झापाको बुद्धशान्ति –२ मा स्थानीय जयपुर भेट्रान क्लबको आयोजनामा साथै स्थानीय नवज्योती युवा क्लबको सह प्रायोजनको रूपमा रहेर सन्चालन भएको टोल स्तरिय नकआउट फुटबल प्रतियोगिताको आज भएको पहिलो खेलमा दुर्गा पांन्चायन टोल र कमला धाम टोल विच भएको थियो, खेलमा कमला धामलाई ७ /० गोल अन्तरले हराउदै दुर्गा पान्चायन विजयी भएको थियो ।
त्यस्तै आजै भएको दोस्रो खेलमा गोपाल डाँडा ख टोल र झम्के चोक टोल बिच भएको थियो सो खेलमा
गोपाल डाँडा लाई २/० गोल अन्तरले हराउदै झम्के चोक विजयी भएको हो ।
श्री जयपुर आदर्श माविको खेल मैदानमा मंगलबार बाट सन्चालन
भएको प्रतियोगिताको
बिजेताले १५ हजार संगै मेडल, ट्रफी र प्रमाणपत्र पाउनेछन् भने
उपविजेताले १० हजार रुपैयाँ संगै मेडल, ट्रफी र प्रमाण पत्र पाउने छन । प्रतियोगितामा हरेक दिन हरेक बिधामा खेलाडीहरुलाई पुरस्कृत समेत गरिने
स्थानीय जयपुर भेट्रान क्लबको अध्यक्ष सेमन्त पोख्रेलले बताउनु भयो ।
आज भएको खेलमा झम्के चोकका नारायण भण्डारी प्लेयर अफ द म्याच भएका थिए ।
स्थानीय स्तरमा खेलाडी उत्पादन गर्नुका साथै खेल मैदानलाई स्तारोन्नती साथै खेलमा अनुशासनको महत्व सिकाउदै आन्तरिक पर्यटन प्रवर्धन गर्ने उदेश्यले प्रतियोगिताको आयोजना गरिएको बताइएको छ ।
खेललाई मर्यादित र व्यवस्थापन गर्न स्थानीय युवाहरु एक जुट भएर लागेको समितिका सदस्य सुनिल भण्डारीले बताउनु भयो ।
फागुन १ गते वाट सन्चालन भएको प्रतियोगिता फागुन ७ गते सम्म सन्चालन हुने बताईएको छ ।
भोलि हुने खेलमा जयपुर टोल र सितला टोल बिच हुने बताईएको छ ।
प्रतियोगितामा जम्मा १० वटा टिमको सहभागीता रहने वडा नं २ समितिका सचिव धनबहादुर सुयेलले जानकारि दिनु भयो ।
