ओम शिव बचत तथा ऋण सहकारी संस्थाको १६औँ वार्षिक साधारण सभा सम्पन्न भएको छ । संस्था संचालक समितिको जेष्ठ सदस्य नेबुका पोख्रेलको अध्यक्षता, बुद्धशान्ति गाउँपालिका सहकारी शाखा प्रमुख देवेन्द्र कटुवालको प्रमुखको आतिथ्यता, हातेमालो बचत तथा ऋण सहकारी संस्थाका अध्यक्ष गोविन्द पौडेलको विशिष्ट आतिथ्यता, सामाजिक व्यक्ति शेखर भट्टराई लगायतको आतिथ्यतामा भएको कार्यक्रममा नयाँ कार्य समिति समेत चयन गरिएको छ । नयाँ कार्यसमितिको अध्यक्षमा डम्बर बहादुर गौली (रत्न), उपाध्यक्षमा सुनिता खड्का, सचिवमा चन्द्रबहादुर गौली, कोषाध्यक्षमा कुमार गौली, सदस्यहरुमा खड्गबहादुर गौली, नेबुका पोख्रेल, रुद्र बहादुर मिजार, खगेन्द्र भट्टराई र गीता गौतम सर्वसम्मत चयन भएका छन् । त्यस्तै खगेन्द्र गौतमको संयोजकत्वमा सुजन भण्डारी र मनमाया चौहान सदस्य रहने गरी लेखा समिति पनि चयन गरिएको छ ।
कार्यक्रममा प्रमुख अतिथि देवेन्द्र कटुवाल र विशिष्ट अतिथि गोविन्द पौडेलले शुभकामना मन्तव्य राखेका थिए भने संस्थाका व्यवस्थापक कुमार गौलीले संस्थाको प्रगति प्रतिवेदन प्रस्तुत गरेका थिए ।
कार्यक्रममा असल ऋणीका रुपमा तिलक बहादुर प्रधान, त्यस्तै उत्कृष्ट बचतकर्तामा रुपमा देउमाया लिम्बू, उत्कृष्ट कर्मचारीका रुपमा कमला देवी प्रसाईलाई सम्मान गरिएको थियो ।
बुद्धशान्ति उद्योग वाणिज्य संघको सभाहलमा भएको कार्यक्रममा संचालक समिति सदस्य सुनिता खड्काले उपस्थित सम्पूर्णलाई शाब्दिक स्वागत गरेकी थिइन् भने संस्थाका सचिव चन्द्र गौलीले कार्यक्रमको संचालन गरेका थिए ।
