Suryodaya Online News

नेपाल विद्यार्थी संघ जिल्ला कार्यसमिति झापाको आयोजना एवम् नेपाली काङ्ग्रेस बुद्धशान्ति-४ नम्बर वडा समिति र नेपाल विद्यार्थी संघ बुद्धशान्तिको समन्वयमा तथा काकरभिट्टा आई केयर सेन्टर प्राली को प्राविधिक सहयोगमा बुद्धशान्ति वडा न:४ सट्टाभर्ना स्थित श्री गणेश माविमा निशुल्क आँखा शिविर कार्यक्रम सम्पन्न भएको छ।

केही दिन एता अत्यधिक रुपमा आँखा सम्बन्धि समस्या बाट आम मानिस ग्रसित भइरहेको अवस्था मा यस शिविर बाट ५२० जनाले सेवा लिएका छन् ।
शिविर कै उद्घाटन सत्रमा आयोजित औपचारिक कार्यक्रम नेविसंघ झापा सभापति संजय निरौलाको सभापतित्वमा भएको कार्यक्रममा बुद्धशान्ति गाउँपालिका अध्यक्ष मनोज प्रसाईंको प्रमुख आतिथ्य रहेको थियो।

कार्यक्रममा नेपाली काङ्ग्रेस झापा क्षेत्र न:२ क्षेत्रीय सभापति खगेन्द्र मैनाली ,बुद्धशान्ति -४ नम्बर वडाध्यक्ष शेरबहादुर राय ,नेपाली काङ्ग्रेस बुद्धशान्ति सभापति चक्र शेर्मा,नेपाली काङ्ग्रेस जिल्ला सदस्यहरु,विभिन्न भ्रातृ संस्थाका प्रमुख ,नेविसंघ जिल्लाका पदाधिकारी तथा सदस्य ,विभिन्न क्याम्पस स्ववियु सभापति तथा सदस्य ,क्याम्पस इकाई सभापति तथा पदाधिकारी ,पार्टी प्रदेश सभा पदाधिकारी ,क्षेत्रीय सदस्य लगायत विभिन्न तहका नेतृत्वको उपस्थिति रहेको थियो।

नेपाली काङ्ग्रेस बुद्धशान्ति -४ वडा सचीव दिपक शेर्माले स्वागत मन्तव्य राख्नु भएको थियो  भने नेविसंघ बुद्धशान्ति सभापति उमेश भट्टराईले कार्यक्रमको औचित्य माथी प्रकाश पारेका थिए।कार्यक्रममा नेपाली काङ्ग्रेस बुद्धशान्ति सभापति चक्र शेर्मा र प्रमुख अतिथि बुद्धशान्ति गाउँपालिका अध्यक्ष मनोज प्रसाईं ले शुभकामना मन्तव्य राखेका थिए भने कार्यक्रमको संचालन नेविसंघ झापा सचीव गोकुल पौडेलले गर्नु भएको थियो ।

झापाको बुद्धशान्ति गाउँपालिका वडा नं ४ स्थित सृजनशिल युवा बुद्धशान्ति -४ ले १५ गते सोमबार बाट सुरू गरेको ४ दिने खुल्ला नकआउट च्यालेन्ज कप फुटबल प्रतियोगिता बिहिवार सम्पन्न भएको छ

शुक्रबार भएको सेमिफाइनल खेलमा अमर बस्ति फुटबल कल्ब र किरात युवा कल्ब बिच भएको खेलमा किरात युवा कल्बलाई ३–० गोल अन्तरले हराउदै अमर बस्ति फाइनलमा प्रवेश गरेको थियो ।
सोही दिन भएको फाइनल खेलमा भने सृजनशिल युवा कल्ब र अमर बस्ति बिच भएको खेलमा खेलको निर्धारित समयमा बराबर भएपछि ट्राईबेकरमा सृजनशिल युवा कल्बलाईल ५-४ गोल अन्तरले पराजित गर्दै बुद्धशान्ति नकआट च्यालेन्ज कपको ट्रफि उचाल्न सफल भएको थियो ।

विजय भएको खुसि व्यक्त गर्दै अमर बस्ति युवा कल्बका अध्यक्ष रोसन कटुवालले भन्नू भयो ,खेलकुदको माध्यमबाट बुद्धशान्ति गाउँपालिकालाई चिनाउन र पछिल्लो समय सानै उमेरका युवा युवती हरू लागू अौषध जस्ता विभिन्न कुराहरूमा लागेर विग्रदै गरेको अवस्थामा खेल पट्टि समय र रुचि राख्न सके राम्रो हुने बताउनु भयो ।

प्रतियोगिताको विजेता टिमले नगद रू १५००० , ट्रफी, मेडल र प्रमाणपत्र पाउएका थिए भने उपविजेता टिमले नगद रू १०००० ट्रफी, मेडल र प्रमाणपत्रमा प्राप्त गरेका थिए । त्यस्तै, प्रतियोगिताका उत्कृष्ट गोल किप्पर श्रीजन बर्देवा भए । उच्च गोलकर्ता अमर बस्तिका निरज कार्की भएको थिए ।

शुक्रबार भएको फाइनल खेलमा सृजनशिल युवा कल्बका अध्यक्ष निर्मल पराजुलीले भन्नू भयो, बुद्धशान्तिमा आगामी दिनमा खेलकुद क्षेत्र र खेलाडीको विकास विस्तार र प्रर्वद्धनका लागि विभिन्न खेलकुदका कार्यक्रमहरु यस कल्बले आयोजना गरिने बताउनु भयो ।

झापाको बुद्धशान्ति गाउँपालिका स्वाथ्य साखाको सहकार्यमा साथै FAI MED र स्वाथ्य कार्यलय झापाले १ दिने डेंगु रोग रोकथाम तथा नियन्त्रणको लागि वहुनिकाय अन्तरक्रिया तथा योजना तर्जुमा कार्यक्रम सम्पन्न गरेको छ ।

बुद्धशान्ति गाउँपालिकाको सभाहलमा भएको अन्तरक्रियामा बुद्धशान्ति गाउँपालिका अध्यक्ष मनोज प्रसाईं, गाउँपालिका उपाध्यक्ष भवानि प्रसाद खतिवडा, बुद्धशान्ति गाउँपालिका स्वाथ्य साखा प्रमुख धिरेन यादव, कोशी प्रदेश स्वाथ्य मनत्रालय अधिकृत जीवन चौलागाँइ,स्वाथ्य कार्यलय झापाका फोकल पर्शन कुल वहादुर पौडेल, बुधबारे इलाका प्रहरी कार्यलय प्रमुख प्रविन भट्टराई, ससस्त्र प्रहरी टिमाई प्रमुख रामकुमार लिम्बू ,बुद्धशान्ति गाउँपालिकाका सम्पुर्ण वडाका वडा अध्यक्ष वडा सदस्य सम्पुर्ण स्वाथ्य कर्मी लगायतको उपस्थिति रहेको थियो ।

गाउँपालिकाको समन्वयमा डेंगु रोग नियन्त्रणका सम्बन्धमा सरोकारवालाहरु संगको अभिमुखीकरणमा प्रशिक्षकको कोशी प्रदेश स्वाथ्य मनत्रालय अधिकृत जीवन चौलागाँइले डेँगु रोगको अवस्था र यसको नियन्त्रणका लागि गर्न सकिने विभिन्न पक्षका बारेमा जानकारी गराउनुभएको थियो ।

उहाँले भन्नू भयो ,संक्रमणमा कडा ज्वरो आउने, आँखाका गेडी राता हुने, शरीरमा बिमिरा आउने, आन्तरिक रक्तस्राव हुने, जोर्नी, मांसपेसी दुख्ने, नाक तथा गिँजाबाट रगत बग्नेजस्ता लक्षण देखिन्छ। एउटै मानिसमा डेंगु दोहोरिएमा र समयमै उपचार नभएमा आन्तरिक रक्तस्रावले पनि बिरामीको मृत्यु हुन सक्ने भए पनि यो रोगको संक्रमणबाट हुने मृत्युदर भने कम रहेको बताउनु भयो

कार्यक्रममा स्वाथ्य कार्यलय झापाका फोकल पर्शन कुल वहादुर पौडेलले आफ्नो भनाई राख्दै डेंगु संक्रमण नभएका लामखुट्टेले टोकेमा भने डेंगु सर्दैन। लामखुट्टेले टोकेको ५ देखि ७ दिनभित्र डेंगु संक्रमण हुन्छ। स्क्रब टाइफस र डेंगुका लक्षण करिब एउटै हुने भए पनि स्क्रब टाइफसमा किर्नाले टोकेको वरिपरि शरीरमा रातो बिमिरा देखा पर्नु ज्वरो अत्यधिक आउनु प्रमुख कारण हुने बताउनु भयो ।

प्रशिक्षक पौडेलले भन्नू भयो , डेंगु सार्ने लामखुट्टे सफा तथा स्थिर पानीमा बस्ने भएकाले सर्ने सम्भावना पर्याप्त रहेको छ। ‘अलिअलि पानी जम्यो भने पनि त्यसमै डेंगु लामखुट्टे हुर्कन्छ। पानी जमेको ठाउँमा सफा गरिहाल्नुपर्छ’, उहाँले भन्नू भयो । पछिल्लो समय डेंगु रोगको संक्रमण बढ्न थालेपछि बुद्धशान्ति गाँपालिकाले पनि १०० जनामा चेक गर्दा १० जनामा संक्रमण देखिएको बुद्धशान्ति गाउँपालिका स्वाथ्य साखा प्रमुख धिरेन यादवले बताउनु भयो

झापाको बुद्धशान्ति गाउँपालिका बुधबारे युनिटी द्वारा आयोजनामा ३ दिने प्रथम बुधबारे युनिटी नकआउट च्यालेन्ज कप फुटबल प्रतियोगिता १६ टिमको सहभागिता रहेको थियो । जसमध्ये बिहिबार भएको पहिलो खेलमा रम्याङ एफ -सि र नवज्योति युवा कल्ब बिच भएको खेलमा १-० को अन्तरले नवज्योती युवा कल्बले जित हासिल गरेको थियो ।

दोस्रो खेलमा विर्तामोड युनाइटेड कल्ब र के. वाइ .सि . बिच भएको खेलमा २/१ गोल अन्तरले विर्तामोड युनाइटेड कल्ब बिजयी भएको थियो । त्यस्तै अर्को खेलमा एम.वाई सि दुधेलाई र ए.वाई सि.आईतबारेले बिच भएको खेलमा ३/० को अन्तरले ए. वाई. आईतबारे बिजयी भएको थियो

चौथो खेलमा डि. जि. एफ. सि.र हात्ती किल्ला बिच भएको खेलमा २/४ गोलको अन्तरले हात्ति किल्ला एफ. सि. बिजयी भएको हो त्यस्तै अन्तिम खेलमा गुराँस युथ कल्ब र युनाटेड युथ कल्ब विर्तामोड बिच भएको १/ १ को बराबरी भएको खेलमा ट्राईबेकरमा ३/४ गोल अन्तरले गुँरास युथ कल्ब बिजयी भएको हो ।

साथै शनिबार हुने फाईनल खेल प्रतियोगिताको विजेता टिमले नगद रू २०००० , ट्रफी, मेडल र प्रमाणपत्र पाउनेछ भने उपविजेता टिमले नगद १५००० हजार, ट्रफी, मेडल र प्रमाणपत्रमा प्राप्त गर्ने आयोजक समितिका अध समीर श्रेष्ठले जानकारी दिनु भयो ।

नेविसंघ झापाको आयोजना एवम् काँकरभिट्टा आई केयर सेन्टर प्रा.लि. को प्राविधिक सहयोगमा झापा जिल्ला कनकाई नगरपालिका -वडा नं ९ स्थित घैलाडुब्बामा आयोजित नि:शुल्क आँखा शिविर सम्पन्न भएको छ ।

शिविर बाट पछिल्लो समय अत्यधिक रुपमा आँखा सम्बन्धि समस्या बढिरहेको अवस्था ४४० जनाले सेवा लिएका थिए ।
कार्यक्रममा नेपाली काङ्ग्रेस झापा क्षेत्र न:२ क्षेत्रीय सभापति खगेन्द्र मैनाली ,कनकाई नगर पार्टी सभापति दुर्गा प्रसाईं ,तरुण दल केन्द्रिय सदस्य राजेन्द्र उप्रेती ,नेका जिल्ला सदस्य गोबिन्द प्रधान झुमा शर्मा ,नेविसंघ झापा सभापति संजय निरौला ,पार्टी क्षेत्रीय सचीव चन्द्र चुडाल सहित नेविसंघ झापा जिल्लाका कार्यसमिति पदाधिकारी तथा सदस्य,नेविसंघ पुर्व जिल्ला पदाधिकारी ,स्ववियु सभापति तथा सदस्य ,नेविसंघ क्याम्पस एवम् नगर सभापति तथा पदाधिकारी सहितको उपस्थितिमा कार्यक्रम आयोजना भएको थियो ।

यस पश्चात् भोलि श्रावण १९ गते शुक्रबार नि:शुल्क आँखा शिविर कार्यक्रम झापा जिल्ला हल्दिबारी गाउँपालिका वडा न:२ स्थित राष्ट्रिय एकता प्रावि ( काजली बजार) मा समेत शिविर सन्चालन हुने साथै श्रावण २० गते शनिबार बुद्धशान्ति गाउँपालिका वडा न: ४ सट्टाभर्ना स्थित श्री गणेश माविमा समेत आयोजना हुने नेविसंघ झापाका सचिव गोकुल पौडेलले बताउनु भयो ।

झापाको बुद्धशान्ति गाउँपालिकामा पनि स्वास्थ्य जीवनको चाहाना योग शिक्षा र साधना हाम्रो राष्ट्र हाम्रो गौरव भन्ने कामनाको साथ पातान्जल योग समिति झापाको सहकार्यमा बुधबारे योग साधना केन्द्र सन्चालमा आएको छ ।
केही समय अघिबाट बुद्धशान्ति गाउँपालिका वडा नं ३ स्थित रामजानकी मन्दिरको सभाहलमा भएको योग साधनाको बिहिबार एक कार्यक्रमको आयोजना गरी सम्पन्न गरेको छ ।

बिहिबार सम्पन्न भएको योग साधना कार्यक्रममा पातान्जल योग समिति झापाका अध्यक्ष श्याम ल्वागुनको अध्यक्षतामा भएको कार्यक्रममा प्रमुख अतिथि बुद्बशान्ति गाउँपालिका अध्यक्ष मनोज प्रसाईं बिशिष्ठ अतिथिमा गाउँपालिका उपाध्यक्ष भवानी प्रसाद खतिवडा अतिथिहरूमा वडा नं ३ का वडाध्यक्ष पर्शुराम चेम्जोङ वडा नं ३ वडा सदस्य लिला परियार पातान्जल योग समिती झापाका कोषाध्यक्ष टीका सुवेदी लगायतको अातिथ्यता रहेको थियो ।

कार्यक्रमा उपस्थित सम्पूर्ण अतिथिहरुलाई बुद्धशान्ति गाउँपालिका वडा नं का वडा अध्यक्ष पर्शुराम चेम्जोङले शाब्दिक स्वागत गर्नुभएको कार्यक्रमको पातान्जल योग समिति झापाका सचिब देवेन्द्र ढकालले कार्यक्रमको अौचित्यमाथि प्रकाश पार्नु भएको थियो ।

कार्यक्रममा शुभकामना मन्तव्य राख्दै प्रमुख अतिथी मनोज प्रसाईले खाना हाम्रो शरीरको लागि एक अनिवार्य आवश्यक्ता कस्तो खाना खान्छौं, कसरी खान्छौं, कहाँ र कुन बेला खान्छौं भन्ने कुराले निकै महत्व राख्छ । किनभने स्वस्थ्य जीवनका लागि राम्रो एवं पोषिलो खानेकुरा मात्र भएर पुग्दैन त्यसैले हाम्रो मानव स्वाथ्यलाई योग साधना लाई निरन्तरता दिनुपर्नेमा जोड दिनु भयो ।

उहाँले भन्नुभयो आफु स्वस्थ भै सिङ्गो समाज लाई स्वस्थ समाज निर्माण गर्न यस योग साधनाले सहयोग पुर्याउने भन्दै बुद्धशान्ति गाउँपालिकाको तर्फ बाट साथै आफ्नो व्यतिगत तर्फबाट यस योग साधना केन्द्रलाई सहयोग गर्ने बताउनु भयो ।

कार्यक्रममा आफ्ना भनाई राख्दै गाउँपालिका उपाध्यक्ष भवानी प्रसाद खतिवडाले भन्नू भयो हाम्रा पूर्खाहरुले खानपानका सम्बन्धमा यावत् विधी एवं तौर–तरिकाहरु पहिल्याएका छन् । तर आज भोलि हामी खाना खानुअघि के गर्ने, खाना खादा कसरी खाने, खानपानपछि के गर्ने भन्ने कुरामा पनि हामी स्पष्ट छैनौ त्यसले पनि हाम्रो स्वाथ्यमा पनि असर पुगिरहेको हुन्छ त्यसैले पनि हाम्रो स्वाथ्यलाई योग साधना आवस्यक रहेको बताउनु भयो ।

बुधबारे योग साधना केन्द्र सन्चालन गर्नका लागि समिती समेत गठन गरिएको बुधबारे योग साधना केन्द्रका सन्चालक समितिका अध्यक्ष राजु उप्रेतिले बताउनु भयो ।

झापाको बुद्धशान्तिगाउँ पालिकामा पहिलो पटक शव वाहन सञ्चालनमा आएको छ । मृत्युपछि अस्पतालबाट शव घर सम्म ल्याउन वा अन्तिम संस्कारका लागि घरबाट घाट सम्म पुर्‍याउन अहिलेसम्म शव वाहन थिएन । स्थानीय युवाहरूको सामाजिक संस्था जोइन्ट हेण्ड युथ सोसाइटीले आज एक कार्यक्रमको आयोजना गरि शव वाहन गाउँपालिकालाई हस्तान्तरण गरेको छ ।

पालिकालाई शव वाहन हस्तान्तरण गर्दै संस्थाका कार्यवाहक अध्यक्ष अनिल वाग्लेले बुद्धशान्तिमा शव वाहनको आवश्यकता महसुस गर्दै शव वाहन खरिद गरिएको बताउनु भयो । यो शव वाहनले बुद्धशान्ति गाउपालिका , रोङ गाँउपालिका , मेचीनगर नगरपालिका ,अर्जुनधारा नगरपालिका लगायतका क्षेत्रमा सेवा प्रदान गर्ने बताइएको छ ।

करिव ५ वर्ष अघिबाट शव वाहन खरिद गर्ने उद्देश्य राखेर महोत्सव , सामाजिक कार्यक्रम गरि, साथै बुद्धशान्ति गाउपालिका , देश तथा विदेशमा रहेका मानिसहरूको सहयोगबाट शव वाहन खरीद गरिएको जोइन्ट हेण्ड युथ सोसाइटीका सचिब गोकुल पौडेलले बताउनु भयो हो ।

बुद्धशान्ति गाउँपालिकाका अध्यक्ष मनोज प्रसाईको प्रमुख आथित्यतामा भएको कार्यक्रममा बुद्धशान्ति गाउँपालिकाका उपाध्यक्ष भवानी खतिवडाको विशिष्ट आतिथ्यता रहेको थियो । कार्यक्रममा शुभकामना मन्तब्य राख्दै पालिका अध्यक्ष प्रसाईले शव वाहन खरिद गर्न सहयोग गर्नु हुने सम्पुर्णलाई धन्यबाद दिदै आफ्नो भनाई राख्नु भएको थियो  ।

शव वाहन हस्तान्तरण कार्यक्रममा गाउँपालिकाका सबै वडाका वडाध्यक्ष जनप्रतिनिधि संस्थाका सम्पूर्ण पदाधिकारीको उपस्थिति रहेको संस्था सचिव गोकुल पौडेलले जानकारी दिनु भयो । शव वाहनले बुद्धशान्ति गाउपालिका अन्तरगतको भागीरथा बुद्धशान्ति अस्पतालमा रहेर सेवा प्रदान गर्ने छ ।

झापाको बुद्धशान्ति गाउँपालिका वडा नं ४ स्थित सृजनशिल युवा बुद्धशान्ति -४ ले १५ गते सोमबार बाट सुरू गरेको खुल्ला नकआउट प्रतियोगितामा मंगलबार ४ वटा टिमले खेलेका थिए पहिलो खेलमा अमर बस्ति युवा समाज र भोटेटार फुटबल कल्ब खेलेका थिए त्यस खेलमा भोटेटारलाई ०-१ गोल अन्तरले पछिपार्दै अमरबस्ति बिजयी भएको थियो ।

दोस्रो खेलमा सृर्जनशिल युवा समाज र दुधे युवा समाज सगँ भएको खेलमा दुधे युवा समाजलाई ०-५ गोल अन्तरले पछि पार्दै सृजनसिल युवा समाज बिजयी भएको हो । सोही दिन भएको तेस्राे खेलमा हात्तिकिल्ला फुटबल कल्ब र खुट्टेडागी फुटबल कल्ब बिच भएको खेलमा खुट्टेडाँगी फुटबल कल्बलाई टाइबेकरमा आधारमा ५-६ गोल अन्तरले हात्ती किल्ला बिजयी भएको थियो ।

मंगलबार भएको चौथो खेलमा आईतबारे युवा कल्ब र होक्से  फुटबल कल्भब बिच भएको खेलमा होक्से फुटबल कल्बलाई  ०/१ अन्तरले पछि पार्दै आईतबारे युवा कल्ब बिजयी भएको थियो । त्यस्तै पाचौ खेलमा आद्रश युवा कल्ब र किरात युवा कल्ब बिच भएको खेलमा आदर्श युवा कल्बलाई ०/१ गोल अन्तरले हराउदै किरात युवा कल्ब बिजयी भएको थियो ।

सृजनशिल युवा समाज बुद्धशान्ति -४ आयोजना गरेको खुल्ला नकआउट प्रतियोगिता प्रथम पुरस्कार नगद रू १५००० स्थित सृजनशिल युवा समाजका संस्थापक सदस्य बिकाश गुरुङ बाट सहयोग प्राप्त भएको र उहाँ हाल अमेरिकामा रहनु भएको आयोजकले जानकारि दिनु भयो ।
साथै दोस्रो पुरस्कार नगद रू १०००० यसै संस्थाका संस्थापक अध्यक्ष शुक्रराज कार्कीबाट प्राप्त भएको आयोजकले बताएका छन,।

सृजनशिल युवा समाजको आयोजनामा बुद्धशान्ति ४ को गणेश मा. वि. खेल मैदानमा भएको खुल्ला नकआउट प्रतियोगिताको फाईनल खेल १८ गते बिहिबार ४ बजे बाट सुरू हुने साथै फाइनल खेल अघि सो म्याच समेत रहने आयोजक समितिका अध्यक्ष निर्मल पराजुलीले जानकारी दिनु भयो ।

प्रतियोगिताको विजेता टिमले नगद रू १५००० , ट्रफी, मेडल र प्रमाणपत्र पाउनेछ भने उपविजेता टिमले नगद १० हजार, ट्रफी, मेडल र प्रमाणपत्रमा प्राप्त गर्नेछ । त्यस्तै, विधागत पुरस्कारको पनि व्यवस्था गरिएको बताईएको छ ।

झापाको बुद्धशान्ति गाउँपालिकामा एक पुरुष मृत अवस्थामा फेला परेका छन् । बुद्धशान्ति गाउपालिका – ४ हापेन चोकमा हुलिया पहिचान नभएको अन्दाजी ४० वर्षीय पुरुष मृत फेला परेको प्रहरीले जनाएको छ ।

इलाका प्रहरी कार्यालय बुधबारेका प्रमुख प्रविण भट्टराईका अनुसार कालो, निलो रङ्गको जिन्सको पेन्ट, आकाशे रङ्गको भेष्ट लगाएको, हेर्दा तराई मूलको जस्तो देखीने एक पुरुष घोप्टो परी मृत अवस्थामा फेला परेका हुन् ।

घटनाको जानकारी प्राप्त इलाका प्रहरी कार्यालय बुधबारे र इलाका प्रहरी कार्यालय धुलाबारीबाट खटिएको प्रहरी टोलीले कानुनी प्रकृया गरि शवलाई पोस्टमार्टमका लागि प्रादेशिक अस्पताल भद्रपुर पठाइएको इलाका प्रहरी कार्यालय बुधबारेका प्रमुख भट्टराईले जानकारी दिनुभयो ।  मृत फेला परेका पुरुषको सम्बन्धमा थप अनुसन्धान भइरहेको प्रहरीले जनाएको छ ।