इलाम फाकफोकथुम गाउँपालिका ३ सल्लेरीकी १९ वर्षीय विमला कट्टेल हराएको १५ दिनमा गाडिएको अवस्थामा शव फेला परेको हो ।
जिल्ला प्रहरी कार्यालय इलामका सूचना अधिकारी तथा प्रहरी नायब उपरीक्षक मानबहादुर राईका अनुसार शव गाडिएको अवस्थामा आज फेला परेको छ ।
फाकफोकथुम गाउँपालिका दुई धार्ने खोप दाहाल गोलाई भन्ने स्थानमा महिलाको शव फेला परेको जनाइएको छ ।
जिल्ला प्रहरी कार्यालय इलामका अनुसार शव उत्खनन गर्ने कार्य भइरहेको छ ।
शव उत्खनन गर्ने र कानुनी प्रक्रिया पुरा गरेर थप अनुसन्धान गर्ने प्रहरीको भनाई छ ।
इलामको देउमाई नगरपालिका जितपुर माइत रहेकी सो महिला गएको चैत्र १ गते देखी बेपत्ता रहेको जनाइएको छ । महिला हराएपछि विमलाका ससुरा कृष्णलाल गिरीले प्रहरीमा बुहारी हराएको उजुरी दिएको उल्लेख छ ।
विमलाका श्रीमान् उमेश गिरी बेपत्ता गराउन संलग्न रहेको आशङ्का गरिएको छ । साथै उनलाई प्रहरीले नियन्त्रणमा लिएको छ ।
