इलामको माईजोगमाई गाउँपालिकाले नयाँबजारको बजारको अनुगमन गरेको छ । माईजोगमाई गाउपालिका अनुगमन समितिको संयोजक प्रविना राईको संयोजकत्वमा आज माईजोगमाई गाउपालिकाको नयाँबजारको बजार क्षेत्रमा अनुगमन गरिएको छ । बजार क्षेत्रमा बिक्री बितरण हुँदै गरेका सम्पूर्ण सामाग्रीहरूको अनुगमन आज गरिएको छ । अनुगमनको क्रममा केही पसलहरूले दर्ता नगरेको तथा दर्ता गरे पनि नविकरण नगरेको , केही पसलहरूमा म्याद नाघेको खाध्यपदार्थहरू रहेको पाईएको थियो ।
अनुगमनको क्रममा २५ वटा पसलमा म्याद नाघेको सामाग्री भेटिएको थियो । साथै म्याद नाघेको उक्त सामाग्रीहरू अनुगमन टोलिले नियन्त्रणमा लिएर डिस्पोज समेत गरेको थियो ।
दर्ता गर्न बाकी पसलहरूलाई तत्कल वडामा गएर दर्ता गर्नको लागि साथै सराफाई कार्ड बनाउन बाकीको लागि सराफाई कार्ड बनाउन निर्देशन समेत दिएको छ । साथै आगमि दिनमा म्याद नाघेको कुनै पनि सामाग्री बिक्री नगर्नको लागि अनुगमन टोलिले अनुरोध गरेको छ ।
आजको अनुगमन माईजोगमाई गाउपालिका अनुगमन समितिका संयोजक प्रविना राई , गाउपालिकाका प्रमुख प्रशासकीय अधिकृत कुमार बस्नेत नयाँबजार ईलाका प्रहरी कार्यलय नयाँबजारका ईन्चार्ज तथा त्यस कार्यलयका प्रहरीहरू नयाबँबजार बजार ब्यवस्थापन समितिका पदाधिकारीहरू गाउपालिकाका कर्मचारीहरू लगायतको बाक्लो उपस्थितिमा सम्पन्न भएको हो ।
