बिर्तामोड नगरपालिकाले वडा नं. ३ स्थित डोमालाल रंगशालाको छेउमा रहेको देवी मन्दिरको सुरक्षाका लागि त्यहाँ अतिक्रमण गरेर बनाइएका अस्थायी संरचना हटाउन ३५ दिने सूचना जारी गरेको छ।
नगर कार्यपालिकाको कार्यालयले आज सार्वजनिक सूचना प्रकाशित गर्दै सम्बन्धित पक्षलाई तोकिएको मितिभित्र स्वेच्छिक रूपमा आफ्नो संरचना हटाउन अनुरोध गरेको छ।
यदि तोकिएको समयभित्र संरचना हटाइएन भने नगरपालिकाले कानूनी प्रक्रिया अनुसार हटाउने र त्यसबाट उत्पन्न हुने खर्च सम्बन्धित पक्षबाट असुल्ने चेतावनी दिएको छ।
नगरपालिकाले यस सूचना मार्फत स्थानीयबासीलाई कानूनी मापदण्ड अनुरूप व्यवस्थित बसोबास गर्न आग्रह गरेको छ।
