ज्ञानु भट्टराई : राष्ट्रिय स्वतन्त्र पार्टीका सभापति रवि लामिछानेले २०८४ मा हुने आम निर्वाचनमा झापामा जनताले रास्वपाका उम्मेद्वारलाई जिताएर परिवर्तनको घण्टी बजाउनुपर्ने बताउनु भएको छ । झापाको बुद्धशान्ति गाउँपालिका वडा नं ४ स्थित पुरानो टिमाई शिविर नवनिर्मित सब्जि मण्डीको प्राङगणमा आयोजित राष्ट्रिय स्वतन्त्र पार्टीको भेटघाट कार्यक्रमलाई सम्बोधन गर्दै उहाँले आफुहरु जनजीविकाका पक्षमा काम गर्न आएकाले एकपटक अवसर दिएर परिक्षा लिन आग्रह गर्नुभयो ।
“काम गर्न सकेनौँ भने,यो क्षेत्र घण्टी निशेधित बनोस् ।” बर्षौ देखि जितेका नेताले बुद्धशान्तिमा के परिवर्तन गरे? भन्ने प्रश्न गर्दै उहाँले भन्नुभयो, “तपाईहरुलाई अपेक्षा गरिएको छ । बुद्धशान्ति अथाह सम्भावना हुँदाहुँदै यहाँका पर्यटन,कृषि,उद्योग,शिक्षा,सडक हरेक क्षेत्रको विकास हुन सकको छैन ।”
कांग्रेस,एमाले र माओवादीहरुले गर्न सक्नेजति गरिसकेको लामिछानेको दाबी छ । “उनिहरुको क्षमता यति नै हो केही गर्न सक्दैनन् ।” उहाँले भन्नुभयो, “यदि रास्वपा सरकारको नेतृत्वमा पुग्यो भने देशको एयरपोर्टबाट भित्रिएका क्विन्टलका क्विन्टल सुन कान्ड, ललिता निवास प्रकरण जस्ता अनेक कान्डको छानबिन गर्नेछ । र, देशमा औँलाले गन्न सकिने बाहेक नेता जेलको छिँडीमा सडिनेछन् ।”
राष्ट्रिय स्वतन्त्र पार्टीका सभापति रवि लामिछाने बुद्धशान्तिमा आई यहाँकाे सुकुम्बासी समस्या समाधान गर्न पहल गर्ने बताउनु भयो ।
राष्ट्रिय स्वतन्त्र पार्टी बुद्धशान्तिले शुक्रबार आयाेजना गरेकाे भेटघाट कार्यक्रममा बाेल्दै उहाँले भन्नू भयो बुद्धशान्तिमा हसने हात्ती आतंक सुकुम्बासीका समस्या साथै बुद्धशान्तिको विकाश बिस्तार र प्रबर्धन राष्ट्रिय स्वतन्त्र पार्टीले प्राथमिक्तामा राखेर काम गर्ने बताउनु भयो ।
शुक्रबार भएको भेटघाट कार्यक्रममा पार्टीका केन्द्रीय सदस्य रमेश प्रसाई, काेशी प्रदेश इन्चार्ज ओम भण्डारीले सम्बाेध गरेका थिए भने पार्टीका क्षेत्रीय सदस्य कमल श्रेष्ठले स्थानीय विषय समेटिएको प्रतिवेदन वाचन गरेको राष्ट्रिय स्वतन्त्र पार्टी बुद्धशान्ति वडा नं ४ का अध्यक्ष रोसन कटुवालले जानकारि दिनु भयो
रास्वपाको उदयबाट आत्तिएकाहरुले आफुहरुको आलोचना,टिकाटिप्पणी र हमला गरिरहेको लामिछानेको आरोप छ । जति नै गाली गरेपनि खुद्रामा नभई थोकमा जवाफ दिने त्यसका लागी आम निर्वाचन पर्खन उहाँले चेतावनी दिनुभयो ।
“हामीलाई शिद्धान्त विहिन पार्टी भन्दै खेदो खन्ने गरेका छन् ।” उहाँले भन्नुभयो, “हरेक मान्छेका छोराछोरीले गुणस्तरीय शिक्षा पाउन् भन्ने हाम्रो शिद्धान्त छ । यो कुन शिद्धान्त हो? हामीलाई थाहा छैन । वृद्धवृद्धालाई घरमा गएर स्वास्थ्य जाँच गर्ने,उपचारमा लैजाने हाम्रो काम हो । यो कुन शिद्धान्त? कुन वाद? कुन नीति हो? हामिलाई थाहा छैन ।” यी शिद्धान्त मन परेमा रास्वपासंग सम्झौता गर्न रविको आग्रह छ ।
चड्कारो आवाजमा चोटिलो भाषण गर्न खप्पिस लामिछानेले छोटो मन्तब्यमा अगामी निर्वाचनका लागी मिठो शैलीमा भोट माग्नु भयो । “आज भोलि नै चुनाव आउँदैन । तर , हेर्दा हेर्दै चुनाव आउँछ । त्यो बेला यहाँका पुराना नेता हो न हो हुनेगरी भोट माग्न आउनेछन् ।” उहाँले भन्नुभयो, “तपाईहरु विकसित देशका जनताले जस्तै शान्त विद्रोह गरेर रास्वपाको चुनाव चिन्हमा भोट हाल्नुहोला ।”
