इलामबाट शैक्षिक भ्रमणमा धनकुटा हिंडेको बस भेडेटादेखि केही तल दुर्घटनामा परेको छ । केही विद्यार्थी घाइते भएका छन् । थप विवरण आउन बाँकी …..
श्रोत : शिक्षा
झापा : जंगली हात्तीको आक्रमणबाट झापामा एक जना वन चौकीदारको मृत्यु भएको छ । मृत्यु हुनेमा हल्दीबारी गाउँपालिका–३ निवासी ४० वर्षीय धनबहादुर बन रहेको जिल्ला प्रहरी कार्यालय झापाका प्रहरी निरीक्षक दुण्डीराज गिरीले जानकारी दिए ।
मृतक बन रणकाली सामुदायिक वन जलथलका चौकीदार हुन् । शुक्रबार बिहान करिब ९ बजेको समयमा उनी सामुदायिक वनमा रेखदेखको लागि गएका थिए । सोही बेला एउटा जंगली हात्तीसँग उनको जम्काभेट भयो । सोही क्रममा एउटा हात्तीले लछारपछार गर्दै उनलाई कुल्चिएर मारेको प्रहरी निरीक्षक गिरीले बताए ।उनको शव स्थानीयले बिहान १० बजेर ५० मिनेटमा देखेपछि तत्काल प्रहरी चौकी जलथललाई खबर गरेका थिए ।
त्यसपछि जिल्ला प्रहरी कार्यालय झापाको टोली घटनास्थल पुगेर कानुनी प्रक्रिया पूरा गरी शवलाई पोस्टमार्टमका लागि प्रादेशिक अस्पताल भद्रपुर पठाएको प्रहरीले जनाएको छ ।
बुद्धशान्ति । झापाली रेफ्रीका रूपमा चिनिएका लोकराज ढुङ्गानाको निधन भएको छ । उनी कलेजो र फोक्सोसम्बन्धी रोगबाट ग्रसित थिए ।
झापाको बिर्तामोडस्थित बिएन्डसी अस्पतालमा उपचारको क्रममा उनको आज निधन भएको हो ।
झापाका अग्रज फुटबल रेफ्री ४५ वर्षीय ढुंगानाले २०६८ सालमा एन्फा रेफ्रीको कोर्स पूरा गरेका थिए ।
झापा बुधबारे निवासी उनी झापा जिल्ला फुटबल रेफ्री संघको पूर्ववरिष्ठ उपाध्यक्ष तथा हाल कोशी प्रदेश फुटबल रेफ्री संघको सदस्य थिए ।
झापाको बुद्धशान्ति ५ मा जारी दोस्रो शान्तिनगर जागृति नकआउट फुटबल प्रतियोगिताको आज भएको दोस्रो सेमिफाइनल खेलमा विर्तामोड छिमेकी युवा क्लबलाई ५/४ गोल अन्तरले हराउदै जागृति युवा क्लब आयोजक फाईनलमा प्रवेश गरेको छ ।
बुद्धशान्ति ५ खारखोलाको खेल मैदानमा आज भएको खेलमा जागृति युवा क्लब तर्फबाट स्याम मुर्मुले पहिलो हाफमा १ गोल गरेका थिए भने छिमेकी फुटबल क्लब विर्तामोडको तर्फबाट राजेस दाहाले दोस्रो हाफमा १ गोल फर्काउँदै खेललाई बराबरी बनाएका थिए ।
खेलको निर्धारीत समयमा दुबै टिमको खेलबराबरी भएपछि ट्राईबेकरको आधारमा ५ / ४ गोलको अन्तरले आयोजक टिम फाइनलमा प्रबेस गरेको हो ।
आजको खेलमा आयोजका टिमका गोल किपर उपेन ल्वागुन म्यान अफ द म्याच घोषित हुँदै पुरस्कृत भएका थिए ।
मंसिर १० गते वाट सन्चालन भएको प्रतियोगिताको फाईनल मंसिर १७ गते हुने छ भने फाइनलमा आयोजक र वहुवन एफसी बिच हुने बताईएको छ ।
खेलमा प्रतियोगिताको विजेताले नगद ५० हजार, ट्रफी, मेडल प्राप्त गर्ने छन भने उपविजेताले नगद ३० हजार, ट्रफी, मेडल र प्रमाणपत्र प्राप्त गर्ने आर्थिक समितिका संयोजक दिलिपकुमार सरदारले जानकारी दिनु भयो ।
इलाम नगरपालिका–९ (साबिक इनपा–५) स्थायीबासी गंगाराम मोक्तान नेपाली सेनाको सात वर्षे जागिर छाडेर चार वर्षअघि वैदेशिक रोजगारीका लागि दुबई गएका थिए। त्यसयता उनी घर फर्केका थिएनन्। घरमा उनले दुबईमा राम्रो कमाइ नभएको खबर पनि नगरेका होइनन्। र, रुसी सैनिकमा भर्ना हुने योजना पनि सुनाएका हुन्।
तर, परिवारले उनलाई रुसमा ‘जोखिम’ मोल्न जान सल्लाह दिएन। पटक्कै मानेन। गंगारामले परिवारलाई ‘कन्भिन्स’ गर्न खोजे– ‘यताबाट धेरै नेपालीलाई लाँदैछ, केही हुँदैन। राम्रो कमाइ हुने कुरा छ, जान्छु।’
गंगारामले दुबईमै रहँदा अझ राम्रो कमाइ हुने सोचेर माल्टा जाने प्रयास पनि गरे। तर, यसमा लगानी गरेको छ लाख रुपैयाँ त्यसै डुब्यो। फेरि त्यति नै रकम खर्चेर उनले युक्रेनसँग युद्धरत रुसको सैनिक बनेर जाने निधो गरे।
त्यही अठोटअनुसार गंगाराम करिब दुई महिनाअघिमात्र रुसी सेनामा भर्ना भए। भर्नापछि उनले आफ्ना तस्बिर र सैनिक तालिमको भिडियो क्लिप्ससमेत इमोमार्फत् घर पठाएका थिए।
गंगारामले दुबईमै रहँदा अझ राम्रो कमाइ हुने सोचेर माल्टा जाने प्रयास पनि गरे। तर, यसमा लगानी गरेको छ लाख रुपैयाँ त्यसै डुब्यो। फेरि त्यति नै रकम खर्चेर उनले युक्रेनसँग युद्धरत रुसको सैनिक बनेर जाने निधो गरे।
‘त्यहाँ मासिक एक लाख ९५ हजार रुबल हुन्छ भन्नुभएको थियो तर तलब लिनुभएको थिएन,’ याङ्गिलाले भनिन्, ‘घर–परिवारका सबैको जन्म दर्ता, नागरिकतालगायत कागजसमेत लानुभएको थियो। ती कागज दुईमा हुँदाको उहाँकै कोही नेपाली साथीसँग छ भन्ने सुनेकी छु तर चिनेकी छैन ।’
गंगारामले करिब दुई हजार नेपाली युवा आफूजस्तै रुसी सेनामा जाँदै गरेको पनि आफ्नो परिवारलाई सुनाएका थिए । तर, याङ्किलाले उनीहरू कसैलाई चिनेकी छैनन् । भन्छिन्, ‘ती महत्त्वपूर्ण कागजात जोसँग छ, उहाँ पनि सम्पर्कमा आउनुहुन्छ भन्ने विश्वास छ।’
तिनै गंगाराम युक्रेनसँगको युद्धमा मारिए। मोक्तानको १५ नोभेम्बर २०२३ मा मृत्यु भएको खबर दूतावासले २४ नोभेम्बर २०२३ मा पुष्टि गर्यो। दूतावासले रुसी सेनाका अधिकारीबाट टेलिग्राममार्फत उनको ‘मेडिकल डेथ सर्टिफिकेट’ पाएको जनाएको छ।
७० वर्षे कृष्णबहादुर मोक्तान र ६२ बर्सिया सन्तमायाका तीन छोरामध्ये गंगाराम कान्छा हुन्। जेठा छोरा आठ वर्ष उमेरमै परलोक भए। माहिला पनि वैदेशिक रोजगारीका लागि पाँच वर्षयता कोरियामा छन्।
याङ्गिलाले पति गंगारामको शव घर ल्याउने पहलका लागि सबैसँग आग्रह गरेकी छिन्। कृष्णबहादुरले सास नभएपनि छोराको मुख हेर्ने धोको आफूसँग रहेको सुनाए। वडा ९ का वडाध्यक्ष गोपाल चौहानले गंगारामको शव घर ल्याउन वडाले सकेसम्म पहल गरिरहेको बताए। ‘गंगारामको शव ल्याउन हामी सबै हिसाबले प्रयत्नरत छौँ,’ उनले भने, ‘स्थानीय सरकारले गर्न सक्ने जति प्रयास गरिरहेका छौँ।’
इलाम बजारमा खेलाईएको हाउजी खेलमा ४८ लाख बढिको कारोबार भएको बताईएको छ । गत असोज २८ देखि मंसिर ८ सम्म सदरमुकाममा खेलाइएको उक्त खेलमा भएको कारोबारको विवरण मंगलबार सदरमुकाममा पत्रकार सम्मेलन गरि आयोजकले सार्बजनिक गरेको हो । ४१ दिन खेलाइएको हाउसी बिंगोमा ४८ लाख ६७ हजार तीन सय ५५ रुपैयाँको कारोबार भएको आयोजकले सार्बजनिक गरेको विवरणमा उल्लेख गरेको छ ।
यस्तै पुरस्कारमा २८ लाख ५७ हजार दुई सय रुपैयाँ खर्च भएको बताईएको छ भने २० लाख १० हजार एक सय ५५ रुपैयाँमध्ये पाँच लाख १२ हजार दुई सय २९ रुपैयाँ खेलका लागि खर्च भएको जनाईएको छ । बाकी १४ लाख ७९ हजार नौ सय २६ रुपैयाँ बचत भएको आयोजकले जनाएको छ । तर यता इलामका नागरिकले भने यस पटको हाउजी खेलमा हिसाबकिताब पारदर्शी नभएको भन्दै सामाजिक संजाल मार्फत आवाज उठाईरहेका छन ।
झापा। पूर्वी नेपालका झापाका केही पालिकाहरूलाई सुपारी जोन भनेर घोषणा गरिएको छ । झापाका बुद्धशान्ति, अर्जुनधारा तथा मेचीनगरका अधिकांश किसान सुपारी खेतीमा आश्रित छन् । यी पालिकाका किसानले नगदेबालीका रुपमा सुपारी खेतीलाई प्राथमिकता दिएका छन् । सुपारी पाक्न पाएको हुँदैन, बोटमा फलेको सुपारीका दाना हेरेर व्यापारीले दाम गर्छन् र अग्रिम भुक्तानी पनि दिन्छन् ।
त्यस्ता व्यापारी तथा सहकारीले खरिद गरेर राखेका सुपारी विगत एक बर्षदेखि सञ्चित छ । नेपालका विभिन्न उद्योगमा खपत भएर पनि धेरै मात्राको सुपारी सञ्चित रहेको सुपारीकेन्द्रित सहकारी तथा व्यापारीहरूको भनाइ छ । उनीहरू सञ्चित सुपारी भारत निर्यात गर्न चाहन्छन् । तर विगत एक बर्षदेखि सुपारी भारत निर्यात गर्न नपाएको अवस्था छ ।
तर नेपालमा उत्पादित सुपारी मात्र भारत निर्यात नभएर विदेशबाट आयातित सुपारी पनि नेपालका सुपारीसँग मिसावट गरेर भारत पुर्याइने गरिएको विगतका घटनाले देखाउँछ । तेस्रा देशहरूबाट आयात गरिएका सुपारी पुनः अर्को देश निकासी गर्न कानुनले दिँदैन । निकासी घरी खुल्ने घरी बन्द हुने परिपाटीले नेपालमा उत्पादित सुपारी पनि भारत निर्यात हुन नपाएको व्यापारीहरूको गुनासो छ ।
यही मेसोमा अहिले भारततर्फ सुपारी निर्यात गर्ने बाटो खुल्ला गर्नका लागि संसद, संसदीय समिति तथा राजनीतिक दलका नेताहरूले पहल थालेका छन् । निकासी ठप्प हुँदा सुपारीको चोरी निकासी बढेको सुपारीसम्बद्ध व्यापारीहरूको भनाइ छ । उनीहरूले चाँडो समस्याको समाधान गरी सुपारी भारततर्फ निकासी हुनुपर्ने माग गरेका छन्।
विगतमा सुपारी निर्यात गर्ने अनुमतिपत्र ‘उत्पत्तिको प्रमाणपत्र’ पाउने विषयलाई लिएर विवाद भएका कारण किसानले उत्पादन गरेको ठूलो परिमाणको सुपारी अलपत्र परेको उनीहरूले बताएका छन् ।नेपालमा प्रमुख रुपमा सुपारी उत्पादन हुने झापा जिल्लाका तीनवटा पालिका अर्जुनधारा, बुद्धशान्ति र मेचीनगर क्षेत्रमा उद्योग तथा वाणिज्य र श्रम तथा उपभोक्ता हित समितिका सभापति अब्दुल खानको नेतृत्वको टोलीले अनुगमन गरेको छ ।
अनुगमनका क्रममा नेपालमा उत्पादन भएको सुपारी भारत निर्यात हुन नसक्दा नेपालको पूर्वीद्वार काँकरभिट्टाबाट चोरी निकासी गर्दै भारतसम्म पुग्ने गरेको व्यापारीहरूले बताएका थिए ।
आफ्नो गाउँपालिका क्षेत्रका कृषकहरु पूर्ण रुपमा सुपारी खेतीमा निर्भर रहेको साथै आफू स्वयं सुपारी खेतीमा आश्रित रहेको बताउँदै बुद्धशान्ति गाउँपालिका प्रमुख मनोज प्रसाईंले निर्यातको बाधा फुकाइदिन आग्रह गरे ।
संसदीय समितिका सभापति खानले सुपारी बगानमा आएर अवलोकन गर्दा निर्यात नहुँदा सुपारीबाट ठूलो परिमाणको राजश्व सरकारले गुमाइरहेको स्पष्ट भएको बताए ।
गत कात्तिक १५ गते बसेको प्रतिनिधिसभाअन्तर्गतको उद्योग तथा वाणिज्य र श्रम तथा उपभोक्ता हित समिति बैठकमा बोल्ने अधिकांश सांसदहरूले चलखेल गरी सुपारी आयात/निर्यातको बाधा फुकाउने काममा समितिलाई अलमल्याउने खोजिएको बताएका थिए ।
उनीहरूले सरकारले वास्तविक सुपारी किसानको तथ्यांक यकिन गर्नुपर्ने आवश्यकतासमेत औँल्याएका थिए ।
नेपालबाट सुपारी निर्यात खोल्न सभामुख देवराज घिमिरे र उद्योग वाणिज्य तथा आपूर्तिमन्त्री रमेश रिजाल लागिपरेका छन् ।
नेपालबाट भारतमा निकासी हुने सुपारी रोकिँदै/खोलिँदै आएको अवस्थामा अहिले पुनः सुचारू गर्न सभामुख घिमिरे र उद्योगमन्त्री रिजालले तयारी अघि बढाएका हुन् ।
तेस्रो देशबाट आयात सुपारी नेपाल हुँदै भारतीय बजारमा पुर्याउँदा धेरै फाइदा हुने भएपछि भारतीय व्यापारीको स्वार्थमा नेपालका सत्तासीन व्यक्ति, राजनीतिक कर्मी र व्यापारीहरु सुपारी निर्यात बन्द गराउने र खोलाउने काममा सक्रिय हुने गरेका छन् ।
सोमबार संसदीय सभापतिहरुको बैठक आह्वान गरेका सभामुख घिमिरेले त्यहाँ सुपारी निर्यात खोल्नुपर्ने धारणा राखेका थिए । सभापतिहरूसँगको औपचारिक बैठकपछि सभामुख घिमिरले उद्योग वाणिज्य तथा आपूर्तिमन्त्री रिजाल र उद्योग तथा वाणिज्य श्रम तथा उपभोक्ता समितिका सभाति अब्दुल खानसँग पछि छुट्टै छलफल गरेका थिए ।
झापा निर्वाचन क्षेत्र भएका घिमिरेले चाँडो सुपारी निर्यातको वातावरण बनाउन मन्त्री रिजालसँग आग्रह गरेको बुझिएको छ । नेपाल सुपारी खेती विकास संस्थाका अनुसार नेपालमा बार्षिक १४ हजार ५ सय ६० मेट्रिक टन सुपारी उत्पादन हुने गरेको छ । झापामा मात्र १० हजार ३ सय ५५ मेट्रिक टन सुपारी उत्पादन हुने गरेको संस्थाले जनाएको छ
झापा प्रहरीले लागुऔषध मुद्दाका फरार प्रतिवादी झापा बुद्धशान्तिका गाउँपालिका वडा नं २ का ५२ वर्षीय यादवराज पौडेललाई पक्राउ गरी कारागार पठाएको छ ।
झापा जिल्ला अदालतबाट २०७९ फागुन ११ गते लागुऔषध मुद्दामा दुई महिना कैद सजाय हुने फैसला भएपछि यादवराज पौडेल फरार भएका थिए ।
झापा प्रहरीका कार्यवाहक प्रवक्ता ढुण्डीराज गिरीका अनुसार पौडेललाई मंगलबार इलाका प्रहरी कार्यालय बुधबारेको प्रहरी टोलीले पक्राउ गरेको थियो ।
झापाको बुद्धशान्ति गाउँपालिका वडा नं ५ स्थित श्री जागृति युवा क्लब बुद्धशान्ति ५ पानी घट्टाको आयोजनामा दोस्रो शान्तिनगर नकआउट फुटबल प्रतियोगिताको आज भएको खेलमा जागृति युवा क्लब आयोजक र ड्रिमसं F C इलाम बिच भएको
खेलमा ५-१ गोल अन्तरले ईलाम लाई हराउदै जागृति युवा क्लब सेमिफाईनलमा प्रवेश गरेको छ ।
श्री जागृति युवा क्लब बुद्धशान्ति ५ को आयोजनामा सन्चालन भएको फुटबल प्रतियोगिताको आज भएको खेलमा जागृति युवा क्लब आयोजक र ड्रिमसं F C इलाम बिच प्रतिस्पर्धा भएको थियो खेल सूरू भएको ९ मिनेटमा जागृति युवा क्लब आयोजक का रोमन भुजेलले १ गोल गरेका थिए भने दोस्रो हाफको १५ मिनेट भित्रमै जागृति युवा क्लब आयोजक का रोमन भुजेल र पारस लिम्बुले थप १ /१ गोल गर्दै आफ्नो टिमलाई विजयी गराएका थिए।
एता दोस्रोहाफको अन्तिम २८ अौ मिनेटमा ड्रिमसं F C इलामका विशाल माझिले १ गोल फर्काउन सफल भएका थिए भने जागृति युवा क्लब आयोजकले ड्रिमसं F C इलाम लाई ५/१ गोलको अन्तरले हराउदै सेमिफाईनलमा प्रवेश गरेको हो ।
मंसिर १० गते बाट १७ गते सम्म सन्चालन भएको खेलमा विभिन्न ८ वटा टिम सहभागि रहेका छन् भने भोलि हुने खेलमा खुदुनाबारी FC र बहुवन FC बिच हुने आर्थिक व्यवस्थापन समितिका सदस्य प्रध्युन्न भट्टराइले बताउनु भयो ।
मंसिर १७ गते हुने फाइनल प्रतियोगिताको विजेतालाई ५० हजार नगद, ट्रफि र मेडल त्यस्तै दोस्रो हुनेलाई उप विजेतालाई ३० हजार नगद, ट्रफि र मेडल प्रदान गरिने बताइएको छ त्यस्तै प्रत्येक खेलमा प्रतियोगिताको उत्कृष्ट खेलाडी यसैगरी, उत्कृष्ट गोलरक्षक, मिडफिल्डर, डिफेन्डर, फरवार्ड र सर्वाधिक गोलकर्ता त्यस्तै, खेलमा बर्खा स्मृति प्रतिष्ठानका अध्यक्ष मदन प्रसाईको तर्फबाट खेलको उत्तकृष्ठ गोल प्लेयर लाई प्रति गोल २ वटा रेडबुल वितरण गर्दै आएको बताईएको छ भने खेलको म्यान अफ द म्याच बन्ने खेलाडी लाई समेत पुरस्कृत गरिनेखेलकुद समितिका सचिब भोजराज खवासले जानकारी दिनु भयो
बुद्धशान्ति गाउँपालिका खेलकुल विकास समितिको ८० हजार साथै वडा नं ५ वडा कार्यलय वाट ७० हजार स्थानीय महानुभावबाट प्राप्त स्वेच्छिक सहयोग संकलन गरेर प्रतियोगिता सञ्चालन गरिएको खेलकेुद समितिका अार्थिक संयोजक दिलिप कुमार सरदारले बताउनु भयो । प्रतियोगिता सम्पन्न गर्न ६ लाख ५० हजार रुपैयाँ खर्चको अनुमान गरिएको सरदार बताउनु हुन्छ । खेललाई थप रोचक बनाउन बिच बिचमा नृत्य समेत प्रस्तुत गरिएको थियो
श्री जागृति युवा क्लबले आयोजना गरेको खेलमा स्थानीय स्तरमा खेल क्षेत्रको महत्वसँगै नयाँ खेलाडी उत्पादन गर्ने उद्देश्यका साथ संस्थाले युवाहरूको क्षमता विकासको लागि र खेलकुद हाम्रो स्वाथ्यको लागि पनि अतिनै आवस्यक रहेको हुदा फुटबल भलिबल ,कराते ,क्रिकेट लगायतका सबै खेललाई आउदो दिनमा खेलाउदै जाने र आर्थिक अबस्था कमजोर भएका खेलाडी युवाहरुलाई खेलकुदमा व्यस्त बनाउने र उनिहरुलाई खेलकुदमा व्यस्त बनाई कुलतमा फस्नबाट जाेगाउन यस खेलको आयाेजना गरिरहेको श्री जागृति युवा क्लबका अध्यक्ष टेक बहादुर गदालले बताउनु भयो ।
झापाका तीनजना युवा युएईको दुबईमा बिचल्लीमा परेका छन् । उनीहरुलाई धुम्बाराहीस्थित सागर रिक्रुटमेन्ट प्रालिले दुबई पठाएको हो ।
गत असोज २८ गते दुबईस्थित जेबेल अलीमा पठाउँदा उनीहरुसँग मेनपावर कम्पनीले फ्रि भिसा, फ्रि टिकटको समेत धज्जी उडाउँदै १ लाख ७५ हजार रुपैयाँँ लिएको थियो ।
दुबईमा बिचल्लीमा पर्नेहरु भद्रपुरका अकबर अन्सारी, शिवसताक्षीका राजकुमार ताजपुरिया र महेश राजवंशी छन् । उनीहरुसँगै अरु नेपाली पनि अलपत्र परेको अन्सारीले बताए ।
म्यानपावर कम्पनीसँग गरेको सम्झौताअनुसार चाइना स्टेट कन्सट्रक्सन इन्जिनियरिङमा फिनिसिङ कारपेन्टर (फर्निचरको काम) दिने भनिएको थियो । उक्त कामबापत मासिक तलब १ हजार १ सय २० दिरहम (करिब ४० हजार नेपाली रुपैयाँँ) दिने सर्त थियो ।
दुबईको जेबेल अली पुगेपछि उनीहरूलाई भिन्न काममा लगाइयो । फिनिसिङ कार्पेन्टर भनेर दुबई लगिएकोमा त्यहाँको चाइना स्टेट कन्सट्रक्सन इन्जिनियरिङले उनीहरूलाई बेल्चा हान्ने लेबरको काम लगायो । यसरी लेबरको काममा लगाएर उनीहरूलाई बिचल्लीमा पारियो ।
काम फरक परेको भन्दै उनीहरूले सागर म्यानपावरका प्रतिनिधिहरूलाई तत्काल जानकारी गराए । तर, उनीहरूले यस विषयमा खासै चासो देखाएनन् ।
१ लाख ७५ हजार ऋण काढेर श्रीमानलाई दुबई पठाएको अन्सारीकी पत्नी अफ्रुज खातुनले बताइन् । ‘काम भनेजस्तो नहुँदा ऋणको बोझले उहाँँको मानसिक सन्तुलन झन् बिग्रिँदै गएको छ’, उनले भनिन्, ‘करिब १५ दिन ओछ्यानमा थला पर्दा उहाँँ मृत्युसँग लडिरहनुभएको थियो । धन्न सँगै गएका साथीहरूले हेरचाहसँगै उपचार गराउँदा उहाँँ सकुशल हुनुहुन्छ ।’
श्रीमानलाई नेपाल झिकाउन उनी सबैतिर भौतारिरहेकी छन् । तर, उनको सुनुवाइ भएको छैन । ‘मलाई यहाँँबाट नेपाल फर्काइदिनु भन्दै श्रीमान्ले पनि रुँदै घरमा फोन गर्नुहुन्छ’, उनले भनिन् । म्यानपावरलाई श्रीमान् फर्काइदिन आग्रह गर्दा उल्टै २५०० दिरहम मागेको उनले दुःखेसो पोखिन् ।
‘म्यानपावरले हामीलाई ढाँट्दा दुबईको एउटा कोठामा बन्दीसरह बसिरहेका छौँ’, झापा शिवसताक्षी–५ का ताजपुरियाले भने, ‘म्यानपावरले सम्झौताअनुसार काममा लगाइदिनुप¥यो, कि हामीलाई सकुशल नेपाल फिर्ता पठाइदिनु प¥यो’, उनले भने ।
