झापा- बुद्धशान्ति प्रेस क्लबले नयाँ सदस्यता आह्वान गरेको छ । साधारणसभा पश्चात सोमबार बसेको कार्यसमितिको पहिलो वैठकले सो निर्णय गरेको हो ।
पत्रकारीतमा आवद्ध रही दुईवर्ष काम गरेको बुद्धशान्तिका सञ्चारकर्मीका लागि सदस्यता लिनका लागि आह्वान गरेको प्रेस क्लबका अध्यक्ष तीर्थराज तिम्सिनाले बताउनु भयो ।
नयाँ सदस्यताका लागि संस्थाको विधान अनुरुप हस्तलिखित निवेदन सहित, नागरिकताको प्रतिलिपि, सञ्चार संस्थामा आवद्ध रहेको प्रमाण र सदस्यता शुल्क तिर्नुपर्ने क्लबका सचिव रोशन भट्टराईले बताउनु भयो ।
सदस्यताका लागि पुष १७ गते दखि पुष मसान्तसम्म मिति तय गरिएको क्लबका सह–सचिव योगेन्द्र(ज्ञानु) भट्टराईले बताउनु भयो । यसका साथै क्लबमा आवद्ध रहेका सदस्यहरुलाई समेत सदस्यता नविकरण गर्ने निर्णय गरिएको छ ।
क्लबले पत्रकारीता क्षेत्रमा आउन चाहने नागरिकलाई पत्रकारीता तालिम लिएर मात्रै प्रवेश गराउने समेत बताइएको छ ।
तालिमका लागि स्थानीय सरकार बुद्धशान्ति गाउँपालिका साथै स्थानीय संघसंस्थासंग समन्वय गर्ने अध्यक्ष तिम्सिनाले बताउनु भयो ।
११ सदस्यीय समिति रहेको क्लबमा वैठकले रिक्त रहेका तिन सदस्यलाई समेत आगामी बैठकले मनोनित गर्ने बताइएको छ । बैठकमा भर्खरै मात्र तेस्रो बार्षिक साधारणसभा सम्पन्न गर्न महत्वपूर्ण भूमिका निर्वाह गर्न सहयोग गर्ने संस्थाका सल्लाहकार, पूर्वअध्यक्ष, निर्वतमान अध्यक्ष तथा निर्वाचन मण्डललाई समेत धन्यवाद दिएको थियो ।
वि.सं.२०७६ सालमा स्थापना भएको पत्रकारहरुको छाता संगठनका रुपमा रहेको बुद्धशान्ति प्रेस क्लबले पत्रकारहरुको क्षमता अभिवृद्धि सम्बन्धी तालिम समय समयमा संचालन गर्दै आएको छ ।
हातेमालो बचत तथा ऋण सहकारी संस्थाका अध्यक्ष दिल कुमार श्रेष्ठको अध्यक्षतामा भएको कार्यक्रममा झापा जिल्ला बचत तथा ऋण सहकारी संस्थाका अध्यक्ष तुलाराम न्यौपानेको प्रमुख आतिथ्यतामा सम्पन्न भएको थियो ।
आदर्श नमुना सामुदायिक वन समूह बुद्धशान्ति ३ को पार्कमा भएको कार्यक्रममा उपस्थित सम्पूर्ण अतिथिहरूलाई संस्थाकी उपाध्यक्ष मिरा भुर्तेलले स्वागत गर्नुभएको थियो ।
त्यस्तै कार्यक्रममा संस्थाको प्रगति प्रतिवेदन संस्थाका अध्यक्ष दिल कुमार श्रेष्ठले पेश गर्नुभएको थियो ।
कार्यक्रममा बुद्धशान्ति गाउँपालिकामा बसोबास गरि यस हातेमालो बचत तथा ऋण सहकारी संस्थामा उत्कृष्ठ बचत कर्तामा खड्ग वहादुर श्रेष्ठ ,,उत्कृष्ठ ऋणि सदस्यमा लोक बहादुर खड्का, उत्कृष्ठ बाल बचतमा शान्ता देवी पौडेल,बर्ष उत्कृष्ठ कर्मचारीमा यसोदा खतिवडा,संस्थाका सदस्य हरूमा सबै भन्दा न्यून आर्थिक अवस्था भएका सकृय सदस्य भागिरथा मिश्र, साथै एसईई २०७९ को छात्रवृत्तिमा प्रतिष्ठा ढुङ्गानालाई अविर टीका लगाई दोसल्ला ओढाएर सम्मान पत्र द्धारा सम्मान गरिएको थियो ।
कार्यक्रममा प्रमुख अतिथि झापा जिल्ला बचत तथा ऋण सहकारी संस्थाका अध्यक्ष तुलाराम न्यौपानेले शुभकामना मन्तव्य राख्दै उँहाले भन्नुभयो संस्थाको आर्थिक प्रतिवेदन अद्ययनको आधारमा ढुक्कले बचत गर्न सकिने बताउनु भयो ।
कार्यक्रममा बुद्धशान्ति उद्योग बाणिज्य संघका अध्यक्ष चन्द्र प्रकाश उप्रेति, राम जानकी मन्दिर समितिका अध्यक्ष टंक नाथ काफ्ले,बुधबारे इलाका प्रहरी कार्यलयका प्रमुख भानु मगर, संस्थाका निवर्तमान अध्यक्ष मिरा भुर्तेल, निवर्तमान अध्यक्ष गोबिन्द पौडेल,विभिन्न संघ संस्थाका प्रतिनिधि, संचारकर्मी लगायतको आतिथ्यतामा कार्यक्रम सम्पन्न भएको थियो ।
सोमबार सम्पन्न हातेमालो बचत तथा ऋण सहकारी संस्थाको २५ औं वार्षिक साधारण सभा २६ औं स्थापना दिवसको कार्यक्रम संचालन संस्थाका सल्लाहकार समिति सदस्य केशव ढुङ्गेलले गर्नुभएको थियो ।
