इलामको सूर्योदय नगरपालिका वडा नं ७, एकता टोलका लेखनाथ खतिवडा वैदेशिक भुमिमा विरामी परेपछि उपचारका लागि परिवारले सहयोगको अपिल गरेका छन् ।
हाल दुवैस्थित मिडल इस्टको एफजेठ मास्ट इन्जिनियरिङ कम्पनीमा कार्यरत रहँदै आएका उनि गत असार ८ देखि शिकिस्त रहेको परिवारका लिलाधर खतिवडाले बताउनुभयो।
रोजगारको सिलसिलामा नेपालबाट २०८२ जेठ ५ गते विदेश पुगेका खतिवडाको उपचार हाल एआई रोसिड अस्पतालमा भइरहेको छ।
सुरुमा सेतो रक्तकोष (White Blood Cell) को कमी देखिएपछि अस्पताल भर्ना गरिएका उनमा अहिले निमोनिया (pneumonia) समेत देखिएको र अवस्था गम्भीर बन्दै गएपछि आईसीयूमा राखेर उपचार भइरहेको जनाइएको छ।
उनको उपचारमा लाग्ने खर्च अत्यधिक भएकाले परिवारले आर्थिक सहयोगका लागि अपिल गरेका हुन् ।
घरमा बुवा, आमा, श्रीमती र दुई छोराहरू रहेका खतिवडा वैदेशिक रोजगारीबाट परिवारको गुजारा चलाउँदै थिए ।
अहिले उपचार खर्च व्यहोर्न परिवारको क्षमता नपुगेको हुँदा जो–सुकैले सकेको आर्थिक सहयोग गरेर साथ दिन अनुरोध गरिएको छ।
सहयोग गर्न चाहने महानुभावहरूले तलको सम्पर्कमा सम्पर्क गर्न सक्नुहुनेछः
📞 सम्पर्क नं.: [९८४२६९८६९१-लिलाधर खतिवडा]
