बर्खा स्मृति प्रतिष्ठान बुद्धशान्तिको आयोजनामा संचालन भैरहेको प्रथम झापा जिल्ला अन्तरपालिका T-20 क्रीकेट प्रतियोगितामा आज दुई खेल सम्पन्न भएका छन् ।
पहिलो खेलमा भद्रपुर नगरपालिकाले दमक नगरपालिकालाई ७ विकेटले पराजित गरेको छ।
पहिले ब्याटिङ गरेको दमकले १७.३ ओभरमा अलआउट हुँदै ११७ रन बनाएको थियो।११८ रनको लक्ष्य पछ्याएको भद्रपुर नगरपालिकाले १०.१ ओभरमै ३ विकेट गुमाउँदै लक्ष प्राप्त गर्न सफल भयो ।
भद्रपुरका लागि ४७ रन बनाएका नितेश पौडेल म्यान अफ दि म्याच घोषित भए ।
त्यसैगरी दोश्रो खेलमा अर्जुनधारा नगरपालिका विरुद्ध कचनकवल गाउँपालिका ३ विकेटले बिजयी भएको छ।
पहिले ब्याटिङ गरेको अर्जुनधारा नगरपालिकाले निर्धारित २० ओभरमा ६ विकेट गुमाउदै १३४ रन बनाएको थियो।
१३५ रनको लक्ष्य पछ्याएको कचनकवल गाउँपालिकाले ७ विकेट गुमाउँदै १८.२ ओभरमा लक्ष्य प्राप्त गर्यो।
कचनकवल गाउँपालिकाका निम्ति ३१ रन बनाउनुका साथै २ विकेट लिएका टिम क्याप्टेन अनिल लामिछाने म्यान अफ दि म्याच घोषित भएका भए ।
भोलि हुने पहिलो खेलमा गौरादह नगरपालिका र गौरिगन्ज गाउँपालिका विच हुने छ भने दोश्रो खेल भने मेचीनगर नगरपालिका र कनकाई नगरपालिका बिच रहने बताईएको छ
झापाका १५ वटै पालिकाको सहभागिता रहेको प्रतियोगितामा विजेताले नगद १ लाख, मेडल, ट्रफी, प्रमाणपत्र पाउनेछ भने उपविजेताले नगद ५० हजार, मेडल, ट्रफी, प्रमाणपत्र पाउने प्रतिष्ठानका अध्यक्ष मदन प्रसाईंले बताउनु भयो ।
प्रतेक खेलमा प्लेयर अफ दि म्याचलाई २ हजार, फाइनलको दिन प्लेयर अफ दि म्याचलाई ५ हजार र प्लेयर अफ दि सिरिजलाई १० हजार पुरस्कार दिइनेछ ।
कार्यक्रममा बुद्धशान्ति गाउँपालिका अध्यक्ष मनोज प्रसाईं ,बुद्धशान्ति गाउँपालिका खेलकुद बिकास समिति संयोजक पर्शुराम चेम्जोङ,भद्रपुर गोल्डकप अध्यक्ष दिपेश ढकाल ,भद्रपुर गोल्डकप सचीव तथा भद्रपुर नगरपालिका पुर्व नगरप्रमुख जीवन कुमार श्रेष्ठ ,भद्रपुर वडा न:८ वडाध्यक्ष मनोज सुब्बा ,कचनकवल वडा न:१ का वडाध्यक्ष तथा पालिका खेलकुद बिकाससमिति संयोजक महाबिर लिम्बु ( रन्जित) लगायत विभिन्न सामाजिक राजनीतिक ब्याक्तित्वहरुको
लगायतको उपस्थिति रहेको कार्यक्रमको सन्चालन स्थानिय गोकुल पौडेलले गर्नु भएको थियो ।
