July 14, 2024

बुद्धशान्ति गाउँपालिकाले पशुमा लाग्ने संक्रामक रोग ‘लम्कि स्किन’ विरुद्वको खोप लगाउन सुरु गरेको छ ।
बुधबार वडा नम्बर १,३,६,र ७ बाट यो रोग विरुद्वकोखोप लगाउन सुरु गरेको हो । ‘लम्कि स्किन’ असार अन्तिम साता देखि बुद्धशान्तिमा पनि धेरै देखिन थालेपछि रोग नलागेका स्वस्थ पशुहरुमा खोप लगाउन सुरु गरिएको पशुपंछि तथा मत्स्य विकास शाखा प्रमुख कैलास प्रसाद सिहंले जानकारी दिनु भयो ।

सवै वडाका कृषकहरुको घर घरमा पुगेर पशु प्राविधिकिहरुले खोप लगाउने छन् । यसका लागि बुद्धशान्ति गाउँपालिकाले १२ जना प्राविधिक खटाएको छ । खोप लगाए वापत कृषकहरुले प्रति गाई ५० रुपैयाँ तिर्नु पर्ने छ । त्यसमा प्रयोग हुने सिरिञ्ज,निडिल,प्राविधिकहरुको चार्ज, खाना, यातायात लगायतको खर्च गाउँपालिकाले व्यहोर्ने छ ।१० हजार गाईमा यो खोप लगाइने कार्यक्रम रहेकोले गाउँपालिकाले मात्रै १० लाख रुपैयाँ भन्दा बढी खर्च हुने पशुपंछि तथा मत्स्य विकाश शाखाले जनाएको छ ।

लम्कि स्किनरोग विरुद्व खोप सञ्चालन उद्घाटन कार्यक्रममा बोल्दै वडा नम्बर १ का वडाअध्यक्ष अनिल वाग्लेले ‘लम्कि स्किन’ सरुवा रोग भएकोले भ्याक्सिन छुटाउन नहुने बताउनु भयो । असहज अवस्था आए वडा तथा गाउँपालिकालाई खबर गर्न आग्रह गर्दै उहाँले सहयोग गर्ने प्रतिवद्वता व्यक्त गर्नु भयो । वडाअध्यक्ष वाग्लेले बाँकी वडाहरुमा यी वडाको कार्यक्रम सकिए लगत्तै सुरु हुने बताउनु भयो ।

बुद्धशान्तिमा लम्कि स्किनका कारण १००० हजार भन्दा बढी पशु संक्रमित भएका छन् भने सानो ठूलो गरेको ८०/ वटा पशुहरू मरेका छन् । यो रोग लागिसकेपछि गाईमा ज्वरो आउने, शरिरमा फोका देखा पर्ने, झोक्राउने, घाँस, खोले नखाने र अन्त्यमा मर्ने गरेको पाईएको छ ।

विराटनगरको सेन्टमेरिज बोर्डिङ स्कुलको बसको ठक्करबाट एक जना बालकको मृत्यु भएको छ ।

बूढीगंगा गाउँपालिका–१ मिलन चोकस्थित भित्री सडकखण्डमा सेन्टमेरिज बोर्डिङ स्कुलको ग १ क ६०१८ नम्बरको बसले साइकलमा यात्रा गरिरहेका बालकलाई ठक्कर दिएको थियो । ठक्करबाट खोटाङ घर भइ बूढीगंगा–१ मा बस्दै आएका प्रदीप परियारका १२ वर्षीय छोरा सन्देशको मृत्यु भएको मोरङ प्रहरीका प्रवक्ता डीएसपी रन्जनकुमार दाहालले जानकारी दिए ।

उनका अनुसार दक्षिणबाट उत्तरतर्फ जाँदै गरेको बसले विपरीत दिशाबाट आउँदै गरेको साइकललाई दिउँसो ४ बजेतिर ठक्कर दिएको प्रारम्भिक अनुसन्धानबाट खुलेको छ । ठक्करबाट गम्भीर घाइते भएका बालकलाई उपचारका लागि विराट शिक्षण अस्पताल लगिएको थियो ।

चिकित्सकले दिउँसो ४ः४० बजेतिर मृत घोषित गरेको प्रहरीले जनाएको छ । स्कुल बस र चालक विराटनगर महानगरपालिका–४ बस्ने ४० वर्षीय देवानन्द राजवंशीलाई नियन्त्रणमा लिएर घटनाको अनुसन्धान सुरु गरिएको डीएसपी दाहालले बताए ।

प्रहरीका अनुसार भानु स्कुलको बस भाडामा लिएर सेन्टमेरिजले विद्यार्थी ल्याउन र पुर्याउन प्रयोग गर्दै आएको थियो । विद्यार्थीलाई पुर्याउने क्रममा दुर्घटना भएकाे थियाे ।

इलामका एक व्यक्तिले आफ्नै १४ वर्षीया नातिनीलाई जवर्जस्ती करणी गरी गर्भवती बनाएको आरोपमा पक्राउ परेका छन् ।

६५ वर्षीय ती व्यक्तिले आफ्नै छोराकी छोरीलाई एक वर्ष यता करणी गर्दैआएको र उनको चार महिनाको गर्भ रहेको खुलेको जनाइएको छ । दुई दिनअघि पक्राउ गरिएका ती व्यक्तिलाई जिल्ला अदालतबाट म्याद थपगरी अनुसन्धान सुरु गरिएको जिल्ला प्रहरी कार्यालय इलामले जनाएको छ ।

पछिल्लो एक वर्ष यता बालिकालाई पटक–पकट करणी गरेको र गर्भ समेत रहेको पीडितको स्वास्थ्य जाँचबाट थाह भएको जिल्ला प्रहरी कार्यालयका सुचना अधिकारी प्रकाश जबेगुले बताउनुभयो । आरोपित व्यक्तिलाई जिल्ला प्रहरी कार्यालयको हिरासतमा राखेर अनुसन्धान सुरु गरेको जनाएको छ ।

झापाको बुद्धशान्ति गाउँपालिकामा पछिल्लो समय भित्री सडकमा खुल्ला रुपमा छाडा छोडिएका कुकुरहरले विद्यालय आसपासका छेत्रमा विभिन्न खाले दुर्घटना बढिरहेको हुनाले साथै व्यक्तिगतरुपमा पालिएका घरपालुवा कुकुर लाई कुकुरधनिहरूले सार्वजनिक स्थल तथा छिमेकीका घरआँगन छेउछाउमा डुलाउने क्रममा फोहोर मैला हुने गरेको र उक्त फोहोर मैलाले छिमेकि हरूलाई समेत असर पुर्याएको भन्दै यसको उचित व्यवस्थापन गर्न गराउन बुद्धशान्ति गाउँपालिकालाई विभिन्न प्रस्तावहरु सहित ध्यानाकर्षण पत्र बुझाएको बुद्धआदर्श मा वि व्यवस्थापन समितिका अध्यक्ष मनोरथ तिवारिले जानकारि दिनु भयो।

पछिल्लो समय बुद्धशान्तिको पुलचोक पहाडी चोक बुद्धआदर्श विद्यालयको हाता वरपर जयपुरचोक वालुवाटार चोक लगायतका स्थानहरूमा रहेका भुसिया कुकुरहरूले अातङ्कनै मच्चाउने गरेका छन,।
केहिदिन यता सडकमा ५ देखि ७ वटा सम्म हुल बाधिएर हिनेका कुकुरहरूले विद्यालय जाने आउने क्रममा विद्यार्थीहरुलाई झम्टने गरेको र भाग्ने क्रममा घाइतेसम्म हुने गरेको बताईएको छ । सडकमा कुद्ने बाइक चालकलाई झम्टने र पछ्याएर खेद्ने गरेको तथा उक्त कारणले दुर्घटना हुने गरेको विद्यालय व्यवस्थापन समितिका अध्यक्ष मनोरथ तिवारिले बताउनु भयो , उहाँलेभन्नू केही समय अगाडि बुद्धशान्तिकै सडकमा छाडा छोडिएका भुसिया कुकुरकै कारण बुद्धशान्तिकै स्थानियको मोटरसाईकल दुर्घटना साथै कार दर्घटना समेत भएको साथै अाज भोलि त छाडा छोडिएका भुसिया कुकुरले खेतबारिमा चराउन बाधिएका पशु चौपायलाई टोक्ने,र टोकाइका कारणले मर्ने गरेको हुँदा आर्थिक भार समेत ब्यहोर्नु परेको बताउनु भयो ।

आफ्नो घरमा पालेको कुुकुरलाई डुलाउने क्रममा सार्वजनिक स्थल तथा छिमेकीको घरआँगनहरुमा दिसा पिसाब गराएका कारण फोहोर मैला हुने गरेको स्थानिय सारदा दाहाल बताउनु हुन्छ ।
सोमबार गाउँपालिकालाई बुझाएको ध्यानाकर्षण पत्रमा साना साना बच्चा र विद्यालयका विद्यार्थीहरुलाई कुकुर अक्रमणबाट सुरक्षित ढंगले आवत जावत गर्न उचित व्यवस्था गर्नु पर्ने ।
घरपालुवा कुकुरलाई सार्वजनिक स्थल तथा छरछिमेकमा असर पर्ने गरी नघुमाउने र दिसापिसाब नगराउने वातावरण मिलाई नीतिगत ढंगले दीर्घकालीन रुपमा समस्याको समाधान गर्न पहल गर्ने साथै नियमलाई कार्यान्वयन नगर्ने सम्बन्धित कुकुरधनीलाई कार्वाहीका दायरामा ल्याउनु पर्ने लगायतको माग राख्दै सोमबार गाउँपालिकालाई ध्यानाकर्षण
बुझाएको बताईएको छ ।

नागपञ्चमी पर्व आज परम्पराअनुसार नागको पूजाअर्चना गरी घरका मूलढोकामा टाँसेर मनाइँँदै छ । यो पर्व प्रत्येक वर्ष श्रावण शुक्ल पञ्चमीको दिन मनाइन्छ । यस वर्ष साउनमा अधिकमास परेका कारण सौरमासअनुसार भदौमा यो पर्व परेको हो ।

यसरी नागको तस्बिर टाँस्दा वर्षभर घरमा नाग, सर्प र बिच्छीलगायतका जीवले दुःख नदिनुका साथै अग्नि, मेघ र चट्याङको भयबाट पनि बच्न सकिन्छ भन्ने धार्मिक विश्वास रहेको धर्मशास्त्रविद् एवं नेपाल पञ्चाङ्ग निर्णायक समितिका सदस्य प्रा डा देवमणि भट्टराईले जानकारी दिनुभयो ।

नाग पूजाको प्रचलन वैदिककालदेखि नै सुरु भएको हो । वैदिक मान्यताअनुसार नागलाई सर्पको राजा मानिन्छ । नाग रिसाए भने पानीको अभाव हुने भएकाले पानीका लागि पनि नागलाई खुसी पार्न पूजा गर्ने परम्परा बसेको हो ।

बराहपुराणमा उल्लेख भएअनुसार श्रावण शुक्ल पञ्चमीमा नागराजसँग ब्रह्माको संवाद भएकाले पनि आजको दिनमा नागपूजाका लागि प्रसिद्ध मानिन्छ ।

 

बुद्धशान्ति स्थित कर्णाली एजुकेसन फाउन्डेसनको स्कुल बसले हिजाे ठक्कर दिँदा घाइते भएकी ८ बर्षीया बालिका समिक्षा बस्नेतकाे उपचारकाे क्रममा मृत्यु भएकाे छ ।
उनी स्थानीय ज्याेती अङ्ग्रेजी मावि कि विद्यार्थी थिइन,

बारामा नेपाली दुई बालबालिकालाई बोरामा राखेर भारततर्फ लैजाँदै गरेका एक युवकलाई सिमावर्ती गाउँपालिका देवतालबाट सशस्त्र प्रहरीले नियन्त्रणमा लिएको छ ।

सशस्त्र प्रहरी बलका प्रहरी उपरीक्षक टोपबहादुर डाँगीका अनुसार देवताल गाउँपालिका-३ अमवा गाउँका शिवपुजन महतोकी ९ महिनाकी छोरी र प्रेमचन्द्र महतोका २ वर्षीय छोरालाई आइतबार उद्धार गरी नेपाल प्रहरीलाई जिम्मा लगाइएको छ ।
बालबालिका चोरी गरेको आरोपमा भारतको पूर्वीचम्पारण मूर्तिया ग्राम पञ्चायत वडा नं ४ आदापुरका २२ वर्षीय तबरेज आलमलाई नियन्त्रणमा लिइएको प्रहरी उपरीक्षक डाँगीले बताए । आलममाथि थप अनुसन्धान भइरहेको प्रहरी उपरीक्षक डाँगीले बताए ।

उनका अनुसार बोरामा राखी भारततर्फ लैजाने क्रममा बच्चाहरु रोएको आवाज सुनेपछि उद्धार गरिएको हो । उद्धार गरिएका बालबालिकालाई आइतबार नै अभिभावकको जिम्मा लगाइएको छ ।

 

झापाको बुद्धशान्ति गाउँपालिकामा रहेको बुद्धशान्ति भागिरथा अस्पतालमा आज बाट तीन जना MBBS डाक्टर हरूबाट सेवा सुरु भएको छ ।

बुद्धशान्ति भागिरथा अस्पतालमा डा.सुमेश चौधरी डा.सुमन शिवाकोटी को सेवा अस्पताल बाट भैइरहेको अवस्थामा डा.आविस दाहाल को पनि आज बाट सेवा सुरु भएको छ ।

साथै बिरामीहरु लाई सहजताको निम्ति अस्पतालले टोकनको सुविधा पनि सुचारु गरेको छ। अस्पतालमा पालो पर्खनु पर्ने लगायत बिभिन्न कारण केही समय कुरेर बस्दा कुरूवालाइ साथै बिरामि हरूलाई पनि सहजै सँग समय बिताउन सजिलो होस, भनेर LED टेलिभिजन को ब्यवस्था गरिएको साथै थप सेवा वृद्धिका निम्ति कार्यहरु समेत भईरहेको रहेको बुद्धशान्ति गाउँपालिकाका स्वाथ्य साखा प्रमुख धिरेन यादबले जानकारि दिनु भयो ।

झापाको बुद्धशान्ति गाउँपालिका वडा नं.-३ स्थित प्रणामी मन्दीर छेउमा पर्ने जयपुर बुधबारे सडक खण्डमा अहिले बिहान ९:४० बजेको समयमा पश्चिम बाट पुर्व तर्फ जाँदै गरेको मे १ क ८६० नं को कर्णाली एजुकेशन फाउण्डेसन को स्कुल बसले ठक्कर दिदा  सोही स्थानको शाखा बाटोबाट मुल बाटोमा ज्योती बोर्डिङ स्कुलमा पढने बिद्यार्थी पुर्याउने जाँदै गरेको साईकल चालक बुद्धशान्ती गा.पा.वडा नं १ बस्ने खड्क प्रसाद बस्नेत की श्रीमती बर्ष ३५ की रिता बस्नेत घाईते भएको र साईकलमा सवार छोरी बर्ष ८ की समिक्षा बस्नेत लाई कम्मर मुनी चोट लागि गम्भीर घाईते भएकि छिन साथै छोरा  बर्ष ५ को सन्दीप बस्नेतको (बाँया खुट्टामा चोट लागि घाईते भएको र घाइतेहरूलाई उपचारको  लागि बिर्तामोड स्थित B&C हस्पिटल लगिएको इलाका प्रहरि कार्यलयका प्रमुख प्रविन भट्टराईले जानकारि दिनु भयो ।

चालक तथा उक्त बस इलाका प्रहरि कार्यलय बुधबारेमा राखिएको बताईएको छ ।

 

काठमाडौँ महानगरपालिकाको कार्यपालिका बैठकमा घरपालुवा कुकुरलाई सडकमा लगेर दिसापिसाब गराउनेमाथि कारबाही गर्न आवाज उठेको छ ।

२१ औँ नगर कार्यपालिका बैठकमा ‘कुकुरको व्यवस्थापन सम्बन्धी कार्यविधि’माथिको छलफलमा भाग लिँदा वडाध्यक्ष मुकुन्द रिजालले यस्तो कार्यमा कतिपय भीआईपी भनिने मान्छेहरुनै सक्रिय रहेको भन्दै यसबारे महानगरको ध्यान जानुपर्नेमा जोड दिए ।

‘घरमा कुकुर पाल्ने र बाटोमा छाडेर ट्वाइलेटै बाटोमा बनाउन पाइन्छ कि पाइँदैन ?’, उनले भने, ‘धनीमानि ठुलाबडा, अलि ठुला पदमा पुगेका मानिसहरू नै मर्निङवाकमा शेर जत्रा कुकुर लिएर निस्कने र बाटोमा दिसापिसाब गराउने प्रवृत्ति छ। यस्तो कार्यमा संलग्नमाथि महानगरपालिकाले कारबाही गर्नुपर्छ ।’महानगरले टोली परिचालन गरेर जरिवाना गर्न थाले यस्तो कार्य रोकिने उनको भनाइ थियो ।

बिहीबार प्रमुख बालेन्द्र शाह (बालेन) को अध्यक्षतामा बसेको उक्त बैठकमा सुशासन समितिका संयोजक ख्यामराज तिवारी, सम्पदा तथा पर्यटन समितिका संयोजक आशामान सगत, वातावरण समिति, विधायन समितिका संयोजक बालकृष्ण महर्जन, विधायन समितिका संयोजक मचाराजा महर्जन, पूर्वाधार समितिका संयोजक मुकुन्द रिजाल र वित्त समितिका संयोजक ईश्वरमान डंगोलले आफ्ना समितिअन्तर्गतका प्रस्ताव पेस गरेको महानगरपालिकाले जनाएको छ । बैठकमा विविधसहित २१ वटा प्रस्ताव थिए ।