झापाको काँकरभिट्टामा बुधबार आयोजना गरिएको लागुऔषध विरुद्धको कार्यक्रम स्थलमै रक्सीको बोतल भेटिएपछि हंगामा भएको छ ।
बुधबार जिल्ला प्रशासन कार्यालय झापा, जिल्ला प्रहरी कार्यालय झापा र मेची सामुदायिक सेवा केन्द्रको संयुक्त आयोजनामा काँकरभिट्टा खानेपानी सभाहलमा कार्यक्रम राखिएको थियो ।
कार्यक्रम हलको कुर्सीमै बियरका दर्जनौं बोलत छरपस्ट थिए । कार्यक्रममा आयोजक समितिले लागु पदार्थ दुव्र्यसनी रोक्न सरोकारवाला लाग्नु पर्ने बताइरहेका थिए ।
तर, हलभित्रै रक्सीको बोतल सञ्चारकर्मीले भेटेर देखाएपछि आयोजकको आलोचना भएको छ । सञ्चारकर्मी खगेन्द्र घिमिरेले कार्यक्रम स्थलमै रक्सीको बोतल भेटिनुले अभियानको खिल्ली उडाएको बताउनु भयो त्यसपछि आयोजकले व्यवस्थापनमा कमजोरी भएको भन्दै आगामी दिनमा यस्तो गल्ती नदोहोर्याउने वचन दिएको छ ।
हातेमालो बचत तथा ऋण सहकारी संस्थाका अध्यक्ष दिल कुमार श्रेष्ठको अध्यक्षतामा भएको कार्यक्रममा झापा जिल्ला बचत तथा ऋण सहकारी संस्थाका अध्यक्ष तुलाराम न्यौपानेको प्रमुख आतिथ्यतामा सम्पन्न भएको थियो ।
आदर्श नमुना सामुदायिक वन समूह बुद्धशान्ति ३ को पार्कमा भएको कार्यक्रममा उपस्थित सम्पूर्ण अतिथिहरूलाई संस्थाकी उपाध्यक्ष मिरा भुर्तेलले स्वागत गर्नुभएको थियो ।
त्यस्तै कार्यक्रममा संस्थाको प्रगति प्रतिवेदन संस्थाका अध्यक्ष दिल कुमार श्रेष्ठले पेश गर्नुभएको थियो ।
कार्यक्रममा बुद्धशान्ति गाउँपालिकामा बसोबास गरि यस हातेमालो बचत तथा ऋण सहकारी संस्थामा उत्कृष्ठ बचत कर्तामा खड्ग वहादुर श्रेष्ठ ,,उत्कृष्ठ ऋणि सदस्यमा लोक बहादुर खड्का, उत्कृष्ठ बाल बचतमा शान्ता देवी पौडेल,बर्ष उत्कृष्ठ कर्मचारीमा यसोदा खतिवडा,संस्थाका सदस्य हरूमा सबै भन्दा न्यून आर्थिक अवस्था भएका सकृय सदस्य भागिरथा मिश्र, साथै एसईई २०७९ को छात्रवृत्तिमा प्रतिष्ठा ढुङ्गानालाई अविर टीका लगाई दोसल्ला ओढाएर सम्मान पत्र द्धारा सम्मान गरिएको थियो ।
कार्यक्रममा प्रमुख अतिथि झापा जिल्ला बचत तथा ऋण सहकारी संस्थाका अध्यक्ष तुलाराम न्यौपानेले शुभकामना मन्तव्य राख्दै उँहाले भन्नुभयो संस्थाको आर्थिक प्रतिवेदन अद्ययनको आधारमा ढुक्कले बचत गर्न सकिने बताउनु भयो ।
कार्यक्रममा बुद्धशान्ति उद्योग बाणिज्य संघका अध्यक्ष चन्द्र प्रकाश उप्रेति, राम जानकी मन्दिर समितिका अध्यक्ष टंक नाथ काफ्ले,बुधबारे इलाका प्रहरी कार्यलयका प्रमुख भानु मगर, संस्थाका निवर्तमान अध्यक्ष मिरा भुर्तेल, निवर्तमान अध्यक्ष गोबिन्द पौडेल,विभिन्न संघ संस्थाका प्रतिनिधि, संचारकर्मी लगायतको आतिथ्यतामा कार्यक्रम सम्पन्न भएको थियो ।
सोमबार सम्पन्न हातेमालो बचत तथा ऋण सहकारी संस्थाको २५ औं वार्षिक साधारण सभा २६ औं स्थापना दिवसको कार्यक्रम संचालन संस्थाका सल्लाहकार समिति सदस्य केशव ढुङ्गेलले गर्नुभएको थियो ।
