June 24, 2024

सुनसरी र पाँचथरबाट चोरीका मोटरसाईकल,सामान सहित १७ जना पक्राउ परेका छन । पाँचथर प्रहरीले मोटरसाइकल चोरी गर्ने समूहका आठ जनालाई चोरीका मोटरसाइकल र तिनका पार्टपुर्जा सहित पक्राउ गरेको छ ।

जिल्लाका विभिन्न स्थानबाट नियमित मोटराइकल हराएका उजुरी पर्न थालेपछि प्रहरीले छिमेकी तेह्रथुमको आठराई गाउँपालिकाबाट उनीहरूलाई पक्राउ गरेको हो।पक्राउ पर्नेहरुमा फिदिम १ मा मोटरसाइकल ग्यारेज सञ्चालन गर्दै आएका २८ वर्षीय वीरेन्द्र राना, इलाम फाकफोकथुम २ घर भई तेह्रथुमको आठराईमा दुग्ध डेरी सञ्चालन गर्दै आएका तारा बस्नेत, आठराई गाँउपालिका ४ तेह्रथुम बस्ने एकमान दियाली, पबिन इङनाम, वासुदेव तामाङ, सुरज पुर्वछाने मगर, शिवकुमार तामाङ र श्रीप्रसाद तामाङ छन् ।

उनीहरुको साथबाट चोरीका ७ थान मोटरसाइकल र तिनका पार्टपुर्जा बरामद गरेको जिल्ला प्रहरी कार्यालय पाँचथरका प्रमूख डीएसपी हरि खतिवडाले जानकारी दिए । उनका अनुसार पक्राउ परेका सबै युवक १९ देखि २८ वर्ष उमेर समूहका छन् ।
उनीहरुलाई प्रहरीले शनिबार पक्राउ गरी सार्वजनिक गरेको हो । उनीहरुले पाँचथर र तेह्रथुमका विभिन्न स्थानबाट मोटरसाइकल चोरी गरी इन्जिन, पार्टपुर्जा र नम्बरसमेत परिवर्तन गरी बिक्री गर्ने गरेको पाइएको प्रहरीले जनाएको छ । उनीहरुले चोरी गरेकामध्ये केही मोटरसाइकलको स्वरुप नै परिवर्तन गरेर बिक्री गरेको पाइएको छ । पक्राउ परेकामध्ये केही मोटरसाइकल सम्बन्धित व्यक्तिलाई बुझाइएको छ । केही भने अनुसन्धानको प्रकृयामा छन् ।

उनीहरुलाई जिल्ला प्रहरी कार्यालय पाँचथरको हिरासतमा राखी अनुसन्धान सुरु गरिएको पनि खतिवडाले जानकारी दिए ।यता सुनसरीको बराहक्षेत्र नगरपालिका ३ स्थितबाट मोटरसाईकल चोरीमा सम्लग्न तीन जनालाई चोरी गरेको मोटरसाईकल सहित प्रहरीले पक्राउ गरेको छ । पक्राउ पर्नेमा बराहक्षेत्र १ का ३४ बर्षीय सजन श्रेष्ठ, धरान ४ का २८ बर्षीय विश्वराज राई र धरान १३ का २३ बर्षीय रतिस श्रेष्ठ रहेका छन ।

अस्थायी प्रहरी चौकी नहडाबाट खटिएको प्रहरी टोलीले चेकजाँचको क्रममा गत माघ ६ धरान ११ का सुरज तामाङको घरमा पार्किङ गरी राखेको अवस्थामा चोरी भएको प्रदेश १-०२-०४०प २८१८ नम्बरको मोटरसाईकलको नम्वर प्लेटलाई को ३८ प ८०६५ लेखि चलाई रहेको अवस्थामा उनिहरुलाई पक्राउ गरेको हो। पक्राउ परेका तीनै जनाको इलाका प्रहरी कार्यालय धरानबाट थप अनुसन्धान भईरहेको छ। यसैबिच धरानमा प्रहरीले गाडीहरुमा प्रयोग हुने ब्याट्री चोरी गर्ने गिरोह र खरिद गर्ने कबाड सञ्चालकसहित ६ जनालाई पक्राउ गरेको छ।
धरानस्थित इलाका प्रहरी कार्यालयका प्रहरी निरीक्षक देउकुमार लिम्बूका अनुसार उनीहरुलाई आइतबार नै सुनसरी जिल्ला अदालतमा म्याद थप गर्न लगिएको छ। म्याद थप गरेर ल्याइसकेपछि मात्र उनीहरुको नाम सार्वजनिक गर्ने प्रहरीले जनाएको छ।
धरान–५ देउरालीमा गाडीको ब्याट्री चोरी भएको जानकारी अस्थायी प्रहरीचौकीमा दिएपछि चोर पक्राउ परेलगत्तै थप अनुसन्धान गर्दा ठूलै गिरोह रहेको रहस्य खुलेको प्रहरीले जनाएको छ । सीसीटीभी फुजेटबाट चोरी गर्दै गरेको देखिएपछि चोर पत्ता लागेको थियो।

चोरहरुले ट्याक्टर, टिपर, बस, ट्रक, टेम्पो, सफारीलगायतका सवारीसाधनहरुको ब्याट्री चोर्ने गरेको ती ब्याट्री सस्तोमा कबाडवालालाई बेच्ने गरेको रहस्य खुलेको प्रहरीले जनाएको छ।उनीहरुले चोरी गरेको ठूलो परिमाणको ब्याट्री पनि प्रहरीले बरामद गरेको छ । गाडीका ब्याट्री चोर पक्राउ परेको जानकारी पाएपछि थुप्रै पीडितहरु प्रहरीमा पुगेका थिए।

नेपाल क्रिकेट संघ (क्यान) को वार्षिक साधारणसभा आजदेखि कर्णाली प्रदेशको राजधानी सुर्खेतमा सुरु हुँदैछ ।

क्यानले पहिलो पटक कर्णाली प्रदेशमा साधारण सभा गर्न लागेको हो । आज वीरेन्द्रनगरस्थि शुभ होटलमा बिहान १० बजे सुरु हुने कार्यक्रम आइतबार र सोमबार दुई दिनसम्म चल्ने छ । साधारण सभामा वार्षिक कार्यक्रमका साथै बजेटदेखि विवादित नेपाल टी-२० लिगको विषयमा छलफल हुनेछ ।

गत पुसमा काठमाडौंमा भएको पहिलो संस्करणको नेपाल टी-२० लिगमा विभिन्न विवादेखि स्पट फिक्सिङसम्म भएपछि क्यानको चर्को आलोचना भएको थियो ।

पहिलो संस्करणमै निकै विवाद बनेपछि नेपाल टी-२० लिग अब कसरी अगाडि बढाउने भन्ने विषयमा साधारण सभामै छलफल गर्ने निर्णय गर्ने क्यानले यसअघि नै घोषणा गरिसकेको छ ।

यस्तै व्यावसायिक तथा रणनीतिक साझेदारको रुपमा रहेको भारतीय कम्पनी सेभेन थ्री स्पोर्ट्ससँगको सम्झौताको विषयमा पनि छलफल हुनेछ ।

लिग विवादित बनेपछि सेभेन थ्री स्पोर्ट्सले यसअघि नै एकपक्षिय रुपमा सम्झौता रद्द गरिएको जानकारी क्यानसहित राष्ट्रिय खेलकुद परिषद्लाई पठाएको थियो । तर क्यानले अझै सेभेन थ्रीबाट लाइसेन्स फि को रकम देखि पुरस्कार रकम पाउन बाँकी नै रहेकोले यस विषयमा साधारण सभाबाटै निर्णय गर्ने जनाएको छ ।

यस बाहेक साधारण सभा संघको २०२३ को वार्षिक कार्यक्रम, कार्ययोजना र बजेट अनुमोदनको विषयमा पनि छलफल हुनेछ । आर्थिक नियमावली संशोधनको विषयमा पनि छलफल हुनेछ ।

झापाको बुद्धशान्ति गाउँपालिका वडा नं ३ मा रहेको दुईरिङ्गे कृषि सहकारी संस्था को १४औँ वार्षिक साधारण सभा सम्पन्न भएको छ। आफ्नै भवन निमार्ण स्थलमा भएको कार्यक्रम, संस्थाका अध्यक्ष मेहेन्द्र तिम्सिनाको अध्यक्षतामा भएको थियो। त्यस्तै युवा तथा साना व्यवसायी स्वरोजगार कोष झापा जिल्ला समन्वय समितिका सचिव सन्तोष सापकोटाको प्रमुख आतिथ्यता रहेको कार्यक्रममा विशिष्ट अतिथिका रुपमा बुद्धशान्ति गाउँपालिका वडा नं. ३ का वडाध्यक्ष पर्शुराम चेम्जोङ र अर्जुनधारा नगरपालिका वडा नं. १० का वडाध्यक्ष भुपेन्द्र न्यौपानेको आतिथ्यता रहेको थियो।
कार्यक्रममा विशेष अतिथिका रुपमा आदर्श सामुदायिक वन उपभोक्ता समितिका उपाध्यक्ष खगेन्द्र आचार्य र ओमकारेश्वर शिवलय मन्दिरका अध्यक्ष छत्र बहादुर विष्ट रहेका थिए।
संस्थाका पूर्व व्यवस्थापक सुमन रेग्मीले शाब्दिक स्वागत गरेको कार्यक्रमको संचालन सल्लाहकार समिति संयोजक बद्री भण्डारीले गरेका थिए।संस्थाले वार्षिक साधारण सभाकै अवसरमा उत्कृष्ट बचतकर्ताको रुपमा मायादेवी गौतम, हिमादेवी बानिया, सोमनाथ लुईटेल र मोहनमाया राईलाई सम्मान गरेका थियो। त्यस्तै उत्कृष्ट व्यवसायीका रुपमा टिकाराम रिजाल र हेमकुमारी नेपाललाई पनि सम्मान गरेको थियो। यता उत्कृष्ट कर्मचारीका रुपमा ममता अधिकारी पनि कार्यक्रममा सम्मानित भएकी थिइन्।
संस्थाले यस आर्थिक वर्षमा १४ लाख ६७ हजार भन्दा बढी नाफा गरेको प्रतिवेदनमा उल्लेख छ।
संस्थाले वार्षिक उत्सवकै अवसरमा आँखा शिविर समेत संचालन गरेका थियो। शिविरमा २०० बढिले सेवा लिएका छन।

इटहरीमा वृहत्त रक्तदान कार्यक्रम सम्पन्न भएको छ । श्री जनता मा. वि. इटहरी र इटहरी जेसीज को संयुक्त आयोजनामा भएको रक्तदान कार्यक्रम आज इटहरी ९ स्थित श्री जनता मा. वि. को प्राङ्गणमा सम्पन्न भएको छ ।
आज सम्पन्न सो कार्यक्रममा ८५ पिन्ट रगत संकलन भएको इटहरी जेसिजका अध्यक्ष योगेन्द्र पौडेलले जानकारी दिनु भएको छ ।उक्त कार्यक्रममा सह-आयोजकका रूपमा श्री जनता माध्यमिक बिद्यालय पूर्व विधार्थी समाज, नेपाल रेडक्रस सोसाइटी इटहरी उप-शाखा,रोटरी क्लब अफ इटहरी युगल तथा अन्य संघ संस्था, युवा क्लबहरुको सहयोग समेत रहेकोे जनकारी रक्तदान कार्यक्रमका संयोजक होमराज थपलियाले दिनु भएको छ ।
रगत अभाबको समस्यालाई मध्यनजर गर्दै आयोजना गरिएको उक्त कार्यक्रममा उद्योग वाणिज्य संघ ईटहरीका अध्यक्ष, ईटहरी जेसीजका अध्यक्ष, नेपाल जेसीजका पूर्व अध्यक्ष, विभिन्न संघ संस्थाका व्यत्तित्व, विद्यालयका शिक्षक विद्यार्थी तथा स्थानीयहरुको संलङ्गता रहेको जानकरीे विद्यालयका सूचना अधिकारी ज्योति कोइरालाबाट प्राप्त भएको छ ।रगत संकलनका लागि नेपाल रेडक्रस सोसाइटीको समन्वयमा वि. पि. कोइराला स्वस्थ्य बिज्ञान प्रतिस्ठानको टोलिले सहयोग गरेको थियो ।

झापाको बुद्धशान्ति २ स्थित आदर्श माध्यमिक विद्यालयको ६३ अौं वार्षिकोत्सव सम्पन्न भएको छ । विद्यालय व्यवस्थापन समितिका अध्यक्ष लक्ष्मी प्रसाद सुवेदीको अध्यक्षतामा भएको वार्षिकउत्सव कार्यक्रमको प्रमुख अतिथिका रुपमा बुद्धशान्ति गाउँपालिकाका अध्यक्ष मनोज प्रसाईकाे आतिथ्यता रहेको थियो ।

त्यस्तै विद्यालयका जग्गादाता, स्थानीय समाजसेवी, शिक्षासेवी, अभिभावक, विभिन्न संघसंस्थाका प्रतिनिधी लगायतको आतिथ्यतामा भएको कार्यक्रममा उपस्थित सम्पूर्णलाई विद्यालयका पूर्व प्रधानाध्यापक तथा वर्तमान शिक्षक नरेन्द्र प्रसाद भट्टराईले शाब्दिक स्वागत गरेका थिए ।
कार्यक्रममा तारादेवी भण्डारीको संयोजनमा विद्यार्थीहरुले गीता वाचन पनि गरेका थिए। उपस्थित सम्पूर्णलाई स्वागत गर्न कक्षा ६ र ७ का विद्यार्थीहरुले प्रस्तुत गरेको स्वागत नृत्यले कार्यक्रमलाई थप रोचक बनाएको थियो।
विद्यालयको ६३ अाैं वार्षिक उत्सवको अवसरमा विद्यालयका प्रधानाध्यापक करुण कुमार पराजुलीले आर्थिक तथा प्रगति प्रतिवेदन प्रस्तुत गरेका थिए ।
कार्यक्रममा विभिन्न अक्षयकोषदाताहरुलाई सम्मान पनि गरिएको थियो सम्मानित हुनेहरुमा अक्षयकोषदाता शशिधर भण्डारी, तारानाथ/ चन्द्रकला विमली त्यस्तै विष्णुमाया भट्टराई रहेका छन् भने विद्यालयको कोठा निमार्ता यशोदा ओलीलाई पनि कार्यक्रममा सम्मान गरिएको थियो ।
विद्यालयको वार्षिक उत्सवकै अवसरमा देवीप्रसाद फूलमाया अक्षयकोषद्वारा ठाकुर नारायण श्रेष्ठ र तारादेवी सापकोटालाई सम्मान गरिएको थियो भने कर्णबहादुर लक्ष्मी थकुँ अक्षयकोषद्वारा विद्यालयका प्रधानाध्यापक करुण कुमार पराजुली समेत सम्मानित भएका थिए ।
कार्यक्रममा सांस्कृतिक विभाग प्रमुख तुलसी ओलीको संयोजकत्वमा साकेला, थारु, मगर, लिम्बू नाच र गायन प्रस्तुतीले कार्यक्रमलाई थप रोचक बनाएको थियो ।
कार्यक्रममा बोल्दै बुद्धशान्ति गाउँपालिका अध्यक्ष मनोज प्रसाईले बुद्धशान्ति गाउँपालिकाले शिक्षामा पालिकाबाट गर्नुपर्ने कुनैपनि सहयोगमा आफु लाग्ने बताएका छन।
विभिन्न लोक संस्कृति झल्काउने प्रस्तुतीहरु समेत देखाइएको कार्यक्रमको संचालन शिक्षक सिपि पौडेलले गरेका थिए ।

इटहरीमा वृहत्त रक्तदान कार्यक्रम सम्पन्न हुने भएको छ। श्री जनता मा. वि. इटहरी र इटहरी जेसीज को संयुक्त आयोजनामा हुन लागेको उक्त कार्यक्रम यहि मिति २०७९ फाल्गुन १२ गते शुक्रबार का दिन बिहान ८ बजे देखि इटहरी ९ स्थित श्री जनता मा. वि. को प्राङ्गणमा सम्पन्न हुने भएकाे छ।

उक्त कार्यक्रममा सह-आयोजकका रूपमा श्री जनता माध्यमिक बिद्यालय पुर्व विधार्थी समाज, नेपाल रेडक्रस सोसाइटी इटहरी उप-शाखा,राेटरी क्लब अफ इटहरी युगल तथा अन्य संघ संस्था, युवा क्लबहरुको सहयोग समेत रहने जनकारी श्री जनता मा वि इटहरीका प्राधानाध्यापक पशुपति सिग्देलले दिनु भएको छ।
पुर्वमा रगतको आभब महसुस हुन थलेपछि अधिकतम रगत संकलन गर्ने उदेश्यका साथ उक्त कार्यक्रम आयोजना गर्न लगिएको हो। रगत संकलनका लागि नेपाल रेडक्रस सोसाइटीको समन्वयमा वि. पि. कोइराला स्वस्थ्य बिज्ञान प्रतिस्ठानको टोलिले सहयोग गर्ने भएकाे छ।

त्यस्तै बृहत रक्तदान सङ्गै श्री जनता मा वि ले सोही दिन अन्य कार्यक्रम- प्रथम जनता ओलम्पिक्स २०७९ को समापन , नवनिर्मित भवनको उद्घाटन तथा बिध्यालयलाई उत्कृष्ट योगदान गरेका ब्याक्तित्वहरुलाई सम्मान समरोह समेत राहेकाे विद्यालयका सूचना अधिकारी ज्योति कोइरालाबाट जानकरी पाइएको छ।

उक्त दिनकाे कार्यक्रम नेपाल सरकारको महिला, बालबालिका तथा ज्येष्ठ नगरिक मन्त्री माननीय भगवती चौधरी ज्यूको प्रमुख आतिथ्यतामा रहने जनकारी बिध्यालय ब्यबस्थापन समितिका अध्यक्ष काशिनाथ दंगालले गराउनु भएकाे छ। उहाँका अनुसार समाज प्रति बिध्यर्थीहरुलाई कसरी उत्तरदायी बनाउने भन्ने उदेश्य सहित सो कार्यक्रम आयोजना गरिन लगेको बताउनु भएको छ।

झापाको बुद्धधशान्ति गाउँपालिका वडा न: १ मा रहेको बुद्धआदर्श माध्यमिक विद्यालय बुधबारेमा अभिभावक भेला सम्पन्न गरिएको छ। विद्यालय व्यवस्थापन समिति र अभिभावक संघको कार्यकाल सकिएकोले समिति विगठन तथा पुर्नगठन सम्बन्धि छलफलका लागि अभिभावक भेला गरिएको हो ।

विद्यालय व्यवस्थापन समितिका अध्यक्ष मनोरथ तिवारीको अध्यक्षतामा भएको कार्यक्रममा जग्गादाता दिननाथ ढकाल, बुद्धशान्ति गाउँपालिका पूर्व अध्यक्ष रमेश कुमार भुजेल, शिक्षा युवा तथा खेलकुद शाखा बुद्धशान्तिका प्रमुख कमल निरौला, बुद्धशान्ति गाउँपालिका १ का वडाध्यक्ष अनिल वाग्ले, बुद्धशान्ति ३ का वडाध्यक्ष पर्शुराम चेम्जोङ, शिक्षक अभिभावक संघका अध्यक्ष हेमप्रसाद अधिकारी, विद्यालय व्यवस्थापन समिति सदस्य चन्द्र प्रसाद अधिकारी, कल्पना प्रसाई, वडा नं. १ का वडासदस्य लक्ष्मी कडेँल, विद्यालयका सल्लाहकार संयोजक केदार प्रसाद कोइराला, भगवती न्यौपाने, सामुदायिक प्रहरी सेवा केन्द्र बुद्धशान्तिका अध्यक्ष धरणी पोख्रेल, श्री त्रिभुवन माध्यमिक विद्यालयका व्यवस्थापन समिति अध्यक्ष खड्ग तिम्सिना पवन, खगेन्द्र आचार्य, नेत्र रिजाल, विरेन्द्र कुमार घतानी, समाज सेबि चन्द्र कोइराला मनेस दहाल लगायतको आतिथ्यतामा भएको कार्यक्रममा केही समय अघि विद्यालयले अन्य विभिन्न विद्यालयमा गई गरेको भ्रमण प्रतिवेदन राजु पौडेलले गरेका थिए ।
त्यस्तै यात्रा संस्करण प्रस्तुत स्मरण लेखन प्रतिनिधी दुर्गामणी मिश्रले गरेका थिए ।
त्यस्तै कार्यक्रममा स्वर्गिय बुवाआमा विस्नु भक्त आचार्य साथै देबिमाया आचार्य को स्मृतिमा छोरा बुहारी श्रवणमणी आचार्य र बुहारि गंगा आचार्य साथै तीन छोरा बुहारि ४ छोरी ज्वाईले रु ५ लाखको अक्षयकोषको पनि घोषणा गरेका थिए ।

कार्यक्रममा युवा समाजसेवी मदन प्रसाईले कक्षा ११/१२ मा विज्ञान अध्ययनरत् विद्यार्थीहरुलाई विद्यालय शुल्कवापत बर्खा स्मृति प्रतिष्ठानबाट रु ६० हजार बराबरको चेक हस्तान्तरण गरेका थिए ।
कार्यक्रममा उपस्थित सम्पूर्णलाई विद्यालयका प्रधानाध्यापक कृष्णराज भण्डारीले शाब्दिक स्वागत गरेका थिए भने अनिल वाग्ले, खड्ग तिम्सिना, नेत्र रिजाल, लक्ष्मण आचार्य र रमेश कुमार भुजेलले कार्यक्रममा शुभकामना मन्तव्य राखेको कार्यक्रमको संचालन शिक्षक माधव प्रसाद बरालले गरेका थिए ।

झापाको बुद्धशान्ति गाउँपालिका वडा न. १ मा रहेको कर्णाली एजुकेशन फाउन्डेसनले रजत महोत्सव सम्पन्न गरेको छ ।
विद्यालय स्थापना भएको २५ औं वर्ष पूरा गरेको अवसरमा रजत महोत्सव मनाएको हो । विद्यालय व्यवस्थापन समितिका अध्यक्ष छत्रबहादुर कार्कीको अध्यक्षतामा आयोजित समारोहमा प्रदेश १ का उद्योग, कृषि तथा सहकारी मन्त्री भक्ति प्रसाद सिटौलाको प्रमुख आतिथ्य रहेको थियो । समारोहमा उपसभामुख इन्दिरा मगर, पूर्व प्राचार्य गङगाराम गड्तौला तथा विव्यस पूर्व अध्यक्ष ध्रुव कोइरालालगायतलाई अभिनन्दन गरिएको थियो ।

कार्यक्रममा प्याब्सनका केन्द्रीय सल्लाहकार गोविन्द लम्साल, बुद्धशान्ति गाउँपालिका अध्यक्ष मनोज प्रसाईं लगायत विभिन्न विद्यालयका प्रधानाध्यापक, संचालक, समाजसेवी, शिक्षासेवी, अभिभावकको बाक्लो उपस्थिति थियो । कार्यक्रममा शिक्षक शरद भट्टराई र कर्मचारी हेमबहादुर मगरलाई सम्मान गरिएको थियो ।
२५ वर्ष पार गरेको पावन अवसरमा विद्यालयले रजत महोत्सव स्मारक निर्माण गरेको छ । प्रमुख अतिथि सिटौलाले स्मारकको लोकार्पण गरेका थिए ।
कार्यक्रममा बोल्दै मन्त्री सिटौलाले विद्यालयमा पठनपाठनका अतिरिक्त सीपमूलक शिक्षा दिनु आवश्यक रहेको बताए । नेपाली संस्कृतिको संरक्षण गर्ने र जीवनोपयोगी शिक्षा आजको आवश्यकता रहेको उनको विचार थियो ।

कार्यक्रममा आफ्नो विचार राख्दै उप सभामुख मगरले आफूले संसारका विभिन्न देशमा बालबालिकाको सङगत गरेको स्मरण गर्दै नानीहरूलाई सिर्जनशील काम गर्न सझाव दिएकी थिइन् ।
कार्यक्रममा प्याब्सनका केन्द्रीय सल्लाहकार गोविन्द लम्साल, सम्मानित व्यक्तित्व ध्रुव कोइराला लगायतले मन्तव्य राखेका थिए । नर्सरीदेखि कक्षा १२ सम्मका विद्यार्थीले नृत्य तथा गायन गरी झन्डै तिस वटा प्रस्तुति दिएका थिए भने शिक्षक, शिक्षिका तथा कर्मचारीको पनि प्रस्तुति रहेको थियो ।

प्रणय दिवसको अवसरमा आज इलाम स्थित रोङका विद्यार्थीहरुले सवारी चालकहरुलाई प्रेमको प्रतीक गुलाफ फूल उपहार दिएका छन् । रोङ विद्यार्थी एकता समितिले जोरकलशमा ट्राफिक सचेतना कार्यक्रमसहित सवारी चालकहरुलाई गुलाफ फूल दिएको हो ।

सवारी चालकहरुलाई जिम्मेवार बनाउन ‘मेरो परिवार र यात्रुको जिम्मेवारी म मा’ भन्ने नाराका साथ जोरकलशमा ट्राफिक सचेतना कार्यक्रम सम्पन्न गरिएको रोङ विद्यार्थी एकता समितिका अध्यक्ष विमल कट्टेलले बताए ।

अध्यक्ष कट्टेलकै अध्यक्षता, रोङ गाउँपालिका उपाध्यक्ष बिष्णु माया भुजेलको प्रमुख आथित्यता, त्यस्तै ट्राफिक प्रहरी पोस्ट जोरकलस, प्रहरी चौकी किटेनी ,पर्यटन सूचना केन्द्र जोरकलश,अन्कुरण फाउन्डेसन रोङका प्रतिनिधि लगायतकाे आतिथ्यतामा कार्यक्रम सम्पन्न गरिएकाे राेङ विद्यार्थी एकता समितिका काेषााध्यक्ष विवेक कार्कीले जानकारी दिए ।

सन्दकपुर इलाम उत्तरी इलामको लेकाली क्षेत्रहरुमा पशुपालन गरेर जिबिकोपार्जन गर्ने किसानको समय गाइगोठमै बित्ने गरेको छ । जिबिकापार्जनको एकमात्र बिकल्पको रुपमा रहेको उनिहरुमा पारिवारीक मोह भन्दापनि एकान्त र गोठबासवास नै संसार बनेको पाइन्छ । गाइपालन गरेर दुधबाट घिउ र छुर्पि बनाइ बिक्री गरिने र साथमा वाख्रा पालन उनिहरुको बषौ देखीको कर्म रहेको छ ।यसरीनै गोठबासको समय बिगत नौ बर्षदेखी बिताइ रहेका छन् माइजोगमाइ २ बिज्जेका ढाकाराज खड्काले । उनि अहिले आलु बिकास केन्द्र नजिकमा माइजोगमाइ २ र सन्दकपुर ५ को सिमाना ताल पोखरीमा गोठ राखेर बसेका छन् । उनले सधै त्यस स्थानमा गोठ राख्ने भने हैन उनि निक्कै माथी जौवारीमा बर्खे गोठ राखेका छन् भने हिउ पर्ने बेलाको गोठ अलि तल तालपोखरीमा सारेका हुन । उनको गोठमा अहिले १५ माउ गाइ १० बठा बाछाबाछी र दशवटा जति बाख्रा र खसी रहेको छ । एकान्तको गोठमा उनि एकजना मात्रै बस्छन । बिहान सबेरै उठेर खोले दाना गाई दुहुने गाइ फुकाएर अनाकन्टरको जंगल र फाटमा पठाउने गाइ जंगलमा छाडेपछि बाछाबाछी माउ छाडेको बिपरित दिशामा लगेर छाडीदिने गरेका छन् माउ र बाछी अलग दिशामा छाडेपछि माउबाछो दुध वाछाबाछीले नखाने र बेलुका माउ एकातिर बाछा एकातिर गोठमा थन्काउने गरेको बताए । गाइ जंगलमा पठाएर थलोभकारो र दुध तताउने र घिउ छुर्पी बनाउने कामले उनि दिन बितेको पत्तै पाउदैनन् । उनि मात्रै हैन त्यस क्षेमा अन्य तीस जना किसानहरु यसरी नै गोठमा बसेर गाइपालन गर्ने गरेको र उनिहरुले लालिगुरास पशुपालन कृषि समुह समेत बनाएका छन् । उनिहरु गाइ गोठमात्रै हैन घर र उध्योग पनि त्यहि नै रहेको छ। गोठमै खाना पकाउने खाने, दुध डेरी र उत्पादित सानमाग्रीहरु पनि गोठमा राखिने सुरक्षित भण्डार पनि एकै ठाउ छ । सानो सोलार गोठमा नै छ जसको उपयोग गरेर उज्यालो र मोवाइल चार्ज गरिने गरेको खड्काले बताए । पशुचरणमा जंगली जनावरको त्रास रहि रहन्छ कहिले काही चर्न गएका पशुहरु लड्ने गरेको र कहिले काही जंगली जनावरको शिकार हुने सामान्य मानिन्छ तर चोरिने र हराउने भने गरेको छैन । गाइ बस्तुलाइ घास कहिल्यै काटेर हालिदैन ।स्थानिय जातका गाइहरु रहेका छन् एक माउ गाइले सात आठ लिटर सम्म मात्रै दुध दिदा पनि बर्षमा तिनलाख कमाइ हुने खड्काले बताए । त्यसो त उक्त गाइबस्तुको मल नजिकै रहेको आलु बिकास केन्द्रले खरिद गरिदिने भएकोले लागतको धेरै खर्च मल बिक्रीबाट समेत सहयोग हुने गरेको उनिहरुको भनाइ रहेको छ । यसरी उत्पादन भएको सामाग्रीहरु भने उनिहरुले नजिकैको जौवारी भारतिय बजार मानेभन्ज्याङ र दार्जेलिङ्ग सम्म लैजाने गरेका छन् ।