झापाको बुद्धशान्तिमा जारी दोस्रो बुद्धशान्ति वडास्तरीय फुटबल प्रतियोगिताको उपाधिको लागि बुद्धशान्ति वडा नम्बर १ र ३ भिड्ने भएका छन् ।
आज भएको दोस्रो सेमिफाइनलमा वडा नम्बर २ लाई शुन्यका विरुद्ध १ गोल गर्दै वडा नम्बर ३ ले फाइनलको यात्रा तय गरेको हो ।
फाइनल प्रवेस गरे सङ्गै वडा नम्बर ३ ले डिफेन्डिङ च्याम्पियन वडा नम्बर १ सङ्ग उपाधिका लागि भिडन्त तय गरेको छ ।
फाइनल प्रवेसका लागि बुद्धशान्ति ३ सिद्धार्थ लिम्बुले पहिलो हाफमा गरेको गोल नै निर्णायक बनेको थियो भने लिम्बु नै आजको म्यान अफ द म्याच हुँदै पुरस्कृत समेत भएका थिए ।
प्रतियोगिताको उपाधी भिडन्तका लागि पौष २० गते शनिबार खेल हुनेछ ।
विजेताले नगद ३० हजार रुपैयाँ, ट्रफी मेडल र प्रमाणपत्र प्राप्त गर्ने र उपविजेताले २० हजार रुपैयाँ पाउने आयोजक समितिका सचिव गजुहाङ योङ्हाङ्ले जानकारी दिनु भयो ।
खेलकुद समिती बुद्धशान्ति १ को आयोजना, बुद्धशान्ति खेलकुद समितीको संयोजनमा भैरहेको खेलको बुद्धशान्ति गाउँपालिकाको मुख्य प्रायोजकको भुमिकामा रहेको खेलकुद विकास समिति बुद्धशान्ति १ का अध्यक्ष बालकुमार राईले जानकारी दिनु भयो ।
