झापाको बुद्धशान्तिमा दोश्रो झापा जिल्ला अन्तरपालिका टि–२० पुरुष क्रिकेट प्रतियोगिता आज बाट सुरू भएको छ ।
बर्खा स्मृति प्रतिष्ठानको आयोजनामा आज बाट सुरू भएको प्रतियोगितामा झापाका १५ वटै पालिकाको टिम सहभागिता रहेने बताईएको छ ।
बर्खा स्मृति प्रतिष्ठानका अध्यक्ष मदान कुमार प्रसाईंको अध्यक्षतामा सम्पन्न उद्घाटन सत्र बुद्धशान्ति गाउँपालिका अध्यक्ष मनोज प्रसाईं को प्रमुख आतिथ्यता रहेको थियो।
बुद्धशान्ति गाउँपालिका उपाध्यक्ष भवानी प्रसाद खतिवडाको विशिष्ट आतिथ्यतारहेको थियो । कार्यक्रममा बुद्धशान्ति गाउँपालिकाका विभिन्न वडाका वडाध्यक्ष ,क्रीकेट संघ झापाका अध्यक्ष प्रविन थापा ,विभिन्न सामाजिक ,साहित्यिक तथा शैक्षिक ब्याक्तिहरु, सुरक्षा निकायका प्रमुख लगायत उपस्थिति बिच बुद्धशान्ति गाउँपालिका अध्यक्ष मनोज प्रसाईंले ब्याटिङ र गाउँपालिका उपाध्यक्ष भवानी प्रसाद खतिवडाको बलिङ मार्फत संयुक्त रुपमा प्रतियोगिताको उद्घाटन गर्नु भएको थियो ।
प्रतिकुल मौसमका कारण शुक्रबार २० ओभरको खेललाई छोट्याएर १०-१० ओभरमा झारिएको थियो।
उद्घाटन खेलमा दमक नगरपालिका लाई १० विकेटको फराकिलो अन्तरले हराउँदै भद्रपुर नगरपालिका विजयी भएको हो ।
टस हारेर पहिलो ब्याटिङको निम्तो पाएको दमकले १० ओभरमा ६ विकेट गुमाउँदै भद्रपुर लाई ७५ रनको लक्ष्य दिएको थियो ।
दमकका लागि संगम बुढाथोकीले १६ बलमा २५ रन जोडे भने सचिन श्रेष्ठले १८ बल खेल्दै २० रन जोडेका थिए ।
भद्रपुरका प्रवेश कामतीले २ ओभर बलिङ गर्दै ९ रन दिएर २ विकेट लिए ।
त्यस्तै, जवाफी ब्याटिङ गरेको भद्रपुरले ४.४ ओभरमा विना विकेट क्षति ७५ रनको लक्ष्य प्राप्त गरेको थियो।
भद्रपुरका लागि निखिल पौडेलले १९ बलको सामना गर्दै विस्फोट ५४ रन बनाएका थिए।
उत्कृष्ट ब्याटिङ प्रदर्शन गरेका भद्रपुरका निखिल पौडेल खेलको प्लेयर अफ दि म्याच घोषित भए।।उनले नगद ३ हजार र ट्रफी प्राप्त गरे।
झापाका १५ वटै पालिकाको सहभागिता रहेको प्रतियोगितामा विजेताले नगद १ लाख ५० हजार ,मेडल, ट्रफी, प्रमाणपत्र पाउनेछ भने उपविजेताले नगद ७५ हजार, मेडल, ट्रफी, प्रमाणपत्र पाउने छन भने खेलमा प्लेयर अफ दि म्याचलाई ३ हजार, सेमिफाइनल प्लेयर अफ दि म्याच लाई ५ हजार , फाइनलको दिन प्लेयर अफ दि म्याचलाई ७ हजार र प्लेयर अफ दि सिरिजलाई १३ हजार पुरस्कार दिइनेछ ।
कार्यक्रममा उपस्थित सम्पुर्ण अतिथिहरूलाई आयोजक बर्खा स्मृति प्रतिष्ठानका सचिब मदन मगरले स्वागत गर्नु भएको कार्यक्रममा बर्खा स्मृति प्रतिष्ठान अध्यक्ष मदन प्रसाईंले प्रतियोगिता आयोजनाको औचित्य माथी प्रकाश पार्नु भएको थियो भने प्रमुख अबुद्धशान्ति गाउँपालिका अध्यक्ष मनोज प्रसाईं ,विशिष्ट अतिथि बुद्धशान्ति गाउँपालिका उपाध्यक्ष भवानी प्रसाद खतिवडा ,क्रीकेट संघ झापाका अध्यक्ष प्रविण थापा लगायतले शुभकामना मन्तव्य राख्नु भएको थियो ।
प्रतियोगिताको दोश्रो दिन माघ १२ गते दुई खेल हुने छन शनिबारको पहिलो खेलमा पहिलो संस्करणको बिजेता बिर्तामोड नगरपालिकाले कमल गाउँपालिकाको सामना गर्ने छ भने दोश्रो खेलमा कनकाई नगरपालिकाले बाह्रदशी गाउँपालिका संग प्रतिस्पर्धा गर्ने छ।
प्रतियोगिता बुद्धशान्ति गाउँपालिका वडा न:३ स्थित पेट्रोल पम्प पश्चिमको मैदानमा संचालन भईरहेको छ।
