बुद्धशान्ति : आफ्ना माग सम्बोधन हुने गरी संघीय निजामती विधेयक ल्याउन माग गर्दै बुद्धशान्ति गाउँपालिकामा कार्यरत स्थानीय तहका कर्मचारीको आन्दोलनका कारण गाउँपालिकाको सेवा प्रभावित भएको छ ।
स्थानीय तह कर्मचारी संघर्ष समिति बुद्धशान्ति सह सचिव दुर्योधन देव सिंहका अनुसार गाउँपालिकामा कार्यरत स्थानीय तहका कर्मचारीहरुले केन्द्रीय संघर्ष समितिको निर्णय अनुसार कामकाज ठप्प पारेको बताइएको छ ।
साथै झापाका विभिन्न पालिका हरूमा पनि धर्ना बसि सेवा ठप्प पारेका छन, बुद्धशान्ति गाउँपालिकाका ७ वटै वडामा रहेका कर्मचारीहरु धर्नामा बसेका छन, उनिहरुले गाउँपालिकाको मुल गेटमा आफ्ना मागहरु समेटिएको कालो ब्यानर समेत टाँसेका छन् । स्थानीय तहका कर्मचारीले संघीय निजामती सेवा ऐनको सट्टामा एकीकृत निजामती सेवा ऐन जारी गरिनुपर्ने माग गर्दै आन्दोलनमा उत्रिएको
स्थानीय तह कर्मचारी संघर्ष समिति बुद्धशान्ति संयोजक देवेन्द्र कट्वालले बताउनु भयो
साथै अान्दोलनलाई थप रचनात्मक बनाउन बुधबार स्थानीय तह कर्मचारी संघर्ष समिती बुद्धशान्तीले गाउँपालिकाको परिसरमा रक्तदान कार्यक्रम समेत आयोजना गरिएको स्थानीय तह कर्मचारी संघर्ष समिति बुद्धशान्ति सह सचिव दुर्योधन देव सिंहले जानकारि दिनु भयो
इलामको सूर्योदय नगरपालिकाका सामुदायिक तर्फका माध्यमिक बिद्यालयमा अनलाईन कक्षा संचालनमा ल्याईएको छ ।नगरका १४ वटा सामुदायिक तर्फका माध्यमिक बिद्यालयमा एकै पटक कक्षा संचालन हुँने गरी अनलाईन कक्षा शुरु गरीएको हो । मंगलबार शिक्षा विद डाक्टर बिद्यानाथ कोईराला र सूर्योदय नगरपालिकाका नगर प्रमुख रण बहादुर राईले रिर्मोट थिचेर अनलाईन कक्षाको उद्घाटन गर्नु भयो ।
शिक्षा क्षेत्रमा उल्लेखीय फड्को मारेको सूर्योदय नगरपालिकाले पछिल्लो समय गणित बिषयको अनलाईन कक्षा शुरु गरेको छ । उद्घाटन कार्यक्रममा फिक्कल माबिका शिक्षक भुपेन्द्र अधिकारी गणित बिषयको अनलाईन कक्षा संचालन गर्नु भयो । नगरले शुरुमा माध्यमिक तहको कक्षा १० बाट गणित बिषय पढाउन शुरु गरेको नगरको शिक्षा युवा तथा खेलकुद शाखा प्रमुख योगनिधि भट्टराईले जानकारी दिनु भयो । उहाका अनुसार यस अघि नै फिक्कल नमुना माध्यमिक बिद्यालय र ज्योती माध्यमिक बिद्यालयमा गणित ल्याब संचालनमा ल्याई सकेको छ । नगरले सामुदायिक बिद्यालय अन्र्तगत प्राथमिक तहमा मिनि म्याथ ल्याव संचालनमा ल्याई सकेको छ ।
कार्यक्रममा शिक्षा बिद डा. कोईरालाले गणित संग बिभिन्न बिषयको फ्युजन गराउन जरुरी रहेको बताउनु भयो । उहाले गणित बिषयलाई ध्यान दिन सके शैक्षिक गुणस्तर सुधार गर्न सकिने भएकाले गणित बिषयमा जति खेल्न सक्यो उती नै उपलब्धी हुने बताउनु भयो । डा. कोईरालले भन्नु भयो‘बिज्ञानलाई हाम्रा पुर्खा देखि प्रयोग गर्दै आएका छौ, अव ब्यवहारमा लागु गरौ ।’उहाले घट्दो जन्मदरका कारण पनि शिक्षा क्षेत्रमा असर परेको बताउनु भयो । उहाले थप्नु भयो‘बच्चा पहिला की बिद्यालय भन्ने दिन आयो, बच्चै भएनन भने बिद्यालय मात्र भएर के गर्ने ?’
सोहि कार्यक्रममा आर्चाय महेन्द्र भट्टराईले मानसिक अवस्था र धैर्यताका कारण बिद्यालयमा समस्या आएको बताउनु भयो । उहाले एउटा शिक्षक कक्षा कोठामा गएर कराई रहने र बिद्यार्थीले नसुन्ने अवस्था आएको बताउनु भयो । शिक्षा क्षेत्रका अर्का जानकार बिबेक बिनयीले सबै क्षेत्र सक्रिय रुपमा लागनु पर्ने बताउनु भयो ।
कार्यक्रममा नगर प्रमुख रण बहादुर राईले प्रविधि संगै नैतिक शिक्षाको खाचो रहेको बताउनु भयो । उहाले स्वरोजगार बन्ने गरीको शिक्षा दिनका लागि सरकारले पाठ्यक्रम परिमार्जन गर्नु पर्ने बताउनु भयो । ‘नगरले मात्र बल गरेर हुँदैन, राज्य , बिद्यालय र अविभावले समेत अव ध्यान दिनु पर्छ ।’ शिक्षा युवा तथा खेलकुद शाखा प्रमुख योगनिधि भट्टराईले संचालन गर्नु भएको कार्यक्रमा नगरका प्रमुअ प्रशासकीय अधिकृत मिलन भट्टराई लगायत बिद्यालयका प्रधानाध्यापक लगायत सरोकारवालाको सहभागीता थियो । कार्यक्रममा फिक्कल माबिका प्रअ गंगाबहादुर महतले स्वागत मन्तब्य राख्दै बिद्यालय सुधारमा नगरे गरेका कामको प्रशंशा गर्नु भयो ।
सोहि कार्यक्रममा कक्षा ६–८ को स्थानीय पाठ्यक्रम‘हाम्रो सूर्योदय’को लोर्कापण समेत गरीएको थियो । नगरले यस अघि नै नगरका सबै सामुदायिक बिद्यालयमा इन्टरनेट सहित प्यान बोर्ड जडान गरीसकेको छ । प्रविधिमैत्री बिद्यालय निर्माणमा लागेको नगरले १२ महिना १२ कार्यक्रम छोरी बुहारी शिक्षा, बाल बचत खाता संचालन, अविभावक परिचय पत्र वितरण सहितका काम गर्दै आएको छ । उक्त कार्यक्रम पछि पाठ्यक्रम बारे प्रबोधिकरण कार्यक्रम समेत भएको थियो ।
इलामको रोङ गाउँपालिका भित्र रहेको सामुदायिक वनहरुलाइ ब्यवस्थित गर्ने कार्ययोजना ल्याएको छ यसका लागि गाउँपालिकाले पालिका भित्र रहेका सबै उनन्तीस वटा सामुदायिक वन उपभोक्ता समिति र गाउँपालिका बिच भएको २०८०असोज १९ गते संयुक्त बैठक बसी साझा कार्यक्रम ल्याएको छ ।
गाउँपालिकाले आफ्नो क्षेत्र भित्र रहेका सामुदायीक बन उपभोक्त समितिको आम्दामी पूर्वाधार क्षेत्रमा लगानी गर्न नपाइने ,सामुदायीक वनहरुले श्रोत अभाव र ऋणमा निमार्ण गरि थप दायित्व सृजना नगर्ने , सामुदायिक वनको लेखा प्रणाली एकरुपताको लागि सफ्टबेयर मार्फत गर्ने सफ्टवेयर निमार्णको लागि गाउँपालिकाले सहयोग गर्ने ,निस्किृय वनहरुलाइ सक्रिय बनाउन गाउँपालिका र सक्रिय वन उपभोक्ता समितिहरु लाग्ने सामुदायिक वनवाट आर्जित आम्दानी वनजंगल पिडित किसानहरुलाइ लक्षित समुह केन्द्रित भएर कार्यान्वयन गर्ने ,रोङको सामुदायिक बिद्यालयहरुको लागि छात्रबृत्ति बितरणलाइ एकरुपता बनाउन गाउँपालिकाको वास्केट फन्टमा रकम जम्मा गर्ने ।सामाजिक बिकास क्षेत्रमा गाउँपालिकासँगको साझेदारीमा सबै सामुदायिक बिद्यालयहरुमा फर्निचर ब्यवस्थापन गर्ने ,गरिबि निवारण कार्यलाइ बितरण मुखी कार्यलाइ निरुत्साहित गर्दै आयआर्जन र रोजगारी सृजनाको क्षेत्रमा लगानी गरिने बनलाइ संभब्यताको आधारमा आम्दामी युक्त बनस्पतीहरु सुपारी वास, जडिबुटि हर्रो ,बर्रो, अमला जस्ता बिरुवाको लागि आवश्यक प्रकृयामा जाने र यस कार्यलाइ गाउँपालिकाले समेत सहयोग गर्ने ,पाथीभरा मन्दिरको बिकासमा सबै वनले सहयोग गर्ने जस्ता गाउँपालिकाको हितकारी निर्णयहरु गरेको गाउँपालिकाको अध्यक्ष मनिकुमार स्याङ्बो सुवासले बताउनु भयो ।
तराइसग सिमाना जोडीएका गाउँपालिका भित्र २९ वटा सामुदायिक वनहरु रहेका छन् जसमध्ये १८ वटा सक्रिय रुपमा रहेका छन् भने ११ वटा निस्कृय रुपमा रहेका छन् ।जसमा गाउँपालिकाको वडा नं १ मा पाचवटा, वडा नं २ र ४ मा दुइ दुइ ,वडा नं ३ मा तीन, वडा नं ५ र ६ मा आठ आठवटा रहेका गाउँपालिका उपाध्यक्ष विष्णुमाया भुजेलले बताउनु भय।
त्यस्तै सृजना सामुदायिक वन आठ सय अठार दशमलव सात एक र नमुना सामुदायिक बन सात दशमलव दुइ एक हेक्टरमा रहेको छ । मसला, खयर ,गोब्रेसल्ला,खमारी सिसौ साल जस्ता मुल्यवान बृक्षहरु र पहिचान भएका सत्ताइुस प्रजातीका जडिबुटीहरु समेत रोङका वनहरुमा पाइने गरेको छ ।
रोङका सामुदायिक बन उपभोक्त समितिहरुको दशवटा कच्ची, ८ वटा अर्ध पक्कि, १४ वटाका कम्पाउण्ड छुट्छै कार्यकक्ष,समितिकक्ष काठदाउराको घाट रहेको छ भने दृइवटा सामसदायिक बनहरुले कृषिवन नमुना प्रर्दशनी,चारवटा वनसमितिले आफ्नो परिसरमा वनस्पती नर्सरी समेत गरेको छ ।
गाउँपालिकाले सामुदायिक बनहरुको ब्यवस्थापनमा लागेपछि चोरी तस्करी रोकिएर बार्षिक साठी देखी सत्तरी लाखसम्मको आनतरिक आय बढाउन सकिने बिश्वास लिएको छ । गाउपालिका भित्रको वनवाट धेरै फाइदा गाउँपालिका बाहिरको नागरिकहरुले लिएको ब्यापक गुनासो आइरहेको बेलामा गाउँपालिकाले लिएको कदम सकारात्मक रहेको आम नागरिकहरुको प्रतिकृया रहेको छ ।
इलामको रोङ गाउँपालिकाले एक कार्यक्रमको अायोजनामा गरि एकदिने योजना अनुगमन सम्बन्धि कार्यशाला गोष्ठि सम्पन्न गरेको छ ।
स्थानिय स्तरमा सचालन हुने बिभिन्न याेजनाहरुमा अनुगमन प्रमुख उपाध्यक्ष रहने प्राबधान रहेकाेमा याेजनाकाे प्रभावकारिता र गुणस्तरियताकाे वारेमा प्रमुख जिम्बेवार रहने भएकाेले सरकारले गरेकाे लगानिमा कसरी गुणस्तरियता दिने भनेर अन्तरपालिकाकाे अनुभव अादान प्रदान गरिएकाे रोङ गाउँपालिका उपाध्यक्ष विष्णुमाया भुजेलले बताउनु भयो ।
कार्यक्रममा झापा जिल्ला र इलाम जिल्लामा रहेका स्थानिय तहका उपप्रमुख, उपाध्यक्ष साथै अनुगमनका कर्मचारीहरूको उपस्थितिमा अनुगमन सम्बन्धी कार्यशाला गोष्ठी सम्पन्न भएको थियाे ।
रोङ गाउँपालिकाका उपाध्यक्ष विष्णुमाया भुजेलको अध्यक्षतामा भएको कार्यक्रममा रोङ गाउँपालिका अध्यक्ष मनिकुमार स्याङ्बोको प्रमुख अातिथ्यता रहेको थियो ।
गोष्ठिमा झापा र ईलामका गरि २५ वटा स्थानिय तहका उपप्रमुख, उपाध्यक्ष साथै अनुगमनका कर्मचारीहरूको उपस्थितिमा रोङ गाउँपालिका वडा नं ३ स्थित जङ्गल रिसोडको सभाहलमा मेचिनगर नगरपालिकाका प्रमुख प्रशासकीय अधिकृत टंक कुमार रेग्मी, र जिल्ला समन्वय समिति इलामका शाखा प्रमुख कृष्ण बहादुर कार्कीले योजना अनुगमन सम्बन्धि कार्यशाला गोष्ठिको सहजिकरण गर्नु भएको थियो ।
प्रशिक्षणमा योजना छनौट गर्दा लागतको कहाँ वाट र कति योजना हो त्यस लाभम्वित क्षेत्रहरू के के हुन, अनुगमन गर्दा सबै क्षेत्र भित्र रहेर हेर्दा कस्तो अधिकार हो, अाफ्नो जिम्मेवारी भन्दा वढि गर्न नपाइने, अनुगमन गर्दा अाम सरोकारवाला हरूसँग छलफल र मुल्यांकन गर्दा ध्यान दिने कुराहरू छलफल गर्ने ,अनुगमन गर्दा एेन र नियममा उल्लेख भएका कुराहरूलाई वढि प्राथमिकतामा राखेर अनुगमनको कार्य गर्ने लगायतका बिसयमा प्रष्ट पारिएको थियो ।
कार्यक्रममा उपस्थित सम्पूर्ण अतिथिहरूलाई इलाम जिल्ला समन्वय समिति सदस्य प्रेमराज गुरूङले स्वागत गर्नुभएको कार्यक्रमको सन्चालन रोङगाउँपालिका शिक्षा शाखा प्रतिनिधि सुजता पौडेलले गर्नुभएको थियो ।
बुद्धशान्ति । सडक दुर्घटनालाई मध्यनजर गर्दै बुद्घशान्ति गाउँपालिका वडा नं ३ स्थित ७ नम्बर चोक नजिकै रहेको श्री नवकिरण अाधारभुत विद्यालय जाने बाटोमा जेब्राक्रस निर्माण गरिएको छ ।
मेचि राजमार्ग भएकाले अत्याधिक सवारी चापका कारण आवातजावतमा समस्या सिर्जना भएपछि जेब्राक्रस निर्माण गरिएको हो । राजमार्गको पश्चिम दिशामा विद्यालय भएका कारण आवातजावतमा समस्या भएको थियो । राजमार्ग पश्चिम रहेको श्री नवकिरण अाधारभुत विद्यालयलका शिक्षक विद्यार्थी अभिभावकहरूलाई आवातजावतमा सहजताका लागि जेब्राक्रसको निर्माण गरेको हो ।
सोमबार बर्खा स्मृति प्रतिष्ठानको आर्थिक सहयोग साथै समुदाय प्रहरी साझेदारीमा जेब्राक्रस निर्माण गरिएको थियो । कार्यक्रममा बुधबारे ट्राफिक प्रहरी प्रमुख दिपक कोइराला, इलाका प्रहरी कार्यलय बुधबारेका प्रमुख प्रबिन भट्टराई, बर्खा स्मृति प्रतिस्ठानका अध्यक्ष मदन प्रसाईं, नवकिरण अाधारभुत विद्यालयलका प्रधानाध्यापक खेमराज कट्टेल, शिक्षक, विद्यार्थी अभिभावक,विभिन्न सामाजिक व्यक्ति पत्रकार लगायतको उपस्थिति रहेको थियो ।
जेब्राक्रस निर्माणले सडक पार गर्नलाई थप सजिलो भएको नवकिरण अाधारभुत विद्यालयलका प्रधानाध्यापक खेमराज कट्टेल बताउनु भयो ।उहाँले भन्नुभयो विद्यालयका शिक्षक, विद्यार्थी,अभिभावकको सुरक्षाका लागि बर्खा स्मृति प्रतिष्ठान साथै समुदाय प्रहरीका सम्पुर्ण टिमलाई जेब्राक्रस निर्माण गरेकोमा धन्यवाद ज्ञापन गर्नुभएको थियो ।
बढ्दो शहरीकरण तथा सवारी साधनको चाप सगै हरेक बिधालय जाने बालबालिकाको लागि आवातजावतमा सहजता र सवारी चालक हरुलाई जनचेतना जगाउने उद्देश्यका साथमा बिधालय अगाडी जेब्राक्रस निर्माण गरिएको बर्खा स्मृति प्रतिष्ठानका अध्यक्ष मदन प्रसाँइले बताउनु भयो ।
उहाँले भन्नुभयो, हरेक सडक पार गर्दा जेब्राक्रस बाट मात्र पार गर्नु पर्दोरहेछ भन्ने बिद्यार्थी भाईबहिनीहरूलाई जानकारी होस, साथै बिधालय अगाडि सवारिको गति सिमीत गर्दै रोक्नुपर्छ भन्ने सवारी चालकलाई पनि बोध गराउन सकियो भने सडक दुर्घटना पनि कम हुने भएकाले आफुहरुले यो कार्यक्रमको आयोजना गरि जेब्राक्रसको निर्माण गरिएको प्रतिष्ठानका अध्यक्ष प्रसाईंले बताउनु भयो ।
सडक सुरक्षामा स्कुलले देखाएको भूमिका प्रति खुसी व्यक्त गर्दै बुधबारे इलाका प्रहरी कार्यलयका प्रमुख प्रबिन भट्टराइले सम्पूर्ण अभिभावक तथा विद्यार्थी लगायत उपस्थित सम्पुर्णलाई निर्माण भएको जेब्राक्रस बाट मात्र राजमार्ग पार गर्न अनुरोध समेत गर्नु भएको थियो ।
साथै बुधबारे बजार क्षेत्रमा भिडभाड हुने र पैदल यात्रुले बाटो कहाँबाट र कसरी काट्ने भन्ने ज्ञान समेत नहुदा दुर्घटना हुन सक्ने जोखिमलाई मध्यनजर गर्दै बुधबारे बजारको तल्लो चोक जयपुर सडकमा पनि जेव्राक्रस कोरिएको बुधबारे ट्राफिक प्रहरी प्रमुख दिपक कोइरालाले, बताउनु भयो ।
बुद्धशान्तिका विभिन्न ठाउँहरूमा जेब्रा क्रसहरु कोरिएको नागरिकहरुमा जानकारी नहुदा र अटेरि गर्दा पनि सानो दुर्घटनाले ठूलो क्षती निम्त्याउन सक्ने भएकाले ट्राफिक चिन्हहरुलाई अनिवार्यरुपमा पालना गर्न समेत आम नागरिक एवं सरोकारवालाहरुलाई ट्राफिक प्रहरीले सचेत पार्दै आएको बुधबारे ट्राफिक प्रहरीका बरिष्ठ हवल्दार चारू चन्द्र ठाकुरले जानकारी दिनुभयो ।
सबै चालक हरुले ट्राफिक नियम सिकेरै ड्राइभिङ लाइसेन्स ल्याएता पनि त्यो व्यवहारमा नउतार्दा धेरै दुर्घटना हुदै आएको साथै कुनै पनि ट्राफिक चिन्नको औचित्य नखारी जथाभावी सवारीसाधन पार्किङ गर्दा आम सर्वसाधारणले सास्ती बेहोर्नु परेको हुदाँ आम सर्वसाधारणलाइ ट्राफिक सचेतता गराइयो भने दिनहुँ हुने सवारी दुर्घटनालाइ न्यूनीकरण गर्न सकिने बुधबारे ट्राफिक प्रहरीसायक हवल्दार विजय श्रेष्ठले बताउनु भयो ।
बर्खा स्मृति प्रतिष्ठान संस्थाको परिचय ।
पछिल्लो समय बर्खा स्मृति प्रतिष्ठानले समाजमा विभिन्न सामाजिक कार्यहरूमा निरन्तरता दिदै अाएको पाईएको छ ।
वि.सं. २०३८ सालमा पिता भक्तबहादुर र माता पूर्णिमा खड्काकी सन्तानका रुपमा रहेकी बर्खा खड्का वि.सं. २०७२ सालमा बुद्धशान्तिकै समाजसेवी मदन प्रसाई संग वैवाहिक जीवनमा बाँधिनु भएको थियो
तत्पश्चात् आप्रवासीहरुको क्षेत्रमा काम गर्ने संस्था आइ.वो.एम मा जोडिएर कामको शिलशिलामा अमेरिकामा रहनु भएकी बर्खाको केही समय अघि ट्राफिक लाइटमा भएको प्राविधिक त्रुटिका कारण कारको ठक्करबाट अमेरिकामानै मृत्यू भएको थियो ।
मदर टेरेसा र अनुराधा कोइरालाको मानव सेवाका कार्यबाट प्रभावित रही सामाजिक कार्यमा सक्रिय रहनु भएकि बर्खाको अल्पायुमानै मृत्यू भएकोले उनकै संझनामा रू ५०,००,०००, अक्षरूपि पचास लाखको अक्षय कोष एवंम रू २०,००, ०००, अक्षरूपि बिस लाख रहेको कार्यलय व्यवस्थापनका लागि छुट्याइ यस प्रतिष्ठान खोलिएको प्रतिष्ठानका अध्यक्ष मदन प्रसाईले जानकारी दिनुभयो ।
हाल प्रतिष्ठानको उपाध्यक्षमा हेमबहादुर प्रसाई, सचिवमा मदन मगर, सहसचिवमा अम्बिका घिमिरे प्रसाई, कोषाध्यक्षमा शकुन्तला अधिकारी र सदस्यहरुमा मनोज प्रसाई, धर्म कँडरिया, प्रल्हाद खड्का र पवित्रामाया थापा खड्का रहेको बताइएको छ ।
झापाकी मेनुका पौडेलले भारतीय टिभी रियालिटी शो इन्डियन आइडलमा दमदार तथा मर्मस्पर्शी प्रस्तुति दिएपछि जजहरु भावुक मात्र बनेन मेनुकाको गायकी सुनेर आश्चर्यचकित भए ।
नेपालले चिन्न नसकेको प्रतिभाशाली गायक मेनुकाले भारतमा व्यापक प्रशंसा बटुलिरहेकी छन् । उनको मिठो सुर र उच्च तहको स्वरले जजबाट ‘स्ट्यान्डिङ ओभेसन’ सहित ‘गोल्डेन माइक’ समेत जित्यो । तीनैजना जजले मञ्चमा उक्लिएर मेनुकालाई गोल्डेन माइक प्रदान गरे ।
यसअघि नेपाल आइडलमा भाग लिएकी मेनुकालाई जजहरुले संगीत सिक्न बाँकी रहेको भनेपछि उनी बाहिरिएकी थिइन् । साथै, अर्को भारतीय रियालिटी शो ‘सारेगमप’ मा पनि उनले सहभागिता जनाएकी थिइन् ।
उनले त्यो बेला नै नेपाली तथा भारतीयको मन छोइसकेकी थिइन् । ‘सारेगमप’ का जजहरुले समेत नेपालले चिन्न नसकेको प्रतिभा भनेर उनको प्रशंसा गरेका थिए ।
जन्मँदै नेत्रहीन २५ वर्षीया मेनुकाले हिजो प्रशारण भएको अडिसन राउन्डमा ‘तुम्हारे बिना हमारे कोनो नही’ बोलको शास्त्रीय भजन गाएकी थिइन् । मेनुकाको गायकीमा तीनैजना जज भक्कानिएका थिए ।
उनीहरु ‘शब्दविहीन’ रहे । त्यसपछि उभिएर सम्मान प्रदान गरे । जजहरु कुमार सानु, श्रेया घोषाल र विशाल ददलानीले आँसु बगाउँदै आफूलाई सम्हाल्न सकेनन् ।
त्यसपछि जज ददलानीले त भगवानलाई अघि देखिरहेको भन्दै मेनुकाको गायकीको प्रशंसा गरे । उनले भने, ‘हामी संगीतकर्मी जुन चीजलाई पुज्छौँ नि, त्यसलाई अघि देखिरहेका छौँ । म जुन चिजलाई पुज्छु, त्यो तिमी आफैँ हौ । श्रेया रोइरहेकी छिन् । म रोइरहेको छु । यसको अर्थ हामीले संगीतलाई आज मनैदेखि सरी भन्नुपर्छ ।’
अर्का जज कुमार सानुले भने, ‘तिमीले मेरो लागि धेरै काम गरिदियौ । आजको दिनदेखि मैले जुन संगीत बनाउँछु, त्यो भिन्न हुनेछ । यसको कारण तिमी हौ ।’
श्रेया घोषालले पनि मेनुकाको प्रशंसामा शब्द खर्चिइन् । मेनुकाको गायकीले आफूभित्रको संगीत जागेको भन्दै स्पष्टता प्रदान गरेको बताइन् । ‘तिमी को हौ, तिमी आफैँलाई थाहा छैन मेनुका, यसकारण मलाई मजा आयो । मलाई लाग्दैन कि इन्डियन आइडलमा अरु कसैले यति राम्रोसँग गाएको छ ।’
०० नेपाली केयर गिभरका रूपमा कार्यरत छन् । २६५ जना विद्यार्थी इजरायल सरकारको ‘लर्न एन्ड अर्न’ कार्यक्रम अन्तर्गत गएका थिए । जसमा कृषि विश्वविद्यालयबाट ११९, त्रिभुवन विश्वविद्यालयबाट ९७ र सुदूरपश्चिम विश्वविद्यालयबाट ४९ जना गएका थिए ।
उनीहरुमध्ये १७ जना गाजा क्षेत्र नजिक दक्षिणी इजरायलको किबुज अलुमिम भन्ने क्षेत्रमा भएको आक्रमण्ममा परेको भन्दै परराष्ट्र मन्त्री साउदले भनेका थिए, ‘१२ जनामध्ये केही सम्पर्कमा नरहेको र केही हताहत भएको हुनसक्ने हुँदा स्थिति यकिन गर्न सम्पूर्ण संयन्त्र परिचालन गरिएको छ ।’
आइबार बिहान प्रधानमन्त्री पुष्पकमल दाहाल प्रचण्डको नेतृत्वमा बसेको बैठकले परराष्ट्रमन्त्री साउदको संयोजकत्वमा समन्वय संयन्त्र गठन भएको छ । समन्वय संयन्त्रले नेपालीहरूको अवस्था पहिचान गर्ने र उद्दारसम्बन्धी निर्णय गर्ने लगायतका सम्पूर्ण कायहरु गर्नेछ ।
झापाको बुद्धशान्ति गाउँपालिकमा कार्यरत स्थानीय सेवाका कर्मचारीहरुको सेवा सुरक्षा बारे अस्पष्टता रहेकाले असन्तुष्टि जनाउदै एेन संसोधनको लागि भोलि बाट हातमा र टाउकामा कालोपट्टी बाँधेर गाउँपालिकाको परिसरमा बिरोध जनाउने भएका छन, ।
स्थानीय तहमा कार्यरत कर्मचारीहरुको सेवा सुविधा र वृत्तिविकासको सुनिश्चितता नभएको र स्थानीय सेवाका कर्मचारीहरुलाई निजामतिको परिभाषामा नसमेटिएको भन्दै अाइतबार एक संयुक्त प्रेस विज्ञप्ति जारी गर्दै प्रस्तावित ऐनप्रति असन्तुष्टि जनाएका हुन् ।
उनीहरुले प्रस्तावित ऐनमा स्थानीय तहमा कार्यरत कर्मचारीहरुलाई विभेद गरिएको भन्दै भोलिबाट गाउँपालिकाको कार्यलयमा विरोध स्वरुप हातमा र टाउकामा कालोपट्टी बाँधेर अति अावश्यक बाहेकका अन्य सबै सेवा प्रवाह नगर्ने र स्थानीय सेवाका कर्मचारीको वृति र विकास सम्बन्धी न्यायिक व्यवस्था नभएसम्म अान्दोलन जारि राखिने समितिका संयोजक-देवेन्द्र कट्वाल जानकारि दिनु भयो ।
देवेन्द्र कट्वाल को सम्योजकत्वमा २५ सदस्यीय समिती समेत गठन गरेको छ ।
संयोजक-देवेन्द्र कट्वाल
सह-संयोजक- मन्जुश्री धिमाल/ तोषराज ठाकुर
सचिव-शिव श्रेष्ठ
सह-सचिव- दुर्योधन (देव) सिंह /धिरेन्द्र कु.यादव
कोषाध्यक्ष-शशी पनेरु
सदस्य- भीष्म सिटौला
सदस्य- निर्मला आचार्य रहनु भएको छ।
झापाको बुद्धशान्ति गाउँपालिका वडा नं २ स्थित जयपुरमा जारी युवा आवाज बुद्धशान्तिको आयोजनामा भएको प्रथम जिल्ला स्तरीय भेट्रान्स नकआउट कप फुटबल प्रतियोगिताको हिजो भएको फाइनल खेलमा काकरभिट्टा भेट्रान्स क्लब लाई ०/२ गोल अन्तरले हराउदै आयोजक भेन्ट्रास क्लब जयपुर प्रथम जिल्ला स्तरीय भेट्रान्स नकआउट च्यालेन्ज कपको ट्रफि उचाल्न सफल भएको छ ।
खेल सुरू भएको २० औं मिनेटमा आयोजक भेट्रान्स क्लब जयपुरका पुर्ण सुब्बाले पहिलो गोल गरेका थिए भने काकरभिट्टा भेट्रान्सले भने पहिलो हाफको समय अगाडी कुनै पनि गोल गर्न सकेन ।
दोस्रो हाफमा खेलको १३ अौं मिनेटमा अायोजक भेट्रान्स क्लब जयपुरका केशव दाहालले थप १ गोल गर्दै टिमलाई थप बलियो बनाएका थिए भने काकरभिट्टा भेट्रान्सले भने निर्धारीत समयमा कुनै पनि गोल गर्न नसकेपछि ०/२ गोलको अन्तरले हार चखाउदै आयोजक भेट्रान्स जयपुर नकआउट च्यालेन्ज कपको ट्रफि उचाल्न सफल भएको हो ।
त्यस्तै फाइनल खेल अघि भएको सो म्याचमा जयपुर युवा क्लब र शिक्षक कर्मचारी बिच भएको थियो जस्मा शिक्षक कर्मचारीलाई ०–२ गोल अन्तरले हराउदै जयपुर युवा क्लब विजयी भएको थियो ।
असोज १३ गते शनिबार बाट आदर्श माध्यमिक विद्यालयको खेल मैदानमा भएको प्रतियोगितामा विभिन्न ८ वटा टिम सहभागिता रहेका थिए भने,फाइनल खेलको पहिलो विजेता टिमलाई नगद रू ५० हजार ट्रफी, मेडल र प्रमाण पत्रले सम्मान गरिएको थियो भने उपविजेता टिमलाई नगद रू ३० हजार, ट्रफी, मेडल र प्रमाण पत्रले सम्मान गरिएको थियो ।
त्यस्तै, प्रतियोगिताका उत्कृष्ट गोल किप्पर आयोजक भेट्रान्स क्लब जयपुरका रूपक गुरूङ भएका थिए भने उच्च गोलकर्ता मित्र बस्नेत भए, आयोजक टिम बाट नै केशव राज दाहाल,म्यान अफ द म्याच घोषित भएका थिए भने म्यान अफ द म्यान घोषित भएका गुरूङलाई बर्खा स्मृति प्रतिष्ठानका अध्यक्ष मदन प्रसाँइले पुरस्कार वितरण गर्नु भएको थियो ।
नकअाउट कपको प्रत्येक खेलमा म्यान अफ द म्याच घोषित भएका खेलाडीलाई बुद्धशान्ति स्थित बर्खा स्मृति प्रतिष्ठानका तर्फबाट पुरस्कृत गर्दै अाएको युवा अावाज बुद्धशान्तिका अध्यक्ष सेमन्त पोख्रेलले जानकारी बताउनु भयो ।
शनिबार सम्पन्न फाइनल खेलमा जयपुर भेट्रान्स क्लबका जेष्ठ खेलाडीको रूपमा ६६ बर्षिय अशोक पोख्रेललाई सम्मान समेत गरिएको थियो, युवा आवाज बुद्धशान्तिका खेल संयोजक सुनिल भण्डारीको संयोजन संस्थाका अध्यक्ष सेमन्त पोख्रेलको अध्यक्षता साथै बुद्धशान्ति गाउँपालिका अध्यक्ष मनोज प्रसाँइको प्रमुख अातिथ्यता त्यस्तै अतिथिहरूमा वडा नं २ का वडा अध्यक्ष डिल्लि अोलि, वडा नं २ वडा सदस्यहरू विक्रम बोहोरा,अमिर श्रेष्ठ झापा जिल्ला फुटबल संघका उपाध्यक्ष मनेस दाहाल, बर्खा स्मृति प्रतिष्ठानका अध्यक्ष मदन प्रसाँइ, बुधबारे साना शहरी खाने पानि उपभोक्ता समितिका अध्यक्ष धुर्व अोलि, आदर्श मा. वि.सहायक प्रमुख बुद्धमणी गौतम, इलाका प्रहरी कार्यलय बुधबारेका प्रमुख प्रबिन भट्टराई, बुधबारे जेसिजका अध्यक्ष अर्जुन ढकाल टिमाई, पुर्व अध्यक्ष मुकेस भट्टराई, बेसक्याम प्रमुख,नाशिर मेनपावर संचालक विरेन्द्र राउत, लगायतको अातिथ्यतामा भएको कार्यक्रममा उपस्थित सम्पुर्ण अतिथिहरूलाई युवा अावाज बुद्धशान्तिका उपाध्यक्ष रमेश नेपालले साब्दिक स्वागत गर्नु भएको थियो भने कार्यक्रमको संचालन स्थानिय समाज सेवि गुरु अोलिले गर्नुभएको थियो ।
पछिल्लो समय युवा आवाज बुद्धशान्तिले समाजमा भएका नकारात्मक पक्षका विरुद्ध आवाज बुलन्द गर्दै जनचेतनामूलक कार्यक्रम गर्ने उद्देश्यले गैरराजनितिक,गैर नाफा मूलक कार्यक्रम गर्ने संस्थाको रुपमा यो संस्था स्थापना भए देखिनै जनचेतना मूलक कार्यक्रम गर्दै आएको यस संस्थाले अन्तराष्ट्रिय लागुऔषध तथा अवैध तस्कर विरुद्ध बुद्धशान्तिका विभिन्न ठाउँहरूमा जनचेतना मूलक कार्यक्रम लगायत विभिन्न सामाजिक कार्य गर्दै खेलकुदको माध्यमबाट बुद्धशान्ति गाउँपालिकालाई चिनाउन र पछिल्लो समय सानै उमेरका युवा युवती हरू लागू अौषध जस्ता विभिन्न कुराहरूमा लागेर विग्रदै गरेको अवस्थामा खेल पट्टि समय र रुचि राख्न सके राम्रो बुद्धशान्तिमा आगामी दिनमा खेलकुद क्षेत्र र खेलाडीको विकास विस्तार र प्रर्वद्धनका लागि विभिन्न खेलकुदका कार्यक्रमहरु गर्दै जाने संस्थाका अध्यक्ष सेमन्त पोख्रेलले बताउनु भयो ।
हाल संस्थाका अध्यक्षमा सेमन्त पोखरेल, उपाध्यक्षमा रमेश नेपाल, सचिवमा देवेन्द्र भण्डारी, कोषाध्यक्षमा चिन्तामणी गौतम, सदस्यहरूमा , प्रकाश खनाल, टंक खतिवडा, खिनामाया गौतम, दिपा खरेल, भावना अाचार्य, रत्नकला फुयेल,कमल भुजेल, उद्यव भण्डारी, राम धिमाल अनिल कोईराला,रहनु भएको संस्थाका उपाध्यक्ष रमेस नेपालले जानकारी दिनु भयो ।
