ईलामको सूर्योदय नगरपालिका वडा नं ६ स्थित सरस्वती निवास आधारभूत विद्यालयमा वाबु-आमाको स्मृतिमा अक्षयकोष स्थापना भएको छ ।
अक्षयकोष स्थापनार्थ दाताका जेष्ठ सदस्य टीकाराम भट्टराईको अध्यक्षतामा भएको कार्यक्रममा ईलाम जिल्ला समन्वय समितिका उपप्रमुख चित्रकला बराईलिको प्रमुख आतिथ्यता रहेको थियो ।
कार्यक्रममा बिशिष्ठ अतिथि सुर्योदय नगरपालिका वडा नम्बर -६ का वडा अध्यक्ष शिवकुमार बस्नेत, सरस्वति निवास आधारभुत विध्यालयका विध्यालय व्यवस्थापन समितीका अध्यक्ष जीवनहरी कार्की, विध्यालयका प्रधानाध्यपक पुष्प गजुलेर लगायतको अतिथ्यता रहेको थियो ।
कार्यक्रममा स्वर्गीय भक्तिप्रसाद भट्टराईका छोराहरू टीकाराम, ठाकुर, केशब, फणीन्द्र शिवकुमार भट्टराई, छोरीहरू चित्रा, रुक्मा, सीता, इश्वरा, रीता तथा नातीहरू समेतले बाबु -आमाले पुर्याउनु भएको योगदानको स्मरण गर्दै “स्वर्गीय भक्तिप्रसाद -नर्वदादेवी -दुर्गादेवी भट्टराईको स्मृति छात्रवृत्ति अक्षयकोष, २०८०” स्थापना गरिदिनु भएको हो।
२०१४ सालमा स्थापना भएको विद्यालयमा स्थापना कालदेखि लामो समयसम्म व्यवस्थापन समितिमा रहेर भक्तिप्रसाद भट्टराईले काम गर्नुभएको थियो । हाल कक्षा ८ सम्म पूर्णत: अँग्रेजी माध्यममा अध्ययन अध्यापन गर्ने गराउने बिद्यालयमा हरेक वर्ष अध्ययन गर्ने र उत्कृष्ट अंक प्राप्त गर्ने २ जना छात्र र २ जना छात्रालाई छात्रवृत्ति स्वरूप नगद रकमले पुरस्कृत गर्नेगरी ५ लाखको अक्षयकोष स्थापना गरिएको हो।
कार्यक्रममा ५ लाखको चेक विधालय व्यवस्थापन समितिका अध्यक्ष जिवनहरी कार्की तथा विध्यालयका प्रधानाध्यापक पुष्पलाल गजुरेललाई हस्तान्तरण गरिएको थियो ।
कार्यक्रममा आफ्ना भनाईहरू राख्दै विध्यालय व्यवस्थापन समितिका अध्यक्ष जिवनहरी कार्किले निःशुल्क शिक्षा, निःशुल्क पाठ्यपुस्तक, निःशुल्क खाजा खर्च लगायत निःशुल्करूपा अन्य धेरै सुविधाहरू सरकारको तर्फबाट उपलब्ध गराइएको भए पनि वर्तमान समयमा गुणस्तरिय शिक्षाको लागि निजी बिद्यालय जाने संस्कारको विकास भइरहेको अवस्थामा सरकारी विध्यालयको शिक्षा तथा संस्कारको विकास गराई सामुदायिक विद्यालयहरू लाई शिक्षामा जोड दिने प्रयास स्वरूप यो सहयोग विध्यालयलाई उपलब्ध
भएको अक्षयकोषको व्याजबाट विध्यार्थीको अध्ययन खर्चमा थप सहयोग पुग्ने विश्वास गरिएको बताउनु भयो ।
कार्यक्रममा शुभकामना मन्तव्य राख्दै बिशिष्ठ अतिथि सूर्योदय नगरपालिका -६ का वडा अध्यक्ष शिवकुमार बस्नेतले दाता परिवारको विषयमा चर्चा एवं अक्षयकोषको लागि प्राप्त रकमको सही सदुपयोग गर्न सुझाब दिँदै विद्यालयको थप सुधार र गुणस्तरीय शिक्षाको सहयोग र समन्वय गर्न साथै सुर्योदय नगरपालिकाको विकास विस्तार प्रवर्धन स्थानीय सरकार सदैव तयार रहेको बताउनुभयो ।
कार्यक्रममा भुतपूर्व प्रधानाध्यापक एकराज गडर्तौला,ठाकुर भट्टराई ,स्व डम्बर वहादुर स्मृति कोषका संरक्षक तेजबहादुर कार्कि स्व नरमाया स्मृतिकोष संरक्षक कुल बहादुर निरौला, देबि निरौला, दुर्गा निरौला , तेस्तै मातृत्व कोषको प्रतिनिधि विमला गड्तौला साथै विध्यालय दिगोकोष दाता नरमाया मोक्तान लगायतको उपस्थिति रहेको थियो ।
कार्यक्रममा दाता परिवारका तर्फबाट खेलकुद सामाग्री र नेपाल टेलिकमको सामाजिक उतरदायित्व अन्त्गत एक थान मेबाइल मल्टि चार्जर समेत उपलब्ध गराइएको थियो।
त्यस्तै अर्का व्यवसायी देबेन्द्र आचार्यले विद्यालयको बाल कक्षामा रङ्गरोगन, पेन्टिङ र बालमैत्री व्यवस्थापन गरिदिने प्रतिबद्धता व्यक्त गर्नु भयो।
सुर्योदय नगरपालिका वडा नं ६ स्थित सरस्वति निवास आधारभुत विध्यालयको प्राङगणमा भएको कार्यक्रमको सन्चालन अक्षयकोष दाता परिवारका तर्फबाट फणीन्द्रराज भट्टराईले गर्नुभएको त्हाँवाट शिक्षक किसोर निरौलाले जानकारि दिनु भयो ।
