महिला सामुदायिक स्वास्थ्य सेवा तथा अनुसन्धान केन्द्र बुद्धशान्ति ३ को १८औँ वार्षिक साधारण सभा सम्पन्न भएको छ । संस्थाका अध्यक्ष विष्णु मैनाली उप्रेतीको अध्यक्षता, समाजसेवी तथा चन्दादाता राजेन्द्र घिमिरेको प्रमुख आतिथ्यता, त्यस्तै बुद्धशान्ति गाउँपालिका निवर्तमान अध्यक्ष रमेश कुमार भुजेल, समाजेसवी खगेन्द्र मैनाली, रामजानकी मन्दिर उपाध्यक्ष भगवती न्यौपाने, रेडक्रस सोसाइटी बुधबारेका पूर्व अध्यक्ष हरि प्रसाद पोख्रेल, बुधबारे सानासहरी खानेपानी तथा सरसफाई उपभोक्ता संस्थाका अध्यक्ष ध्रुव ओली, बुद्धशान्ति महिला समूहकी अध्यक्ष धनकला अधिकारी, बुद्धशान्ति अस्पतालका अधिकृत धिरेन यादव लगायतको आतिथ्यतामा भएको कार्यक्रममा संस्थाका सहसचिव लक्ष्मी श्रेष्ठ प्रसाईले शाब्दिक स्वागत गरेकी थिइन् ।
कार्यक्रममा प्रमुख अतिथि घिमिरे त्यस्तै गाउँपालिका निवर्तमान अध्यक्ष भूजेल, महिला समूहकी अध्यक्ष अधिकारी लगायतले शुभकामना मन्तव्य राखेका थिए ।
कार्यक्रममा संस्थाको आ.व. २०७८÷०७९ को आर्थिक प्रतिवेदन संस्थाका सचिव जीतबहादुर श्रेष्ठले प्रस्तुत गरिएका थिए ।
महिला सामुदायिक स्वास्थ्य सेवा तथा अनुसन्धान केन्द्र बुद्धशान्ति ३ को आफ्नै भवनमा भएको कार्यक्रमको संचालन संस्थाकी कोषाध्यक्ष कमला रिजालले गरेकी थिइन् ।
