बुद्धशान्ति गाउँपालिकामा अन्तर मावि T-10 छात्र नकआउट क्रिकेट प्रतियोगिता २०८२ को शुभारम्भ भएको छ।
बुद्धशान्ति गाउँपालिका कार्यपालिकाको आयोजनामा आयोजित यस प्रतियोगिताको उद्घाटन गाउँपालिकाका अध्यक्ष मनोज प्रसाई र उपाध्यक्ष भवानी प्रसाद खतिवडाले संयुक्त रूपमा गर्नुभएको हो।
कार्यक्रममा गाउँपालिका पदाधिकारीहरू, विद्यालयका शिक्षक, अभिभावक, खेलाडी तथा विद्यार्थीहरूको बाक्लो उपस्थिति रहेको थियो। उद्घाटनमा अध्यक्ष प्रसाईले ब्याटिङ गरी प्रतियोगिता प्रारम्भ गर्नुभएको थियो भने उपाध्यक्ष खतिवडाले बलिङ गरेर प्रतियोगिता सुरुवात गर्नुभएको थियो।
प्रतियोगिता बुद्धशान्ति गाउँपालिका–३, पेट्रोल पम्प अगाडिको खेलमैदानमा सञ्चालन भइरहेको छ र फाइनल खेल जेठ १९ गते, सोमबार सम्पन्न हुने तय भएको छ।
विजेता टिमलाई नगद रु १२,००० सहित ट्रफी, मेडल र प्रमाणपत्र प्रदान गरिनेछ भने उपविजेतालाई नगद रु ८,००० सहित ट्रफी, मेडल र प्रमाणपत्र दिइनेछ।
इलामको सूर्योदय नगरपालिकाले पशुपालक र किसानलाई कृषि सामग्री वितरण गरेको छ ।
नगरको बार्षिक स्र्वीकृत कार्यक्रम अनुसार १४ वटै वडाका ५५५ जना पशुपालक किसानलाई अति आवश्यक पर्ने ३८ लाख रुपियाँ बराबरको कृषि सामग्री ५० प्रतिशत अनुदानमा बितरण गरेको हो ।
नगरको आर्थिक बिकास समिति संयोजक देवेन्द्र शर्माका अनुसार १२७ जना किसानलाई चार लाख बराबरको मल्चिङ प्लाष्टिक, ३३९ जना किसानलाई १२ लाख बराबरको टनेल, २६ जना किसानलाई १६ लाख बराबरको हाते ट्याक्टर र ६३ जना किसानलाई ६ लाख रुपैयाँ बराबरको काउ म्याट बितरण गरिएको छ । जसमा किसानको ५० प्रतिशत लागत साझेदारी रहेको छ ।
सामग्री बितरण कार्यक्रममा नगरका उप प्रमुख दुर्गा कुमार बरालले अनुदानमा बितरण गरिएका सामग्रीको नगरले विगतका बर्षहरुबाटै आफ्ना अनुकुल वितरण नगरेर सवै वडाको समान प्रतिनिधित्व सहित व्यवसायिक किसानहरुमा वितरण गर्ने गरेको बताउनु भयो । उहाँले वडाको सिफारिमा मात्र सामग्री बितरण गरिएको जानकारी दिनु भयो ।
उहाँले नगरले अनुगमन गर्ने क्रममा अनुदान दिइएका सामाग्रीहरु अन्यत्र विक्री वितरण गरिएको पाइएका प्राप्त हुने सुविधामा समेत कटौती गर्न सक्ने बताउनु भयो । उहाँले नगरले किसानहरुका घरमा आकस्मिक रुपमा अनुगमन गर्ने भएकाले प्राप्त सामाग्रीहरुको सदुपयोग गर्न आग्रह गर्नु भयो । उक्त कार्यक्रममा नगर प्रमुख रण बहादुर राईले कृषि र पशु क्षेत्रको बिकास र बिस्तारका लागि सामग्री हस्तान्तरण गरिएको जानकारी दिनु भयो ।
राईले नगरपालिकाले किसानहरुको सहजताको लागि कृषि एपको विकास गरिएको बताउनु भयो ।
उहँले एपमा विभिन्न रोग र निदानको बारेमा समेत जानकारी राखिएको बताउनु भयो । कार्यक्रममा वडा नं ९ का वडाध्यक्ष देवेन्द्र शर्मा, वडा नं ७ का वडाध्यक्ष एलबी राई लगायतको सहभागिता रहेको थियो ।
सूर्योदयमा चिया, स्कुस, आलु, अदुवा, अलैची , अकबरे अम्लिसो जस्ता नगदे बाली उत्पादन हुने गरेको छ । यो नगरपालिका दुध उत्पादन गर्ने अग्रणी क्षेत्र समेत हो । नगरले यस अघि नै पशुमा लाग्ने खोरेत रोग बिरुद्धको अभियान समेत संचालन गरिसकेको छ ।
झापाको बुद्धशान्ति गाउँपालिकाले स्थानीय पाठ्यपुस्तक लागू गरेको छ ।
स्थानीय पाठ्यक्रमअन्तर्गत ‘हाम्रो बुद्धशान्ति नामक’ पुस्तक प्रकाशन गरी आधारभुत तह कक्षा १ देखि ८ को स्थानीय पाठ्यक्रम बुद्धशान्ति गाउँपालिका मार्फत सार्वजनिक गरि यही शैक्षिक सत्र २०८२ बाट कक्षा १ देखि ४ सम्म लागु गर्ने कार्यतालिका अनुसार सामुदायिक तथा संस्थागत विद्यालयहरुलाई २०८२ जेठ ९ गते स्थानीय तह निर्वाचन २०७९ बाट निर्वाचित भएर पदभार ग्रहण गरेको जेठ ९ गते ठिक तेस्रो वर्ष पुरा भएको अवसरमा बुद्धशान्ति गाउँपालिका अध्यक्ष मनोज प्रसाईं र गाउँपालिका उपाध्यक्ष भवानीप्रसाद खतिवडाले स्थानीय पाठ्यक्रम हस्तान्तरण गर्नेु भएको थियो ।
बुद्धशान्ति गाउँपालिका पूर्व जनप्रतिनिधिको कार्यकालमा प्रक्रिया अघि बढाई तयारी भएको यस पाठ्यक्रम निर्माण समिति ,संवाद सहजीकरण समुह र सम्पादन मण्डललाई गाउँपालिका अध्यक्ष तथा उपाध्यक्षले विशेष धन्यवाद दिनु भएको छ ,।
इलामको रोङ गाउँपालिका शिक्षा क्षेत्रमा कोशी प्रदेशकै उत्कृष्ट पालिकाका रूपमा छनौट भएको छ।
देशभरका सामुदायिक विद्यालयका प्रधानाध्यापकको संस्था प्रिन्सिपल्स एसोसिएसन अफ् नेपाल(प्यान)ले रोङ गाउँपालिकालाई शिक्षा क्षेत्रमा गरेको योगदानका आधारमा कोशी प्रदेशको उत्कृष्ट पालिकाका रूपमा छनौट गरेको हो ।
एसोसिएसनले शिक्षा क्षेत्रमा अतुलनीय योगदान गरेका उत्कृष्ट पालिका, विद्यालय र प्रधानाध्यापकलाई पुरस्कृत गर्न गठित मूल्याङ्कन समितिले कोशी प्रदेशमा रोङ गाउँपालिकालाई छनौट गरेको बिज्ञप्तीमा जनाएको छ ।
प्राध्यापक डाक्टर बिद्यानाथ कोइरालाको संयोजकत्वमा गठित समितिले बिभिन्न २५ वटा मापदण्डका आधारमा रोङ गाउँपालिकालाई छनौट गरेको प्यानका अध्यक्ष सुदाम प्रसाद गौतमले जानकारी दिनु भयो ।
प्यानले जेठ २६ गते पोखरा सभा गृहमा कार्यक्रम गरी पुरस्कार तथा सम्मानपत्र वितरण गर्ने जनाएको छ ।
शिक्षाका सूचकमा शिक्षामा गरेको लगानीमा ३० अङ्क, निःशुल्क र समावेशी शिक्षामा १० अङ्क, दीर्घकालीन योजनामा १० अङ्क, असल अभ्यासमा २० अङ्क, प्राविधिक सञ्चालनमा १० अङ्क, स्थानीय पाठ्यक्रम तथा प्रविधिमा १० अङ्क र सुशासनमा १० अङ्क गरी मूल्याङ्कन गरेको थियो।
रोङ गाउँपालिकाले प्रविधिमैत्री बिद्यालय निर्माण गरी अविभावक शिक्षा लागु गरेको छ । यस पालिकामा महिनामा एक दिन बिद्यार्थी घर बसेर अविभावक पढन बिद्यालय जाने गरेको गाउँपालिकाका शिक्षा शाखा प्रमुख श्रुती तामाङले जानकारी दिनु भयो ।
पालिकाले विज्ञान प्रदर्शनी, बाल बचत खाता सञ्चालन गर्दै आएको गाउँपालिकाका अध्यक्ष मनिकुमार स्याङबोले जानकारी दिनु भयो । बाल बचतमा एक करोड हाराहारी रकम जम्मा भैसकेको छ ।
उहाले भन्नु भयो‘शिक्षालाई हामीले निक्कै प्राथमिक्ता दिएका छौ, यो मुल्याङ्कनले काम गर्ने साथीहरु र पालिकालाई हौसला मिलेको छ ।’ पालिका भित्र ३० वटा सामुदायिक र २ वटा संस्थागत बिद्यालय रहेका छन् ।
आज बिहान रोङ गाउँपालिका ४ स्थित मेची राजमार्गमा झापाबाट इलामतर्फ जाँदै गरेको प्र १–०१–००१ च १२५२ नं. को किराना सामान बोकेको मिनी ट्रक ब्रेक फेल भई सडकदेखि करिब ५०० मिटर तल खसेर दु*र्घटना भएको हो ।
दुर्घटनामा मिनी ट्रकका सहचालक झापा बुद्धशान्ति –५ बस्ने ४१ वर्षीय कुमार श्रेष्ठ घा*इते भएका छन् ।
ट्रक चालक झापा मेचीनगर –१५ ज्यामिरगढी बस्ने ४१ वर्षीय राजेन्द्र मुखियालाई प्रहरी चौकी किटेनीले नियन्त्रणमा लिएको छ । ट्रक घटनास्थलमै रहेको र निकाल्ने पहल भइरहेको इलाम प्रहरीले जनाएको छ
झापाको बुद्धशान्ति गाउँपालिका वडा नम्बर १ मा संघीय र प्रदेश सरकारका २९ वटा योजना सञ्चालनमा छन् ।
चालु आर्थिक वर्षमा सडक कालोपत्रे, सिँचाइ, खोला–पैनीको मुहान संरक्षण, मलामी घाट निर्माण, शिक्षा लगायतका २९ वटा योजना सञ्चालनमा रहेको बुद्धशान्ति–१ का वडा अध्यक्ष अनिल वाग्लेले जानकारी दिनु भयो ।
वडाको विकासका लागि संघ र प्रदेश सरकारमा कार्यक्रम लिएर धाइरहेको छु”, वडा अध्यक्ष वाग्लेले भने, “आवश्यकता धेरै छन्, प्राथमिकताका आधारमा काम भइरहेको छ ।”
कतिपय योजना सम्पन्न भइसकेका छन् भने कतिपय योजना सम्पन्नको चरणमा रहेको वडा अध्यक्ष वाग्ले बताउँनु हुन्छ। वडामा कृषि क्षेत्रलाई विशेष प्राथमिकतामा राखिएको छ । सिँचाइका लागि एक दर्जन पैनी–खोलामा संघ, प्रदेश, गाउँपालिका र वडाको बजेटबाट ‘क्यानल’ निर्माण भइरहेको छ । वडाको लक्ष्मी–बिरिङ पैनीको मुहान क्षेत्र संरक्षणका लागि संघ र प्रदेशको बजेटबाट ‘बिग बोल्डर’ निर्माण गरिएको उहाँले बताउनु भयो ।
व्यावसायिक कृषिलाई जोड दिँदै आएको वडाले लागत सहभागितालाई प्राथमिकतामा राखेको छ । मागअनुसार ५० प्रतिशत लागत सहभागितामा ३५० जना कृषकलाई फलामे हलो, एक चक्के ठेला, स्प्रे ट्यांकी, टनेल, सिँचाइ मोटर वितरण गरिएको छ ।
सुपारी खेती प्रशस्त रहेकाले घुसुवा बाली प्रबद्र्धनअन्तर्गत मरिच खेती गर्न चाहने कृषकलाई वडाले मरिचको बिरुवा वितरण गर्न लागेको छ । पशुपालक कृषिकलाई प्रोत्साहितका लागि कृषकबाट १०० र वडाको ३०० लगानीमा गाई–भैँसीको कृत्रिम गर्भाधान सेवा प्रदान गरिँदै आएको छ । वडाले बाह्रमासे कटहर र फलफूलका बिरुवा समेत वितरण गरेको छ ।
गोबर ग्यासका लागि १० हजार
कृषकको आम्दानी बृद्धिमा सहयोग पुर्याउने उद्देश्यले गोबर ग्यास प्लान्ट निर्माणका लागि १० हजार रुपैयाँ अनुदान दिने गरिएको छ ।
गत आर्थिक वर्षमा २९ वटा र चालु आर्थिक वर्षमा २१ वटा गरी ६ घनमिटरको ५० वटा गोबर ग्यास प्लान्ट निर्माण भइसकेको वडा सदस्य लक्ष्मी कडेलले जानकारी दिनु भयो ।
गोबर ग्यास प्लान्ट निर्माणका लागि संघीय सरकारले प्राविधिक सहयोगसहित चुल्हो, पाइप लगायतका आवश्यक सामान प्रदान गर्ने गरेको उहाँले बताउनु भयो ।
ग्यास प्रतिस्थापनको प्रयास
भान्साबाट सिलिन्डर ग्यास प्रतिस्थापन गर्नु साथै भान्साको खर्च कटौती गराउने उद्देश्यले वडाले विद्युतीय (इन्डक्सन) चुल्हो वितरण गरिरहेको छ । यो वर्ष २४० घरपरिवारलाई तीन हजार २७० रुपैयाँ पर्ने विद्युतीय चुल्हो वितरण भइरहेको वडा सदस्य मोहनकुमार राईले बताउनु भयो । जसमा ५० प्रतिशत लाभग्राहीले व्यहोर्नुपर्ने उहाले बताउनु भयो ।
वडाको ७४ लाख, वडा गौरवअन्तर्गत ३० लाख र वडाबासीसँगको ७०/३० लागत साझेदारीमा २४ लाख गरी एक करोड २८ लाख रुपैयाँ वडाको बजेट रहेको वडा सचिव लोकमाया बानियाँले जानकारी दिनु भयो ।
गत स्थानीय तह निर्वाचनबाट वडा अध्यक्ष अनिल वाग्ले, वडा सदस्य लक्ष्मी कडेल, मोहनकुमार राई, तुलसा खतिवडा रेग्मी र सुमित्रा रसाइली निर्वाचित हुनुभएको थियो
इलामको रोङ गाउँपालिकाले प्रबर्धन गरेपछि कृषि उत्पादनहरु प्रशोधन भइ बजारमा आउन थालेको छ ।
यसै क्रममा रोङ ३ मा सञ्चालित इको चिया उत्पादक सहकारी सस्थाले उत्पादन गरेको बेसार बजारमा आएको छ । सहकारीले यसबर्ष ८०० केजी प्रशोधित बेसार बजारमा ल्याइएको सस्थाका उपाध्यक्ष लिला देबी खवासले बताउनुभयो ।
१ केजी, आधा केजी र २५० ग्रामको प्याकेटमा रोङ बेसार बजारमा उपलब्ध हुने छ । धोएर बोक्रा तासेर धुलो बनार्ईएको बेसार सुध्द र सफा रहेको बताइएको छ । बेसार खरिद गर्न चाहनेले रोङ गाउपालिका ३ कोल्बुङ स्थीत सस्थाको कार्यालयमा सम्पर्क गर्न सकिने सस्थाका अध्यक्ष रनबहादुर गुरुङले बताउनुभयो ।कपुरकोट १ जातको बेसार रोङमा राम्रो उत्पादन हुने गर्दछ । सहकारी एकीकरण भएपछि चिया संगसगै बेसार कफि र अलैचीका किसानहरुको लागि सहकारीले कार्यक्रम गर्दै आएको गाउपालिका अध्यक्ष मणिकुमार स्याङ्वो सुवासले बताउनुभयो ।
रोङमा यस अघिबाट नै सहकारी मार्फत गुन्द्रुक उत्पादन हुदै आएको छ । देवनछाप साना किसान सहकारी सस्थाले उत्पादन गरेको गुन्दुकलाई उपभोक्ताले रुचाएका छन् । माग अनुसार उत्पादन गर्न नसक्दा बजारको समस्या नभएको साना किसान सहकारीको पूर्व अध्यक्ष बमबहादुर राईले बताउनु भयो ।
रोङमा चिया सिस्नो करेला तथा महलाई समेत पालिकाले प्रबर्धन गरेपछि उत्पादनमा किसानहरुलाई प्रोत्साहन मिलेको छ ।
झापाको मेचीनगर–७ स्थित जोरसिमलबाट बुधबार प्रहरीले ठूलो परिमाणमा भारतीय रुपैयाँसहित एक जनालाई पक्राउ गरेको छ । सशस्त्र प्रहरी बल नेपाल, प्रस्तावित सीमा सुरक्षा गुल्म काँकडभिट्टाबाट खटिएको गस्तीले मेचीनगर–७ स्थित जोरसिमलमा काँकरभिट्टाबाट विराटनगरतर्फ जाँदै गरेको यात्रुबाहक बसमा शङ्का लागि जाँच गर्ने क्रममा भारु १४ लाख ९९ हजार सात सयसहित मोरङ उर्लाबारी–८ का ३८ वर्षीय डम्बरबहादुर कार्कीलाई पक्राउ गरिएको सशस्त्र प्रहरी बल नेपाल नम्बर २ गण हेड क्वाटर झापाका सशस्त्र प्रहरी नायब उपरीक्षक सुमन पोखरेलले जानकारी दिए ।
बरामद नगदसहित कार्कीलाई आवश्यक कारबाहीका लागि आन्तरिक राजस्व कार्यालय, इटहरीमा बुझाउने प्रक्रिया भइरहेको सशस्त्र प्रहरीले जनाएको छ ।
झापाको मेचिनगर–१३ स्थित पूर्व–पश्चिम राजमार्गमा आज साँझ ट्रक र मोटरसाइकल एकआपसमा ठोक्किँदा मोटरसाइकल चालकको ज्यान गएको छ।
बिर्तामोडबाट चारआलीतर्फ जाँदै गरेको ना ३ ख २३५३ नम्बरको ट्रकले सोही दिशातर्फ जाँदै गरेको मे ८ प ६४९८ नम्बरको मोटरसाइकललाई ठक्कर दिँदा अर्जुनधारा नगरपालिका–१० का अन्दाजी ६८ वर्षीय टंकप्रसाद बराल गम्भीर घाइते भएका थिए।
उनलाई तत्काल उपचारका लागि बीएण्डसी अस्पताल बिर्तामोड लगिएको थियो। तर, अस्पताल पुर्याएपछि साँझ ६:२० बजे चिकित्सकले मृत घोषणा गरेका छन्।
उनलाई तत्काल उपचारका लागि बीएण्डसी अस्पताल बिर्तामोड लगिएको थियो। तर, अस्पताल पुर्याएपछि साँझ ६:२० बजे चिकित्सकले मृत घोषणा गरेका छन्।मृतकको शव सोही अस्पतालमा राखिएको छ। दुर्घटनामा संलग्न ट्रक र चालक प्रहरीको नियन्त्रणमा रहेको जनाएको छ। चालकको पहिचान पाँचथरको फिदिम नगरपालिका–११ निवासी अन्दाजी ३८ वर्षीय ठालु प्रसाद एक्तेन (लिम्बु) का रूपमा खुलेको छ।
दुर्घटनासम्बन्धी थप अनुसन्धान भइरहेको प्रहरीले जनाएको छ।
राष्ट्रिय स्वतन्त्र पार्टी (रास्वपा) सभापति तथा पूर्वगृहमन्त्री रविलामिछानेविरुद्ध मुद्दा हाल्दा रूपन्देही जिल्ला प्रहरीले छलछाम गरेको आशंका उत्पन्न भएको छ । एक सहकारी बचतकर्ताले आफूले बचत फिर्ताका लागि हालेको उजुरीलाई प्रहरीले अनुमतिविना रविविरुद्ध प्रयोग गरेको आरोप सार्वजनिक रूपमा लगाएका छन् ।
रविविरुद्ध पूरक जाहेरी दिएको भनिएका ७ जनामध्येका एक नारायण पहराईले आज फेसबुकमा स्टाटस लेख्दै यस्तो आरोप लगाएका हुन् । उनको नाम ७ जनामध्ये पहिलो नम्बरमा थियो ।
