झापाको बुद्धशान्तिमा जारी झापा जिल्ला दोस्रो बर्खा स्मृति अन्तरपालिका टि 20 क्रिकेट प्रतियोगिताको उपाधिको लागि भोलि शनिबार डिफेन्डिङ् च्याम्पियन बिर्तामोड र भद्रपुर नगरपालिका खेल्दै छन,।
यसअघि सेमिफाइनलमा बिर्तामोडले गौरादहलाई ४ विकेटले र भद्रपुर नगरपालिकाले मेचीनगरलाई ११६ रनले पराजित गर्दै उपाधि भिडन्त तय गरेका थिए ।
आज भएको भएको बर्खा इन्डो नेपाल महिला क्रिकेट प्रतियोगिता अन्तर्गतको पहिलो खेलमा नेपाल महिला टिम ६ विकेटले विजय भएको छ।
टस जितेर पहिले ब्याटिङ् गरेको भारतको टिमले मध्यम ११८ रनको लक्ष्य प्रस्तुत गरेको थियो भारतका लागि अंकिता मोहनताले सर्बाधिक ६२ रनको पारी खेले पनि अन्यले साथ दिन सकेन्न ।
सस्तैमा समेटने क्रममा नेपालका प्रियाले ३, रिया शर्मा र ज्योति दनुवारले समान दुई -दुई र संगिता राईले १ विकेट लिएका थिए ।
जवाफी ब्याटिङमा उत्रेको नेपालको लागि राष्ट्रिय खेलाडि अप्सरी बेगम अविजित रहदै ६२ रन र पायल मगरको २० रनको मद्धतले सजिलै लक्ष्य प्राप्त गर्न सफल भयो ।
भारतका लागि अरुना बर्मन, निकिता शाह र नौमिता सरकारले समान एक एक विकेट लिए भने बिमला रन आउट हुन पुगेकि थिइन् । अविजित रहदैँ ६२ रन बनाएकि बेगम खेलको वुमन अफ द म्याच हुँदै पुरस्कृत भइन् ।
साथै बर्खा इण्डो नेपाल वुमन्स अन्तर्गतको दोश्रो खेल भोलि फाइनल खेल अगाडि हुने र यी दुवै रोचक खेल तथा समापन अवसरमा सम्पुर्ण खेलप्रेमी महानुभवहरुमा उपस्थितिका निम्ति बर्खा स्मृति प्रतिष्ठान अध्यक्ष मदन प्रसाईंले सबैमा अनुरोध समेत गर्नु भएको छ ।
भोलि हुने प्रतियोगिताको विजेताले नगद १ लाख ५० हजार, मेडल, ट्रफी, प्रमाणपत्र पाउनेछ भने उपविजेताले नगद ७५ हजार, मेडल, ट्रफी, प्रमाणपत्र पाउने बताउनु भयो ।
