Suryodaya Online News

झापाको चारआली जंंगलमा जताततै पाइने निगुरोले जंगल आसपासका धेरै परिवारको गुजारा चलाउने स्रोत बन्दै आएको छ ।

अर्गानिक तरकारीका नामले चिनिएको यो जंगली झार शहरी क्षेत्रका कतिपय परिवारको भान्सामा लोकप्रिय तरकारीका रूपमा भित्रिने गरेको छ । पूर्वपश्चिम राजमार्गसँग जोडिएका झापाको चारआलि जंगल दुवागडी चन्द्रगडि रोड मंगलबारे, पथरी, कानेपोखरी भाउन्ने, लक्ष्मीमार्ग, बेलबारीमा दैनिक लाखौं मूल्यको निगुरो विक्री हुने गरेको छ ।

झापाको चारआलि जंगलमा साथै सामुदायिक वन क्षेत्रमा पाइने निगुरो स्थानिय बजार मात्र नभई काठमाडौं उपत्यकासम्म पनि पुग्ने गरेको विगत पाँच वर्ष देखि निगुरो बिक्री गरेर परिवारको गुजारा चलाउँदै आएकी मेचिनगर १२ कि मन्जु लिम्बले बताउनु भयो । नजिकको जंगलबाट दैनिक ५० मुठा निगुरो टिपेर प्रतिमुठा २० रुपैयाँमा बिक्री गर्नुहुन्छ ‘हरेक दिन ५० मुठा निगुरो विक्री गर्न सके १ हजार रुपैयाँ आम्दानी हुन्छ, उहाँले बताउनु भयो ।

‘त्यही आम्दानीले हाम्रो पाँच जना परिवारको गुजारा चल्दै आएको छ ।’ उहाँका अनुसार यहाँको निगुरो धेरैले कोसेलीका रूपमा समेत किनेर लैजाने गरेका छन् । जंगलबाट टिपेर चोकमा ल्याइपुर्‍याए लगत्तै निगुरो विक्री हुुन्छ । बसमा चढ्ने र ओर्लिने यात्रुहरू निगुरोका मुख्य ग्राहक भएको लिम्बुको अनुभव छ । ‘बजार आउनेले कोसेलीका रूपमा निगुरो लैजाने गरेका छन ।

‘बसबाट ओर्लिने यात्रुले घर र छिमेकीका लागि तरकारी भन्दै निगुरो लग्ने गरेका छन् ।’ पछिल्लो समय चारआलि, बिर्तामोड ,बेलबारी, उर्लाबारी, दमक, पथरी, इटहरी र वीराटनगर सम्मका यात्रुहरूले निगुरो किनेर लाने गरेको बेलबारी -११ लक्ष्मीमार्गकी इच्छामाया राईले बताउनु भयो ।

सडकको छेउमा बसेर दिनभरी बेपार त गर्छौ तर कुनबेला ज्यान जान्छ भन्ने डरले सताई रहन्छ , यश ठाउमा स्थानिय सरकारले सामुदाहिक वन सग समन्वय गरेर निश्चित ठाउँमा टहरा निर्माण गरेर सन्चालन गर्दिए लागेको दस्दुर तिरेर बस्ने थियौ भन्दै मनमाया राई गुनासो गर्नुहुन्छ ।

बुद्धशान्ति ढुवानी मजदुर संघको चौथो गाउँ अधिवेशन बिहीबार सम्पन्न भएको छ।

बुद्धशान्ति उद्योग वाणिज्य संघको सभाहलमा भएको कार्यक्रमा बुद्धशान्ति ढुवानी मजदुर संघका अध्यक्ष हेमन्त राजवंशीकाे अध्यक्षता बुद्धशान्ति गाउँपालिकाका अध्यक्ष मनोज प्रसाईंको प्रमुख आतिथ्यता रहेको थियो ।
त्यस्तै अतिथिहरूमा बुद्धशान्ति वडा नं ३ का वडा अध्यक्ष पर्शुराम चेम्जोङ उद्योग वाणिज्य संघका अध्यक्ष चन्द्र उप्रेती ईलाका प्रहरी कार्यलय बुधबारेका प्रमुख प्रविन भट्टराई लगायतको आतिथ्यता रहेको थियो ।

कार्यक्रममा बोल्दै प्रमुख अतिथि प्रसाईले मजदुरहरूका लागि गाउँपालिकाले बजेट नै छुट्याएर उनीहरूकाे विकास र प्रवर्द्धनमा ध्यान दिने बताउनु भयो ।
बुद्धशान्ति उद्योग वाणिज्य संघकाे सभाहलमा भएकाे कार्यक्रम बुद्धशान्ति मजदुर संघका सम्पुर्ण मजदुरहरूको उपस्थिति रहेको थियाे ।

मजदुर संघकाे आगामी कार्यकालका लागि अध्यक्षमा भवेष राजवंशी चयन भएका छन् भने उपाध्यक्षमा रविन राजवंशी, सचिवमा उवारूजुदिन माेहम्मद, सहसचिवमा अलाउदिन महम्मद, काेषाध्यक्षमा फराउदिन रहमान लगायत ४ सदस्य चयन भएका छन् ।

नेपालमा सन् १९६३ देखि अन्तर्राष्ट्रिय श्रमिक दिवस मनाइने गरेको हो । तर यस दिनलाई वि. सं. २०६४ बाट मात्र आधिकारिक सार्वजनिक विदाको रूपमा घोषणा गरिएको हो ।
वाणिज्य संघको सभाहलमा भएको कार्यक्रमको संचालन गाेकुल पाैडेलले गर्नु भएको थियो ।

झापाको बुद्धशान्ति गाउँपालिका वडा नं, ५ स्थित स्वास्थ्य चौकी शान्तिनगरमा विगत एक वर्ष अगाडि सम्म प्रभावकारी रूपमा सन्चालनमा भईरहेको सेवाको गुणस्तर घट्दैगएको र अहिले आएर सेवाको स्तर सुन्य रहेकाले सरोकारवाला स्थानिय जनता राजनैतिक दलका प्रतिनिधिहरूको संयुक्त भेलाबाट संघर्ष समिति गठन गरि बुधबार गाउँपालिकालाई ध्यानाकर्षण पत्र बुजाएको शान्तिनगर स्वास्थ्य चौकी संघर्ष समितिका स्दस्य खड्ग पंद्याक सुब्बाले जानकारी दिनु भयो ।

शान्तिनगर स्वास्थ्य चौकीको दरबन्दि अनुसार पदस्थापन भएका स्वाथ्यकर्मीहरू तोकिएको समय भित्रमा शान्तिनगर स्वाथ्य चौकीमा खटाईनु पर्ने ,स्वाथ्य चौकी शान्तिनगरमा एम्बुलेन्स सेवा व्यवस्पथानका निमित्त आवश्यक प्रकृया बढाउनु पर्ने र आजको मितिले ५ दिन भित्रमा माग पूरा नगरे चरणबद्ध रूपमा आन्दोलनमा उत्रने समेत गरिएको ध्यानाकर्षण पत्रमा उल्लेख गरिएको
छ।

इलामको रोङ गाउँपालिका पूर्ण खोप गाउँपालिका बनेकाे छ ।
मंगलबार गाउँपालिकामा आयाेजित एक कार्यक्रमकाे बिच गाउँपालिकालाई पुर्ण खाेप घाेषणा सगै बिगतमा उत्कृष्ट कार्य सम्पादन गरेका चारजना स्वास्थ्यकर्मी लाई नगद सहित प्रशंसा पत्रद्वरा सम्मान गरिएकाे हाे ।

यसरी समानित हुनेहरुमा काेल्बुङ स्वास्थ्य केन्द्रका सिनियर अहेव ब्रमलाल यादव,ल्याव असिस्टेन साेनिका खाम्दाक,सन्ध्या राई, र शान्तिपुर स्वास्थ्य चाैकिका सिनियर अहेव निर्मल पाण्डे , रहेका छन् । उनिहरुले गरेकाे कामकाे उच्च मुल्यांकन गर्दै जनहि नगद दश हजार र प्रसंसापत्र प्रदान गरिएकाे थियाे । साथै राेङ गाउँपालिकाकाे स्वास्थमा उल्लेखनिय याेगदान गरे वाफत छिमेकि माई नगरपालिकाका डाक्टर रामकृष्ण आचार्यलाई समेत सम्मान गरिएकाे थियाे ।

जन्मे देखी १५ महिनासम्म राष्ट्रिय खोप तालिका अनुसार बिभिन्न १३ वटा रोगको बिरुद्ध नौ वटा खोप लगाइने नियमित राट्रिय अभियान अनुसार दिइने र यदि नियमित खोप अभियानमा कुनैपनि खोप छुटेमा १६ देखी ५९ महिना भित्र खोज र खोप अभियान अन्तरगत खोपकोे सुनिश्चित गरेपछि पूर्ण खोपको घोषणा गर्ने प्रकृया रहेकाे छ ।

रोङ गाउँपालिकाले गत चैत्रमा सबै वडाहरुमा स्वास्थ्य कर्मीहरु, महिला स्वास्थ्य स्वयंसेबिकाहरु जनप्रतिनिधिहरुको समिति निमार्णगरि घर धुरी सर्भेक्षण गरि खोज अभियान संचालन गरि छुटेका बच्चाहरुलाइ बैशाख १५ र बैशाख ३१ गते खोप लगाइएको खोपकार्ड नभएका बच्चाहरुको लागि खोपकार्ड बितरण समेत गरेको थियो ।

खोप लगाइ सकेपछि पालिका स्तरिय खोप समन्वय समितिले प्रतेक वडाको पन्ध्र पन्ध्र घर धुरी सभेक्षण गरि सबै बच्चाहरुले खोप लगाएको एकिन भएपछि पूर्ण खोप सुनिश्चित वडा घोषणा हुदा रोङको सबै वडाहरु पूर्ण खोप युक्त वडा घोषण भइसकेकोले आगामी असार १९ गते रोङ गाउँपालिका पूर्ण खोप गाउँपालिका दिगोपना सुनिश्चि हुन लागेको रोङ स्वास्थ्य शाखा प्रमुख तथा जनस्वास्थ्य अधिकृत युवराज काफ्ले बताउनु भयो ।

राेङ गाउँपालिकाका अध्यक्ष मनिकुमार स्याङ्बाेकाे प्रमुख आतिथ्यता ,स्वास्थ्य शाखा प्रमुख तथा जनस्वास्थ अधिकृत युवराज काफ्लेले सन्चालन गरेकाे कार्क्रमकाे उदेश्यमाथि स्वास्थ्य कार्यलय ईलामका खाेप तथा तथ्याङ्क अधिकृत गागाधर पण्डिले कार्क्रमकाे अौचित्य माथि प्रकाश प्रार्नुभएको थियो, कार्यक्रमकाे अध्यक्षता बडा न ३ का अध्यक्ष मात्रिका बरालले गरेका थिए ।

वाल मृत्युदर र अपाङता घटाउन नेपालमा २०३४ सालवाट बिस्तारित खोप शुरुआत गरिएको थियो भने बि सं २०२१ सम्म पूर्ण खोप सुनिश्चितता र दिगोपन भएको देश बनाउने लक्ष्य अनुसार सोह् हजार भन्दा बढी खोपकेन्द्रहरुवाट नियमित खोप सेवा दिइने गरेको छ । मुलुक संघिय संरचनामा गएपछि स्वास्थ्य सेवामा थप बिकेन्द्रिकृत बनेर निशुल्क स्वास्थ्य सेवा लिनेहरुको संख्या बढीरहेको छ । सेवाको बिस्तारवाट मानव बिकाश सुचकाङ्क बृद्धि भइ सरकारले आवलम्वन गरेको सहस्रबिध बिकाहकाे लक्ष्यमा सघाउ पुगेर बिकाशको गतिमा फड्को मार्ने छ ,जनसांंखिक सभेक्षण २०११ अनुसार करिव ७८ प्रतिसत बच्चाहरुमा पूर्ण खोप पाएका छन् भने ३ प्रतिसतले कुनै खोप नपाएको तथ्याङ रहेको छ।

झापाको बुद्धशान्ति गाउँपालिकामा प्रथम बुद्धशान्ति उपाध्यक्ष तेक्वान्दो प्रतियोगिता शुक्रबार सम्पन्न भएको छ।

जयपुर तेक्वान्दो डोजाङ झापाको आयोजनामा जयपुर तेक्वान्दो डोजाङको हलमा सम्पन्न भएको प्रतियोगितामा झापाका १५ डोजाङ को सहभागिता रहेको थियो।

जयपुर तेक्वान्दो डोजाङका अध्यक्ष चन्द्र प्रकाश गौतमको अध्यक्षतामा भएको कार्यक्रममा बुद्धशान्ति गाउँपालिका उपाध्यक्ष भवानी प्रसाद खतिवडाको प्रमूख आतिथ्यता साथै वडा नं २ का वडाअध्यक्ष डिल्ली प्रसाद ओलि समाजसेवि नेत्र गौतम,नवज्योति युवा क्लबका अध्यक्ष गोपाल पोख्रेल चन्द्र सूर्य युवा क्लब अध्यक्ष मेदनी घिमिरे, खेलकुद विकास समिति बुद्धशान्ति का अध्यक्ष भरत खतिवडा, झापा तेक्वान्दो संघ कार्यकारिणी अध्यक्ष बाबुलाल सुब्बा, वरिष्ठ तेक्वान्दो प्रशिक्षक तथा प्रतियोगिता निर्णायक जितेन मेचे, जिल्ला तेक्वान्दो कार्यकारिणी समिति पूर्व सदस्य दिपेन मेचे तथा पत्रकारको आतिथ्यता रहेको थियो ।

प्रतियोगिता तर्फ टीम पहिलो जयपुर तेक्वान्दो डोजाङ, टीम दोश्रो बुधबारे तेक्वान्दो डोजाङ र टीम तेश्रो झोलुङ्गे तेक्वान्दो डोजाङ भएको थियो भने Best फाइटर केटी तर्फ खुसी गौतम जयपुर डोजाङ र वेस्ट फाइटर केटा तर्फ कुसल राई झोलुङ्गे डोजाङ ले हात पार्न सफल भएको थियो।

प्रतियोगिता तर्फ टीम पहिलो जयपुर तेक्वान्दो डोजाङ, टीम दोश्रो बुधबारे तेक्वान्दो डोजाङ र टीम तेश्रो झोलुङ्गे तेक्वान्दो डोजाङ भएको थियो भने Best फाइटर केटी तर्फ खुसी गौतम जयपुर डोजाङ र वेस्ट फाइटर केटा तर्फ कुसल राई झोलुङ्गे डोजाङ ले हात पार्न सफल भएको थियो।

कार्यक्रममा शुभकामना मन्तव्य राख्दै प्रमुख अतिथि गाउँपालिका उपाध्यक्ष भवानि प्रसाद खतिवडाले भन्नूभयो,आगामी दिनमा खेलकुद क्षेत्र र खेलाडीको विकास विस्तार र प्रर्वद्धनका लागि विभिन्न खेलकुदका कार्यक्रमहरु समेत आयोजना गरिने जानकारी दिनुभयो। खेलकुदको माध्यमबाट बुद्धशान्ति गाउँपालिकालाई चिनाउन आगामी दिनहरुमा खेलकुदका हरेक क्षेत्रका खेलाडीहरुलाई गाउँपालिकाले सहयोग गर्ने बताउनु भयो।

ज्ञानु भट्टराई  ।   झापाको बुद्धशान्ति गाउँपालिकामा रहेको दलित विकास समन्वय समिति बुद्धशान्तिको आयोजनामा तथा बुद्धशान्ति गाउँपालिकाको आर्थिक सहयोगमा असार ५ गते देखि ७ दिने उद्घोषण तालिम, ७ दिने पत्रकारिता तालिम, १० दिने चप्पल बनाउने तालिम, २० दिने नौमती बाजा बजाउने तालिम र १ दिने कानुनी सचेतना गोष्ठी तथा सवाल जवाफ कार्यक्रम गर्दै सोमबार समापन गरेको छ ।

राम जानकी मन्दिरको सभाहलमा भएको कार्यक्रममा दलित विकास समन्वय समिति बुद्धशान्ति अध्यक्ष वीरेन्द्र कुमार घतानीको अध्यक्षतामा भएको कार्यक्रममा बुद्धशान्ति गाउँपालिका उपाध्यक्ष भवानी प्रसाद खतिवडाको प्रमूख आतिथ्यता गाउँपालिका कार्यपालिका सदस्य भिम धमला,रामजानकी मन्दिर व्यवस्थापन समितिका अध्यक्ष टंक काफ्ले (विकल्प), वडा नं १ वडासदस्य सुमित्रा रसाइली, वडा नं २ वडासदस्य बिमला बि.क.वडा नं ३ वडासदस्य लिला परियार, वडा नं ४ वडासदस्य दुर्गा ढुंगेल वडा नं ६ वडासदस्य प्रमिला परियार , नेकपा एमाले बुद्धशान्ति गाउँसमिति अध्यक्ष नेत्र रिजाल, बुद्धशान्ति उद्योग वाणिज्य संघ अध्यक्ष चन्द्र प्रसाद उप्रेती , दलित मुक्तिमोर्चा केन्द्रिय सदस्य प्रेम कुमार ल्वागुन तालिम सहजकर्ता लगायत पत्रकारको आतिथ्यता रहेको थियो।

तालिममा सहभागीहरूलाइ प्रशिक्षक ज्ञानेन्द्र निरौला र नरेश खातीले उद्घोषण तालिम, दिनुभएको थियो त्यस्तै पर्वत पोर्तेलले पत्रकारिता सम्बन्धि तालिम,र कमल मगरातीले चप्पल बनाउने तालिम,सन्चालन गर्नुभएको थियो। कमल ठटाल र लालवीर सिवाले नौमती बाजा बजाउने तालिम गराउनु भएको थियो ।

रामजानकी मन्दिरको सभाहलमा भएको कार्यक्रममा सूर्य बहादुर बि.क.ले सामाजिक समावेशीकरण सम्बन्धी मनु दियालीले महिला र दलित महिला अधिकार सम्बन्धी र नरेश खातीले मानव अधिकार र इन्सेक सम्बन्धी तालिमको सहजिकरण गर्नुभएको थियो ।

समापन कार्यक्रमका शुभकामना मन्तव्य राख्दै गाउँपालिका उपाध्यक्ष भवानि प्रसाद खतिवडाले तालिमले पक्कै पनि धेरै महिला दिदी बहिनी हरू रोजगार बन्नेमा विस्वास रहेको बताउनु भयो । प्रमुख अतिथि खतिवडाले गाउँपालिकाले यस अघि पनि महिला हरूलाई आर्थिक अवस्था सबल बनाउने कार्यक्रम सँगै लैगिक हिंसा न्युनिकरणको सवालमा पनि विभिन्न कार्यक्रम समेत संचालन गरेको बताउनु भयो, समापनमा प्रशिक्षार्थीहरु तथा प्रशिक्षकहरुलाई प्रमाणपत्र वितरण गरिएको थियो ।
बुद्धशान्ति गाउँपालिकाबाट आार्थिक वर्ष ७९-८० मा दलित समन्वय समितिलाई ८ लाख बजेट विनियोजन भएको थियो ।

उक्त बजेटबाट भर्खरै ५ मूक शिर्षकका तालिम तथा प्रशिक्षण कार्यक्रम सम्पन्न गरेको हो । सोही बजेटको प्रयोग गरि ढाका बुन्ने सिप भएका एकल तथा विपन्न महिलाकाहरूका लागि ४ थान ढाका बुन्ने मेसिन वितरणको फाराम खुलेको साथै बुद्धशान्ति गाउँपालिका भरिका दलित परिवारको तथ्याङ्क सङ्कलन गरिने समेत समिति अध्यक्ष वीरेन्द्र कुमार घतानीले जानकारी दिएका दिनु भयो ।

बुद्धशान्ति गाउँपालिका वडा १ र ३ नम्बर वडाका निर्माणाधीन सडकको बिहिबार अनुगमन गरिएको छ ।

गाउँपालिका अध्यक्ष मनोज प्रसाईं ,उपाध्यक्ष भवानि खतिवडा ,प्रमुख प्रशासकीय अधिकृत युवराज कट्टेल,योजना साखा प्रमुख मदन कडेल गाउँपालिकाका इन्जिनियर बिक्रम दहाल प्राबिधिक मन्जु धिमाल ,योजना शाखाका कर्मचारी तथा स्थानिय सरोकारवालाको संयुक्त टोलिले स्थलगत रुपमा अनुगमन गर्नुभएको थियो ।

आर्थिक वर्ष ७९-८० मा बुद्धशान्ति गाउँपालिकाको २५ लाखको लगानीमा निर्माण भएको वडा नं १ को पहाडी चोक वाट पश्चिम चिउरा मिल हुदै ईलामेलि चोक जाने १९६ मिटर कालो पत्रे सडक साथै ७९-८० मा गाउँपालिकाकै २५ लाखको लगानिमा निर्माण सम्पन्न भएको बुद्धशान्ति वडा नं ३ स्थित पिपल बोटे २०० मिटर कालो पत्रे सडकको निर्माण कसरी अगाडि बढेको छ, गुणस्तरीय काम भएको छ छैन तथा सडक निर्माणको जिम्मा पाएको ठेकेदार कम्पनीले लापरबाही गरेको अवस्था छ छैन भनी अनुगमन गरिएको गाउँपालिका अध्यक्ष मनोज प्रसाईले बताउनु भयो ।

सो सडक टिमाई भ्यालि कन्स्ट्रक्सनले जिम्मा लिएको थियो । मापदण्ड अनुरुप काम भए नभएको प्राविधिक जाँच गरिएको गाउँपालिकाका इन्जिनियर बिक्रम दाहाल ले बताउनु भयो ।

अनुगमनको लागि गएको टोलिसगँ कुरा गर्दै स्थानिय तेजराज खतिवडाले भन्नुभयो ,सडक निर्माणको क्रममा हामी स्थानिय आफै लागेर बनाएको र गुणस्तर भएको बताउनु भयो , गुणस्तर चेक गर्न कोर कटर मेसिन लगाईएको थियो ।

पहाडिचोक बाट पश्चिम चिउरा मिल चोकका स्थानियले आफै बसेर गरेको काम राम्रो र गुणस्तरिय भएकाले गाउँपालिका अध्यक्ष मनोज प्रसाईले सबैमा आग्रह गर्दैभन्नुभयो,

आफ्नो टोलमा निर्माण भैरहेको सडकको गुणस्तरीय सम्वन्धि खबरदारी गर्ने दायित्व र जिम्मेवारी सम्वन्धित टोल विकास संस्था र स्थानीय जनताहरुले निभाए,गुणस्तरीय सडक बन्नेछ भन्दै उहाले भन्नुभयो , भौतिक संरचनाहरु तपाई हाम्रो हो तपाई हामीले राज्यलाई तिरेको रकम नै बजेटमा रुपान्तरण भएर आएको तेसैले तपाईं हामिले पनि खबरदारी गर्न जरूरि रहेको बताउनु भयो।

केही दिन एता वडा नं १ मा सघन शहरि विभागले बनाएका सडकहरूमा चरम लापरवाही भएको भन्दै स्थानियले गुनासो गरेका थिए बुधबारे बजारको बेलटार चोक बाट उत्तर पुलचोक जाने सडक साथै नमुना भोटेटार सडक खन्डमा सडक गुणस्तरिय नभएकाले भत्किन थालेको भन्दै स्थानियले गुनासो गरेका थिए ।

आर्थिक वर्ष ७८/७९ मै ठेक्का लागेर काम सम्पन्न नगरि बसेको सघन शहरि विकास कार्यलयका प्राबिधिक सगँ बुज्दा पिच गरिएको सडकमा केही समय नभई लगत्तै सवारी साधन चलाउदा पानी पर्दा अथवा ठुला सवारी साधन चलाउदा पनि यस्तो हुन सक्ने भन्दै पन्छिन खोजेका थिए तर केही समय पछि स्थानियको गुनासो र आक्रोसले देखेपछि तेस्तो भएको ठाउँहरूमा हेरेर तत्कालै यसको रिपेरिङ गरिने बताउदै बाटो लागेका थिए ।

ज्ञानु भट्टराई ।  झापाको बुद्धशान्ति गाउँपालिका वडा नं २ स्थित युवा आवाज बुद्धशान्तिले शनिबार एक कार्यक्रमको आयोजना गरी जेष्ठ नागरिक आमा बुवा हरूलाई सम्मान गरिएको छ ।

“जेष्ठ नागरिक सँग युवा आवाज” भन्ने नाराका साथ बुद्धशान्ति गाउँपालिका वडा नं २ स्थित राधाकृष्ण मन्दिरको सभाहलमा जेष्ठ नागरिक आमा बुवाहरूलाई सम्मान तथा दहि चिउरा र फलफूल खुवाउने कार्यक्रम सम्पन्न गरिएको थियो ।

युवा आवाज बुद्धशान्तिका अध्यक्ष सेमन्त पोखरेलको अध्यक्षता त्यस्तै अथितिहरूमा जेष्ठ नागरिक मञ्च बुद्धशान्तिका अध्यक्ष कृष्ण प्रसाद फुयेल,पुर्व बुद्धशान्ति गाउँपालिका उपाध्यक्ष अर्जुन पाण्डे,राधा कृष्ण जेष्ठ नागरिक भेटघाट चौतारिका अध्यक्ष रोइत कुमार भट्टराई,लगायतको आतिथ्यता रहेको थियो ।

शनिबार राधाकृष्ण मन्दिरको साभाहलमा भएको उक्त कार्यक्रममा आफ्ना भनाईहरू राख्दै पुर्व गाउँपालिका उपाध्यक्ष अर्जुन पाण्डेले भन्नुभयो ,असल छोराले आफ्ना बुवा आमालाई सम्मान गर्दै श्रीमती र बुवा आमालाई मैत्रीपुर्ण तरिकाले मिलाएर उज्यालो भबिस्यको बाटोमा किन बढ्न सक्दैनन बुवा आमा तथा सासुससुराको अपमानद्वारा अगाडि बढ्न खोजीएको भविष्य कस्तो कति कष्टकर हुन्छ भन्ने कुरा अहिलेका थुप्रै छोराबुहारीले सोचेको पाइदैन बुवा आमाको आशिर्वाद नै संतानको लागी उर्जाबान हुने गर्दछ भन्दै आफ्ना भनाईहरू राख्नु भएको थियो ।

कार्यक्रमको सामापन गर्दै सभाअध्यक्ष सेमन्त पोखरेले भन्नुभयो जुन घरमा छोरा बुहारी बुद्धिमान र ज्ञानि हुन्छन् त्यस्ता घरहरु सधैं उज्यालो हुने गर्दछ ,बुवा आमाको न्यानो आशिर्बादले नै छोरा बुहारीको सम्मान र आदर पनि हुने गर्दछ यो दुनियाँमा सबै चिज खोजेर प्राप्त गर्न सकिन्छ तर जन्मदिने बुवा आमा कहिँलै प्राप्त गर्न नसकिने बताउनु भयो ।

युवा आवाज बुद्धशान्तिका कोषाध्यक्ष चिन्तामणी गौतमले स्वागत मन्तव्य राखेको कार्यक्रममा युवा आवाजले आगामि दिनमा पनि प्रत्येक शनिबार आफ्ना वडाका सबै जेष्ठ नागरिक भेटघाट चौतारीमा युवा आवाज बुद्धशान्ति कार्यक्रम लिएर जाने संस्थाका सचिव देवेन्द्र भण्डारीले बताउनु भयो ।

समाजमा भएका नकारात्मक पक्षका विरुद्ध आवाज बुलन्द गर्दै जनचेतनामूलक कार्यक्रम गर्ने उद्देश्यले गैरराजनितिक,गैर नाफा मूलक कार्यक्रम गर्ने संस्थाको रुपमा यो संस्था स्थापना भएको समितिका सदस्य सुनिल भण्डारीले बताउनु भयो ।

हाल संस्थाका अध्यक्षका रुपमा सेमन्तराज पोखरेल, उपाध्यक्षमा रमेश नेपाल, सचिवमा देवेन्द्र भण्डारी, कोषाध्यक्षमा चिन्तामणी गौतम ,राम धिमाल ,कमल भुजेल, अनिल कोईराला ,रहनु भएको छ।

संस्थाका उपाध्यक्ष रमेश नेपालले संचालन गर्नुभएको कार्यक्रममा युवा आवाज बुद्धशान्तिका सचिव देवेन्द्र भण्डारीले अौचित्य माथि प्रकाश पार्नुभएको थियो ।

संस्था स्थापना भए देखिनै जनचेतना मूलक कार्यक्रम गर्दै आएको यस संस्थाले अन्तराष्ट्रिय लागुऔषध तथा अवैध तस्कर विरुद्ध दिवसको अवसरमा अषाढ ११ गते बुधबारे चोकमा जनचेतना मूलक कार्यक्रम समेत सम्पन्न गरेका थिए।

ज्ञानु भट्टराई  ।  झापाको बुद्धशान्ति गाउँपालिका वडा नं ४ स्थित बर्ने चिया कमानमा काम गर्ने मजदुरलाई शुक्रबार रेनकोट वितरण गरिएको छ । बुद्धशान्ति गाउँपालिका वडा नम्बर ४ ले ३३० थान रेनकोट वितरण गरेको हो ।

बर्खाको समयमा परेको पानीमा मजदुरहरूले भिज्दै काम गरेको देखिएका कारण १ लाख ७० हजार बराबरको रेनकोट वितरण गरिएको वडा नम्बर ४ का वडाध्यक्ष शेरबहादुर रायले बताउनु भयो । गाउँपालिका अध्यक्ष मनोज प्रसाईँको प्रमुख आतिथ्यमामा भएको कार्यक्रममा उपाध्यक्ष भवानी खतिवडाको विशिष्ट आतिथ्यता रहेको थियो।

चिया कमानमै गएर रेनकोट वितरण गरिएको कार्यक्रमको सञ्चालन कार्यपालिका सदस्य दुर्गा ढुङ्गेलले सञ्चालन गर्नुभएको थियो बर्खायाममा भिज्दै काम गर्नु पर्ने र बिरामी हुने समस्या आइरहने हुन्थ्यो तर अब यो समस्या काम हुन्छ भन्दै रेनकोट वितरण गर्ने बुद्धशान्ति गाउँपालिका वडा नम्बर ४ का वडाध्यक्ष शेरबहादुर रायलाई मजदुरहरुले धन्यबाद दिएका छन् । रेनकोट पाएपछि मजदुरहरू हर्सित भएका छन् ।

केही समय अघि बुद्धशान्ति गाउँपालिका अध्यक्ष मनोज प्रसाईँले सोही स्थानका मजदुरलाई गमबुट बितरण गरिएको बताईएको छ । अबको केही दिनमा वगानका काम गर्ने मजदुरहरूलाई पालिकाको सहकार्यमा स्वाथ्य सिविर सन्चालन गर्ने गाउँपालिका अध्यक्ष मनोज प्रसाईले बताउनु भयो ।

ज्ञानु भट्टराई   ।  आधुनिक युवा पुस्तालाई कृषिमा लाग्न प्रेरित गर्ने उद्येश्यले झापाको बुद्धशान्ति गाउँपालिका वडा नं ५ स्थित शान्तिनिकेतन अङ्ग्रेजी मा बि ले आफ्ना विद्यार्थीलाई धान रोपाइँमा सहभागी गराएको छ ।

स्कुल जिवनदेखि नै कृषिमा सहभागी गराउँदा परिश्रमी र आत्मनिर्भर बन्न सहयोग पुग्ने भन्दै विद्यालयले शुक्रबार २० औं राष्ट्रिय धान दिवस एवं रोपाइँ महोत्सव २०८० तथा असार १५ अर्थात् दही चिउरा खाने दिन आज मनाउदै रोपाईं लगायतका कार्यक्रम आयोजना गरिएको बुद्धशान्ति गाउँपालिका कार्यपालिका सदस्य तथा विद्यालयका को अर्डिनेटर दिनेस लेप्चाले जानकारि दिनु भयो ,।

शुक्रबार भएको कार्यक्रममा विद्यालयका प्रीन्सिपल उदय चन्द्र कोईराला, भाईस प्रीन्सिपल रबिन कोईराला स्थानिय बासि अामा बुवा दाजुभाई दिदिबहिनिहरूको पनि बाक्लो उपस्थिति रहेको थियो साथै बिद्यालयका शिक्षकले अध्यनरत विद्यार्थी हरूलाई धान रोपाँइको प्रयोगात्मक समेत गरिएको थियो

अबको शिक्षा व्यावहारिक, सिपमुलक र आय आर्जनमुलक हुनुपर्नेभएकाले किताबी ज्ञानमा मात्र विद्यार्थरुलाई सिमित नराखी ब्यवहारिक शिक्षा आजको प्रमुख आवश्यकता रहेको प्रीन्सिपल उदयचन्द्र कोईरालाले बताउनुभयो।

उक्त कार्यक्रमबाट विद्यार्थिहरुले धान दिवस र रोपाइँको महत्व स्पष्ट बुझेको विद्यालयका भाईस प्रीन्सिपल रबिन कोईराले बताउनु भयो। रोपाइँ सकेर विद्यार्थीहरुलाई दहि चिउरा खाजाको रुपमा खुवाईएको विद्यालयका बिज्ञान शिक्षक सुनिल पौडेलले जानकारी दिनुभयो।

वि.सं २०६१ सालमा विश्वका ४३ राष्ट्रले संयुक्त राष्ट्रसंघलाई अन्तर्राष्ट्रिय धान वर्ष घोषणा गरेपछि नेपालमा वि.सं २०६१ मंसिर २९ गतेको मन्त्रिस्तरीय निर्णय अनुसार विसं २०६२ असार १५ गतेदेखि राष्ट्रिय धान दिवस मनाउन सुरु गरिएको हो। असारे भाकामा लोकदोहोरी गाउँदै, हिलो छ्यापाछ्याप गर्दै आज धान रोप्ने चलन छ । दहीच्युराको संस्कृति असार १५ लाई नेपाली समाजमा दहीच्युरा खाने पर्वका रूपमा पनि लिइन्छ । कृषिसहित सबै पेशा व्यवसायमा लागेका नेपालीहरुले आज दहीच्यूरा खाई असार १५ मनाउँछन्।