इटहरी । उद्योग वाणिज्य संघ इटहरीको अध्यक्षमा जीवन पराजुली निर्वाचित भएका छन् । अन्तिम मतपरिणाम अनुसार पराजुलीले १,१८६ मत प्राप्त गर्दै निर्वाचित भएका हुन् ।
उनका निकटतम प्रतिद्वन्दी उम्मेदवार रञ्जु सिग्देल (चौलागाई) ले ८४७ मत प्राप्त गरिन् भने गायत्री कटवाल (भण्डारी) ले ५६३ मत प्राप्त गरिन् । यस्तै मणिन्द्रकुमार कटवालले ४० मत प्राप्त गरे । अध्यक्षमा कूल २,७९० मत खसेको थियो।
होटल व्यवसायी संघ इटहरीका वर्तमान अध्यक्षसमेत रहेका पराजुलीले व्यवसायीका हक, हित तथा समस्या समाधानकालागि काम गर्ने बताए ।
निर्वाचनमा वाणिज्यतर्फ ९ जनामध्ये पराजुली प्यानलबाट ५ र सिग्देल प्यानलबाट ४ जना उम्मेदवारले जित हात पारेका छन् । यस्तै उद्योगको ४ जनामध्ये पराजुली प्यानलबाट एक जनाले जित हात पार्दा सिग्देल समुहका तीन जना निर्वाचित भएका छन् । महिला प्यानलतर्फ भने दुवै जना पराजुली प्यानलका छन् ।
विराटनगर, २८ माघ । विराटनगरमा शनिबार राति सडक दुर्घटनामा एक जनाको ज्यान गएको छ । केहीबेर अघि भारतीय लरीले किचेर एक जनाको घटनास्थलमै मृत्यु भएको हो ।
भारतीय NL02G ८९५२ नम्बरको लरीले किचेर आइसिपिमा सुरक्षा गार्डको रुपमा काम गर्दै आएका करिब ४० देखि ४५ वर्षिय राज गिरीको घटनास्थलमै मृत्यु भएको प्रत्यक्षदर्शीले बताएका छन् । थप विवरण आउन बाँकि ।
ईलामको रोङ गाउँपालिकामा राष्ट्रपति रनिङ शिल्ड खेलकुद सम्पन्न भएकाे छ। गत माघ २६ र २७ गते भएका प्रतियोगितामा शान्ति निकेतन मावि प्रथम भएको छ।
राेङ गाउपालिका भित्रकाे १२ देखी १८ बर्ष उमेर समुहकाे ९ वटा माध्यामिक बिद्यालयकाे सहभागिता रहेकाे उक्त प्रतियाेगितामा आयाेजना स्टल समेत रहेकाे शान्ति निकेतन माविले १६ स्वर्ण २ रजत र २ काँश्य सहित २० पदक जितेर प्रथम भएकाे थियाे शान्तिपुर माविले ५ स्वर्ण ६ रजत र ६ काँश्य सहित १७ पदक जितेर दाेश्राे बन्दा, माेतिराम माविले ४ स्वर्ण र २ काँश्य सहित कुल ६ पदकसहित तेस्रो स्थान हासिल गरेकाे हाे।
बहुबन माविले २ स्वर्ण र ६ काश्यसहित चौथाे स्थान प्राप्त गर्दा शशी माविले १ स्वर्ण १० रजत सहित १५ पदक, सरस्वती माविले राेङ ६ ले१ स्वर्ण ४ रजत सहित ७ पदक, उमा महेश्वर माविले १ स्वर्णसहित ५ पदक र कुवापानी माविले ४ रजत सहित ५ पदक प्राप्त गरेको थियाे।प्रतियाेगितामा उत्कृष्ट हुने खेलाडिहरुले पदक र प्रमाण पत्र पाएका थिए । उक्त प्रतियाेगितामा प्रथम हुने खेलाडिहरु आगामी जिल्ला स्तरिय प्रतियाेगिताकाे लागि छनाैट भएका छन् ।
इलामको रोङ गाउपालिकामा बर्थिङ सेन्टरलाई गुणस्तरिय बनाईदै सुरक्षित मातृशिशु शुलभ कार्यक्रमलाई प्रभावकारी बनाउन राेङका स्वास्थ्यकर्मी लाई तालिम दिईएकाे छ। जिल्ला स्वास्थ्य कार्यलय ईलामकाे आयाेजनामा राेङ गाउपालिकामा रहेका बर्थिङ सेन्टरलाई थप सेवामुखी र दक्ष बनाउदै सुरक्षित प्रसुति गराउन स्वास्थ्यकर्मी काे क्षमता बिकास,आौजार उपकरणकाे प्रयाेग,जटिलताकाे पहिचान जस्ता बिषयहरुमाथी तालिम प्राप्त जनशक्तिकाे बिकाश गरेर नागरिकहरुलाई सुलभ, प्रभावकारि रसुरक्षित सेवा प्रवाह गर्न तालिमले सहयाेग गर्ने अपेक्षा रहेकाे राेङ स्वास्थ्य शाखा प्रमुख युवराज काफ्लेले बताए। राेङ ५ काे ईराैटारमा सचालित अनुशिक्षण तालिममा जिल्ला जनस्वास्थ्य इलामका नर्सिङ अधिकृत मातृ तथा नवजात शिशु कार्का फाेकल फर्सनअनिता सुब्बाले सहजिकरण गरिरहनु भएकाे छ । नागरिकहरुलाई दिईने सहज सुबिधाकाे साे कार्यक्रमकाे अवस्था बारेमा गाउपालिकाका प्रमुख प्रसासकिय प्रमुख दिपेन्द दहाल,बिज्ञ डा तारानाथ पाेखरेल,स्वास्थ्य शाखा प्रमुख युवराज काफ्ले,वडा न ५ का वडाध्यक्ष दल बहादुर पुलामि स्वास्थ्यकर्मी हरु लगायतबाट अनुगमन र कार्यक्रमकाे बारेमा छलफल भएकाे थियाे। चालु बर्षमा राेङ ५ काे बर्थिङ सेन्टरमा ५ र काेल्बुङबाट ३ जनाले सुरक्षित मातृत्व वर्थिङ सेवा लिएका छन्। स्वास्थकेन्द्रमा गर्भजाच गराउदा चारपटक सम्मकाे लागि चारसय ,सुत्केरी गराउदा दुईहजार,निशुल्क आईरन न्यानाे झाेला र कपडा समेत दिईने गरेकाे छ। सरकारले अधिक्तम सुरक्षित र सुलभ सेवा दिने गरेपनि अहिले सम्म नागरिकहरुले बिश्वास नगरेकाे कारण सेवाग्राहिकाे सख्या कम हुने गरेकाेमा सरकारी सस्थालाई कम बिश्वास गरिरहेकाे अवस्थामा यसकाे सेवा गुणस्तरिय बनाउन साथै आम नागरिकहरुकाे बिश्वास जित्न प्रभावकारी सेवा र चेतना बिकासमा लाग्न सबैपक्ष लाग्न जरुरि रहेकाे छ ।
धरान उपमहानगरपालिका वडा नं ८ स्थित पुर्वाञ्चल ईन्जिनियरिङ क्याम्पसमा २ दिने नि:शुल्क आँखा शिवीर सम्पन्न भएको छ। मन्जुश्री सुपर स्पेशालिटी आई केयर सेन्टर प्रा. लि. द्वारा आयोजित उक्त कार्यक्रम माघ २२ र २३ गते गरी २ दिन चलेको थियो।
उक्त कर्यक्रम बाट करिब ४५० जानाले आफ्नु आँखाको स्वास्थ्य आवस्थाको जानकारी लिएको पुर्वाञ्चल क्याम्पस धरान कम्प्युटर सन्काय तेस्रो बर्षमा आध्ययनरत महेश्वर प्रसाद भट्टले जनकारी दिएका छन्। साे कार्यक्रम अन्तर्गत १८ देखि २२ बर्ष उमेर समुहका ब्यक्तिहरुको सम्लङ्गता बढी देखिएको थियो। जाँच गरिएको मध्ये करिब १७४ जनामा आँखा पोल्ने, आँखा चिलाउने, टाढाकाे वस्तु कम देख्ने जस्ता समस्या देखिएकाे छ, जस्को मुल कारण मोबाईल, ल्यापटप जस्ता बिधुतिय उपकरणको बढी उपयोग भएर पाईएकाे छ।
छोटो समयमा बढी ब्यक्ति लावन्वित हुन् भन्ने उदेश्यका साथ सो कर्यक्रम क्याम्पसमा आयोजना गरिएको मन्जुश्री सुपर स्पेशालिटी आई केयर सेन्टर प्रा. लि. का म्यानेजर मनिशा पन्डेले जानकारी दिनुभएको छ।
झापाको बुद्धशान्ति ३ स्थित हातेमालो बचत तथा ऋण सहकारी संस्थाको पद हस्तान्तरण तथा सपथ ग्रहण कार्यक्रम सम्पन्न भएको छ । संस्थाका निवर्तमान अध्यक्ष गोविन्द पौडेलले नवनिर्वाचित अध्यक्ष दिलकुमार (कृष्ण) श्रेष्ठलाई हस्तान्तरण गरेका थिए ।
निर्वाचन समितिका संयोजक डिल्लीराम तिम्सिनाको अध्यक्षता त्यस्तै निवर्तमान उपाध्यक्ष चन्द्र उप्रेती, सल्लाहकार सदस्य कुलप्रसाद न्यौपाने लगायतको आतिथ्यतामा पद हस्तान्तरण सम्पन्न गरिएको थियो । संस्थाको आगामी कार्यकालका लागि उपाध्यक्षमा मीरा भूर्तेल त्यस्तै सदस्यहरुमा दुर्गा प्रसाद दंगाल, मातृका भट्टराई, मदन भण्डारी, चन्दा मगर, मन्दिरा चापागाई, हेमप्रसाद अधिकारी र निवर्तमान अध्यक्ष पौडेल पदेन सदस्य रहने गरी ९ जना संचालन समिति सदस्य चयन भएका छन् । त्यस्तै पशुपति नेपालको संयोजकत्वमा मेघराज काफ्ले र रघुनाथ अधिकारी सदस्य रहने गरी ३ सदस्यीय लेखासमिति पनि चयन गरिएको छ ।
नयाँ कार्यसमितिलाई कार्यक्रममा सपथ ग्रहण र प्रमाण पत्र वितरण गरि स्वागत गरिएको थियो ।
कार्यक्रममा निवर्तमान उपाध्यक्ष चन्द्र उप्रेती र निवर्तमान अध्यक्ष गोविन्द प्रसाद पौडेल, निवर्तमान लेखा समिति सदस्य नरेन्द्र कुमार भूर्तेल र सल्लाहकार सदस्य कुल प्रसाद न्यौपानेले शुभकामना मन्तव्य राखेको कार्यक्रममा नवनिर्वाचित अध्यक्ष श्रेष्ठ र उपाध्यक्ष भूर्तेल र लेखा समिति संयोजक नेपालले संस्थाप्रति बफदार रहने भनी प्रतिबद्धता जाहेर गरेका थिए ।
संस्थाको आफ्नै भवनमा भएको कार्यक्रमको संचालन निर्वाचन संचालन समिति सदस्य केशव दाहालले गरेको थिए ।
झापाको बुद्धशान्ति गाउँपालिका वडा नं.३ को नवनिर्मित वडा कार्यलयको भवन उत्घाटन गरिएको छ । प्रमुख अतिथि बुद्धशान्ति गाउँपालिका अध्यक्ष मनोज प्रसाई साथै पालिका उपाध्यक्ष भवानि प्रसाद खतिवडा वाट संयूत्त रुपमा रिवन काटी शिलालेख खोलेर उत्घाटन गरिएको हो ।
बुद्धशान्ति गाउँपालिका को आर्थीक सहयोगमा भवन निमार्ण भएको हो । वडा नं. ३ का वडाध्यक्ष पर्शुराम चेम्जोङको अध्यक्षतामा भएको कार्यक्रममा विशिस्ठ अथिती बुद्धशान्ति गाउँ पालिका प्रमुख प्रशासकिय अधिकृत युवराज कटेल विशेष अथिति बुधबारे इलाका प्रहरी कार्यलयका प्रमुख खड्ग गिरि तेस्तै अथिति हरूमा वडा नं १ वडा अध्यक्ष अनिल वाग्ले लगायत सातै वटा वडा का वडा अध्यक्ष साथै पुर्व अध्यक्ष वडा सदस्य स्थानिय सामाज सेबि लगायतको उपस्थितिमा भएको कार्यक्रमा कार्यपालिका सदस्य नर्वदा चापागाईले उपस्थित सम्पुर्णलाई शाब्दिक स्वागत गरेकि थिईन । भवन निर्माणका लागि बुद्धशान्ति गाउँ पालिका वडा नं १ निवासि जग्गा दाता अनुस आचार्य साथै रूपेस आचार्यले २ कठ्ठा जग्गा दिएका थिए । बुद्धशान्तिगाउँपालिका बाट २ आर्थिक बर्षमा गरि ७६ लाख को लागतमा २ तल्ले ८ कोठे भवन निर्माण सम्पन्न गरिएको छ । कार्यक्रमा बोल्दै वडा अध्यक्ष पर्शुराम चेम्जोङले लामो समय देखि भाडामा बसेर वडा कार्यलय सन्चलन भईरहेको थियो । सानो ठाउँ भएकाले वडा बाट दिने सम्पुर्ण सेवा दिन निकै समस्या भएको बताउदै अाज वाट सम्पुर्ण सेवा यसै नव निर्मित भवनबाट दिईने बताएका छन, ।
कार्यक्रममा प्रमुख अतिथी प्रसाइले वडा कार्यलय उत्घाटन हुँदै गर्दा वडा कार्यलयको घेरा बारा बिजुलि नजिकै रहेको हडिया खोलाको छेउमा ढुङ्गा जालिवाल लगाउने लगायको अझै काम बाकि रहेकाले पालिका बाट क्रमागत रूपमा गर्ने बताउदै वडा बाट दिइने सम्पुर्ण सेवा पारदर्शी हुनुपर्ने भन्दै शुभकामना मन्तव्य राखका थिए । भने कार्यक्रमको संचालन वडा नं. ३ का वडा सचिव हरि कुमार प्रधानले गरेका थिए ।
इलामको माईजोगमाई गाउँपालिकाको थुम्केरानीमा हुँने पर्यटन महोत्सवको तयारी पुरा भएको छ। पर्यटन प्रर्वद्धन गर्ने उद्धेश्यले थुम्केरानी तुम्लिङ मेग्मा संरक्षण तथा पर्यटन प्रवद्र्धन समितिको आयोजना तथा माईजोगमाई गाउँपालिकाको आर्थिक सहयोगमा सम्पन्न हुँने महोत्सवको तयारी पुरा भएको हो ।थुम्के रानीमा आयोजित पत्रकार सम्मेलनमा आयोजकले महोत्सवका लागि आवश्यक पर्ने पूर्वाधार तयार गर्ने काम सम्पन्न भएको जानकारी दिएको छ।
महोत्सवमा नेपाल–भारतको सुन्दर दृश्यावलोकनसंगै सांगीतिक कार्यक्रम समेत हुनेछ । माघ २२ गतेबाट २४ गते सम्म संचालन हुने महोत्सवमा स्टल सहित स्थानीय खानाका परिकार पर्यटकका लागि राखीने आयोक समितिका अध्यक्ष रत्न थामीले जानकारी दिनु भयो। उहाका अनुासर २२ गते स्थानीय सिंहदेबी मन्दिरको दर्शन सहित कार्यक्रमको उद्घाटन हुने छ । त्यस्तै २३ गते ट्रेकिङ सहित अन्य कार्यक्रम र २४ गते समापन सहित सांगीतिक कार्यक्रम गरीने छ।
थुम्केरानीबाट झुल्के घामको दृश्य अवलोकनका साथै १० वटै स्थानीय तह, भारतका विभिन्न ठाउँ र तराईका फाँटको दृश्यावलोकन गर्न सकिन्छ । गाउँपालिकाको केन्द्र नयाँबजार देखि थुम्केरानी, जौबारी, तुम्लिङ्ग, टंङ्लु,मेग्मा सम्मको पैदल यात्रा समेत महोत्सवको आकर्षणको रुपमा रहेको छ। महोत्सवमा पर्यटकका लागि जंगल सफरी र दुर्लभ रेडपाण्डाको अवलोकन थप आर्कर्षक बन्ने छन। विश्वको तेस्रो अग्लो हिमशृखला, दुर्लभ वन्यजन्तु हाब्रे (रेडपान्ड), एसियाको दोस्रो पुरानो मेग्मा गुम्बा अवलोकनको व्यवस्था मिलाइएको अध्यक्ष थाकीले जानकारी दिनु भयो ।
महोत्सवले सिंगो माईजोगमाई गाउँपालिका सहित छिमेकी पालिकाको पर्यटन प्रवर्दनमा सहयोग पुग्ने माईजोगमाई गाउँपालिकाका पूर्व अध्यक्ष जीत बहादुर राईले जानकारी दिनु भयो। उहाले थुम्के जौवारी हुँदै मेघमा सम्म सडक बिद्युत र खानेपानीको सुविधा पुगेकाले पर्यटक र पर्यटन ब्यवसायीलाई सहज भएको बताउनु भयो।
महोत्सवमा लोक गायक इन्द्र गुरुङ, पदम राई, विजय मुकारुङ राई,नवीन सुवेदी लगायत स्थानीय कलाकारको प्रस्तुती रहनेछ। मुख्य आकर्षणको रुपमा हास्यकलाकारः– सुबोध गौतम (एदुमे) रहेका छन्।एक्सीम्बल ब्यान्डको लाइभ कन्सर्टका साथै विभिन्न जातजातिका झाकी नाच हुनेछ। आन्तरिक एवम बाह्य पर्यटकलाई थुम्केरानीको बारेमा जानकारी दिने उद्धेश्यले महोत्सव आयोजना गरिएको हो। माइजोगमाई स्थित यस थुम्के डाँडामा पछिल्लो समय पर्यटकको चहलपहल बढ्दै गएको आयोजक समितिका उपाध्यक्ष राजेश थामी बताउनु हुन्छ।
लेकाली जीवजन्तुको अवलोकन, सूर्योदयको मनोरम दृश्यले भरिएको यस क्षेत्रमा दैनिक पर्यटक पुग्ने गरेका छन। थुम्के र जौवारीमा गरिएको केसर खेतीले समेत पर्यटकलाई तान्न थालेको छ।
माईजोगमाई गाउँपालिकाका अध्यक्ष कुश बहादुर थेवेले गाउँपालिकाको थुम्के सहित माथिल्लो लेकाली क्षेत्रको बिस्तृत अध्ययन गरी पर्यटन पूर्वाधारका काम थालिने जानकारी दिनु भयो। उहाले दिगो आर्थिक उर्पाजनका लागि पर्यटक बिकास आवश्यक भएको जानकारी दिनु भयो। गाउँपालिका उपाध्यक्ष प्रविना राईले पालिकामा प्रसस्त पर्यटकीय ठाउँ भए पनि प्रचार प्रसारको कमी भएको बताउनु भयो। उहाले नयाँ गन्तब्यका रुपमा पालिका भित्रका धेरै स्थानको बिकास गर्न सकिने बताउनु भयो ।
पालिकामा उत्तरे पोखरी, शिब मन्दिर बौद्धगुम्बा सहित बिभिन्न देबिस्थल सहितका धार्मीक पर्यटकीय स्थल रहेका छन। जौवारी , तुम्लिङ, टङ्लु मेघमा लगायतका क्षेत्र बिदेशी पर्यटकको रुचीमा पर्ने क्षेत्र हुँन । जौवारी हुँदै सन्दकपुर सम्म्को यात्रा गर्न सकिन्छ।
झापा,बिर्तामोड,नेपाल यादव सेवा समिति झापा शाखा को आयोजना तथा संजीवनि हर्ट हस्पिटल प्रा लि को प्राविधिक सहयोग र सुरुवाति कोठा नेपाल तथा आदर्श स्कुल अफ मेनेजमेन्ट को सहकार्य मा एक दिने निशुल्क स्वास्थ्य शिविर सम्बन्धि कार्यक्रम गरिएको छ,आदर्श कलेज का विद्यार्थी,शिक्षक लाई निसुल्क मुटु तथा जनरल फिजिसियन सेवा दिएको छ,सन्जिवनी अस्पताल का बरिस्ठ मुटु रोग बिसेसज्ञ डाक्टर सि.पि यादब ले विद्यार्थी को जाँच गरेका थिए।
१२० भन्दा बडि विद्यार्थी को जाँच गरिएका मध्ये २० जना जति को इको जाँच गर्नु पर्ने देखिएको यादव सेवा समाज झापा का अध्यक्ष समेत रहेका डाक्टर सि.पि यादव ले बताएका छन । स्वास्थ शिविर मा नेपाल यादव सेवा समिती झापा का सचिब भरत यादव, हर्ट फाउन्डेसन,जेनिस मिडिया,सुरुवाती कोठा नेपाल, झापा का अध्यक्ष दीपक दास, कलेज कि कोर्डिनेटर विजय भन्डारी लगायत को उपस्थिति रहेको थियो। यस्ता खालका कार्यक्रम कलेजका विद्यार्थी लाई अतिरिक्त कृयाकलाप को मध्यम बाट अझै रचनात्मक कार्यक्रम गदै लैजाने कलेजका इन्चार्ज यज्ञराज कडरिया ले बताएका छन्।
नमुना युवा समुह माई नगरपालिका वडा नः ४ दानाबारीमा श्रीपंचमी साथै सरस्वती पुजाको दिनबाट मेला सन्चालन भईरहेको छ ।
नमुना युवा समूह माई नगरपालिको आयोजनामा दानाबारी शुक्रबारे बजार फुटबल चौरमा मेला लाग्दै आएको छ ।
सरस्वती पुजाको दिन रिबन काटेर मेलाको उद्घाटन गरिएको मेलामा ।अस्मिता अधिकारी र्यापर माईला नन्दु गुरूङ राम लिम्बू लगायले अाफ्नो प्रस्तुति दिएर गईसकेका छन भने अब आउने कलाकार हरूमा डम्बर नेपाली, रचना रिमाल, एलिना चौहान,ज्योति मगर मेलिना राई प्रमोद खरेल लगायतका राष्ट्रिय तथा स्थानिय कलाकारहरुको प्रस्तुती रहने आयोजक समितिका अध्यक्ष सन्तोस श्रेस्ठले बताएका छन् ।
त्यस्तै मेलाको आकर्षका रुपमा रोटेपिङ रेस, नाउ रेस,विभिन्न खेल तथा बच्चाहरुका लागि विभिन्न मनोरञ्जनका सामग्रीहरु राखिएको खेलकुद समितिका धर्म काफ्लेले जानकारी दिएको छन, ।
मेलाबाट आएको केही नाफा यसै खेल मैदानमा लगाउने कल्बका अध्यक्ष बताउछन ,। दानाबारीको विकास विस्तार प्रब्रधनका लागी यस मेलाको आयोजना गरिएको मेला आयोजक समितिका अध्यक्ष सन्तोस श्रेस्ठले जानकारी दिँदै १२ गते बाट सन्चलन भईरहेको मेला यहि माग २३ गते सम्म सन्चालन हुने बताईएको छ मेलामा सम्पुर्ण आमा बुवा दाजु भाइ दिदी बहिनी लगायत सन्चार कर्मि सुरक्क्षा कर्मि साथै आ आफ्ना ठाउँ बाट सहयोग पुर्याउनु हुने सम्पुर्ण मा धन्यबाद दिदै मेलामा आई कार्यक्रमको सोभा बढाई दिनुहुन आयोजक समितिले सबैमा अनुरोध समेत गरेका छन्।
