कृषि

बुद्धशान्ति ३ स्थित साना किसान कृषि सहकारी संस्था लिमीटेड बुधबारेको नवौ. वार्षिक साधारण सभा सम्पन्न भएको छ ।

शुक्रबार रामजानकी मन्दिरको सभाहलमा संस्थाका अध्यक्ष केशव सापकोटाको सभापतित्वमा आयोजित साधारण सभाको प्रमुख अतिथिका रुपमा  बुद्धशान्ति गाउँपालिका उपाध्यक्ष भवानि प्रसाद खतिवडा रहनु भएको थियो ।

संस्थाका उपाध्यक्ष पार्वता वजगाईले उपस्थित सम्पूर्णलाई अतिथिहरूलाई शाब्दिक स्वागत गर्नु भएको कार्यक्रममा संस्थाका अध्यक्ष केशव सापकोटाले संस्थाको बार्षिक प्रगति प्रतिवेदन प्रस्तुत गर्नु भएको थियो ।

सोही कार्यक्रमको अवसर पारेर उत्कृष्ठ व्यवसायिक उद्यमी वर्ष उत्कृष्ठ व्यवसायिकहरूमा ललिता अधिकारी संचालक वेनु प्रसाद गौतम अ. स. अध्यक्ष पुर्ण कुमारि अधिकारी सहित अन्तर समुहका पदाधिकारिहरू साथै कर्जा कारोबार गर्ने उत्कृष्ठ ऋणीमा टीका भट्टराई, ,जेष्ठ सेयर सदस्य महिला ज्येष्ठ शेयर  पुरूषमा टिकामाया दहाल, विनोद प्रसाद आचार्य, लक्ष्मी प्रसाद गौतम, लक्ष्मी सुबेदिको छोरा अमृत पोख्रेल लगायत लाई सम्मानपत्रद्वारा सम्मान समेत गरिएको थियो ।

कार्यक्रममा अतिथिहरूले  साना किसान कृषि सहकारि संस्था छोटो समयमा उल्लेख्य प्रगति गर्ने संस्थाको रुपमा बताउदै शुभकामना मन्तव्य राख्नु भएको थियो ।

कार्यक्रममा  विभिन्न संघ संस्थाका प्रतिनिधी, संचारकर्मी सहितको आतिथ्यमा सम्पन्न कार्यक्रमको संचालन संस्थाका   नन्दिकेसर घिमिरेले गर्नु भएको थि

कम लगानीमा राम्रो प्रतिफल दिने भएकाले झापाका किसान सुपारी खेतीतर्फ आकर्षित भएका छन्। 
बुद्धशान्तिका रुद्रप्रसाद पोखरेलले दुई बिघाभन्दा बढी जमिनमा सुपारी खेती गर्नु भएको छ ।व्यापारी बगानमै आएर सुपारी खरिद गर्ने भएकाले बजारको चिन्ता छैन। वार्षिक पाँच लाखभन्दा बढी आम्दानी भइरहेको छ’, उहाँले भन्नू भयो, ‘मेहनत गर्ने हो, गोडमेल गर्ने हो भने आम्दानी अझै बढाउन सकिन्छ।’

सुपारीले अन्य बालीलाई असर नगर्ने भएकाले यसतर्फ आकर्षण बढेको बुद्धशान्तिका चन्द्रशेखर पौडेल बताउनु भयो ।

मैले एक बिघा १२ कट्ठा जमिनमा सुपारीखेती गरेको छु। सुपारीको बारीभित्रै सिजनअनुसार तरकारी, रोपाइँ र मकै खेती गर्ने गरेको छु’, उहाँले भन्नू भयो ‘सुपारीबाट मात्रै वार्षिक  तीन लाखभन्दा बढी आम्दानी भइरहेको छ।’

अरु खेती लगाउँदा हात्तीले नोक्सान गर्ने भएकाले नगदेबाली सुपारी खेतीमा लागेको अर्का किसान निर्मल भट्टराई बताउनु हुन्छ । उहाँका अनुसार सुपारीका पातबाट दुनाटपरी बनाउन सकिन्छ। 
सुपारीको बोटमा फल लागेदेखि नै व्यापारीले अग्रिम भुक्तानी गर्ने गरेको अर्का किसान बिन्दु पौडेलले बताउनु भयो । ‘

बिरुवा लगाएको सात वर्षदेखि यसले फल उत्पादन शुरु गर्छ’,उहाले भन्नू भयो, ‘त्यसपछि निरन्तर यसबाट वार्षिकरूपमा आम्दानी भइरहन्छ।’ 

राज्यले उन्नत जातका सुपारीका बिरुवामा लगानी गर्दै बजारीकरणमा समन्वय गरिदिने हो भने सुपारीखेती गर्ने किसानको आम्दानी बढ्ने स्थानीय प्रेम राई बताउँनु हुन्छ । पछिल्लो समय सुपारीखेती व्यावसायिक रूपमा गर्दै वार्षिक लाखौँ रुपैयाँ आम्दानी भइरहेको छ’, उहाले भन्नू भयो राज्यले बजारीकरणमा सहयोग गर्ने हो भने सहज हुने थियाे।’

अस्मिता वर्देवा ।

बुद्धशान्ति गाउँपालिकाले कृषकहरुलाई व्यवसायिक कृषि तर्फ आकर्षित गराउनको लागि आधुनिक कृषि सामाग्री वितरण गरेको छ ।
बुद्धशान्ति गाउँपालिका कृषि विकास साखा मार्फत बुधबार कृषकहरूलाई प्रदेश सरकारको ससर्त अनुदान अन्तरगत कृषकहरूलाई तोरी प्रशोधन गर्ने मिल  हस्तान्तरण गरेको हो । चालु आर्थिक वर्ष २०८०/०८१ मा प्रदेश सरकारको ससर्त अनुदान मार्फत प्राप्त १६ लाख ८० हजार साथै कृषक समुहको ३० प्रतिसत गरि कुल २४ लाख बराबरको सामाग्री वितरण गरिएको हो ।

पालिकाले बितरण गरेको कृषि सामाग्रीहरु लगेर कोहि कसैले पनि दुरुपयोग नगर्न आगर्ह गर्दै,गाउँपालिका उपाध्यक्ष भवानी प्रसाद खतिवडाले कृषिमा समृद्धि ल्याउन उत्पादनमा जोड दिनुपर्ने बताउदै पालिकाले कृषि उपज उत्पादनमा लागेका किसानहरूलाई आधुनिक कृषि उपकरण वितरण गरिएको बताउनु भयो । त्यस्तै कार्यक्रममा बुद्धशान्ति गाउँपालिका वडा नं १ अध्यक्ष साथै आर्थिक विकास समितीका संयोजक अनिल वाग्लेले कृषि क्षेत्रमा अब परम्परागत तरिकाले भन्दा पनि आधुनिक कृषि यान्त्रिकरणको प्रयोगले मात्र सफल हुन सकिने भन्दै त्यस तर्फ गाउँपालिकाले कदम चालेको बताउनुभयो ।

गाउँपालिका वाट कृषकहरुलाई आवेदन माग गरिए अनसार परेका निवेदन मध्ये वाट छनौटमा परेका संस्थाहरू लाई ६ थान तोरि पेल्ने मेसिन वितरण गरिएको कृषि विकाश शाखा प्रमुख अर्जुन पौडेलले बताउनु भयो ।

बुद्धशान्ति गाउँपालिका प्रमुख सशासकिय अधिकृत विनोद पोख्रेल कृषि शाखा प्राविधिक कृष्ण प्रसाद ढुङगेल, वडा नं ७ का वडा अध्यक्ष चन्द्र भण्डारी लगायतको उपस्थितिमा बुधबार कृषकहरूलाई उक्त सामान हस्तान्तरण गरिएको थियो ।

कृषि आधुनिकिकरणका लागि बुद्धशान्ति गाउँपालिकाले सञ्चालन गरेको यस्ता कार्यक्रमले कृषकहरुले राहत महसुस गरेका छन् ।

साउन दोस्रो सातासम्म ९२ प्रतिशत रोपाइँ सकियो, धान रोपाइँ क्षेत्र बढ्ने अनुमान मधेसमा ३ लाख ८३ हजार १५० हेक्टर क्षेत्रमा रोपाइँ हुने अनुमान छ। जसमध्ये ३ लाख ५२ हजार ४४३  हेक्टरमा धान रोपाइँ सकिएको तथ्यांकमा उल्लेख छ।

गण्डकी प्रदेशमा ९१.९ प्रतिशत रोपाइँ सकिएको छ। गत वर्ष यसै अवधिमा ८२.३ प्रतिशतमात्रै रोपाइँ भएको थियो। गण्डकीमा ९६ हजार ५३ हेक्टर क्षेत्रमा रोपाइँ हुने अनुमान छ। जसमध्ये ८८ हजार २५२.६ हेक्टरमा रोपाइँ भइसकेको मन्त्रालयले जनाएको छ।

लुम्बिनी प्रदेशमा ९१.३ प्रतिशत रोपाइँ सकिएको छ। गत वर्ष यसै अवधिमा लुम्बिनीमा ८०.९ प्रतिशत रोपाइँ सकिएको थियो। लुम्बिनी प्रदेशमा ३ लाख ११ हजार ६४३ हेक्टर क्षेत्रफलमा धान रोपाइँ हुने सरकारको अनुमान छ। जसमध्ये २ लाख ८४ हजार ४८५ हेक्टर क्षेत्रमा धान रोपाइँ सकिएको छ।

बागमती प्रदेशमा ९०.८ प्रतिशत रोपाइँ सकिएको छ। गत वर्ष बागमतिमा ८०.१ प्रतिशत रोपाइँ भएको थियो। यो वर्ष बागमति प्रदेशमा १ लाख १२ हजार २७३ हेक्टर क्षेत्रमा धान रोपाइँ हुने अनुमान गरेको छ। जसमध्ये १ लाख १ हजार ९९४ हेक्टरमा रोपाइँ सकिएको मन्त्रालयले जनाएको छ।

जैविक मल उत्पादन गर्न बुद्धशान्ति गाउँपालिका–३ मा स्थापना गरेको अंकुरण एग्रोले भैँसीपालनको तयारी गरेको छ । जिल्लामा जैविक तरकारी खेती गर्ने किसानको संख्या बढ्नुका साथै चिया बगानमा जैविक मल प्रयोग पनि थालिएको छ । मलको पर्याप्त व्यवस्था गर्न भैँसीपालन गरिने अंकुरण एग्रोका सञ्चालक विनोद मोक्तानले बताए ।

प्राङ्गरिक मल बनाउन गोबर नभई हुँदैन’, उनले भने, ‘भैँसीको मलमूत्र दुवै उपयोगी हुन् । गत वर्ष नै उद्योग सञ्चालनका लागि पूर्वाधार निर्माण गरिएको थियो ।’

सञ्चालक मोक्तानले दुई महिनाभित्रमा प्राङ्गरिक जैविक मल उद्योग सञ्चालनमा ल्याउने गरी सबै तयारी पूरा गरेको जानकारी दिए ।

झापाको बुद्धशान्ति ५ मा  रहेको चुल्ठे शान्तिनगर सामुदायिक बन उपभोक्ता समितीले आज बाट बृहत् बृक्षारोपण कार्यक्रम शुरु गरेको छ । कार्यक्रममा  प्रमुख अतिथि वन तथा पर्यापर्यटन राज्य मन्त्री अनिसा झागरले वृक्ष रोपेर कार्यक्रमको उदघाटन गर्नु भएको हो । मन्त्री  झागरले सामुदायिक वनले जङ्गलत जोगायो तर वन्यजन्तु कहाँ पुग्यो यो विषयमा हामिले सोचेका छैनौ जङ्गल भित्रका जिवजन्तु मैन्त्री जङ्गल बनाउन सामुदायीक वनहरूले अब आफ्नो कार्ययोजनामा यी विषयहरूलाई थप्नु पर्ने बताउनु भयो    ।उहाँले भन्नू भयो पुर्वमा आउँदा जहाँ टेके पनि पर्यटक क्षेत्र भएकाले अब यसलाई पर्यटन क्षेत्रलाई दिगो गुरूयोजना बनाउनु पर्ने हो तर  प्रदेश सरकार चलेको ६ वर्ष भैसक्तापनि पर्यटनमा कुनैपनि दिर्घकालिन योजना नभएकाले अब हामीले पर्यटन सगै वृक्षारोपण गरेर जङ्गलका जिवजन्तु मैन्त्री र प्रर्यापर्यटन मैन्त्री बनाउनु पर्नेमा जोड दिनु भयो ।शुक्रबार एक  कार्यक्रमको आयोजना गरि उपभोक्ता समितीले बुद्धशान्ति वडा नं ५ र ६ साथै रोङ गाउपालिका वडा नं ५ को संगम स्थलमा चुल्ठे सामुदायीक वनको खालि जमिनमा वृक्षा रोपण सुरू गरेको हो ।

चुल्ठे सामुदायिक वन उपभोक्ता समितीका अध्यक्ष  प्रदिपदेव खतिवडाको अध्यक्षतामा उत्घाटन गरिएको कार्यक्रममा वन तथा पर्यापर्यटन राज्य मन्त्री अनिसा झागरको प्रमुख अतिथ्यता रहेको थियो ।समितिले मरिच,अम्बा,आँप, बार्हमासे कट्टर ,अमला ,टिक ,मलेसियन साल,बाँस गरि करिब ५००० हजार बिरुवा रोप्ने सुरू गरिएको  संस्थाका सचिव चुडामणि न्यौपानेले बताउनु भयो ।कार्यक्रममा चुल्ठे सामुदायिक बन उपभोक्ता समितिका अध्यक्ष प्रदिपदेव खतिवडाले काठ मात्रै काटेर बाडेर बनको आम्दानी बडाउन नसकिने बताउदै पर्यटन तथा नगदे बाली लगाएर अन्य आम्दानिको स्रोत संगै बन्यजन्तुको समेत संरक्षणहुने भएका वृक्षा रोपण सुरू गरिएको बताउनु भयो । समितिका उपाध्यक्ष पबित्रा ढकालले स्वागत गर्नु भएको कार्यक्रममा बुद्धशान्ति गाउँपालिका  वडा नं ६ का अध्यक्ष शिवराज पौडेल , वडा नं ५ का वडा अध्यक्ष  डेगेन्र्द कार्की  माओवादी केन्द्र बुद्धशान्ति अध्यक्ष प्रेम नेङ्बाङ, प्रदेश सदस्य बोधराज दाहाल, फ्रेन्डसीप क्लब अध्यक्ष रुद्र निरौला,बुधबारे इलाका प्रहरि चौकीका प्रमुख सुवास सेर्पा  गडिगाँउ विद्यालयका स्काउट दल ,सम्पुर्ण पार्टिका प्रतिनिधि, स्थानिय वासि लगायत ३०० माथी उपभोक्ताको सहभागीता रहेको  कार्यक्रमको संचालन समितिका सचिव चुडामणि न्यौपानेले गर्नु भयो । भोैतिक विकासमा पछाडि परेपनि प्राकृतिक रुपमा साँच्चै रमणीय प्राकृतिक छटाहरूले भरिएको यस  ठाउँलाई  चुल्ठे शान्तिनगर सामुदायिक बनलाई पर्यटन सग जोड्ने सके  बुद्धशान्तिकै राम्रो पर्टक स्थल बन्नेमा दुइमत छैन

इलामको राेङ गाउपालिकाले  किसानलाई कृषि उत्पादन र उत्पादकत्व बढाउन प्रबिधि संग जोडिने भएकाे छ ।

सयुक्त राष्ट्र खाध्य तथा कृषि सगठा” FAO ” को सहयोग र कृषि मन्त्रालयको समन्वयमा रोङगाउपालिकालाई Digital Village  बनाउने कार्य प्रारम्भ भएको छ ।

यस कार्यक्रम थालनिकाे तेस्रो चरणको छलफलमा आज सहभागी  डा संजिब पण्डित , नबिन कुमार गुप्ता ( FAO) किरण तिम्सिना र राेङ पालिका बिच अाज छलफल गरिएकाे हाे ।

गत साउन महिना देखि लगातारको पुर्ब तयारी पश्चात काम सुरु भएको थियाे। देश भरिको तिन वटा पालिका भित्र पनि रोङगाउपालिका एक नम्बरमा कृषि मन्त्रालय छनाैट गरिएकाे हाे ।

नेपालको राेङ गाउपालिका सहित तिन वटा पालिका Digital Village बन्ने छ ।

जसमा कालिन्चोक गाउपालिका दाेलखा छिनमस्त गाउपालिका सप्तरी र  रोङगाउपालिका ईलाम रहेकाे छ ।

Digital Village को कार्यक्रमले कृषि बिकास तथा किसानलाई अत्यन्तै टेवा पुग्नेछ जसको कारण गाउपालिकाको लक्ष्य अनुरुप कार्य गर्न सहज हुने गाउपालिका अध्यक्ष मनिकुमार स्याङ्वाेले बताउनु भयो  ।

यो कार्यक्रम अन्तरगत रोङ भित्र कम्तिमा २० वटा Digital Enable कोठा तयार गरिनेछ।हाललाई एउटा गाउपालिका कृषि वा पशु शाखा अन्तरगत तत्काल स्थापन गरि संचालन  सुरु गरिनेछ।

उक्त कोठामा स्मार्ट बोर्ड , वेबक्यामेरा र ईन्टरनेटको सहायताले कृषि बिज्ञ संग कोठामा उपस्थित किसान संग दोहोरो कुराकानि मार्फत समस्या समाधान गरिनेछ ।

यसमा आबद्ध किसानलाई मौसम पुर्बअनुमानको sms प्रणालीको ब्यवस्थापन गरिनेछ।

माटो परिक्षणलाई प्रबिधिमा जोडिनेछ। कम्तिमा यस बर्ष ५००-१००० स्थानको माटो परिक्षण रिपोर्ट NARC (नेपाल कृषि अनुशन्धान परिषद ) मार्फत  Satellite ( सेटालाइट ) मा लिङ्ग गरिने र किसान ( प्रयोग कर्ता ) ले मोबाईल बाटै आफ्नो जमिनको रिपोर्ट हेर्न सक्नेछन।

थप यथार्थ रिपोर्टको लागि एउटा अत्याधुनिक मेशिन राखिनेछ जसलाई १० सेकेन्ड जमिनमा गाडदा सबै रिपोर्ट आउनेछ। किसानलाई सबै जानकारी लिन र गराउन सक्ने सफ्टवेयर उपलब्ध गराईने जसको कारणले रोग लागेको बालिको फोटो स्क्यान गर्दा रोगको प्रकार र समाधान ,औषधि समेत सिफारिस गर्ने छ।औषधिको हकमा जैबिकलाई पहिलो प्राथमिकता दिईनेछ।आफ्नो खेति गर्ने जमिनमा के हुन्छ वा हुदैन सो समेत जमिनको लोकेशन स्क्यान गर्दा सुझाब आफ्नै मोबाईल बाट लिन सकिने ,बिज्ञ लाई किसान संग जोडदै तालिम संचालन गरिनेछ साथै सोहि प्रबिधिबाट परिक्षा पास गरेमा गाउपालिकाको ढाचामा प्रमाण पत्र प्रधान गरिने छ।
बजार मुल्य को जानकारी मोबाईलबाट लिन सकिने
कृषि सम्बन्धि बिभिन्न सफ्टवेयर हरु बजारमा प्रसस्त छन, त्यसलाई एउटैले काम गर्ने सफ्टवेयर को प्रयोग गराईनेछ ।

उल्लेखित काम गर्नको लागि एउटा अत्याधुनिक मेशिन दायाबाया एक एक  कि मि र हरेक १६५ मि उच्चाईलाई मध्यनजर गरि  राखिने तत्काललाई एउटा पहरिगाउ रोङ ४ र रोङ ६ को रम्भ्याङ्गमा राखिने भएकाे छ उक्त मेशिन मा बिभिन्न सेन्सर प्रयोग गरि  Satellite (सेटालाइट)  को माध्यम बाट किसानले खोजेको विवरण उपलब्ध गराउन भुमिका खेल्नेछ।
उक्त मेशिनलाई 2G इन्टरनेट र बिधुत्त आवश्यक हुनेछ।

यो कार्यक्रमलाई सफल बनाउन को लागि राेङ पालिकाले प्रबिधि साक्षरता ( Digital literacy )  लाई बढि जोड  ,सुरुमा गुरुकिसान लाई दिने भएकाे छ।
यसको लागि प्रबिधि मैत्री जनशक्तिलाई स्वयंसेवकको रुपमा परिचालन गरिने ,गुरुकिसानलाई यो प्रबिधिमा जोडि सेवा प्रबाह गरिने बाकि क्रमश गरिने याेजना राेङ गाउपालिकाकाे रहेकाे छ।

साथै Digital Enable कोठाको फर्निचर , बिधुत्त र ईन्टरनेट गाउपालिकाले तयार गर्ने कार्यक्रम लाई सफल पार्दै किसानको जिवन स्थर उकास्नको लागि अन्य आवश्यक सबै काम गाउपालिकाले गर्ने स्याङ्वाेले बताउनु भयो ।

वर्तमान समयमा किसानहरु चाैतर्फी निरास बनिरहेकाे बेला गाउपालिकाकाे प्रबिधि मैत्रि कार्यक्रमले सापेक्ष उत्पादन र बृद्धि र बजारिकरण गरि कृषिमा स्वराेजगार र राेजगारीकाे बिकासगरि जिवनस्तर सुधार्न सहयाेगि बन्न सक्ने अाम किसानहरुकाे अपेक्षा रहेकाे राेङ ६ का अगुवा किसान ईन्द्र प्रधानले बताउनु भयो ।

झापाको बुद्धशान्ति गाउँपालिका वडा नं ३ ले  कृषकहरुलाई व्यवसायि कृषि उत्पादनमा लाग्न प्रेरीत गर्ने उदेश्यले विभिन्न समुहका कृषकहरुलाई ७५ थान हाते ठेला र ६५ थान मकैको ड्याङ वनाउने हलो वितरण गरिएकाे छ । वडा कार्यलयले  मंगलबार एक कार्यक्रम गरेर विभिन्न कृषक, समूहहरुलाई कृषि सामाग्री हस्तान्तरण गरेको हो ।

बुद्धशान्ति गाउँपालिका वडा नं ३ का वडा अध्यक्ष पर्शुराम चेम्जोङले कृषि क्षेत्रमा अब परम्परागत तरिकाले भन्दा पनि आधुनिक कृषि यान्त्रिकरणको प्रयोगले मात्र सफल हुन सकिने भन्दै त्यस तर्फ गाउँपालिकाले कदम चालेको बताउनुभयो ।

कृषिमा समृद्धि ल्याउन उत्पादनमा जोड दिनुपर्ने भन्दै  वडाले कृषि उपज उत्पादनमा लागेका किसानलाई कृषि सामाग्री वितरण गरेको उहाँले बताउनुभयो ।बुद्धशान्ति गाउँपालिका कृषि विकाश शाखा प्रमुख अर्जुन पौडेल, बुद्धशान्ति वडा नं ३ कार्यपालिका सदस्य नर्बदा चापागाँई  सदस्य दिपक सापकोटा , सदस्य तिलक प्रसाद रिजाल ,हरियालि मुल कृषक समूहका अध्यक्ष फडिन्द्र ढुङ्गाना , सहितकाे उपस्थितिमा मंगलबार वडा नम्बर ३ का कृषकहरूलाई उक्त  सामान हस्तान्तरण गरिएकाे थियाे ।

वडाबाट खुलाइएको निवेदनको मागका आधारमा छनौट भएका किसानहरु लाई वडा नं ३ को कृषि वजेटको ५०/ प्रतिशत तथा कृषको ५० प्रतिशत अनुदानमा आधुनिक कृषि सामग्री वितरण गरेको वडा नं ३ का वडा अध्यक्ष पर्शुराम चेम्जोङले बताउनु भयो ।

कार्यक्रममा बोल्दै वडा नं ३ का वडा सदस्य तिलनारायण रिजालले बेरोजगारी समस्या समाधानका लागि कृषि पेशालाई उच्च प्राथमिकतामा स्थानिय सरकारले राखेको भन्दै उहाँले भन्नू भयो र प्रविधियुक्त आधुनिक प्रविधिद्वारा कृषकहरूलाई ब्यवसायिक बनाउन सके खाडी मुलुकमा जाने बेरोजगार युवा स्वदेशमा काम पाउने र देशको आर्थिक विकासमा पनि मद्दत पुग्ने विश्वास व्यक्त गर्नुभयो । हरियाली मुल कृषक समूहका अध्यक्ष फडिन्द्र ढुङ्गानाले कार्यक्रमको अौचित्यमाथि प्रकाश पार्नु भएको कार्यक्रममा बुद्धशान्ति गाउँपालिका कृषि विकाश शाखा प्रमुख अर्जुन पौडेल,लगायतले शुभकामना मन्तव्य राख्नु भएको थियो भने बुद्धशान्ति गाउँपालिका वडा नं ३ हरियालि मूल समूहकि सचिव को सचिब पार्वता बजगाईले  कार्यक्रमको सञ्चालन गर्नुभएको थियो ।

झापाको बुद्धशान्ति गाउँपालिका अखिल नेपाल महिला सघं बुद्धशान्ति गाउँ कमिटीले ११४ औ अन्तर्राष्ट्रिय श्रमिक महिला दिवसको अवसर पारेर बिहिवार बुद्धशान्ति गाउँपालिका वडा नं ४ स्थित बर्ने चिया बगानमा काम गर्दै आउनु भएका श्रमिक ४२ जना महिला आमा दिदी बहिनीहरूलाई सम्मान गरेको छ । अखिल नेपाल महिला सघं बुद्धशान्तिका अध्यक्ष भगवती न्यौपानेको अध्यक्षतामा भएको कार्यक्रममा अखिल नेपाल महिला संघ जिल्ला कमिटी अध्यक्ष पबित्रा पाठकको प्रमुख आतिथ्यता रहेको थियो।
कार्यक्रममा सम्बोधन गर्दै अनेम संघ बुद्धशान्ति गाउँ कमिटी उपाध्यक्ष देब कुमारी सेर्माले उपस्थित सम्पुर्ण अतिथिहरूलाई शाब्दिक स्वागत गर्नुभएको थियो । अनेम संघ बुद्धशान्तिका अध्यक्ष भगवती न्यौपाने कार्यक्रमको औचित्यमाथि प्रकाश पार्दै चिया बगानको शुन्दरताले पर्यटन क्षेत्रमा ठूलो महत्व बोकेको हुन्छ तर चियाको बुट्टा संग दैनिक पौठेजोरी खेल्दै दैनिकी गुजारा चलाउने यहाँका श्रमिक महिला दिदी बहिनिहरू भने सधै पछि परिरहनु पर्ने बाध्यता भने उस्तै छ,यहि कुरालाई मध्यनजर गर्दै हामिले उहाँहरूको हौसाला साथै मजदुर श्रमिकहरूको समस्या उहाँहरूको केही गुनासाहरू भए सम्बन्धीत ठाउँसम्म पुर्याउन सहयोग पुग्नेछ भन्ने उद्धेश्यले वर्ने चिया बगानमानै आएर बगानमा काम गर्ने ४२ जना श्रमिक महिलाहरूलाई सम्मान गरिएको उहाँले बताउनु भयो ।कार्यक्रममा नेकपा एमाले  प्रदेश कमिटी सदस्य लक्ष्मी राई, प्रदेश कमिटी सल्लाहकार  सदस्य ज्ञान बहादुर मगर, जिल्ला कमिटी सदस्य टीका प्रसाद पाठक,सदस्य गंगा सुबेदी, सदस्य दिपक गौतम, अनेम संघ जिल्ला कमिटी  उपाध्यक्ष रेनुका डाँगी गाउँ कमिटी अध्यक्ष नेत्र रिजाल, गाउँ उपाध्यक्ष सम्भु प्रसाद बुद्धशान्ति गाउँपालिका कार्यपालिका सदस्य तुलसा देबी खतिवडा,सदस्य नर्वदा चापागाँइ, पौडेल,चन्द्र कोइराला गाउँ सचिब धरणिधर पोख्रेल लगायतको आतिथ्यता रहेको कार्यक्रममा प्रमुख अतिथी अखिल नेपाल महिला संघ जिल्ला कमिटी अध्यक्ष पबित्रा पाठक लगायतले शुभकामना मन्तब्य राख्नु भएको कार्यक्रमको सन्चालन अनेम सघं बुद्धशान्तिकी सचिब दुर्गा पोख्रेल (ढुङ्गेलले) गर्नुभएको थियो । सन १९१० मा अन्तराष्ट्रिय नारी दिवसको प्रस्ताव क्लारा जेटकिनले गरेकी थिइन। यसको उत्पति श्रमिक आन्दोलनबाट सुरू भएको हो भने १९०८ मा न्यूयोर्क सिटीमा १५ हजार महिलाहरूले कामको घन्टा छोटाउन,राम्रो तलव र मताधिकार माग गर्दै सुरू भएको थियो।

त्यसको ठीक एक बर्ष पछि’द सोसलिष्ट पार्टी’ले राष्ट्रिय नारी दिवस घोषणा गरेको थियो र यसलाई अन्तराष्ट्रिय बनाउने अभियान कम्युनिष्ट अभियानकर्मी र महिला अधिकार वादी नेता क्लारा जेटकिनले अगाडी सारेकी थिइन,।
सोविचार १९१० मा कोपनहेगनको कन्फेरेन्स अफ वर्किङ विमिन नामको सम्मेलनमा सुझावको रूपमा पेश गरिएको थियो।
सो सम्मेलनमा १७ देशको १०० महिलाहरूको सहभागि थियो र उनिहरूले त्यसलाई सर्वसम्मत सहमति जनाई सुरू भएको पाइन्छ।

१९१७ मा रुसी महिलाहरूले ब्रेड एण्ड पीस माग गर्दै ४दिने विरोध प्रर्दशन पछि त्यस बेलाका जार साशकले सत्ता छोडेर त्यस पछिको काम चलाउ सरकारले महिलालाई मताधिकार दिएको थियो र त्यसताका रुसमा प्रचलित क्यालेण्डर जुलियन क्यालेण्डर अनुसार २३ फेब्रुवरीको दिनमा महिला हड्ताल सिरू भएको थियो भने जुन ग्रेगरियन क्यालेण्डर अनुसार ८ मार्च परेको हुनाले त्यस यता नारी दिवस मनाउन थालिएको पाईन्छ।