नारायणगढ–मुग्लिन सडकखण्ड बन्द हुने समय तालिका परिवर्तन गरिएको छ।
नागढुङ्गा–मुग्लिन सडक आयोजना पश्चिमखण्ड (नारायणगढ–मुग्लिन) ले एक सूचना जारी गर्दै समय तालिका परिवर्तन भएको जनाएको हो।
तुइन खोलामा पुल बनाउन भित्तो काट्नुपर्ने भएपछि शनिबारदेखि दैनिक चार घण्टा सवारीसाधन रोकिएको छ।
बिहान ११ बजेदेखि दिउँसो ३ बजेसम्म सवारीसाधन रोक्ने भनिए पनि सो समय तालिका परिवर्तन गरिएको हो। परिवर्तित समयअनुसार दिउँसो १२ बजेदेखि ४ बजेसम्म सडकखण्ड बन्द गरिने भएको छ।
भिर भएको ठाउँमा पुल बनाउनुपर्ने र डाइभर्सन बनाउन सम्भव नभएपछि सवारीसाधन नै रोकेर काम गर्न लागिएको आयोजनाका सूचना अधिकारी ई कृष्ण आचार्यले जानकारी दिए। उनका अनुसार चितवन र तनहुँतर्फका विभिन्न छ स्थानमा सवारीसाधन रोकिनेछ।
नारायणगढबाट मुग्लिनतर्फ जाने सवारीसाधनमध्ये यात्रुवाहक सवारीसाधन पन्ध्रकिलो बजारदेखि जुगेडीसम्म रोकिने छ भने मालबहाक सवारीसाधन भतेरी जङ्गलदेखि रामनगरसम्म रोकिनेछ।
काठमाडौंबाट आउने यात्रुवाहक सवारीसाधन मुग्लिन बजारदेखि मनकामना केबलकारसम्म र मालवाहक सवारीसधान लेवाटारमा रोकिने उनले जानकारी दिए। यसैगरी पोखराबाट आउने यात्रुवाहक सवारी साधनलाई बेनीटारदेखि पावरहाउससम्म र मालवाहक सवारी साधनलाई सत्रसय फाँटमा रोकिनेछ।
सूचना अधिकारी आचार्यका अनुसार पहिलो चरणमा तीन हप्ताका लागि सडक रोकेर भित्तो काटिनेछ। गत वर्ष भित्तो काटिए पनि कडा चट्टानका कारण काम कठिन भएकाले विस्फोट गराउनका लागि रोकिएको थियो। विस्फोटको अन्तिम तयारी गर्दैगर्दा पुनः एकपटक सडक रोकेर काट्ने तयारी गरिएको हो।
राजधानी काठमाडौंबाट तराईको जिल्ला बाहिरिने र भित्रने प्रमुख सडकका रुपमा रहेको यो सडक हुँदै दैनिक १० हजारभन्दा बढी सवारीसाधन आवतजावत गर्छन्।
चितवन जिल्ला ट्राफिक प्रहरी कार्यालयले चार घण्टा सवारीसाधन रोकिने भएकाले वैकल्पिक बाटो प्रयोग गर्न अनुरोध गरेको छ। कार्यालयले चार घण्टासम्म रोकिएका सवारीसाधन पठाउन लामो समयसम्म ट्राफिक जाम हुनसक्ने भएकाले सम्भव भएसम्म वैकल्पिक बाटो प्रयोग गर्न अनुरोध गरेको हो।
पौष २ गते सोमबार देखि सन्चालन भएको वार्षिक उत्सवमा कार्यक्रममा विभिन्न सदनात्मक खेलकुद हाजिरी जबाफ वक्तिवकला निबन्ध लेखन चित्रकला जस्ता विभिन्न कार्यक्रम गरिएको थियो ।
कार्यक्रममा पालिका स्तरिय हाजिरी जवाफ समेत गरिएको थियो हाजिरी जवाफ प्रतियोगितामा ६ वटा बिद्यालय हरू सहभागी भएका थिए जस मध्ये शिशु सुधार आधारभुत बिद्यालय प्रथम गणेश मा.वि.दोस्रो र सरस्वती आधारभुत विद्यालय तेस्रो भएको थियो ।
कार्यक्रममा बिद्यालयका शिक्षक अभिभावक संघ का अध्यक्ष गोपीकृष्ण दाहाल ले उपस्थित सम्पुर्ण अतिथिहरूलाई स्वागत गर्नुभएको कार्यक्रममा शुभकामना मन्तव्य राख्दै प्रमुख अतिथि भवानी प्रसाद खतिवडाले भन्नू,भयो गाउँपालिकाले बुद्धशान्ति गाउँपालिका भरिका विद्यालयहरूमा हाम्री आमा राम्री आमा कार्यक्रम बुद्धशान्तिमै पहिलो पटक सूरू गरिएको र यस कार्यक्रमले शिक्षा क्षेत्रमा निकै प्रभावकारी भुमिका खेल्ने बताउदै विद्यालयको थप सुधार र गुणस्तरीय शिक्षाको सहयोग र समन्वय गर्न साथै बुद्धशान्ति गाउँपालिकाको विकास विस्तार र प्रवर्धनमा स्थानीय सरकार सदैव तयार रहेको बताउनु भयो ।त्यस्तै कार्यक्रममा आफ्ना भनाई राख्दै बुद्धआदर्श माध्यमिक बिद्यालय का प्रधानाध्यापक कृष्णराज भण्डारीले शिक्षा सुधारमा शिक्षक जिम्मेवार भए पुग्छ भन्ने सोचाई छ । यो गलत सोचाई हो,’ उहाले भन्नु भयो ‘यो गलत बुझाइलाई चिर्नका लागि अभिभावक लागि पर्नुपर्छ । जति शिक्षक जिम्मेवार हुन्छन् त्यति नै विद्यार्थी, र अभिभावक पनि जिम्मेवार हुनुपर्ने बताउनु भयो ।
शुक्रबार भएको समापन कार्यक्रम मा विभिन्न मनोरञ्जनात्मक कार्यक्रम साथै सदनात्मक नृत्य समेत प्रस्तुत गरिएको थियो ।
संस्थाको आफ्नै भवनमा भएको वार्षिक साधारण सभामा संस्थाका अध्यक्ष चन्द्र प्रसाद अधिकारीको अध्यक्षता त्यस्तै बुद्धशान्ति गाउँपालिका वडा नं. ३ का वडाध्यक्ष पर्शुराम चेम्जोङको प्रमुख आतिथ्यतामा सम्पन्न साधारण सभामा बुद्धशान्ति साना शहरी खानेपानी तथा सरसफाई उपभोक्ता समितिका उपाध्यक्ष चन्द्र प्रकास कोईराला, चर्चाबारी खानेपानिका अध्यक्ष खड्ग कुमार खनाल , शिशु सुधार आधारभुत विद्यालयका प्रधानाध्यापक पदम बहादुर थापा, संस्थाका पुर्व अध्यक्षहरू मनोरथ तिवारी, युवराज बास्तोला , खेमराज बास्तोला विचारी धिमाल निवर्तमान अध्यक्ष विष्णुलाल रिजाल, निवर्तमान अध्यक्ष ,सल्लाहकार संयोजक, लेखा संयोजक लगायतको आतिथ्यतामा भएको कार्यक्रममा संस्थाका उपाध्यक्ष देवी प्रसाद अधिकारीले उपस्थित सम्पूर्णलाई शाब्दिक स्वागत गर्नु भएको थियो ।
त्यस्तै कार्यक्रममा बुद्धशान्ति ३ का वडाध्यक्ष पर्शुराम चेम्जोङ, सानाशहरी खानेपानी तथा सरसफाई उपभोक्ता समितिका उपाध्यक्ष चन्द्र कोइराला, आदर्श नमुना सामुदायिक वन उपभोक्ता समितिका सचिव मीना अधिकारी संस्थाका पुर्व अध्यक्ष मनोरथ तिवारी, युवाराज बास्तोला ,लगायतले शुभकामना मन्तव्य राख्नु भएको थियो ।
शुक्रबार सम्पन्न भएको साधारण सभामा संस्थाले गरेका विविध कार्यक्रमहरुको बारेमा प्रष्ट पार्दै संथाका अध्यक्ष चन्द्र अधिकारीले प्रगति प्रतिवेदन समेत प्रस्तुत गर्नु भएको थियो भने संस्थाकी सचिव नर्वदा बाँस्कोटाले कार्यक्रमको संचालन गर्नु भएको थियो । कार्यक्रममा उपस्थित सम्पुर्ण अतिथिहरूलाई मायाको चिनो द्वारा सम्मान समेत गरिएको थियो ।
अब बन्ने नयाँ नेत्रित्व चयनका लागि निर्वाचन समिती समेत चयन भएको छ । समितिमा चन्द्र प्रकाश कोइलाको संयोजकत्वमा दुई सदस्य सोभा खनाल र पुन्य प्रसाद खतिवडा चयन हुनुभएको छ ।
बिहिवार विद्यालयको सभाहलमा भएको कार्यक्रममा विद्यालयका शिक्षक अभिभावक संघका अध्यक्ष राजेन्द्र राईको अध्यक्षता बुद्धशान्ति गाउँपालिका उपाध्यक्ष भवानि प्रसाद खतिवडाको प्रमुख अातिथ्यता रहेको थियो ।
२०० भन्दा वढिको अभिभावक आमाहरूको उपस्थितिमा भएको अन्तरकृयामा श्री आदर्श माद्यमिक विद्यालयका शिक्षक हरिभक्त दाहालले कार्यक्रमको अौचित्यमाथि प्रकाश पार्दै कार्यक्रमको सहजिकरण गर्नुभएको थियो ,।
कार्यक्रममा शुभकामना मन्तव्य राख्दै प्रमुख अतिथि भवानि प्रसाद खतिवडाले भन्नू,भयो हाम्री अामा राम्री अामा कार्यक्रम बुद्धशान्तिमै पहिलो पटक सूरू गरिएको र यस कार्यक्रमले शिक्षा क्षेत्रमा निकै प्रभावकारी भुमिका खेल्ने बताउदै विद्यालयको थप सुधार र गुणस्तरीय शिक्षाको सहयोग र समन्वय गर्न साथै बुद्धशान्ति गाउँपालिकाको विकास विस्तार र प्रवर्धनमा स्थानीय सरकार सदैव तयार रहेको बताउनु भयो ।
बुद्धशान्ति १ स्थित बुद्वआदर्श माध्यमिक विद्यालयको सभाहलमा भएको कार्यक्रममा बुद्धआदर्श माध्यमिक बिद्यालय व्यवस्थापन समितिका सल्लाहकार संयोजक चन्द्र प्रकाश कोईराला ,बुद्धशान्ति गाउँपालिका वडा नं १ कार्यपालिका सदस्य तुलसा रेग्मी खतिवडा , वडा सदस्य सुमित्रा रसाईलि विद्यालय ब्यवस्थापन समितिका सदस्य शोभा पौडेल लक्ष्मी प्रसाद कँडेल गंगा सुवेदी विशेष आतिथ्यता रहेको थियो । 
