नेपाल विद्यार्थ संघकाे विभिन्न कार्यसमिति विस्तारलाई लिएर विवाद उत्पन्न भएको छ। केन्द्रिय समितिले अधिवेशन नगरी आफू निकटका व्यक्तिलाई चिट्ठी दिएर मनोमानी ढंगले जिल्लाहरूमा सभापति पदको जिम्मेवारी दिए पछि विवाद बढ्न थालेको हो । नेपाली कांग्रेस पार्टीको केन्द्रीय कार्यसम्पादन समितिको निर्णयअनुसार सभापति शेर बहादुर देउवाले नेविसंघ केन्द्रीय तदर्थ समितिको अध्यक्षमा दुजाङ शेर्पालाई नियुक्त गरेका थिए । तदर्थ समितिले स्थानीय तह, प्रदेशसभा र प्रतिनिधिसभा सदस्य गरी तीनै तहको निर्वाचनको अन्तिम परिणाम आएको तीन महिनाभित्र अधिवेशन गर्नुपर्ने गरी समयसीमा तोकिएको थियो । अहिले, तीनै तहको निर्वाचन सम्पन्न भइसकेको र अन्तिम परिणाम पनि आइसकेको छ तर, नेवि संघको अधिवेशन हुने कुनै सम्भावना देखिएको छैन भने केन्द्रिय कार्यसमिति समेत गठन हुन सकेको छैन । तर, मनोमानी रूपमा जिल्ला तहमा चिठ्ठी दिएर जिम्मेवारी दिएकोमा जिल्ला तहबाटै विरोध सुरु भएको छ । इलामबाट विरोध २०७९ मंसिर ६ गते नेवि संघ केन्द्रिय सभापति दुजाङ शेर्पाले टीकाराम पूरी लाई चिठ्ठी दिएर इलाम जिल्ला सभापतिमा नियुक्त गरेका थिए । अधिवेशन नगरी मनोमानी ढंगले चिठ्ठी दिएको विषयमा जिल्लाका अन्य नेवि संघका नेताहरुले विरोध गर्दै आएका थिए । अधिवेशन नगरी आफू निकटका व्यक्तिलाई चिट्ठी दिएको आरोप उनीहरूको थियो । तर, पछिल्लो समय विवाद झनै चर्किदै गएको छ । इलाम क्षेत्र नं २ का कार्यबाहक सभापति अनिल नेपालले चर्को विरोध गर्दै विधि र प्रक्रिया विपरीत हुने कुनैपनी कार्य सुइकार्य नहुने भन्दै तत्काल पत्र फिर्ता लिन आग्रह गरेका छन् । सामाजिक सञ्जाल फेसबुकमा लेख्दै उनले भने – ” म नेपाल विद्यार्थी संघ इलाम संघिय क्षेत्र न २ का.ब सभापतिको हैसियतले इलाम सभापतिको पत्र फिर्ता गर्न ने.बि.संघ केन्द्रिय कार्यलय लाई जोड्दार माग गर्दछु। साथै, यदि पत्र फिर्ता नहुने हो भने इलाम ने बि संघ समानान्तर तहगत समितिहरु बनाउने कुरा समेत जानकारी गराउन चाहान्छु ।” उनले सभापति शेर्पालाई पार्टीको विधानलाई कुल्चिएर अघि बढेको आरोप लगाउँदै पत्र थमाएर गरिएको नियूक्ति किमार्थ स्वीकार्य बताएका छन्। “जुन विधानले उहाँ सभापति बन्नु भयो आज त्यही विधानलाई कागजको रद्दी जसरी कुल्चेर ३२ बर्ष माथी आफ्ना नजिकका लाई जिल्ला जिल्लामा पत्र थमाएर सभापति घोषणा गर्दै हुनुहुन्छ। यो कुरा किमार्थ स्विकार्य छैन । ” नेपाली कांग्रेसका सभापति शेरबहादुर देउवाले २०७८ चैत ९ गते पार्टीको विद्यार्थी संगठन नेपाल विद्यार्थी संघको अध्यक्ष नियुक्त गरेका थिए । कांग्रेसकाे पार्टी विधानको धारा ५ (५) मा ३२ वर्ष उमेर पूरा भएको व्यक्ति नेविसंघको सदस्य बन्न नपाउने उल्लेख छ ।
