प्रहरीले झापा दमकबाट लागुऔषधसहित एकजना महिलालाई पक्राउ गररेको छ ।
आज दिउँसो २ः३० बजे दमक-४ बस्ने ४८ वर्षीया गायत्रा गौतमलाई पक्राउ गरिएको जिल्ला प्रहरी कार्यालय झापाका प्रवक्ता कृष्णकुमार चन्दले जानकारी दिए ।
गौतमले लागुऔषध बिक्री वितरण गरिरहेको भन्ने गोप्य सूचनाको आधारमा लागुऔषध नियन्त्रण ब्युरो काँकरभिट्टा र इलाका प्रहरी कार्यालय दमकको प्रहरी टोलीले उनलाई पक्राउ गरेको हो ।
गौतमको शरीर तथा घरकोठाहरु खानतलासी लिँदा उनले बट्टाभित्र लुकाई राखेको प्रतिबन्धित लागुऔषध खैरो हिरोइन ९ ग्राम ५३० मिलिग्राम बरामद गरेको थियो ।
त्यस्तै, प्रहरीले गौतम सुत्ने बेडको सिरानीमुनि राखेको विभिन्न दरका नेपाली नोटहरु तीन लाख ३६ हजार ४०० रुपैयाँ र आइटेल कम्पनीको मोबाइल एकथान पनि बरामद गरेको छ ।
उनीमाथि इलाका प्रहरी कार्यालय दमकबाट थप अनुसन्धान भइरहेको जिल्ला प्रहरी कार्यालय झापाले जनाएको छ ।
