बुद्धशान्ति गाउँपालिकामा भूमि समस्या समाधान आयोगको शाखा उद्घाटन गरिएको छ । आज एक कार्यक्रमका बिच गाउँपालिका अध्यक्ष मनोज प्रसाईंले रिवन काटेर कार्यालय उद्घाटन गरेका छन् ।
अव्यवस्थित बसोवासीलाई धनीपुर्जा वितरण गर्ने बुद्धशान्ति गाउँपालिकाको महाअभियान अन्तर्गत नयाँ बनिएको आयोग जिल्ला कार्यसमितिको कार्य प्रारम्भसंगै बुद्धशान्ति गाउँपालिकाले पनि चाँढै धनीपुर्जा वितरण गर्ने कार्य प्रारम्भ गरेको छ । जस अन्तर्गत आज कार्यालयको उद्घाटन गरिएको छ ।
बुद्धशान्ति गाउँपालिका अध्यक्ष, भुमि समस्या समाधान आयोग झापा जिल्ला अध्यक्ष मदन अधिकारी , प्रमुख प्रशासकीय अधिकृत विनोद पोखरेल, वडाध्यक्ष, भुमि समस्या समाधान आयोग जिल्ला सदस्य, जिल्ला प्राविधिकसहित भुमि समस्या समाधान आयोग शाखा प्रमुख र सो शाखाका प्राविधिक लगायतको उपस्थिति रहेको थियो ।
करिव छ हजार २०० कित्ता नापी भएको बुद्धशान्ति गाउँपालिकाको अव्यवस्थित बसोवासीलाई धनीपुर्जा वितरण गर्ने अभियान तिब्रताका साथ अगाडि बढ्ने निश्चित भएको जनाइएको छ ।
