नेकपा एमालेका उपाध्यक्ष सुवासचन्द्र नेम्वाङको हृदयघातबाट निधन भएको छ । बालुवाटारस्थित निवासमै हृदयघात भएपछि उहांलाई महाराजगञ्जस्थित त्रिवि शिक्षण अस्पतालमा लगिएको थियो । साढे १ बजे हृदयघातपछि अस्पताल लैजाँदै गर्दा बाटोमै मृत्यु भइसकेको चिकित्सकले बताएका छन
संविधानसभा अध्यक्ष एवं नेकपा एमालेका उपाध्यक्ष सुवासचन्द्र नेम्वाङको हृदयघातबाट निधन भएको छ । बालुवाटारस्थित निवासमै हृदयघात भएपछि उहांलाई महाराजगञ्जस्थित त्रिवि शिक्षण अस्पतालमा लगिएको थियो । साढे १ बजे हृदयघातपछि अस्पताल लैजाँदै गर्दा बाटोमै मृत्यु भइसकेको चिकित्सकले बताएका छन
देउमाई महिला कृषक समूह बुद्धशान्ति –१ ले तीज विशेष कार्यक्रम सम्पन्न गरेको छ । बुद्धशान्ति १ स्थित डाँडागाउँमा संस्थाले तिज विशेष कार्यक्रम सम्पन्न गरेको हो ।
संस्थाकी अध्यक्ष यामुना रिजालको सभापतित्व, बुद्धशान्ति गाउँपालिका कृषि शाखा प्रमुख अर्जुन पौडेलको प्रमुख आतिथ्यता, गाउँपालिका कृषि प्राविधिक कृष्ण ढुङ्गेलको विशिष्ट आतिथ्यता, वडा नं १ की महिला सदस्य तथा कार्यपालिका सदस्य तुलसा खतिवडा रेग्मीको विशेष आतिथ्यता, सृजनशील महिला बचत समूहकी अध्यक्ष कमला भट्टराई, पाथीभरा महिला समूह अध्यक्ष गंगा आचार्य, सिरिसे समाजकी प्रतिनिधी दिपा भट्टराई लगायतको आतिथ्यतामा भएको कार्यक्रम संस्थाकी सहसचिव कमला रिजालले संचालन गर्नुभएको थियो ।
तीज विशेष कार्यक्रमको अवसरमा संस्थाले ३ जनालाई सम्मान समेत गरेको छ । सम्मानित हुनेहरुमा संस्थाका लागि अहोरात्र खटिने सल्लाहकार सदस्य भोलानाथ भट्टराई, उत्कृष्ट नारी सम्मानको रुपमा समाजसेवी कमला राय र कार्यक्रममा देखाइएको नाटकमा उत्कृष्ट अभिनय गरेका बालकलाकार आरभ कोइरालालाई पनि कार्यक्रममा सम्मान गरिएको थियो । उनीहरुलाई खदा, दोसल्ला र मायाको चिनोद्वारा सम्मान गरिएको थियो ।
कृषिशाखा प्रमुख अर्जुन पौडेल, सृजनशील महिला समूहकी अध्यक्ष कमला भट्टराई र कार्यपालिका सदस्य तुलसा खतिवडा रेग्मीले शुभकामना मन्तव्य राखेको कार्यक्रम भव्यरुमा सम्पन्न भएको थियो ।
२९ जना सदस्य रहेको यस संस्था सामाजिक कार्यमा निक्कै सक्रिय रहेको संस्थाकी अध्यक्ष यमुना रिजालले जानकारी दिनुभयो । 
झापाको बुद्धशान्ति गाँउपालिका वडा नं १ स्थित नमुना विद्यालयको रुपमा विकास गर्न छनौट भएको बुद्धआदर्श माध्यमिक विद्यालले आर्थिक वर्ष २०७९/८० को सामाजिक परिक्षण र आर्थिक वर्ष २०८०/८१ को अनुमानित आयव्यय सम्बन्धि हिसाब किताब अाईतबार विद्यालयमा भएको विद्यालय व्यवस्थापन समिति र शिक्षक अभिभावक संघ बिचको बैठकले अनुमोदन गरि आम सरोकारवाला विच २०८०/५/२९ गते सार्वजनीक गर्ने निर्णय गरेको छ ।
विद्यालय व्यवस्थापन समितिका अध्यक्ष मनोरथ तिवारीको अध्यक्षतामा सम्पन्न भएको बैठकमा विद्यालयको शैक्षिक गतिविधिलाई थप सुदृढ र प्रभावकारी बनाउन समुदायमा आत्मगौरव बढाउँदै फस्टाएको बुद्धअादर्श माद्यमिक विद्यालयलाई कसरी शिक्षाको केन्द्र बनाउन सकिन्छ संस्कार सहितको शिक्षा–शिक्षण सिकाइको स्रोतकेन्द्र कसरी बनाउन सकिन्छ ।
यहाँबाट उत्तीर्ण विद्यार्थी जीवन निर्माण र व्यवस्थापनको क्षेत्रमा कसरी ढुक्क हुन सक्छन् जस्ता विषयमा केन्द्रीत रहँदै बैठकमा विद्यालय व्यवस्थापन समिती शिक्षक अभिभावक संघ साथै शिक्षकहरूले रायसुझावहरू राख्नुभएको थियो ,पछिल्लो समयमा विद्यालयमा बुद्धआदर्श माध्यमिक विद्यालयले संगीत शिक्षा सगै यस वर्षको भाद्र ३ गते बाट सितिरियो कराँते पनि निःशुल्क प्रशिक्षण साप्ताहिक रूपमा विद्यालय हातावरपर सरसफाई लगायतका विभिन्नकाम हरूहुदै अाएको विद्यालय व्यवस्थापन समितिका अध्यक्ष मनोरथ तिवारिले बताउनु भयो ।
बैठकमा प्रस्ताव पेश गर्दै विद्यालयका प्रधाानाध्यापक कृष्णराज भण्डारीले कक्षा ९ देखि १२ को लागी प्राविधिक धार तर्फको विषय सम्वन्धित निकायमा माग गर्ने,प्रक्रिया अगाडि बढाइएको, विद्यालयमा विद्यार्थीहरुको चाप बढेको र अभिभावक हरुको माग अनुसार स्कुल बस खरीदको लागी अनुदान माग गर्न सम्वन्धित निकायमा जाने,शैक्षीक गुणस्तर प्रवर्दनका लागी भौतीक पुर्वाधार निर्माण सम्पन्न गर्ने क्रममा रहेको र सस्कार सहितको अनुसासीत गुण्स्तरीय शिक्षाको लक्ष्य प्राप्तीका लागी नितिगत र व्यवहारीक कार्यमा जोड दिदै लक्ष्य प्राप्तिको अभियानमा कार्यक्रम अघि बढाईने प्रस्ताव अघि सारीएको र उल्लेखीत प्रस्तावमा सबै अभिभावकक स्थिानीय लगायत सम्पुर्णको सहयोग आवश्यक रहेको विद्यालयका प्रधानाध्यापक भण्डारीले बताउनु भयो ।
विद्यालय ब्यवस्थापन समितिको सभाहलमा भएको कार्यक्रममा विद्यालय व्यवस्थापन समितीका सदस्य बालकृष्ण दाहाल,भानु तिम्सिना, गंगा सुबेदि, अाचार्य ,बुद्धशान्ति गाउँपालिका वडा नं १ वडा सदस्य लक्ष्मी प्रसाद कँणेल, शिक्षक अभिभावक संघका अध्यक्ष राजेन्द्र कुमार राई, सल्लाहकार समिति संयोजक चन्द्र प्रकाश कोईराला, लेखा शाखा सदस्य तुलसिराम रेग्मी, सह प्रधानाध्यापक दिपक बुढाथोकी, शिक्षक राजु पौडेल, शिक्षक अभिभावक संघ सदस्य विनोद न्यौपाने सन्चारकर्मी लगायतको उपस्थिति रहेको थियो ।
डिप्रेसनलगायत आर्थिक समस्याका कारण झापामा सरदर २७ घण्टामा एकजनाले आत्महत्या गर्ने गरेको पाइएको छ ।
जिल्ला प्रहरी कार्यालय झापाका अनुसार चालु आर्थिक वर्षको दुई महिनामा मात्रै ३४ जनाले आत्महत्या गरेका छन् । झापामा २०७७ साउनदेखि हिजो शनिबारसम्म ९९९ जनाले आत्महत्या गरेको जिल्ला प्रहरी कार्यालय झापाले जनाएको छ ।
आत्महत्या गर्नेमा २७१ जना महिला, ६ सयजना पुरुष, ६४ जना बालिका र २९ जना बालक रहेका छन् । सबैभन्दा बढी आत्महत्या गर्ने १६ देखि २५ वर्ष उमेर समूहका युवायुवती रहेको पाइएको छ ।
आत्महत्या गर्नेहरुले धेरैजसो झुन्डिने र विष सेवन गर्ने गरेको पाइएको छ । शरीरमा आगो लगाउने, गोली हानेर र हातहतियारको प्रयोगबाट आत्महत्या गर्नेको संख्या सबैभन्दा कम छ ।
मानसिक स्वास्थ्य, आर्थिक तनाव, सामाजिक र सांस्कृतिक कारण, घरेलु हिंसा, प्राकृतिक विपत्ति, मानसिक स्वास्थ्य सेवाको अभाव, सांस्कृतिक अवस्थाका कारण आत्महत्या गर्ने गरेको प्रहरीको भनाइ छ ।
झापाको बुद्धशान्ति गाउँपालिका रहेको हातेमालो बचत तथा ऋण सहकारी संस्था महिला उपसमितिले अायोजना गरेको तीज मिलन समारोकाबीच संस्थाकी सेयर सदस्य एकल महिला तुलसा अाचार्य खरेललाई सम्मान गरेको छ ।
रामजानकी मन्दिरको सभाहलमा भएको तिज मिलन कार्यक्रममा प्रमुख अतिथि वडा नम्बर ३ की महिला सदस्य लिला परियार हातेमालो बचत तथा ऋण सहकारी संस्थाका अध्यक्ष दिल कुमार श्रेष्ठ, पशुपति सहकारीकी सचिव दुर्गा पोख्रेल ढुङ्गेलको विशिष्ट आतिथ्य, सहकारी अध्यक्ष दिल कुमार श्रेष्ठले दोसल्ला अोढाई सम्मान पत्र द्वारा सम्मान गरिएको थियो ।
कार्यक्रममा संस्थाकी महिला उप समिति संयोजक चन्दा मगरको सभापतित्वमा भएको कार्यक्रममा वडा नम्बर ३ की महिला सदस्य लिला परियारको प्रमुख आतिथ्यता रहेको थियो । त्यस्तै कार्यक्रममा ,न्यू पशुपति सहकारीकी सचिव दुर्गा पोख्रेल ढुङ्गेल,संस्थाका अध्यक्ष दिल कुमार श्रेष्ठ, संस्थाकी, उपाध्यक्ष मिरा भूर्तेल, साकोसका वर्तमान कार्यसमिति सदस्य तथा निवर्तमान अध्यक्ष गोविन्द प्रसाद पौडेलको संस्थाका शेयर सदस्य शेयर धनी , संचारकर्मी लगायतको आतिथ्यता रहेको थियो ।
प्रमुख अतिथिले व्यानर पढेर उद्घाटन गरेको कार्यक्रममा गोविन्द पौडेल, मिरा भुर्तेल , दिल कुमार श्रेष्ठले लगायतले शुभकामना मन्तव्य,राख्नु भएको थियो ,। महिला उपसमिति सदस्य विष्णु मैनाली उप्रेतीले स्वागत् मनतव्य, राखेको कार्यक्रममा महिला उपसमिति सदस्य मुना भट्टराईले कार्यक्रमकाे औचित्य प्रकाश पार्नुभएको थियो ।
शनिबार रामजानकी मन्दिरको सभाहलमा भएको तिज मिलन कार्यक्रममा विभिन्न महिला समूहले नृत्य तथा गायन प्रस्तुत गर्दै कार्यक्रमलाई थप रोकच बनाइएको थियो । सो अवसरमा कार्यक्रममा सहभागीलाई सामुहिक रुपमा दर खुवाइएको थियो ।
आफ्ना भनाई राख्दै संस्थाका अध्यक्ष दिलकुमार श्रेष्ठले भन्नु भयो, हिजाे तिज पर्वलाई एकदिन दर खाने कार्यक्रममा चेलिबेटी माईत जाने , आफन्तसँग भेटघाट दुख, सुख, साटासाट गर्ने ,माैलिकता झल्कने किसीमका तिजका भाकाहरुमा सान्दार तरिकाले मनाउदै आएकाे तिज पर्व तपाईं हामी सबैलाई थाहा नै छ तर अहिले तिज पर्वलाई भड्किलो बनाईदै तपाईं हामी दिदिबहिनीले यस समाजलाई दिने सन्देश के हाे ? पाटी प्यालेसमा गएर तिज पर्व एक महिना देखि मनाउने चलन भित्रिएकाे छ याे कतिकाे सान्दर्भिक हाेला यसले समाजलाई कुन दिशा तर्फ धकलिरहेकाे छ विकृतिले गर्दा हुनेखानेकाे मात्रै चाड हाेकि जस्तो देखिन थालेकाे उहाले बताउनु भयो ।
हातेमालो बचत तथा ऋण सहकारी संस्था महिला उपसमितिले अायोजना गरेको तीज मिलन कार्यक्रममा ७०० बढि महिला हरूको उपस्थिति रहेको थियो नृत्यमा सहभागी हुने ठूला सहभागीलाई मायाको चिनो र साना सहभागीहरुलाई कपी कलम वितरण गरिएको थियो । कार्यक्रमकाे सञ्चालन संस्थाकी पूर्व कर्मचारी तथा शेयर सदस्य मनिषा चम्लागांई दाहालले गर्नुभएको थियो ।
बुधबारे । झापाको बुद्धशान्तिमा रहेको बुधबारे जेसीज वर्ष २०२३ को जेसीज सप्ताह शुक्रवारबाट शुरु भएको छ । जेसीज सप्ताह अन्तर्गत सात दिन सात कार्यक्रम तय गरेको बुधबारे जेसीजले पहिलो दिन बुद्धशान्ति गाउँपालिका अन्तरगत रहेका आधारभूत तहका कक्षा ८ का विद्यार्थीहरुलाई शैक्षिक भ्रमण गराएर सप्ताह शुरुवात गरेको छ ।
सामाजिक क्षेत्रमा आफ्नो बेग्लै छाप बनाउँदै आएको बुधबारे जेसीजले विद्यार्थीहरुलाई विज्ञान सम्बन्धि जानकारी दिन भारतको सिलुगुडीमा रहेको साइन्स सिटी विज्ञान सङ्ग्रहालयमा भ्रमण गराएको हो । उक्त सङ्ग्रहालयमा विद्यार्थीहरुले परम्परागत प्रविधिदेखि आधुनिक विज्ञान प्रविधिका मुख्य मुख्य नमूना देख्न पाएका थिए । जसबाट विद्यार्थीहरुले प्रत्यक्ष लाभ लिन पाएर खुसी भएका थिए ।
जेसीज सप्ताहको शुभारम्भ बुधबारे जेसीजका अध्यक्ष अर्जुन ढकालको सभापतित्व तथा नेपाल जेसीज बर्ष २०२३ का उपाध्यक्ष सिनेटर अनुप सुनवारको प्रमुख आतिथ्यमा भएको हो । कार्यक्रममा पूर्व अध्यक्ष नन्दकुमार याफू राई, मुकेश भट्टराई, महानन्द शिक्षा सदनका प्रिन्सिपल भिम श्रेष्ठ, शिक्षिका सुभद्रा योङ्याङ लगायतले शुभकामना मन्तव्य राख्दै जेसीले समुदायस्तमा यस्ता किसिमका काम गरेकोले खुसी व्यक्त गर्नु भयो ।
जन्म दिन खास दिन अन्तरगत बुधबारे जेसीका पूर्व अध्यक्ष मुकेश भट्टराई, कार्यकारिणी उपाध्यक्ष अनिल घिमिरेको जन्मदिको अवसर पारेर बुद्धशान्ति गाउँपालिका अन्तरगत रहेका आधारभूत तहका कक्षा ८ का १ सय १८ जना विद्यार्थीहरुलाई निशुल्क भ्रमण गराईको जेसीका अध्यक्ष अर्जुन ढकाले बताउनु भयो ।
कार्यक्रम संयोजक अनिल घिमिरेले कार्यक्रमको औचित्यमाथि प्रकाश पार्दै स्वागत मन्तव्य राख्नु भएको कार्यक्रममा जेसीज आस्था पाठ तालिम संयोजक गजुहाङ योङहाङले बाचन गर्नुभएको थियो । कार्यक्रम महासचिव कुशल अधिकारीले सञ्चालन गर्नुभएको थियो । कार्यक्रममा बुधबारे जेसीका उपाध्यक्ष प्रेम गौतम, कोषाध्यक्ष राज पौडेल, सञ्चारकर्मी ज्ञानु भट्टराई, विभिन्न विद्यालयका शिक्षक शिक्षिका लगायतको उपस्थिति रहेको थियो ।
झापाको बिर्तामोड उद्योग बाणिज्य संघ महिला उद्यमी समुहको आयोजनामा सोमबार तिज मिलन कार्यक्रम सम्पन्न भएको छ ।
सभ्य समाजको पहिचान महिला हिंसा विरूद्धको अभियान भन्ने नाराका साथ बिर्तामोड उद्योग वाणिज्य संघ (महिला उद्यमी समूह)ले तीज मिलन समारोकाबीच समाजसेवी विवेकेशरी प्रसाई – संगीता प्रसाई र झापाको पहिलो महिला चार्टर एकाउण्टेन एन्जिला मैनालीलाई सम्मान गरेको छ ।
त्यस्तै उत्कृष्ठ व्यवसायी प्रकाश गोतामे, रमेश शर्मालाई प्रोत्सान स्वरुप सम्मान गरिएको थियो । सम्मानित हुने मध्ये गोतामे द किङ्सवेरी होटलका सञ्चालक हुन् भने शर्मा जिरु कम्पनीका सञ्चालक हुन् ।
उनीहरुलाई कार्यक्रमका प्रमुख अतिथि प्रतिनिधि सभाका उपसभामुख इन्दिरा राना मगरले सम्मान पत्र तथा प्रशंसा पत्र प्रदान गरेकी थिइन् ।
महिला उद्यमी समूह बिर्तामोडकी अध्यक्ष तिलोत्तमा खत्रीको अध्यक्षतामा भएको कार्यक्रममा स्वागत महिला उद्यमी समूह बिर्तामोडकी वरिष्ठ उपाध्यक्ष यशोदा उप्रेतीले गरेकी थिइन् ।
कार्यक्रममा नेपाली कांग्रेस झापाका सभापति देउमान थेवे, बिर्तामोड उद्योग वाणिज्य संघका अध्यक्ष प्रकाश शिवाकोटी, नेपाल महिला संघकी केन्द्रीय सदस्य उमा शिवाकोटी,वीरता लेडी जेसीजकी संस्थापक अध्यक्ष शारदा रिजाल लगायतले शुभकामना मन्तव्य राखेका थिए ।
बिर्तामोड उद्योग वाणिज्य संघकी सह कोषाध्यक्ष राधिका चुडाल हुँमागाईले कार्यक्रमको औचित्य माथि प्रकाश पारेको कार्यक्रममा तीजलाई भड्किलो नबनाउन सचेतना जगाउँदै पानसमा दीप प्रज्वलन तथा केक काटेर कार्यक्रम उद्घाटन गरिएको थियो । सो अवसरमा समाजका अति विपन्न महिलाको पहिचान गर्दै उनीहरुलाई नयाँ लुगा वितरण गरिएको थियो । विपन्न १५ जना महिलालाई साडी लगायतका समग्री प्रदान गरिएको हो ।
सोही कार्यक्रमका बीच माता पाथीभरा नौमति वाजा समूह बिर्तामोड ५ को वाजाको उद्घाटन गरिएको थियो । नेपाल बहुजाति बहुभाषी र बहु सास्कृतिक पहिचान भएको देश हो । सास्कृतिक पहिचान अन्तर्गत नेपालको मौलिक लोकबाजा अन्तर्गत नौमती पन्चेबाजा पनि विशेष पर्दछ । शुभकार्य शुभ साइतमा बजाइने नौमती पन्चेबाजा पछिल्लो समयमा लोप हुदै गइरहेको अबस्था छ ।
यहि परिफेरीलाइ मध्यनजर गर्दै विर्तामोड वडा नं स्थित माता पथिभरा महिला नौमति वाजा संस्थाले १ बर्षदेखी पन्चेबाजा अभ्यास तथा प्रदशन गर्दै आइरहेको छ । निरन्तर प्रयासरत यस माता पाथिभरा नौमति संस्थाले पछिल्लो समयमा पन्चेबाजा बजाउदै संगसंगै नाच्ने अभ्यास पनि गरिरहेको छ ।
कार्यक्रममा वीरता लेडी जेसीज, छठ महिला मञ्च लगायत विभिन्न महिला समूहले नृत्य तथा गायन प्रस्तुत गर्दै कार्यक्रमलाई थप रोकच बनाइएको थियो । सो अवसरमा कार्यक्रममा सहभागीलाई सामुहिक रुपमा दर खुवाइएको थियो ।
कार्यक्रमको सञ्चालन बिर्तामोड उद्योग वाणिज्य संघकी महिला उपाध्यक्ष नौनकला दाहाल भट्टराईले सञ्चालन गरेकी थिइन् ।
बिर्तामोड, भदौ १८ । झापाली सञ्चारकर्मीहरुको साझा संस्था नारी सञ्चार गृहले १२ औँ स्थापना दिवस मनाएको छ । आज बिर्तामोडस्थित कार्यालयमा संस्थाले सदस्यहरुको अनुभव साटेर स्थापना दिवस मनाएको हो ।
कार्यक्रममा संस्थापक अध्यक्ष सावित्रा दाहाल तथा संस्थापक सदस्यहरु भवानी क्षेत्री, कोपिला खड्का, इन्दू पूर्वेलीलगायतले संस्था स्थापना गर्दा भोग्नुपरेका दुःख तथा चुनौतीहरु सुनाएका थिए ।
झापाली पत्रकार महिलाहरुको वृत्तिविकास तथा क्षमता अभिबृद्धिका लागि संस्थाले स्थापना गरेको अक्षयकोषको लक्ष्य पूरा गर्न सबै सदस्यहरु एकजुट हुनुपर्ने उनीहरुको धारणा थियो । कोषमा हाल ३५ लाख रुपैयाँ जम्मा रहेको छ भने ५० लाख रुपैयाँ पुर्याउने लक्ष्य राखिएको छ ।
संस्थाका अध्यक्ष रेजिना गौतमको अध्यक्षतामा भएको कार्यक्रममा कार्यक्रम संयोजक विनिशा शर्माले स्वागत र सञ्चालन सचिव मायामितु न्यौपानेले गरेकी थिइन् । कार्यक्रममा संस्थाका संस्थापकहरुको नाम संस्थापक अध्यक्ष दाहालले वाचन गरेर उद्घाटन गरिएको थियो ।
झापाको बुद्धशान्ति गाउँपालिका वडा नं ३ स्थित हातेमालो बचत तथा ऋण सहकारी संस्थाले शुक्रबार कार्यालय सहायक प्रमुख अभिनारायण आचार्यलाई संस्थाले औपचारिक कार्यक्रम गरी उहाँलाई विदाई गरेको छ ।
बुद्धशान्ति गाउँपालिका साबिक बुधबारेलाई कार्यक्षेत्र बनाई २०५५ सालमा स्थापना भएको हातेमालो बचत तथा ऋण सहकारी संस्थामा २०५६/१०/१० मा कार्यालय सहायक पदमा नियुक्ति भई अन्य विभिन्न जिम्मेवारी वहन गर्दै व्यवस्थापक र कर्जा व्यवस्था प्रमुख जस्ता जिम्मेवारीपूर्ण पदहरुमा रही आफ्नो कार्यकुशलता प्रस्तुत गर्नुभएका बुद्धशान्ति गाउँपालिका वडा नं ४ स्थित बर्नेका अभिनारायण आचार्यले २३ वर्षको सेवा अवधि पूरा गरी भदौ १५ गते बाट बिदाई लिनुभएको हो ।
शुक्रबार हातेमालो बचत तथा ऋण सहकारी संस्थाको कार्यालय औपचारिक कार्यक्रम गरी पुष्पगुच्छा, कदर पत्र सहित खादा ओढाई आचार्यलाई सम्मान साथै उहाँलाई विदाई गरिएको थियो ।
हातेमालो बचत तथा ऋण सहकारी संस्थाका अध्यक्ष दिलकुमार श्रेष्ठ,संस्थाकी उपाध्यक्ष मिरा भुर्तेल, निवर्तमान अध्यक्ष तथा संचालक समिति सदस्य गोविन्द प्रसाद पौडेल, पुर्व कर्जा व्यवस्था प्रमुख अभिनारायण अाचार्य, संचालक समिति, लेखा समिति, सल्लाहकार समिति,ब्लक उप-समिति संयोजक संस्थाका सम्पर्ण कर्मचारी संचारकर्मी लगायतको उपस्थिति रहेको थियो ।
सम्मान तथा बिदाई कार्यक्रममा आफ्ना भनाई राख्दै संस्थाका अध्यक्ष दिल कुमार श्रेष्ठले विदाई हुनु भएका कार्यलय सहायक अाचार्यले गर्नुभएको लामो २३ वर्षे सेवा अवधिमा संस्थामा गर्नुभएको योगदानको स्मरण गर्दै सबैले अनुशरण गर्नु पर्ने बताउनुभयो । उहाँले भन्नू भयो संस्थाका सहायकको रुपमा अाचार्यले आफ्नो सीप, अनुभव र क्षमताको भरपुर प्रयोग गरी सेवा प्रवाह गर्नुभएको भन्दै यहाँको बाँकी जीवनशैली अझ उच्च बनोस् । समाजमा यहाँद्वारा गरिएका कार्यहरु अनुकरणीय बनुन् साथै व्यक्तिगत जीवन सुखद बनोस् भन्दै शुभकामना दिनुभएको थियो ।
कार्यक्रममा उपस्थित सम्पर्ण अतिथि संस्थाका सम्पुर्ण कर्मचारीहरुको समुहले पनि पुष्पगुच्छा, कदरपत्र सहित खादा ओढाई घिमिरेको बिदाई सम्मान गर्नुभएको थियो ।
संस्थाकी उपाध्यक्ष मिरा भुर्तेलले उपस्थित सम्पर्ण अतिथिहरूलाई स्वागत गरेको कार्यक्रममा निवर्तमान अध्यक्ष गोविन्द पौडेल, सल्लाहकार सदस्य दिपक गौतम, ब्लक उप-समिती संयोजक रवि चापागाँई,लगायतले शुभकामना मन्तव्य राख्नु भएको थियो । भने, कार्यक्रमको सन्चालन कार्यलय संचालक तथा व्यवस्थापक डिल्लिराम गुरागाँईले गर्नुभएको थियो ।
