झापाको बुद्धशान्ति गाउँपालिका बुधबारे युनाइटेड फुटबल क्लबको आयोजना र भोटेटार फुटबल क्लबको सहआयोजनामा २ दिने बुद्धशान्ति नकआउट च्यालेन्ज कप फुटबल प्रतियोगिता शनिबार सम्पन्न भएको छ ।
बुद्धशान्ति १ स्थित भोटेटारकोे खेलमैदानमा भएको प्रतियोगितामा स्थानीय १० टिमको सहभागिता रहेको थियो । जसमध्ये शुक्रबार भएको सेमिफाइनल खेलमा बुधबारे युनाइटेड र होक्से फुटबल क्लब भिडेका थिए । योे खेलमा होक्सेले २–० गोल अन्तरले बुधबारे युनाइटेडलाई पराजित गर्दै फाइनलमा प्रवेश गरेको थियो । त्यस्तै सोही दिन भएको अर्को सेमिफाइनल खेलमा आर्दश युवा क्लबले श्रृजनशिल युवा क्लबलाई २–१ गोेल अन्तरले पराजित गर्दै फाइनलमा प्रवेश गरेको थियो ।
यता शनिबार भएको फाइनल खेलमा भने होक्से फुटबल क्लबले आदर्श युवा क्लबलाई २–१ गोल अन्तरले पराजित गर्दै बुद्धशान्ति नकआट च्यालेन्ज कपको ट्रफि उचाल्न सफल भएको छ । विजेता टिमलाई ट्रफी, मेडल सहित नगद १५ हजारले सम्मान गरिएको थियो भने उपविजेता टिमलाई ट्रफी, मेडल सहित नगद १० हजारले सम्मान गरिएको थियो ।
त्यस्तै फाइनल खेल अघि भएको सो म्याच आर्दश युवा क्लबका पदाधिकारी र एक्सल बैंक बुधबारे शाखा बिच भएको थियो । जस्मा ३–२ गोल अन्तरले पराजित गर्दैै आर्दश युवा क्लबले जित हासिल गरेको थियो।
सोही फाइलन खेलमा महिला तर्फ भएको सो म्याचमा भने भोटेटार फुटबल क्लब महिला टिमले आदर्श युवा क्लब महिला टिमलाई १–० गोल अन्तरले पराजित गर्दै जित हासिल गर्न सफल भएको थियो ।
फाइनल प्रतियोगितामा झापा जिल्ला फुटबल संघका वरिष्ठ उपाध्यक्ष मनेश दाहाल, आदर्श युवा क्लब बुद्धशान्तिका अध्यक्ष मात्रिका श्रेष्ठ, भोटेटार फुटबल क्लबका अध्यक्ष एकराज भुजेल, होक्से फुटबल क्लबका अध्यक्ष बालकुमार राई लगायतको आतिथ्यता रहेको थियो ।
