाई केहि भएन । यसरि दैबी भक्ति मार्फतबाट आशुरी शक्ति पराजित भएको बिजय दिवसको खुशियालिमा मनाइने होली नेपालको एक बिशिष्ट पर्ब रहेको छ । एउटा अर्को प्रसँगपनि रहेछ द्वापर युगमा ईन्द्रद्वारा गरिएको भारी बर्षाबाट भगवान कृष्णले नागरिकलाई बचाएको खुशीयालिमा गोकुलबासिले मनाएको पर्ब हो र यसैको समझना स्वरुप हरेक बर्ष होली मनाइन्छ । यस दिन आगोको धुनि लगाइ होलिको पुत्ला दहन गरी वाध्यवादनसहित खुशीयालिका साथ बिभिन्न रङ छ्यापी रमाइलो गर्ने पर्ब हो ।
तर हामिले मनाउने पर्वलाई खाली हाँसो र मजाको रुपमा मात्र लिने चलन छ वास्तविक महत्व नबुझी पर्ब मनाउदा बिकृती आउनु स्वभाविक हो । पर्व र जात्राको बिदा दिइन्छ भने त्यसदिनको बिदा किन दिएको र बिदा दिनुको महत्व के छ भनेर राज्यद्वारा सबै नगरिकलाई जानकारी दिनु उपयुक्त देखिन्छ । कतिपय बिदा दिइन्छ तर त्यो बिदा कसरी मनाउने भन्ने जानकारी जनमानसमा नहुँदा समाजमा असुरक्षा, भाडभैलो र बिकृती आएको देखिन्छ ।

विराटचाेक, मोरङ । लामो समय देखी बन्द रएको सुन्दरहरैंचा-९ स्थित सुकुना चलचित्र मन्दिर नयाँ नामका साथ पुन सञ्चालनमा आएको छ। उक्त हल बिराट सिने नामबाट पुन सञ्चालनमा आएको छ।

हलका एक सञ्चालक चिरञ्जिवी बस्नेतका अनुसार हिजो शुक्रबार देखी बिराट सिने नाम दिएर सञ्चालनमा आएको सो हलमा पहिलो फ्लिम का रूपमा नेपाली चलचित्र छक्का पञ्जा ४ प्रर्दशन गरिएको थियो।शुक्रबार साँज ६ बजे फ्लिम हलमा पहिलो शो भएकाे र शनिबारबाट भने निरन्तर शो रहने वहाँले जानकारी दिनुभएकाे छ ।

उक्त सुविधा सम्पन्न हलमा १३० सिट क्षमता रहेको छ ।