झापाको बुद्बशान्ति गाउँपालिका वडा नं २ स्थित एम्बिसन एकेडेमि निजि विद्यालयमा कक्षा ७ मा अध्ययनरत १२ वर्षिय एक विद्यार्थिलाई शिक्षकले निलडाम बस्नेगरि कुटपिट गरेको पीडित पक्षले आरोप लगाएको छन।
विद्यालयमा ल्याउन बन्चित गरिएको सामान बोकेर विद्यालयमा आएको र विद्यालयमा अपशब्द बोलेकाले निलडाम हुने गरि कुटपिट गरेको र एक हप्तासम्म सस्पेन्स समेत गरेकाले बच्चा र आफुलाई अन्याय परेको भन्दै पिडित पक्षले आरोप लगाएका हुन ।
एता एम्बिसन एकेडेमिका शिक्षक दिपेन सिटौलाले विद्यार्थीले विद्यालयमा परिवार नियोजनका अस्थाई साधन ल्याउने र साना साना विद्यार्थी नानिहरूलाई विभिन्न खाले कृयाकलाप गर्ने सिकाउने विद्यालयमा अपशब्द बोल्ने गरेको र पटक पटक अभिभावकलाई जानकारि गराउदा पनि अटेर गरेकाले डर देखाउने हिसाबले सामान्य कुटपिट गरेको तर यसरी निलडाम हुने गरि कुटपिट नगरेको विद्यालयका शिक्षक सिटौलाले बताउनु भयो ।
कुटपिटको विषयलाई लिएर पीडित विद्यार्थीका अभिभावकले आरोपित शिक्षकलाई असार २२ गते प्रहरिलाई खबर गरि मौखिक जानकारि गराउदै कारबाहीको माग गरेका थिए ।
विद्यालय व्यवस्थापन समिति, जनप्रतिनिधि अभिभावक र पीडित पक्षसँग असार २३ गते बिहान विद्यालयमा भएको छलफलमा आरोपित शिक्षकले पनि विद्यालयबाट भएको गल्ति महसुस गर्दै आजबाट यस्तो नहुने बताएका छन।
अभिभावकले पनि आफ्नो नानिलाई यस्तो खालको गल्ति दोहोर्याउन नदिने भनेपछि कानुनि कारबाही अघि नबढाउने शर्तमा २४ गते आईतबार बाट नानिलाई विद्यालय पठाउने भनि मिलापत्र गरिएको स्थानिय मुकेस भट्टराईले बताउनु भयो ।
