Suryodaya Online News

  झापाको कमल गाउँपालिका वडा नं ६ मा झुन्डिएर आत्महत्या गरेका भनिएका अनिल कार्कीका आफन्तले इलाका प्रहरी कार्यालय दमक अगाडि धर्ना दिइरहेका छन् ।

कार्की मृत्यु प्रकरणमा कमल-६ का अध्यक्षवडा  नरेन्द्र भट्टराईलाई पक्राउ गर्नुपर्ने माग राख्दै आफन्तले प्रहरी कार्यालयको गेटमा धर्ना दिएका हुन् । कार्कीलाई आत्महत्या गर्न लगाएको आफन्तले आरोप लगाएका छन् 

आफन्तहरुले कमल ६ का वडाध्यक्ष नरेन्द्र भट्टराईमाथि पनि आरोप लगाएका छन् । केही दिनअघि कार्की र उनकी श्रीमतीबीच झगडा हुँदा वडाध्यक्ष भट्टराई झगडा मिलाउन गएका थिए ।

त्यसबेला वडाध्यक्ष भट्टराईले हातपात गरेको आफन्तको आरोप रहेको छ । त्यही घटनाका कारण उनले आत्महत्या गरेको कार्कीका आफन्तले आरोप लगाएका छन् । घटनाका विषयमा बुझ्न खोज्दा भट्टराईको मोबाइल बन्द रहेको पाइयो ।

हिजो साँझ घरमै झुन्डिएको अवस्थामा कार्की फेलापरेका थिए । पासो काटेर उपचारका लागि दमकको लाइफलाइन अस्पताल पुर्याउँदा उनको मृत्यु भइसकेको थियो ।

त्यसपछि कार्कीका आफन्तले शव बुझ्न मानेका थिएनन् । कार्की र उनकी श्रीमतीबीच राम्रो सम्बन्ध नरहेको र उनीहरुको कलहकै कारण आत्महत्या गरेको हुनसक्ने कार्कीका मामा खेमबहादुर बुढाथोकीले बताए ।

दमक प्रहरीले कार्कीको शव पोष्टमार्टमका लागि राति नै धरान पठाएको जनाएको छ । कार्की ससुरालीछेउमा घर बनाएर बसेका थिए ।

झापाको बुद्धशान्ति गाउँपालिका वडा नं ४ स्थित बुद्धशान्ति ४ खेलकुद विकास समितीको आयोजनामा वडा स्तरीय फुटबल प्रतियोगिता हुने भएको छ ।

दिपावली तथा छठ पर्वको अवसर पारेर बुद्धशान्ति ४ स्थित मंगलवारे बजारको खेल मैदानमा प्रतियोगिता सञ्चालन गर्न लागिएको हो । प्रतियोगितामा आठवटा टिमले प्रतिस्पर्धा गर्ने पत्रकार सम्मेलनमा बुद्धशान्तिका वडा नं ४ खेलकुद विकास समितका अध्यक्ष अर्जुन मेन्याङवोले जानकारी दिनु भयो ।

बुद्धशान्ति खेलकुद विकास समितिको आयोजनामा हुन लागेको खेलमा स्थानीय स्तरमा खेल क्षेत्रको महत्वसँगै नयाँ खेलाडी उत्पादन गर्ने उद्देश्यका साथ संचालन गर्न लागीएको प्रतियोगितामा युवाहरूको क्षमता विकासको लागि र खेलकुद हाम्रो स्वाथ्यको लागि पनि अतिनै अावस्यक रहेको हुदा फुटबल भलिबल लगायतका सबै खेललाई आउदो दिनमा खेलाउदै जाने र आर्थिक अबस्था कमजोर भएका खेलाडी युवाहरुलाई खेलकुदमा व्यस्त बनाउने र उनिहरुलाई खेलकुदमा व्यस्त बनाई कुलतमा फस्नबाट जाेगाउन यस खेलको आयाेजना गरिहेको समितिका अध्यक्ष अर्जुन मेन्याङवोले बताउनु भयो ।

खेलमा सहभागी खेलाडि हरूका लागि केही नियम समेत बनाईएको छ l

बुद्धशान्ति गाउँपालिका खेलकुल विकास समितिको १ लाख ५० हजार साथै स्थानीय महानुभावबाट प्राप्त स्वेच्छिक सहयोग संकलन गरेर प्रतियोगिता सञ्चालन गर्न लागिएको अार्थिक संयोजक काँसी हाङ चाम्लिङ राइले बताउनु भयो 

प्रतियोगिता यही कार्तिक १४ गतेदेखि कात्तिक १८ गतेसम्म मंगलबारे बजारको खेल मैदानमा हुने बताईएको छ आयोजक टिमसँगै बुद्धशान्ति गाउँपालिका भरिका सम्पुर्ण वडाका खेलाडी बीच प्रतिस्पर्धा हुने समितिका सचिब मिलन सुब्बाले बताउनु भयो ।

प्रतियोगिता सम्पन्न गर्न ४ लाख ५० हजार रुपैयाँ लाग्ने अनुमान गरिएको आर्थिक विभाग संयोजक काँसी हाङ चाम्लिङ राइले जानकारी दिनु भयो ।
प्रतियोगिता सम्पन्न गर्नका लागि फुटबलप्रेमी दाताबाट आर्थिक संकलन गरिने पनि बताउनु भयो ।

उहाँका अनुसार विजेताले नगद ३० हजारसहित आकर्षक ट्रफी मेडल प्रमाण पत्र पाउँदा उपविजेताले नगद २० हजार ट्रफि मेलड र प्रमाण पत्र पाउने समितिले जानकारी दिएका छन,।

प्रतियोगिताको उत्कृष्ट खेलाडी यसैगरी, उत्कृष्ट गोलरक्षक, मिडफिल्डर, डिफेन्डर, फरवार्ड र सर्वाधिक गोलकर्ता त्यस्तै, प्रत्येक खेलको म्यान अफ द म्याच बन्ने खेलाडी लाई समेत पुरस्कृत गरिने बताईएको छ ।

प्रतियोगिता सफल बनाउन संकलित रकम बचाउन सकिएको खण्डमा प्रशिक्षक राखेर स्थानीय खेलाडीलाई तालिम प्रदान गर्ने र सामाजिक कार्यमा सहयोग गर्ने बताइएको छ ।

नवदुर्गाको प्रसाद स्वरुप टीका एवं जमरा लगाउन र आशीर्वाद थाप्न मान्यजनका घरमा जानेक्रम जारी छ । विजयादशमीका दिन नौ दिनसम्म पूजा आराधना गरी देवी विसर्जन गरेपछि सुरु भएको प्रसाद लगाउने र मान्यजनबाट आशीर्वाद लिने क्रम कोजाग्रत पूर्णिमाका दिनसम्म जारी रहन्छ l

तर ताप्लेजुङको ग्रामीण क्षेत्रमा बसोबास गर्ने समुदायले भने अलैँची बगानमै दसैँ मनाएका छन् ।
घरबाट टाढा रहेको बगानमा अलैँची टिप्न आएका किसान कामको चटारोले गर्दा घर जान पाएनन् । घरबाट निस्किएका फक्ताङलुङ गाउँपालिका–६ फेम्बूका विर्खबहादुर लिम्बू अलैँची बगानदेखि घर फर्किएका छैनन् । फक्ताङलुङ गाउँपालिका–५ ओखरबाटेको अलैँची बगानमा उनको दिनचर्या बितिरहेको छ । अहिले  लिम्बूको परिवार नै बगानमै छन् । दैनिक आठदेखि १२ खेताला लगाइरहेका उनले यस वर्षको दसैँ पनि यही बगानमा मनाए ।

फक्ताङलुङ–५ तामावाका पूर्ण लिम्बू पनि अलैँची बगनमै दसैँ मनाए । एक बगानदेखि अर्को बगानमा सरदा पूजापाठ गरेरमात्र टिपाइ सुरु गर्ने चलन छ । उनले मङ्गलबार अलैँची बगानमा पूजापाठ गरे । पूजा गर्दा कुखुराको भाले चढाउनुपर्ने हुन्छ । उनले भाले चढाएर ओखरबोटेको अलैँची बगान टिपाइ सुरु गरेकाछन् । पूजा गर्ने बर्सेनिको चलन छ । बगानमा अलैँची टिप्न, छोडाउन र सुकाउन धमाधम भएकाले उनको परिवार दसैँमा घर फर्कन नपाएको हो । “टिप्न थालेपछि यसलाई गुम्स्याउने, छोडाउने र सुकाउने गर्नुपर्छ,” उनले भने, “खेतालालाई छुट्टी दिए पनि घरको मान्छेले त बगान छोड्न पाइँदैन ।”
सुकाइसकेपछि बल्ल बगानको काम सकिन्छ । त्यसैले दसैँका बेला पनि अलैँची बगनमै बस्नु परेको उनले बताए । चाडबाड जहाँ, जसरी पनि मनाउनुपर्ने भएकाले आफूहरूले कुखुराको भाले खाएर दसैँ मनाएको लिम्बूले सुनाए । सिरिजङ्गा–६ मामाङ्खेका हर्क लिम्बूले पनि यस वर्ष टीका लगाउन पाएन । बगानमा धमाधम काम भएकाले घर जानै सकेनन् । ठूलो बगानमा टिपिरहेका उनी तिहारअघि नै काम सकेर फर्कने तयारीमा छन् ।

मेरिङदेन गाउँपालिका—५ नाल्बुका विमना लिम्बूले केही समयअगाडि आफ्नो परिवारका लागिमात्र खाना बनाउथे । तर अहिले अलैँची टिपाइ सुरु भएसँगै खेतलाका लागि उनी बिहान खाजा बनाउ र खाना बनाउनमा व्यस्तता बढेको छ । छरछिमेकमा खेतला नपाइने भएकाले लिम्बूको अलैँची बगानमा धेरै टाढाबाट अलैँची टिप्ने मजदुर बोलाउनु भएका छन् । अलैँची टिप्ने खेतलाहरुलाई बिहान खाजा दिएर बिहानको समयमा बगानमा अलैँची टिप्ने जाने गर्दछन् । बिहानको १० बजे खान खाने समय हुन्छ । आँखा देखुन्जेलसम्म बेलुका अलैँची बगानमै टिप्ने गर्दछन् । साँझबिहान बगानमै बसेर अलैँची टिप्ने मजदुरलाई पाँच सयदेखि ६ सय ५० रुपैयाँ ज्याला दिनु पर्दछ ।
यी त भए केही प्रतिनिधि पात्रमात्र हुन् । जिल्लाका प्रायः किसान यति बेला अलैँची भित्र्याउने ध्याउन्नमा छन् । औलमा टिपिसकेको भए पनि मध्य र लेकाली क्षेत्रमा यति बेला धमाधम टिप्ने र सुकाउने काम भइरहेको छ ।

अलैँची टिप्ने मजदुर पाउनै गाह्रो

विगतका वर्षमा गाउँघरमा अलैँची टिप्नका लागि छरछिमेकीबीच अर्मोपर्मो गरिन्थ्यो । एक छिमेकीको बगानमा टिपाइसकेर अर्को छिमेकीको बगान टिप्ने गरिन्थ्यो । तर, बिस्तारै यो प्रचलन लोप हुँदै गएको छ । अलैँची खेती हुने क्षेत्रमा प्रायः सबै गाउँलेको अलैँची बगान छ । आफ्नो बगानमा आफैँले टिप्न सकिँदैन । समयमै टिप्न नसक्दा जङ्गली जनावरले पाकेको फल खाइदिने गर्छन् । त्यसका लागि समयमै टिपेर भित्र्याउनु पर्छ । तर, विगतका वर्षमा जस्तो खेताला पाउन छोडेको फक्ताङलुङ गाउँपालिका—५ का अलैँची किसान कुमार राईले बताए ।
उनले भने, “आजभोलि खेताला पाउनै गाह्रो छ । गाउँभरि पैसा बोके खेताला खोज्दा पनि पाइँदैन । सबैलाई आफ्नै बगानमा टिप्न भ्याइनभ्याई हुन्छ ।” गाउँका केही युवा वैदेशिक रोजगारीमा गएकाले पनि खेताला पाउन मुस्किल हुँदै गएको सिदिङवा गाउँपालिका—४ कृषक अनिता लिम्बूले बताए ।

केही वर्ष अगाडि सीमित क्षेत्रमा मात्र अलैँची खेती गरिन्थ्यो । तर, सात वर्ष पहिला अलैँचीको बजार मूल्य एक लाख २० हजार रुपैयाँसम्म पुग्यो । राम्रो बजार मूल्य पाएको वर्षदेखि अलैँची बगान विस्तार हुन थाल्यो । केही वर्ष अगाडि सहायक खेतीका रूपमा अलैँची खेती गरिन्थ्यो । अलैँचीले राम्रो बजार मूल्य आएसँगै पुख्र्यौली खेतीपातीका रूपमा गर्दै आएको धान, मकै, कादो जस्ता प्रमुख अन्न खेती हुने जमिनमा पनि किसानले अलैँची खेती विस्तार गरेका छन् । अलैँचीको राम्रो बजार मूल्य पाएसँगै वैदेशिक रोजगारीमा जान तम्सिएका युवाहरू खेती गर्न आकर्षित भएका छन् ।

वैदेशिक रोजगारीको सिलसिलामा विदेश पुगेकाहरू पनि फर्किएर गाउँमै अलैँची खेती गर्न थालेका छन् । बिस्तारै जिल्लामा अलैँची बगानको विस्तार हुन थालेको कृषि ज्ञान केन्द्र कार्यालय ताप्लेजुङले जनाएको छ किसानका अनुसार जिल्लामा तीन चरणमा अलैँची टिप्ने गरिन्छ । औल अर्थात् एक हजार दुई सय मिटरसम्मको उचाइमा लगाइएको अलैँची भदौ पहिलो सातादेखि नै टिप्ने गरिन्छ ।

यस्तै, एक हजार दुई सयदेखि एक हजार आठ सयसम्मको उचाइमा गरिएको अलैँची खेतीमा असोज पहिलो सातादेखि टिप्न सुरु गरिन्छ । एक हजार आठ सयदेखि माथि लेक क्षेत्रमा कात्तिकदेखि अलैँची टिप्ने गरिएको किसानको भनाइ छ । ताप्लेजुङमा करिब चार हजार पाँच सय हेक्टर क्षेत्रफल बराबरमा अलैँची खेती गरिँदै आएको छ । उक्त खेतीबाट दुई हजार पाँच सय मेट्रिक टन अलैँची उत्पादन हुने गरेको तथ्याङ्क रहेको छ । यस वर्ष अलैँचीको मूल्य पनि राम्रो आएकाले अलैँची किसान उत्साहित भएका छन् ।

झापाको बुद्धशान्ति गाउँपालिका वडा नं ३ स्थित प्रेटोलपम
पश्चिम पट्टिको भागमा आशीर्वाद प्रतिष्ठान सुधार केन्द्रको आयोजनामा कार्तिक २ गते वाट संचालन भएको बुद्धशान्ति सास्कुतिक तथा साङगितिक महोत्सवमा अाज तृसना गुरूङ अाउदै ।त्यस्तै मेलाको आकर्षका रुपमा रोटेपिङ रेस, नाउ रेस,विभिन्न खेल तथा बच्चाहरुका लागि विभिन्न मनोरञ्जनका सामग्रीहरु राखिएको मेला आयोजक समितिका संयोजक विनोद नेम्वाङ बताउनु हुन्छ ।

मेलाबाट आएको केही नाफाले आशीर्वाद प्रतिष्ठान सुधारमा बुद्धशान्ति गाउँपालिका भरिका ५ जना लागुअौषधमा साथै बिभिन्न कुलतमा फसेका युवाहरूलाई उपचार गरिने अाशिर्वाद प्रतिष्ठाका सुधार केन्द्रका अध्यक्ष प्रेम शावा बताउनु हुन्छ ।

बुद्धशान्तिको विकास विस्तार प्रब्रधनका लागी यस मेलाको आयोजना गरिएको मेला आयोजक समितिका संयोजक विनोद नेम्वाङले जानकारी दिँदै २ गते बाट सन्चलन भईरहेको मेलामा अाई भरपुर मनोरन्जन लिन सम्पुर्ण आमा बुवा दाजु भाइ दिदी बहिनी लगायत सन्चार कर्मि सुरक्क्षा कर्मि साथै आ आफ्ना ठाउँ बाट सहयोग पुर्याउनु हुने सम्पुर्ण मा धन्यबाद दिदै मेलामा आई कार्यक्रमको सोभा बढाई दिनुहुन आयोजक समितिले सबैमा अनुरोध समेत गरेका छन्।

खुलेको त्यो आकाश र लागेको चहकिलो घाम अनि  सुरु भइसकेको दसै । दशैंमा मिठो मसिनो खाने र नयाँ लुगा लगाउने  जाेहाे गरि भित्रिइसकेकाे छ दसै ।  सबै तयारी सकेर टिकाकाे साइत पर्खेर बसेका माइ नगरपालिका दुईका गाेपाल सुवेदीका घरमा दसैकाे खुसी खाेसि दिएकाे छ ।

खाेले पकाउन बालेकाे आगाेले भान्सा घर ग्वाली सहित एक तल्ले टिनको छाना भएको घर हेर्दाहेर्दै खरानी भएपछि टिकाकाे अघिल्लाे दिन दसैकाे खुसि खाेसिएकाे छ  । आगाे नियन्त्रणका लागि स्थानीय भेला भए पनि आगाेकाे ज्वालाे हुर्कि सकेकाे कारणा स्थानीय दमकल दमकल भन्न बाहेक केही गर्न नसकेकाे स्थानीय पत्रकार हरि अधिकारी बताउछन । आज विहान ६:३० बजे सुरु भएकाे आगलागीबाट १५ लाख बढीकाे क्षति भएकाे प्रहरीले जनाएकाे छ ।

आगलागीमा २ तोला सुन,नगद दशै खर्च २५ हजार,धान १० मन,सादा मोबायल ३ थान,४ थान नेपाली नागरिकता प्रमाणपत्र,जग्गाधनी प्रमाण पुर्जा,४ ठिका चिरान काठ सहित घर नस्ट भएकाे  प्रहरी चौकी दानाबारीले जनाएको छ।
पिडित परिवारलाई तत्काल राहत उपलब्ध गराउन नेपाल रेडक्रस सोसाइटी दानाबारी उपशाखा मार्फत स्थानीय प्रशासनसङ्ग समन्वय गरि पहल भइरहेको बताइएको छ ।

झापाको बुद्धशान्ति स्थित मंङलबारे च्यालेन्ज कप २०८० को सम्पन्न फुटबल प्रतियोगिताको उपाधि शिनिश्चरे एफ.सी. अर्जुनधारा झापाले जितेको छ ।

मंगलबारे बजारको खेल मैदानमा शनिबार भएको फाइनल खेलमा धुलाबारी ट्रिनिङ सेन्टर मेचिनगर झापालाई १–३ गोल अन्तरले पराजित गर्दै शनिश्चरे एफ.सी.अर्जुधाराले उपाधि उचालेको हो । उपाधि जितेसंगै शनिश्चरे एफ. सी. ले नगद २५ हजार, मेडल, ट्रफी तथा प्रमाण–पत्र प्राप्त गरेको छ ।

शनिश्चरे एफ. सी. अर्जुनधारालाई लाई उपाधि दिलाउन प्रदिप बुढाथोकीले खेल सुरु भएको ८ औं मिनेट पहिलो गर्दै टिमलाई १–० को अग्रता दिलाएका थिए । निर्धारित समयको पहिलो हाफमा अन्य कुनै स्कोर हुन सकेन् । खेलको दोस्रो हाफको १३ औं मिनेटमा शनिश्चरेकै प्रदिप बुढाथोकीले थप एक गोल गर्दै शनिश्चरे एफ.सि. अर्जुनधारालाई लाई २–० गोल को अग्रता दिलाए ।

एता धुलाबारी ट्रेनिङ सेन्टर मेचिनगरले भने खेलको दोस्रो हाफको २२ औं मिनेटमा एक गोल फर्काउन वाहेक अन्य गोल थप्न सकेन । प्रतियोगिताको उपविजेता बनेको धुलाबारी ट्रेनिङ सेन्टर मेचिनगरले नगद १५ हजार, मेडल, ट्रफी तथा प्रमाण–पत्रमा चित्त बुझाएकोे छ 
प्रतियोगिताको‘म्यान अफ दी सिरिज’को पुरस्कार धुलाबारी ट्रेनिङ सेन्टर मेचिनगरका अजय शाहीले हात पारे । उनलाई ट्रफी र मेलल प्रमाण- पत्र प्रदान गरिएको मंगलबारे खेल मैदान संरक्षण समितिका अध्यक्ष ज्ञानु लिम्बुले बताउनु भयो ।

त्यस्तै फाइनल खेल सुरू हुनु अघि भएको मैला हरूको सो म्याच समेत खेलाईएको थियो जसमा अाईतबारे युथ क्लब र सृजनसिल युवा समाज भिडेका थिए , सो खेलमा सृजनसिल युवा समाजलाई ०-१ गोल अन्तरले हराउदै आईतबारे युथ क्लब विजयी भएको थियो ।

फाइनल खेलको ‘म्यान अफ दी म्याच’को पुरस्कार शनिश्चरे एफ.सी.अर्जुनधाराका प्रदिप वुढाथोकी ले हात पारे । उनलाई ट्रफी मेडल र प्रमाण- पत्र प्रदान गरिएको थियो। प्रतियोगिताका विजेता र उपविजेता लगायतलाई आयोजक मंगलबारे खेलकुद कार्यक्रमका प्रमुख अतिथि वडा नं ४ का वडा अध्यक्ष शेर वहादुर राय, समाज सेवि करण थेबे, मंगलबारे बजार व्यवस्थापन समितिका अध्यक्ष भक्त गलान, वडा न. ४ का वडा सदस्य सन्जिब थेबे, समाज सेवि युवा व्यक्तित्व पुर्ण सुहाङ , समाज सेवि अर्जुन लिम्बू ,आयोजक समितिका सम्पुर्ण पदाधिकारी लगायतले पुरस्कार तथा मायाको चिनो प्रदान गर्नुभएको थियो ।

समापन कार्यक्रमको सन्चालन मंगलबारे खेलकुद समितिका सचिब युद्ध लिम्बुले गर्नुभएको प्रतियोगिताको समापन समारोहमा प्रमुख अतिथि बुद्धशान्ति गाउँपालिका वडा नं ४ का वडा अध्यक्ष शेरवहादुर राय, समाज सेवी करण थेबे, मंगलबारे बजार व्यवस्थापन समितिका अध्यक्ष भक्त गलान वडा नं ४ का वडा सदस्य, संजिव मगर, लगायतले शुभकामना मन्तव्य राख्नुभएको थियो ।

मंगलबारे युथ क्लबले आयोजना गरेको खेलमा स्थानीय स्तरमा खेल क्षेत्रको महत्वसँगै नयाँ खेलाडी उत्पादन गर्ने उद्देश्यका साथ यस संस्थाले युवाहरूको क्षमता विकासको लागि र खेलकुद हाम्रो स्वाथ्यको लागि पनि अतिनै अावस्यक रहेको हुदा फुटबल भलिबल ,कराते ,क्रिकेट लगायतका सबै खेललाई आउदो दिनमा खेलाउदै जाने र आर्थिक अबस्था कमजोर भएका खेलाडी युवाहरुलाई खेलकुदमा बेस्थ बनाउने र उनिहरुलाई खेलकुदमा बेस्थ बनाई कुलतमा फस्नबाट जाेगाउन यस्ता खेलको आयाेजना गरेको मंगलबारे खेल मैदान संरक्षण समितिका अध्यक्ष ज्ञानु लिम्बुले बताउनु भयो ।

अर्जुनधारा नगरपालिका-२ स्थित खुदुनाबारी बजार नजिकै झेलेनीमा सवारी दुर्घटना हुँदा २ जनाको मृत्यु भएको छ ।

केहिबेर अघि खुदुनाबारीबाट बिर्तामोड तर्फ आउदै गरेको लु १ च ६८६३ नम्बरको मिनि ट्रक (हात्तीगाडी) संग मे ५ प ४४८५ नम्बरको स्कुटर ठक्कर खादा स्कुटरमा सवार दुवै जनाको मृत्यु भएको जिल्ला ट्राफिक प्रहरी कार्यलय झापाका प्रमुख नवराज न्यौपानेले जानकारी दिनुभयो।

दुर्घटनामा परी स्कुटर चालक अर्जुनधारा-२ गाजाबारीका अन्दाजी ३५ बर्षका याम भट्टराईको घटना स्थलमै मृत्यु भएको  प्रहरी निरीक्षक न्यौपाने बताउनु भयो । दुर्घटनामा घाइते भएका स्कुटरको पछाडी सवार गाजाबारी कै अन्दाजी ३६ बर्षका रोशन लुङ्गेली मगरलाई उपचारका लागि बिर्तामोडको बि एण्ड सि अस्पताल पुर्याउदा डाक्टरले मृत घोषणा गरेको उहाँले बताउनुभयो ।

हात्ती गाडीका चालक हेम बहादुर श्रेष्ठलाई प्रहरीले नियन्त्रणमा लिएको उहाँले बताउनुभयो । घटनाको थप अनुसन्धान भाईरहेको प्रहरीले बताएको छ । 

मृत्यु हुने दुवैजना एकै गाउँका हुन् । हात्ती गाडी चालक पनि सोही गाउँका पुर्वबासिन्दा रहेको र उनिहरु तिनै जनाबिच एकआपसमा चिनजान रहेको प्रहरीले बताएको छ ।

झापाको बुद्धशान्ति गाउँपालिका वडा नं १ स्थित त्रिभुवन माध्यमिक विद्यालय होक्सेको शुभकामना आदान प्रदान तथा पुनर्मिलन कार्यक्रम सम्पन्न गरेको छ ।

विजया दशमी, शुभदीपावली, नेपाल सम्वत् एवम् छठ पर्व २०८०को अवसरमा त्रिभुवन मा. बि. होक्सेले शुक्रबार शुभकामना आदानप्रदान तथा पुनर्मिलन कार्यक्रम सम्पन्न गरेको हो ।

विद्यालय व्यवस्थापन समितिका अध्यक्ष अध्यक्ष खड्ग तिम्सिनाको सभापतित्वमा भएकाे कार्यक्रममा वडा नं १ का वडाध्यक्ष अनिल वाग्लेको प्रमुख आतिथ्यता रहेको थियो ।
विद्यालयका प्रधानाध्यापक, व्यवस्थापन समितिका पदाधिकारी, जनप्रतिनिधि विद्यालयका शिक्षक विद्यार्थी अभिभावक सञ्चारकर्मी लगायतको आतिथ्यता रहेको थियो ।

शनिवार भएको बधाई तथा शुभकामना कार्यक्रममा शिक्षक अभिभावक संघ अध्यक्ष पूर्ण प्रसाद संजेलले उपस्थित सम्पुर्ण अतिथिहरूलाई स्वागत गर्दै कार्यक्रमको औचित्य प्रकाश पार्नु भएको थियो ।

कार्यक्रममा अाफ्ना भनाई राख्दै प्रमुख अथिति वडा नं १ का वडा अध्यक्ष अनिल वाग्लेले आफुले पढेकै विद्यालयमा आफुलाई पढाउने शिक्षक गुरूअामा सँग बसेर शुभकामना अादान प्रदान गर्ने अवसर मिलाउनु हुने विद्यालय परिवारलाई धन्यबाद दिदै सम्पुर्णमा विजया दशमीको शुभकामना दिदै बुद्धशान्तिको शैक्षिक गुणस्तर उकास्न सम्पुर्ण अभिभावक हरूको पनि साथ र सहयोग लिएर गाउँपालिको शिक्षामा गुणस्तर बढाउनका लागि आफु लागि पर्ने बताउनु भयो ।

विद्यालयका प्रधानाध्यापक कुमार आचार्यले सञ्चालन गर्नु भएको कार्यक्रममा पुर्व विद्यार्थी समाज गठन सहयाेग समिति गठन समेत गरिएको थियो । जसमा अर्जुन अधिकारी संयाेजक ,उमेश भट्टराई सहसंयोजक लगायत ७ सदस्य समिती चयन भएका हुनु भएको थियो ।