बर्खा स्मृति प्रतिष्ठान बुद्धशान्तिको आयोजनामा संचालन भैरहेको प्रथम झापा जिल्ला अन्तरपालिका स्तरीय पुरुष T-20 क्रीकेट प्रतियोगितामा आज भएको पहिलो खेलमा गौरादह नगरपालिकाले गौरिगंज नगरपालिका लाई ३३ रनले पराजित गरेको छ।पहिले ब्याटिङ गरेको गौरादहले २० औभरमा १५४ रन बनाएको थियो।
१५५ रनको लक्ष्य पछ्याएको गौरिगंज गाउँपालिकाले १० विकेट गुमाउँदै १२१ लक्ष प्राप्त गर्न सफल भयो । गौरिगंजका लागि ५१ वलमा ८१ रन हान्दै गौरिगंजका विशाल थापा म्यान अफ दि म्याच घोषित भए।
त्यसैगरी आजै भएको दोश्रो खेलमा मेचिनगर नगरपालिकाले कनकाई नगरपालिका लाई ९१ रनले पराजित गरेको छ ।
पहिले ब्याटिङ गरेको मेचिनगर नगरपालिकाले १९.१ ओभरमा १० विकेट गुमाउदै १६६ रन बनाएको थियो।१६७ रनको लक्ष्य पछ्याएको कनकाईले नगरपालिकाले १० विकेट गुमाउँदै ७५ रन बनाएको थियो ।
मेचिनगरका आसिक राना मगर अलरान्डर प्रद्रशन गर्दै व्याटिङमा ३२ रन बनाए र वलिङमा ३ विकेटले लिए म्यान अफ दि म्याच घोषित भएका थिए ।
झापाका १५ वटै पालिकाको सहभागिता रहेको प्रतियोगितामा विजेताले नगद १ लाख, मेडल, ट्रफी, प्रमाणपत्र पाउनेछ भने उपविजेताले नगद ५० हजार, मेडल, ट्रफी, प्रमाणपत्र पाउने छ ।
प्रतेक खेलमा प्लेयर अफ दि म्याचलाई २ हजार, फाइनलको दिन प्लेयर अफ दि म्याचलाई ५ हजार र प्लेयर अफ दि सिरिजलाई १० हजार पुरस्कार दिइनेछ ।
स्थानीय स्तरमा खेलाडी उत्पादन गर्नुका साथै खेलमा अनुशासनको महत्व सिकाउदै आन्तरिक पर्यटन प्रवर्धन गर्ने उदेश्यले प्रतियोगिताको आयोजना गरिएको बताइएको छ ।
खेललाई मर्यादित र व्यवस्थापन गर्न स्थानीय युवाहरु एक जुट भएर लागेको बर्खा स्मृति प्रतिष्ठानका अध्यक्ष मदन प्रसाईंले बताउनु भयो ।
