
बुद्धशान्ति १ स्थित समाजसेवा संस्थामा विगत केही समय अघि देखि सप्ताहिक रुपमा पुराण लाग्दै आएको छ । समाज सेवा संस्था र जेष्ठ नागरिक संगम केन्द्र बुद्धशान्तिको आयोजनामा पुराण लगाइन्दै आएको संस्थाका अध्यक्ष अमर विमलीले जानकारी दिए । शनिबार फुसर्दको समय पनि हुने र स्थानीय जेष्ठ नागरिकहरुले हप्ताको एक दिन धार्मिक कथा प्रवचन तथा पाठ पारायणमा सहभागि हुन पाउन भएकोले पुराणको आयोजना गरिएको बताइएको छ ।
युवा पं. जयरामशास्त्रीले हाल उक्त स्थानमा पुराण वाचन गरिरहेका छन् । विभिन्न दाताहरुको सहयोगमा पुराणमा आउनेहरुलाई प्रसादी वितरण गरिने आयोजकले जानकारी दिएको छ ।
आज शनिबार भएको पुराणमा सहभागि भएकाहरुलाई बुद्धशान्तिकै स्थानीय रुक्म खनालको परिवार र नारद चम्लागाईको परिवारले प्रसादको व्यवस्था मिलाइदिएका थिए । त्यस्तै अब आउने शनिबारको पुराणमा द एभरेष्ट सहकारीको तर्फबाट भक्तजनहरुलाई प्रसादको व्यवस्था रहेको बताइएको छ । यदि कुनै संस्था तथा परिवारहरुले भक्तजनहरुलाई प्रसादको व्यवस्था मिलाइदिन इच्छा गरे आफूँहरुलाई ९८४२७५६५७९ नम्बरमा सम्पर्क गर्न सकिने बताइएको छ ।
.