झापा हल्दिवारी १ स्थित गोल्धाप बजारमा पौष १६ गते शनिबार एक कार्यक्रमको आयोजना गरी अंग्रेजी नयाँ वर्षलाई स्वागत तथा तमु ल्होसारको अवसरमा सांस्कृतिक कार्यक्रमको सम्पन्न गरिएको छ ।
तमु इकाई समिति हल्दिबारीका अध्यक्ष गोपाल धन गुरुङको सभापतित्व, त्यस्तै झापा क्षेत्र नं. ३ का सांसद् राजेन्द्र लिङदेनको प्रमुख आतिथ्यता, हल्दिबारी गाउँपालिका अध्यक्ष रविन्द्र लिंङ्देनको विशिष्टि आतिथ्यता, हल्दिबारी वडा नं. १ का वडाध्यष भक्त बहादुर गुरुङ लगायतको आतिथ्यतामा भएको कार्यक्रमा तरेली साँस्कृतिक परिवार पोखराको बेजोड प्रस्तुति साथै अन्य स्थानीय कलाकार र द भोइस अफ नेपालका प्रिशव गुरुङ का साथमा चर्चित गायक नन्दु गुरुङ समेत बेजोड प्रस्तुति रहेको थियो ।
कार्यक्रमलाई थप रोचक बनाउन गुरूङ समुदायमा प्रचलित परम्परगत तथा सांस्कृतिक भेषभुषामा सजिएर विभिन्न परिकारको समेत प्रदर्शन गरिएको थियो ।
संस्थाका जिल्ला उपाध्यक्ष उदय गुरुङले उपस्थित सम्पूर्णलाई स्वागत गरेको कार्यक्रममा प्रमुख अतिथि लिङ्देनले संस्थाको उन्नयन र प्रगतिको कामना गर्दै शुभकामना मन्तव्य राखेका थिए भने संस्थाका इकाई सचिव राम गुरुङले कार्यक्रम संचालन गरेका थिए ।
