झापाको बुद्धशान्ति गाउँपालिका वडा नं ३ स्थित एरा एभरग्रीन अंग्रेजी माध्यमिक विद्यालयले एसईई परीक्षामा उत्कृष्ट परीक्षाफल हासिल गर्न सफल सम्पूर्ण विद्यार्थीलाई बधाई तथा शिक्षक अभिभावकहरूमा शुभकामना आदान प्रदान गरेकाे छ ।
विद्यालय व्यवस्थापन समितिका अध्यक्ष भोजराज बाँस्तोलाको सभापतित्वमा भएकाे कार्यक्रममा वरिष्ठ शिक्षासेवी तथा विद्यालयका सल्लाहकार टिकाराम पोख्रेलको प्रमुख आतिथ्यता रहेको थियो ।
विद्यालयका प्रधानाध्यापक, व्यवस्थापन समितिका पदाधिकारी, जनप्रतिनिधि विद्यालयका शिक्षक विद्यार्थी अभिभावक सञ्चारकर्मी लगायतको आतिथ्यता रहेको थियो ।
शनिवार भएको बधाई तथा शुभकामना कार्यक्रममा विद्यालयका प्रबन्ध निर्देशक खगेन्द्र मैनालीले कार्यक्रमको औचित्य माथि प्रकास पार्दै उहाँले भन्नू २०५६- सालमा स्थापित भई एरा एभरग्रिन अंग्रेजि स्कुल माध्यमिक विद्यालय पठनपाठनमा उत्कृष्ट हुँदै आएको छ । एसईई परीक्षामा उत्कृष्ट नतिजा ल्याउन सफल भएकोमा सम्पुर्ण विद्यार्थी साथै अभिभावकहरूको पनि उत्तिकै भुमिका रहेको बताउनु भयो ।
कार्यक्रममा एसईईमा उत्कृष्ट नतिजा ल्याउने विद्यार्थीलाई अवीर र खदा लगाई नगद रू २,००० ले सम्मान गरिएको थियो । साथै A+ ल्याउने विद्यार्थीलाई गणितका शिक्षक उमेश आचार्यले एकमुष्ठ नगद रू १०,००० पुरस्कार समेत प्रदान गर्नुभएको थियो । त्यस्तै कार्यक्रममा उत्कृष्ट शिक्षकहरूलाई खदा र अबिरले सम्मान गरिएको थियो ।
प्रमुख अथिति पोख्रेलले बुद्धशान्तिको शैक्षिक गुणस्तर उकास्न एरा एभरग्रीन अंग्रेजी विद्यालयले साथै अभिभावकले खेलेको भूमिकाको प्रसंसा गर्दै एसईई परीक्षामा उत्कृष्ट नतिजा ल्याउने विद्यार्थीलाई सम्मान गरेर सिङ्गो गाउँपालिकालाई गौरव महसुस गराएकोमा विद्यालय परिवारलाई धन्यवाद दिनुभयो । साथै आगामी दिनमा पनि अझ शिक्षामा गुणस्तर बढाउनका लागि शुभकामना समेत दिनुभयो ।
कार्यक्रममा बोल्दै बुद्धआदर्श माध्यमिक विद्यालयका व्यवस्थापन समितिका अध्यक्ष मनोरथ तिवारीले शिक्षा सिकाई समाज रुपान्तरणका लागि हुनु पर्नेमा जोड दिँदै उहाँले भन्नु भयो हाम्रो शिक्षा प्रणाली प्रतक्ष समाजमा जोडीन आवस्यक रहेको बताउदै त्यसको थालनी हामी बाटै सुरू गर्नु पर्नेमा जोड दिनु भयो ।
त्यस्तै बुद्धशान्ति गाउँपालिका वडा नं ३ कार्यपालिका सदस्य नर्वदा चापागाँईले स्कुलले विधार्थीहरुलाई उत्कृष्ठ नतिजा ल्याउन सफल बनाएको भन्दै खुशी व्यत गर्दै सम्मानित विद्यार्थीलाई नजिकैबाट नियाल्न पाउँदा हर्षित भएको बताउनु भयो ।
मन्तव्यकै क्रममा विद्यालय समितिका सल्लाहकार समितीका सदस्य छत्र तिम्सिनाले अहिलेका विद्यार्थीहरुको जीवनभरको भाषाको स्रोत नै अहिले पढ्दै गरेको विद्यालय हो, यहि उमेर उनीहरुको जीवनको आधार हो त्यसैले उनीहरुले जिवनभर आवस्यक पर्ने आधारभूत सीपहरु पनि विधालयबाट सिक्न र सिकाउन आवश्यक रहेको बताउनु भयो ।
त्यस्तै कार्यक्रममा बोल्दै विद्यालय व्यवस्थापन समितिका अध्यक्ष भोजराज बाँस्तोलाले विद्यार्थीका अभिभावकहरुले पनि विद्यालयले संचालन गरेका राम्रा गतिविधिलाई सफल बनाउन अभिभावकले पनि रचनात्मक भूमिका खेल्नु पर्ने कुरा बताउनु भयो ।
कार्यक्रम एरा एभरग्रीन अंग्रेजी माध्यमिक विद्यालयको प्राङ्गणमा विद्यालयका प्रधानाध्यापक आदर्श राईले उपस्थित सम्पूर्णलाई शाब्दिक स्वागत गर्दै दिऊँसो १ बजे बाट सुरु भएको कार्यक्रमको सञ्चालन विद्यालयका माध्यमिक तर्फका शिक्षक रोसन भट्टराईले गर्नु भएको थियो ।
