ज्ञानु भट्टराई – झापाको बुद्धशान्तिमा परम्परागत रुपमा खेलाइँदै आएको हाउजी (बिङ्गो) खेलले पनि निकै चर्चा पाउने गरेको छ .
आर्दश युवा क्लब बुद्धशान्तिको आयोजनामा बुद्धशान्ति ३ स्थित वालुवाटार चोकमा खेलाउदै आएको हाउजी (बिङ्गो) खेलमा हाउस फुल विजेतालाई अाज १ तोला सुन पुरस्कार वितरण गरिने बताईएको छ । साथै अन्य आकर्षक नगद पुरस्कार पनि वितरण गरिने छ l साथै टिकट दर: ५००/- रहेको बिङ्गो खेल संचालक गोकुल पौडेलले बताउनु भयो
यो खेल दशैँको घटस्थापना देखि तिहारको साथै छठ पर्व पछिको दिनसम्म खेलाइन्छ । हरेक साँझ बिङ्गो खेल्न बुद्धशान्तिका मात्रै नभई जिल्ला बाहिरबाट पनि बिङ्गोको पारखी आइपुग्ने गर्देछन् जस्ले गर्दा साँझमा बुधबारे बजारको रौनकले बुधबारे बजार धपक्कै बल्ने गरेको छ ।
बर्ष भरि जिल्ला छाडेर काम विशेषले अन्यत्र बस्नेहरु दशैँ तिहारको बेला जन्म थलो फर्कने गर्दछन् । घर फर्के सगै बुद्धशान्तिमा खेलिने बिङ्गोमा सहभागी हुन्छन् । बुद्धशान्तिको बालुवाटारमा खेलाइने बिङ्गो भेटघाटको राम्रो थलो पनि हुने गरेको छ ।
विगत केही वर्ष देखि यहाँ यो खेल सामाजिक कार्यका लागि खेलाइने गरिन्छ । चरम द्वन्द्वको बेला समेत कहिल्यै स्थगित नभएको यो खेल यस वर्षपनि संचालनमा रहेको अाद्रश युवा क्लब बुद्धशान्तिका सचिव दुर्योधन देवले बताउनु भयो
अन्यत्र व्यावसायीक रुपमै खेल खेलाइने भए पनि झापाको बुद्धशान्तिमा भने मनोरञ्जनका साथै सामाजिक कामको खर्च जुटाउने उद्देश्यले खेलाइदै आएको पाइन्छ ।
बिङ्गोबाट यस अघि संकलित रकमबाट बुद्धशान्तिमा विभिन्न खेलकुद हरूको अायोजना समेत गरिएको बताईएको छ । अन्य ठाउँमा जुवाको रूपमा बिङ्गो खेलिने गरेको भए पनि बुद्धशान्तिमा भने संस्कृतिको रूपमा खेल्ने, खेलाइने गरिएको बुद्धशान्तिका चर्चित बिङ्गो खेल संचालक गोकुल पौडेल बताउनु हुन्छ ।
बुद्धशान्तिको बालुवाटारमा बिङ्गो खेल्नकै लागि भनेर निकै टाढा-टाढाबाट गाढि चढेर समेत आउँने गरेका छन् । दिनभरी पेसा व्यवसायमा ब्यस्त रहने हुन या अध्ययनको लागि बहिरिएका हरूको लागि बिङ्गो पुर्नमिलनको मौका हुने गरेको स्थानिय नारायण अर्याल बताउनु हुन्छ ।
वर्षौदेखि छुटिएका साथीहरू बिङ्गोमा नै भेटिन्छन् यसैले पनि साथीहरूसँग रमाइलो गर्दै बिङ्गो खेल्न पाइने भएपछि साँझ पर्नेवित्तिकै बुधबारे बजारमा चाहलपहल सुरु हुने गरेको अर्का स्थानिय विनोद नेम्वाङ बताउनुहुन्छ ।
