अस्मिता बर्देवा । झापाको बुद्धशान्ति गाउँपालिकाको १४ औं गाउँसभा अधिवेशन बुधबार बाट सुरू भएको छ बुद्धशान्ति गाउँपालिका अध्यक्ष मनोज प्रसाईंको अध्यक्षतामा बसेको गाउँसभाले आ.व.८१/८२ को वार्षिक नीति तथा कार्यक्रम सार्वजनिक गरेको हो । वार्षिक नीति तथा कार्यक्रम शंसाेधन सहित सर्वसहमतिले पारित पनि भएकाे छ ।
गाउँपालिकाका अध्यक्ष मनोज प्रसाईंले गाउँपालिकाको नीति तथा कार्यक्रम पेश गर्नुभएको थियो ।
नेपालको संविधान स्थानीय सरकार संञ्चालन ऐन २०७४, बजेटका सिद्धान्त र उदेश्य दिगो विकासका लक्ष्य तथा रणनीति लगायतको विषयहरुको सैद्धान्तिक र व्यवहारिक पक्षहरुलाई आत्मसाथ गर्दै बुद्धशान्ति गाउँपालिका आम नागरिकको आवश्यता र मागलाई ध्यानमा राखि गाउँपालिका अध्यक्ष प्रसाईले ३७ पृष्ठ लामो नीति तथा कार्यक्रम पेश गर्नुभएको थियो ।
गाउँपालिकाले निकै लामो समय सम्म बजेटको तयारी र छलफल गरी ल्याएको नीति तथा कार्यक्रममा लोकतन्त्र प्रति पूर्ण प्रतिबद्ध ,सुशासन, गाउँबासीहरु प्रतिको उत्तरदायी प्रशासनिक कार्य, भ्रष्टाचारमुक्त सभ्य र सुसंस्कृत समाज निर्माणका लागि कर्तब्यनिष्ट भई सुदृढ ढंगले लाग्ने कुरा उल्लेख गरिएकाे छ । पालिकाले समानता र न्यायको पक्षपोषण गर्दै सबै प्रकारका भेदभाव र अन्यायहरुको अन्त्य, सामाजिक न्यायको प्राप्ति र सबैका लागि समृद्धि आफ्नो मूल नीति लिएको छ ।
नागरिकहरूको नजिकमा रहेर नागरिकलाई पुर्याउनु पर्ने शिक्षा, स्वाथ्य, कृषि,खानेपानि तथा सरसफाई, पूर्वाधार निर्माण लगायतका सार्वजानिक सेवा सुविधाको प्रभावकारी ढङ्गबाट प्रवाह गर्ने श्रम संस्कृतिको उजागर गर्दै स्थानीय विकास निर्माणमा जनताको अधिकतम श्रम सहभागिता मार्फत कम नगद लागतमा श्रममुलक योजनाहरु संञ्चालन गरिने बताइएकाे छ ।
खोला नदि उकासमा रहेका तथा अन्य सार्वजनिक जग्गाहरुको पहिचान गरी सम्भाव्यताको आधारमा वृक्षारोपण तथा सामुहिक खेती गरी गाउँपालिकाको आन्तरिक श्रोतलाई मजबुत गर्दै लैजाने उल्लेख छ ।
संचालन हुने योजनालाई पारदर्शी र जनमुखि बनाउन हाल देखिएका समस्याहरुलाई सम्बोधन गर्न स्थानीय दररेट ढुवानी , भूमिहिन दलित सुकुम्बासी अव्यवस्थित वसोवासीहरुको समस्या समाधान गर्ने कामलाई उच्च प्राथमिकताका साथ अगाडी बढाइने बताईएको छ ।
बुद्धशान्ति उद्योग बाणिज्यसंघ बुद्धशान्ति झापाले नवनिर्वाचित पदाधिकारीलाई सपथ ग्रहण तथा पद हस्तान्तरण गराएको छ । 
निर्वाचन समितिका संयोजक डिल्लीराम तिम्सिनाको सभापतित्व तथा झापा उद्योग बाणिज्यसंघ शाखा बुद्धशान्तिका संस्थापक अध्यक्ष बेणुप्रसाद सङ्ग्रौलाको प्रमुख आतिथ्यतामा सपथ ग्रहण तथा पद हस्तान्तरण गरीएको थियो ।
आफु बाणिज्य संघको नेतृत्वमा पुग्दै गर्दा सम्पूर्ण ब्यवसायीको पक्षमा रहेर वकालत गर्ने साथै कृषि क्षेत्रमा सहभागी ब्यवसायीहरुका लागि आफ्नो तर्फ वाट कानुनत गर्न सक्ने पहल गर्ने पनि भट्टराईले प्रतिवद्धता जनाउनुभयो । उहाँको चुनाव चिन्ह साईकल रहेको छ ।
कोइरालाले सम्पूर्ण हार्डवेयर ब्यवसायीहरुको पक्षमा रहेर काम गर्ने प्रतिवद्धता सहित आफुले उमेदवारी दिएको वताउनुभयो । उहाँको चुवान चिन्ह कैँची रहेको छ ।
सम्पूर्ण सुनचाँदी ब्यवसायीहरुको तर्फ वाट आफ्नो उमेदवारी परेको श्रीलालले बताउनुभयो । बाणिज्य संघको नेतृत्वमा पुग्दै गर्दा आफु सम्पूर्ण सुनचाँदी ब्यवसायीको पक्षमा रहेर काम गर्ने प्रतिवद्धता पनि उहाँले जनाउनुभयो । उहाँको चुनाव चिन्ह पानिको धारा रहेको छ । 
किराना पसल गर्ने ब्यवसायीहरुको साझा उमेदवारको रुपमा आफु मैदानमा रहेको कटुवालले बताउनु भयो । आफ्नो कार्यकाल भर किराना ब्यवसाय सञ्चालन गर्ने ब्यवसायीहरुका पक्षमा रहेर वकालत गर्ने पनि कटुवालले प्रतिवद्धता जनाउनुभयो । उहाँको चुनाव चिन्ह हात्ती रहेको छ । 
बुद्धशान्ति ४ मा रहेको सृजनशिल युवा समाजले आज एक कार्यक्रमको आयोजना गरि श्री गणेश माद्यमिक विद्यालयमा अध्यनरत कक्षा नर्सरी देखि कक्षा ५ सम्मका ३० जना गरिव तथा जेहेन्दार बिद्यार्थिहरूलाई ५५ हजार बराबरको शैक्षिक साथै खेलकुद सामाग्री वितरण गरेको हो ।
सृजनशिल युवा समाजका अध्यक्ष निर्मल पराजुलिको अध्यक्षतामा भएको कार्यक्रममा बुद्धशान्ति गाउँपालिका वडा नं ४ का अध्यक्ष शेर वहादुर रायको प्रमुख आतिथ्यता रहेको थियो ।
कार्यक्रममा प्रमुख अतिथि वडा नं ४ का अध्यक्ष शेर बहादुर रायले विद्यार्थीहरूलाई शैक्षिक साथै खेलकुद सामाग्री वितरण गर्दै यश सृजनशिल युवा समाजले विगत केही वर्ष अगाडि देखिनै वडा नं ४ मा विभिन्न सामाजिक कार्य गर्दै समाजमा छुट्टै छाप छोड्न थालेको बताउदै संस्थाको खुलेर प्रशंसा गर्दै संस्थाले वडा कार्यलयको समन्वयर सहकार्यमा काम गर्ने र सहयोग समेत गर्दै जाने बताउनु भयो ।
त्यस्तै कार्यक्रममा आफ्ना भनाई राख्दै सृजनशिल युवा समाजका अध्यक्ष निर्मल पराजुलिले विद्यार्थीहरूलाई पढाइ सङसगै खेलकुदको क्षेत्रमा पनि उतिकै रुचि राख्ने भएकाले र अहिले देखिनै यि साना साना नानिहरूलाइ पढाइ संङसगै खेलकुदको क्षेत्रमा समेटेर लैजाने हो भने भोलि राष्ट्रिय स्तरमै चिनाउने खेलाडी बन्न पनि थप हौसला हुनेछ भनेर शैक्षिक सामाग्री संगै खेलकुद सामाग्री समेत वितरण गरेको बताउदै हाल अमेरिकामा रहेर संस्थालाई आर्थिक सहयोग गर्नुहुने सेतु तामाङ साथै विनय तामाङ लाई धन्यबाद दिदै आगामि दिनमा पनि समाजमा विभिन्न समाजिक काम गर्दै जाने बताउनु भयो ।
संस्थाका अध्यक्ष निर्मल पराजुलीले औचित्य माथि प्रकास पार्नु भएको कार्यक्रममा सन्जित कुमार थेबे, न्यु एभर ग्रिन सेकेन्डरी इङ्लिस स्कुल बुद्बशान्ति ४ का शिक्षक लोक बहादुर कमाल बुद्धशान्ति वडा नं ४ कार्यपालिका सदस्य दुर्गा ढुङ्गेल लगायतले शुभकामना मन्तव्य व्यक्त राख्नु भएको थियो।
संस्थाले लामो समय देखि संस्थामा रहेर अतुलनिय सहयोग पुर्याउनु हुने बुद्धशान्ति ४ का रामचन्द्र कोईरालालाई दोसल्ला साथै सम्मान पत्र द्वारा सम्मान समेत गरिएको थियो ।
कार्यक्रममा बुद्धशान्ति गाउँपालिका वडा नं ४ का वडा सदस्य सन्जित कुमार थेबे,न्यु एभर ग्रिन अङ्ग्रेजी स्कुलका शिक्षक सन्जय लिम्बू रास्ट्रिय स्वत्रन्त्र पाटी बुद्धशान्ति ४ का अध्यक्ष रोसन कटुवाल,विद्यालयका शिक्षक अभिभावक विद्यार्थी,स्थानिय बासी संन्चारकर्मी लगायतको आतिथ्यतामा कार्यक्रम सम्पन्न भएको थियो l
विद्यालयका प्रधानाध्यापक डिल्लिराम खतिवडाले सानो संस्था भएपनि विद्यालयमै आएर सृजनशिल युवा समाजले यसरी शैक्षिक साथै खेलकुद सामाग्री दिएर विद्यालयलाई विद्यार्थी भाइ बहिनिहरूलाई पढाइ साथै खेलकुदको क्षेत्रमा थप हौसला थपिदिनु भएकोमा सृजनशिल युवा समाजलाई धन्यबाद दिदै आफ्ना भनाई राख्नु भएको थियो ।
गणेश माध्यमिक विद्यालयको सभाहलमा भएको कार्यक्रममा उपस्थित सम्पुर्ण अतिथिहरूलाई सृजनसिल युवा समाजका उपाध्यक्ष नारायण कुमार रेग्मीले स्वागत गर्नुभएको थियो भने उक्त कार्यक्रमको सञ्चालन संस्थाका सदस्य साजन तामाङले गर्नु भएको थियो ,
