बुद्बशान्तिमा जारि बर्खा स्मृति प्रतिष्ठान बुद्धशान्तिले आयोजना गरेको दोस्रो संस्करणको झापा जिल्ला अन्तरपालिका टि 20 क्रीकेट प्रतियोगितामा बिर्तामोड नगरपालिका र भद्रपुर नगरपालिका सेमी फाइनलमा प्रबेश गरेका छन् ।
आज भएको पहिलो खेलमा बिर्तामोड नगरपालिकाले झापा गाउँपालिकालाई विशाल १९८ रनले पराजित गर्दै सेमीफाईनलमा स्थान सुरक्षित गरेको छ ।
टस जितेर पहिले ब्याटिङको गरेको बिर्तामोड नगरपालिकाले झापा गाउँ गाउँपालिकालाई विशाल २५३ रनको लक्ष्य प्रस्तुत गरेको थियो । बिर्तामोडका लागी कप्तान समीर कार्कीले ७६ र सुवान्स बजगाईले ६७ रन बनाएका थिए।
ठूलो लक्ष्य पछ्याउने क्रममा झापा १३.४ ओभरमा सबै विकेट गुमाउँदै मात्र ५४ रन बनाउन सफल भयो।
बिर्तामोड लाई बिजय दिलाउन महत्त्वपूर्ण ६ विकेट लिएका बिर्तामोडका बिजय कार्की खेलको म्यान अफ द म्याच घोषित हुँदै नगद ३ हजार र ट्रफी प्राप्त गरे ।
त्यसैगरी दोस्रो क्वाटरफाइनल खेलमा भद्रपुर नगरपालिकाले कनकाई नगरपालिका लाई ५२ रन अन्तरले पराजित गर्दै सेमिफाइनल प्रवेश गरेको छ।
पहिले ब्याटिङ गरेको भद्रपुरले कनकाई नगरपालिका सामु २३४ रनको ठूलो योगफल प्रस्तुत गरेको थियो।भद्रपुरले १९ ओभरमा सबै विकेट गुमाए तापनि २३३ रनको विशाल रन बनाउन अङ्कित सुवेदीले आफ्नो सतक बनाउन एक रनले चुके पनि ९९ रनको पारी खेलेका थिए ।
२३४ रनको लक्ष्य पछ्याएको कनकाई नगरपालिकाले २० ओभर खेल्दै ९ विकेट गुमाएर १८१ रन मात्रै बनाउन सफल भयो।भद्रपुरलाई जित दिलाउन सानदार ९९ रन बनाउनुका साथै ३ विकेट समेत लिएका अङ्कित सुवेदी खेलको म्यान अफ द म्याच घोषित हुँदै नगद ३ हजार रुपैयाँ र ट्रफी पाए ।
त्यसैगरी भोलिको पहिलो खेल तेस्रो क्वाटर फाईनलमा अर्जुनधारा नगरपालिका र गौरादह नगरपालिका भिडने छन् भने दिनको दोश्रो खेल चौथो क्वाटरफाइनलमा कचनकवल गाउँपालिका र मेचीनगर नगरपालिका बिच रहने छ।
प्रतियोगिताको विजेताले नगद १ लाख ५० हजार, मेडल, ट्रफी, प्रमाणपत्र पाउनेछ भने उपविजेताले नगद ७५ हजार, मेडल, ट्रफी, प्रमाणपत्र पाउने अध्यक्ष मदन प्रसाईंले बताउनु भयो ।
