झापाको बुद्धशान्ति गाउँपालिका वडा नं १ मा रहेको पाथिभरा महिला सामुदायिक नागरिक सचेतना विकास केन्द्र बुद्धशान्तिले बुधबार एक कार्यक्रमको आयोजना गरी लैङ्गिक हिंसा निवारण तथा मानव बेचबिखन नियन्त्रण सम्बन्धि १५ दिने तालिम बुद्धशान्ति गाउँपालिका वडा नं ५ स्थित हिमशिखर साना किसान कृषि सहकारी संस्थाको सभाहलमा सम्पन्न गरेको छ।
पाथिभरा महिला सामुदायिक नागरिक सचेतना विकास केन्द्र बुद्धशान्तिकी अध्यक्ष छत्रकुमारी फुयल( गंगा आचार्यको ) अध्यक्षतामा भएको कार्यक्रममा बुद्धशान्ति गाउँपालिका अध्यक्ष मनोज प्रसाईको प्रमुख आतिथ्यता बिशिष्ठ अतिथि बुद्धशान्ति गाउँपालिका उपाध्यक्ष भवानि प्रसाद खतिवडा, विशेष अतिथिहरूमा वडा नं ५ का वडा अध्यक्ष डेगेन्द्र कार्की, वडा नं १ का वडा अध्यक्ष अनिल वाग्ले, वडा नं ४ का वडा अध्यक्ष सेर बहादुर राय , वडा नं ६ वडा अध्यक्ष शिवराज पौडेल ,बुद्धशान्ति महिला शाखा प्रमुख मिना विष्ठ ,पाथिभरा महिला सामुदायिक सचेतना विकास केन्द्रकी संस्थापक अध्यक्ष यमुना चापाँगाई लगायतको आतिथ्यता रहेको थियो ।
संस्थाकी सहसचिव लक्ष्मी श्रेस्ठ प्रसाई ले उपस्थित सम्पूर्ण अतिथिहरुलाई शाब्दिक स्वागत गर्नु भएको कार्यक्रममा पाथिभरा महिला सामुदायिक नागरिक विकास केन्द्रकि अध्यक्ष छत्रकुमारी फुयल गंगा आचार्यले बैसाख १२ गते देखि सन्चालन भएको कार्यक्रमा साथ र सहयोग गर्नु हुने बुद्धशान्ति गाउँपालिका लगायत सम्पुर्ण वडाका प्रतिनिधि साथै कार्यक्रमको तालिममा सहभागी हुनुहुने हरूलाइ संस्थाको तर्फबाट धन्यबाद दिदै कार्यक्रमको अौचित्य माथि प्रकाश पार्नु भएको थियो ।
कार्यक्रममा शुभकामना मन्तव्य राख्दै प्रमुख अतिथि बुद्धशान्ति गाउँपालिका अध्यक्ष मनोज प्रसाईले पछिल्लो समय महिला हिंसा बढिरहेको बताउँदै राजनीतिक दल र राज्यसत्ता सबैतिर महिला हिंसाको समस्या समाधानका लागि सबैले सामूहिक प्रयास गर्नुपर्नेमा जोड दिनु भयो । हाम्रो समाजमा अझै पनि महिलालाइ पुरुषभन्दा कमजोर मानि फरक व्यवहार गरिएका थुप्रै घटना हरु भेटिन्छन उहाँले भन्नू भयो । बुद्धशान्तिको विकास, विस्तार र प्रर्वद्धनका लागि पाथिभरा महिला सामुदायिक नागरिक सचेतना विकास केन्द्रले ठूलो भुमिका खेलेको बताउनु भयो ।
यस्ता कार्यक्रमहरूले महिलाका बिरूद्व हुने हिंसा रोक्न र अन्त्य गर्न जागरूकता बढाउने महिला हिंसा विरूद्धका आवाजहरूलाई जोड्ने र प्रेरित गर्दै सुचना जानकारी हरू आदान प्रदान गर्न कोसिस गर्ने बताउदै आगामि दिनहरूमा पनि यी र यस्ता खालका कार्यक्रमहरू आवस्यक रहेको भन्दै स्थानिय सरकार सदैव तयार रहेको बताउनु भयो ।
त्यस्तै कार्यक्रममा शुभकामना मन्तव्य राख्दै विशिष्ट अतिथि बुद्धशान्ति गाउँपालिका उपाध्यक्ष भवानि प्रसाद खतिवडाले महिला हिंसाको समस्या समाधानका लागि सबैले सामूहिक प्रयास गर्नुपर्नेमा जोड दिनुपर्ने भन्दै उहाँले भन्नुभयो
महिला हिंसा विरुद्धको कार्यक्रम बन्द कोठाभित्र गर्दा प्रभावकारी हुन नसकेको भन्दै
महिला हिंसा गाउँघरमा मात्रै नभई सहरी क्षेत्रमा पनि उत्तिकै भएको बताउनु भयो ।
उहाँले भन्नू भयो महिलाहरूलाई घरमा कुनै न कुनै रूपमा हिंसा हुने गरेको भन्दै महिला हिंसाको सम्बन्धमा प्रशस्त कानुन भए पनि कानुन कार्यान्वयनको पक्ष भने फितलो हुने गरेको बताउनु भयो ।
कार्यक्रममा मन्तव्यका क्रममा बुद्धशान्ति गाउँपालिका वडा नं १ का वडा अध्यक्ष अनिल वाग्लेले महिला भएकै कारणले उनीहरुमाथी फरक व्यवहार बाट उत्पन्न शारीरिक, मानसिक, घरेलु हिंसा,यौन शोषण,चेलीबेटी बेचबिखन र ओसारपसार दाइजो प्रथा,बोक्सी को आरोप मा दिईने यातना, साथै गरिबी,गालीगलौज, बहुविवाह, जबरजस्ती बिवाह आदि बाट पनि महिलाहरू हिंसामा परेको बताउनु भयो ।
बैसाख १२ गते बाट बुद्धशान्ति गाउँपालिकाका ७ तै वडा हरूमा महिला हिंसा निवारण तथा मानव बेचबिखन नियन्त्रण सम्बन्धी १५ दिने तालिमको समापन कार्यक्रममा तालिममा उपस्थित सहभागिहरूलाई आफ्नो मन अनि मस्तिस्क लाई तालिमको संस्कार बाट सजाउँ हर्क साम्पाङको गाउँ धरान बाट दिपेन्द्र निरौला आएको छु कम्तिमा तालि त बजाउँ भन्दै आफ्नो परिचय गराउदै प्रशिक्षण दिनुहुने धरान बाट आउनु भएका दिपेन्द्र निरौला लगायत उपस्थित सम्पुर्ण अतिथिहरूलाई मायाको चिनो वितरण गर्दै तालिममा उपस्थित सहभागीहरूलाई प्रमाण पत्र समेत वितरण समेत गरिएको थियो ।
बुद्धशान्ति वडा नं ५ स्थित हिमशिखर साना किसान कृषि सहकारी संस्थाको सभाहलमा भएको कार्यक्रमको संन्चालन संस्थाकी सचिब संगीता रिजाल थापाले गर्नुभएको थियो ।
