झापाको बुद्धशान्ति न्यु स्टार युथ कल्ब भोटेटारले आयोजना गरेको दुई दिवसीय बुद्धशान्ति भेट्रान्स नकआउट च्यालेन्ज कप फुटबल प्रतियोगिता शनिबार सम्पन्न भएको छ ।
बुद्धशान्ति १ स्थित भोटेटारकोे खेलमैदानमा भएको प्रतियोगितामा स्थानीय ८ टिमको सहभागिता रहेको थियो । जसमध्ये शुक्रबार भएको सेमिफाइनल खेलमा जयपुर फुटबल कल्ब र दामा फुटबल कल्ब भिडेका थिए । सो खेलमा जयपुरले १–० गोल अन्तरले दामा फुटबल कल्बलाई पराजित गर्दै जयपुर फाइनलमा प्रवेश गरेको थियो ।
यता शनिबार भएको दोस्रो सेमिफाइनल अर्जुनधारा फुटबल कल्ब र मानेबुङ बिच भएको खेलमा ४/० गोल अन्तरले हराउदै अर्जुनधारा फाईनलमा प्रवेश गरेको थियो ।
सोही दिन भएको फाईनल खेलमा जयपुर फुटबल कल्ब र अर्जुनधारा फुटबल कल्ब बिच भएको खेलमा जयपुर फुटबल कल्बलाई ४/१ गोल अन्तरले हराउदै अर्जुन धारा फुटबल कल्बले बुद्धशान्ति भेट्रान्स कपको ट्रफि उचाल्न सफल भएको छ ।
प्रतियोगिताको विजेता टिमले नगद रू १०००० , ट्रफी, मेडल र प्रमाणपत्र पाएका थिए भने उपविजेता टिमले नगद रू ७००० ट्रफी, मेडल र प्रमाण पत्र प्राप्त वितरण गरिएको शुक्रबारे बजार व्यवस्थापन समितिका अध्यक्ष इन्द्र लिम्बुले जानकारि दिनु भयो ।
