युवा आवाज बुद्धशान्तिको आयोजनामा जिल्ला स्तरीय जयपुर भेट्रान्स नकआउट कप फुटबल प्रतियोगितामा आज भएको तेस्रो दिनको खेलमा विर्तामोड भेट्रान्स लाई १ का विरुद्ध २ गोल अन्तरले हराउदै पाराबारी भेट्रान्स शिवसताक्षी विजयी भएको छ ।
१३ गते शनिबार बाट सुरु भएको खेलमा विभिन्न ८ वटा टिम सहभागि रहेका छन् । भने भोलि हुने खेलमा दमक लखनपुर भेट्रान्स क्लब र काकरभिट्टा भेन्ट्रास बिच खेल हुने युवा आवाज बुद्धशान्तिका खेल संयोजक सुनिल भण्डारीको जानकारी दिनुभयो ।
जिल्ला स्तरीय जयपुर भेट्रान्स कप नकआउट कप फुटबल प्रतियोगितामा खेल संयोजक सुनिल भण्डारीको सभापतित्व प्रमुख अतिथि बुद्धशान्ति गाउँपालिकाका वडा नम्बर १ का वडाध्यक्ष अनिल वाग्ले,अतिथिहरूमा बुद्धशान्ति गाउँ पालिकाका वडा नं २ का वडासदस्य विक्रम बोहोरा, वडा सदस्य अमिर श्रेस्ठ, ,बर्खा स्मृति प्रतिष्ठानका तोया प्रसाईं बुधबारे जेसीजका पूर्व अध्यक्ष प्रकाश भण्डारी,,लगायतको आतिथ्यता रहेको थियो ।
प्रतियोगिताको फाइनल खेल यही असोज २० गते हुनेछ । प्रतियोगिताको विजेतालाई ५० हजार नगद, ट्रफि र मेडल त्यस्तै दोस्रो हुनेलाई ३० हजार नगद, ट्रफि र मेडल प्रदान गरिने जयपुर भेट्रान्स फुटबल क्लबका अध्यक्ष सेमन्त पोख्रेल बताउनु भयो छ ।
आज भएको खेलमा पाराबारी भेट्रान्स शिवसताक्षीका खेलाडी जर्सि नम्बर १५ का मोहन तामाङ म्यान अफ द म्याच घोषित भएका थिए ।
त्यस्तै प्रत्येक खेलमा म्यान अफ द म्याच पनि घोषणा गरिने र म्यान अफ द म्याच भएका खेलाडीलाई पछिल्लो समय सामाजिक कार्यमा सक्रिय हुँदै अाएको बर्खा स्मृति प्रतिष्ठानको तर्फबाट पुरस्कृत गरिने बताइएको छ ।
