झापाको बुद्धशान्ति गाउँपालिका वडा नं ५ मा च्युङ्गीला तामाङ ह्युल वाह्र तामाङ समाजको आयोजनामा बाह्र तामाङ समाजले सोनाम लोछार ल्हासो फ्याफुल्जि तामाङ ल्होसार’ पर्व भव्य रुपमा मनाएका छन् ।
च्युङ्गिला तामाङ ह्युल वाह्र तामाङ समाजका अध्यक्ष राजन तामाङको अध्यक्षता बुद्धशान्ति गाउँपालिका वडा नं ५ का वडा अध्यक्ष डेगेन्द्र कार्कीको प्रमुख आतिथ्यतामा समारोहको उद्घाटन गरिएको थियो ।
शनिवार भएको कार्यक्रममा पर्वको अवसर पारेर विभिन्न सांस्कृतीक कार्यक्रम सहित मनोरञ्जनात्मक
विभिन्न स्थानका कलाकारहरुले तामाङ संस्कृती झल्काउने नृत्य समेत प्रस्तुत गरिएको थियो ।
कार्यक्रममा च्यङ्गीला तामाङ बाह्र तामाङ समाजका पुर्व अध्यक्षतेज वहादुर तामाङ ,चुल्ठे सामुदाहिक वनका अध्यक्ष सुजन खतिवडा, संस्थाका सल्लाहकार संयोजक बल वहादुर तामाङ ,जग्गा दाता ह्युल तामाङ ,ज्ञान वहादुर बम्जन,मिरा देवि तामाङ स्थानिय समाज सेवि लगायतको उपस्थितिमा कार्यक्रम सम्पन्न भएको थियो ।
संस्थाका सचिव योन्जन तामाङले स्वागत मन्तव्य सहित औचित्यमाथि प्रकाश पार्नु भएको थियो ।
कार्यक्रममा पुर्व अध्यक्ष तेज वहादुर तामाङ ,चुल्ठेे सामुदाहिक वनका अध्यक्ष सुजन खतिवडा, लगायतले शुभकामना मन्तव्य व्यक्त राख्नु भएको थियो ।
कार्यक्रममा २०७४ सालमा स्थापना भएको संस्थामा रहेर अतुलनिय योगदान पुर्याउने साथै जग्गा दाता साथै ज्येष्ठ नागरिक हरूलाई फुलमाला दोसल्ला लगाएर सम्मान पत्र द्वारा सम्मान समेत गरिएको थियो ।
शनिवार वडा नं ५ स्थित भिट्टालाईनमा भएको कार्यक्रममा बुद्धशान्ति वडा नं ५ वडा नं ४ वडा नं ६ का तामाङ समुदायको बाक्लो उपस्थिती रहेको थियो ।
च्युङ्गीला तामाङ ह्युल वाह्र तामाङ समाजले आयोजना गरेको कार्यक्रममा उपस्थित सम्पुर्ण अतिथि हरूलाई आयोजक परिवारले मायाको चिनो वितरण गरेर विदाई गर्नु भएको थियो ।
प्रत्येक वर्ष माघ शुक्ल प्रतिपदाका दिन विभिन्न कार्यक्रम गरी सोनाम ल्होसार मनाइन्छ । मुसा, गाई, बाघ, खरायो, ड्रागन, सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
ल्होसारमा १२ वटा जीवजन्तुका नामबाट ल्हो खोर्लो अर्थात् वर्ष चक्रका आधारमा हरेक वर्ष पुरानो वर्षलाई बिदाइ र नयाँ वर्षलाई स्वागत गरी धार्मिक र सांस्कृतिक विधिअनुसार यो पर्व मनाउने गरिन्छ ।
भूमिपूजा, कूलपूजा एवं दानदक्षिणा, ढोगभेट, नाचगान, मिठो परिकार बनाएर खाने र शुभकामना आदानप्रदान गरी यो पर्व मनाउने चलन छ । समुदायका सबै जना एकै ठाउँमा भेला भई सामूहिक रुपमा मनाइने यो पर्व मुलुकका विभिन्न भूभागमा बसोबास गर्ने तामाङसहित ह्योल्मो, थकाली, जिरेल, नेस्याङ्वा, भोटे, दुरा, लेप्चा लगायतले आ–आफ्नो परम्परा अनुसार मनाउँछन् ।
तामाङ जातिको बाहुल्य रहेको बागमती प्रदेशका विभिन्न जिल्लामा यो पर्व विशेष रुपमा मनाइन्छ ।
