बर्ने स्किम खानेपानि तथा सरसफाई उपभोक्ता समितिको अध्यक्ष फेरि पनि फौदराज शेर्मा

ज्ञानु भट्टराई । झापाको बुद्धशान्ति गाउँपालिका वडा नं ४ स्थित श्री बर्ने स्किम खानेपानि तथा सरसफाई उपभोक्ता समितिको शनिबार भएको निर्वाचनमा अध्यक्ष पदमा फेरि पनि फौदराज शेर्मा विजयी भएका छन् ।

शनिबार बेलुका करिब ८ः३० बजे सम्पन्न मतगणना अनुसार शेर्माले ५३२ मत प्राप्त गरे उनी तेस्रो कार्यकालका लागि अध्यक्षमा निर्वाचित भएका हुन् ।

शेर्माका प्रतिस्पर्धि मान बहादुर तामाङले २२२ मतमा चित्त बुझाए । भने अमर सावा ले २८ मतमा चित्त बुझाउनु पर्यो । तामाङलाई ३१० मतको फराकिलो मतान्तरले हराउँदै शेर्मा निर्वाचित भएका छन,।अध्यक्ष पदका लागि ३ जनाले उमेरद्वारि दिएका थिए ।

बुद्धशान्ति गाउँपालिका वडा नं ४ निवासी ५९ वर्षीय शेर्माले यस अघि दुई कार्यकाल अध्यक्ष भएर काम गरिसकेका छन् । शेर्मा पाचथर माङ्जाबुङ्ग गाउँपालिका वडा नं २ मा जन्म थलो बनाई २०४८ सालमा झापाको बुद्धशान्ति गाउँपालिका वडा नं ४ सृजना बस्तिमा कर्मथलो बनाई विभिन्न संघ संस्थामा रहेर काम गर्दै आएका थिए ।

शेर्मा २०६९/३/८/ निरबिरोध बर्ने स्किम खानेपानि तथा सरसफाई उपभोक्ता समितिमा अध्यक्ष पदमा निर्वाचित भएका थिए,। बुद्धशान्ति गाउँपालिका वडा नं ४ स्थित अमर बस्ति सृजना बस्ति बाजोखेत जुनेलि बस्ति धर्म मार्ग गुरास बस्ति मेचिनगर ९ मागुरमाडी लगायतका क्षेत्रमा खानेपानीका विषयमा कुनै समस्या देखिँदा त्यसलाई तत्काल हल गर्नुपर्छ भन्ने मान्यता स्थापित गर्दै आम नागरिकलाई सहज र सरल रुपमा खानेपानी पुर्याउने काममा उनको भूमिका रहँदै आएको थियो ।

शेर्मा अध्यक्ष पदमा ५३२ मतले ले विजयी भएका छन,। भने सचिव पदका प्रदिप राईले ३२४ मतले विजयी भएका छन । सचिव पदका लागि राईका प्रतिस्पर्धी शुक्रराज लिम्बुले २४६ मतमा चित्त बुझाए भने सैलेन्द्र लिम्बले १७३ मतमा चित्त बुझाउनु पर्यो । सचिवको पदमा पनि ३ जनाले उमेद्वारी दिएका थिए ।

सह सचिवमा निर्विरोध करण योङ्हाङ निर्वाचित भएका छन । एता कोषाध्यक्ष पदमा बबिता लिम्बुले ३८८ मत ल्याएर विजयी भएकी हुन भने उनका प्रतिस्पर्धी कमला थाम सुहाङले ३४९ मतमा चित्त बुझाउनु पर्यो ।