झापाको बुद्धशान्ति गाउँपालिकामा वडा नं २ मा प्याब्सन बुद्धशान्तिको आयोजनामा लागु पदार्थ दुव्यर्सन र साइबर क्राइम विरुद्ध सचेतना कार्यक्रम सम्पन्न गरेको छ।
बुद्धशान्ति प्याब्सनमा आबद्ध माध्यमिक तह पठनपाठन हुने विद्यालय र स्थानीय आदर्श माध्यमिक विद्यालय जयपुरका करिब ४०० विद्यार्थीहरुलाई सहभागी गराई बुद्धशान्ति गाउँपालिका वडा नं २ स्थित जयपुरको सामुदायिक भवनको सभाहलमा गरिएको कार्यक्रममा लोकप्रिय खनाल र दिपेन्द्र पौडेलले प्रशिक्षक रहनुभएको प्याब्सन बुद्धशान्तिका सदस्य दिपेन सिटौलाले जानकारी दिनुभयो ।
प्याब्सन बुद्धशान्तिको अध्यक्ष गंगा निरौलाको अध्यक्षतामा भएको कार्यक्रममा बुद्धशान्ति गाउँपालिकाका अध्यक्ष मनोज प्रसाईको प्रमुख आतिथ्यता रहेको थियो । त्यस्तै पालिका उपाध्यक्ष भवानी खतिवडाको विशिष्ट आतिथ्यता, प्याब्सन झापाका वरिष्ठ उपाध्यक्ष छत्र कार्की, स्थानीय जनप्रतिनिधी, विभिन्न संस्थाका पदाधिकारी, विद्यालयका संचालक, संचारकर्मी लगायतको
आतिथ्यतामा भएको कार्यक्रमको संचालन प्याब्सन झापा जिल्ला सदस्य चेतन ढुंगेल र बुद्धशान्ति सचिव चेतन सुवेदीले गर्नुभएको थियो ।
कार्यक्रमबाट आफूँहरुले साइबर क्राइमको विरुद्ध धेरै कुरा सिकेको एरा एभरग्रीन अंग्रेजी माध्यमिक विद्यालयका एक छात्रले जानकारी दिएका छन् । त्यस्तै प्याब्सनले बुधबार ३ ठाउँमा प्रि पाइमरी लेबलका शिक्षक/शिक्षिकाहरुलाई तालिमको समेत आयोजना गरेको बताइएको छ ।
