Suryodaya Online News

सुनसरी — इटहरी उपमहानगरपालिकाले बिहीबारदेखि अनलाइनबाटै घरको नक्सा पास गर्न सुरु गरेको छ । इलेक्ट्रोनिक बिल्डिङ पर्मिट सिस्टम (इबीपीएस) सफ्टवेयर जडान गरेर बिहीबारबाट सुरु भएको उक्त सेवाको नगरप्रमुख हेमकर्ण पौडेलले उद्घाटन गरे । कागजरहित अवधारणा अनुसार अघि बढेको इटहरीले घर–नक्साको काम विद्युतीय प्रणालीबाट गर्ने व्यवस्था मिलाएको हो । छिटो–छरितो सेवा प्रवाहको साथै नगरवासीको सहजता र भवन निर्माण मापदण्डलाई थप प्रभावकारी बनाउन नक्सा पासलाई अनलाइन प्रणालीमा लगिएको नगर प्रमुख पौडेलले बताए ।

विद्युतीय प्रणालीबाट नक्सा पास गराउँदा सम्बन्धित व्यक्ति सेवा लिनको लागि लाइनमा बस्न र फाइल बोकेर दौडिरहन नपर्ने पौडेलको भनाइ छ । वार्षिक २ हजारको संख्यामा घर तथा भवन निर्माण भइरहेको इटहरीमा विद्युतीय प्रणालीबाट नक्सा पास गराउँदा फाइल सुरक्षित रहने तथा नगरलाई पनि तथ्यांक राख्न र जुनसुकै बेला खोज्न सहज हुने उपमहानगरले जनाएको छ ।
समयको माग, भवन निर्माण आचारसंहिता पालना र नक्सा बनाउने प्रक्रिया पारदर्शी गराउँदै इटहरीलाई स्मार्ट सहरको रुपमा विकास गर्ने योजना अन्तर्गत अनलाइन नक्सा पास प्रणाली थालिएको नगर प्रमुख पौडेलको भनाइ छ । सेवा प्रारम्भकै दिन पहिलो पटक अनलाइनबाटै नक्सा पास गर्ने इटहरी १ का आशिष कार्कीलाई सम्मान समेत गरिएको छ।यो प्रणाली अनुसार घर नक्सा दर्तादेखि सम्पन्नताको प्रमाणपत्र दिनेसम्मका काम अनलाइनबाट हुने इञ्जिनियर कैलाश तिम्सिनाले बताए । यसले सेवा प्रवाहमा हुने ढिलासुस्ती र बाहनाबाजीलाई निरुत्साहित गराउने उनको दाबी छ ।

झापाको बुद्धशान्ति गाउँपालिका वडा नं १ मा रहेको पाथिभरा महिला सामुदायिक नागरिक सचेतना विकास केन्द्र बुद्धशान्तिले मंगलबार एक कार्यक्रमको आयोजना गरी लैङ्गिक हिंसा निवारण तथा मानव बेचबिखन नियन्त्रण १५ दिने तालिम आज वाट सुरू गरेको छ ।

बुद्धशान्ति वडा नं १ को वडाकार्यलयको भवनमा उक्त कार्यक्रम गरिएको थियो । पाथिभरा महिला सामुदायिक नागरिक सचेतना विकास केन्द्र बुद्धशान्तिकी अध्यक्ष छत्रमाया फुयेलको अध्यक्षतामा भएको कार्यक्रममा बुद्धशान्ति गाउँपालिका वडा नं १ वडा अध्यक्ष अनिल वाग्लेको प्रमुख आतिथ्यता रहेको थियो । कार्यक्रममा कार्यपालिका सदस्य तुलसा खतिवडा बुद्धशान्ति महिला साखा प्रमुख मिना बिस्ठ वडा नं १ वडा सदस्य लक्ष्मि कडेल , सदस्य सुमित्रा रसाईलि , प्रशिक्षणको लागी काठमाण्डौ वाट आउनु भएका अधिवक्ता रन्जिता कार्कि साथै अधिवक्ता इन्दिरा नेपाल लगायतको विशेष आतिथ्यतामा रहेको थियो।

कार्यक्रममा कार्यपालिका सदस्य साथै संस्थाकी उपाध्यक्ष समेत रहनुभएकी तुलसा खतिवडाले उपस्थित सम्पूर्ण अतिथिहरुलाई शाब्दिक स्वागत गर्नु भएको थियो ।

कार्यक्रममा शुभकामना मन्तव्य राख्दै प्रमुख अतिथि वडा नं १ वडा अध्यक्ष अनिल वाग्लेले सामाजिक सञ्जालबाट पनि महिलामा हिंसा बढिरहेको बताउँदै अन्धविश्वास, कुरिती, कुसंस्कारले हिंसालाई बढावा दिन सहयोग पुगेको बताउनु भयो । यस्ता खलका घटनालाई रोक्न गाउँगाउँमा चेतना छर्नुपर्ने । वौद्धिक क्षेत्रमा पनि महिलाहरु हिंसामा पर्नुपरेको बताउँदै यस्तो स्थितिबाट निस्कनका लागि वडा मात्र नभई सबै लाग्नु पर्नेमा जोड दिनुभयो।

कार्यक्रममा शुभकामना मन्तव्य राख्दै बुध्दशान्ति महिला साखा प्रमुख मिना विस्ठले बुद्धशान्तिका विकास, विस्तार र प्रर्वद्धनका लागि पाथिभरा महिला सामुदायिक नागरिक सचेतना विकास केन्द्रले ठूलो भुमिका खेलेको साथै बुद्धशान्ति गाउँपालिका भरिका सातै वटा वडाहरूमा यो कार्यक्रम गरिने बताउनु भयो । आज बाट सुरू भएको यो कार्यक्रम प्रतेक वडामा ३ /३ दिन गरेर सातै वटा वडामा गरि १५ दिन सम्म यो कार्यक्रम सन्चालन हुने बताउनु भयो ।

त्यस्तै कार्यक्रममा उपस्थित भएका १०० बढि सहभागी हरूलाई काठमान्डौ वाट आउनु भएकी अधिवक्ता रन्जिता कार्कि साथै अधिवक्ता इन्दिरा नेपालले प्रशिक्षण दिनुभएको थियो ।
प्रशिक्षणका क्रमम उहाँले महिलाले अन्तरिक्षमा सफल अवतरण गरेको आधा सतक भन्दा बढीको समय बित्दा पनि हाम्रो समाजमा अझै महिलालाइ पुरुषभन्दा कमजोर मानि फरक व्यवहार गरिएका थुप्रै घटना हरु भेटिन्छन उहाँले भन्नू भयो ।
महिला भएकै कारणले उनीहरुमाथि फरक व्यवहार बाट उत्पन्न शारीरिक, मानसिक, यौनिक, आर्थिक दुर्व्यवहार,
बलात्कार, घरेलु हिंसा, यौन शोषण, चेलीबेटी बेचबिखन र ओसारपसार, दाइजो प्रथा, बोक्सी को आरोप मा दिईने यातना, गरिबी, गालीगलौज, बहुविवाह, भ्रुणहत्या, जबरजस्ती बिवाह आदि बाट पनि महिलाहरू हिंसा परेको बताउनु भयो।

बुद्धशान्ति वडा नं १ को वडाकार्यमा भएको कार्यक्रममाको संन्चालन संस्थाकि सचिब संगिता रिजाले गर्नुभएको थियो।

नेपाल मगर संघ बुद्धशान्ति गाउँ समितिको अध्यक्षमा शिव थापा मगर सर्बसम्मत चयन भएका छन् ।

बुद्धशान्ति–४ स्थित जेष्ठ नागरिक भवनमा शनिवार संघको दोस्रो अधिवेशनबाट १० सदस्यीय समिति गठन गरिएको हो । समितिको उपाध्यक्षमा चुडामणी राना मगर, सचिवमा लक्ष्मण क्याच्छाकी मगर, सह–सचिव विरेन्द्र सिंजाली मगर र कोषाध्यक्षमा विष्णुकुमारी मगर चयन भएका छन् ।
त्यस्तै, सदस्यहरुमा शोभा मगर, मन्जु राना मगर, सीताराम बलम्पाकी मगर, रमेश थापा मगर र लीला सिंजाली मगर रहेका छन् । नेपाल मगर संघ बुद्धशान्तिका अध्यक्ष मदन मगरको सभापतित्वमा भएको कार्यक्रममा जिल्ला अध्यक्ष विकास थापा मगरको प्रमुख आथित्य रहेको थियो ।

सोही कार्यक्रममा नेपाल मगर संघ पूर्व केन्द्रिय सदस्य तथा पूर्व झापा जिल्ला अध्यक्ष सुन्दर क्याच्छाकी मगर, मगर वाप्पा(पुरोहित) याम पिठाकोठे मगर, शुक्र बलम्पाकी मगर र राम पूर्वछाने मगरलाई सम्मान–पत्र र दोसल्ला ओडाई सम्मान गरिएको थियो । कार्यक्रममा नेपाल मगर संघ जिल्ला सचिव अम्वर मगर, जिल्ला सल्लाहाकार समिति सदस्य दल बहादुर पुलामी मगर, नेपाल मगर संघ बुद्धशान्ति–१ का अध्यक्ष बिरेन्द्र मगर, शोभा मगर लगायतले शुभकामना मन्तब्य राखेका थिए ।सिद्धार्थ बौद्ध गुम्वाका अध्यक्ष चोकबहादुर बलम्पाकी मगरले स्वागत गरेको कार्यक्रमको संचालन नेपाल मगर संघ बुद्धशान्तिका सह–सचिव लक्ष्मण मगरले गरेका थिए ।

बुद्धशान्ति उद्योग बाणिज्य संघको तेस्रो बार्षिक साधारणसभा शनिवार सम्पन्न भएको छ । बुद्धशान्ति–३ स्थित रामजानकी मन्दिरको सभाहलमा भएको कार्यक्रममा संस्थाका पूर्व अध्यक्ष गोविन्द पौड्यालले स्वागत मन्तब्य राख्दै कोरोना कहरले लडाएको ब्यवसायीलाई विभिन्न वित्तिय संस्थाले बढाएको ब्याजदरले झन् मर्कामा पारेको बताए । उनले अव्यवस्थित बजारलाई ब्यवस्थित बनाउन, ब्यापारीको गुनासो र समस्याका बारे स्थानीय–तहले सुनुवाई गरिदिन आग्रह गरे ।
कार्यक्रमका प्रमुख अथिति गाउँपालिका अध्यक्ष मनोज प्रसाईले जनप्रतिनीधि भएको ९ महिनाको दौरानमा बजार ब्यवस्थापनका लागि सिसी क्यामरा जडान, अब्यवस्थित संरचनाको सुधार, फोहोर मैला ब्यवस्थापन तथा बजार भित्रका सडक मर्मत लगायतको काम गरेको भन्दै उनले आगामी दिनमा बजार ब्यवस्थित गर्न ब्यवसायीहरुलका लागि ब्यापारिक स्टल र पार्किङको ब्यवस्थापनमा सहयोग गर्ने प्रतिबद्धता समेत जनाए । उनले ब्यवसायीहरुको गुनासो र समस्याका बारेमा पालिकाले सुनुवाई गर्ने पनि बताए । बुद्धशान्ति उद्योग बाणिज्य संघको बार्षिक प्रतिवेदन संस्थाका अध्यक्ष चन्द्रप्रसाद उप्रेतीले प्रस्तुत गरेका थिए ।

बाणिज्य संघका अध्यक्ष चन्द्रप्रसाद उप्रेतीको अध्यक्षता तथा बुद्धशान्ति गाउँपालिकाका अध्यक्ष मनोज प्रसाईको प्रमुख आतिथ्यता तथा संस्थाका पूर्व अध्यक्ष रुद्रप्रसाद चाँपागाई, वेणु सग्रौला र गोविन्द पौड्यालको विशेष आथित्य रहेको कार्यक्रममा विर्तामोड उद्योग बाणिज्य संघका उपाध्यक्ष राजु न्यौपाने, अर्जनधारा उद्योग बाणिज्य संघका सचिव गोपाल घिमिरे लगायतको उपस्थिति रहेको थियो ।

त्यस्तै कार्यक्रममा बुद्धशान्ति गाउँपालिका वडा नं. १ का वडाध्यक्ष अनिल वाग्ले, साना सहरी खानेपानी तथा सरसफाई उपभोक्ता समितिका अध्यक्ष ध्रुव ओली, माओवादी केन्द्र बुद्धशान्तिका अध्यक्ष प्रेम नेम्बाङ, राम जानकी मन्दिर ब्यवस्थापन समितिका अध्यक्ष भगवती शर्मा न्यौपाने लगायतले शुभकामना मन्तव्य राखेको कार्यक्रमको सञ्चालन संस्थाकी सदस्य धनकला अधिकारीले गरेकी थिइन् ।

झापाको बुद्धशान्ति २ स्थित पाँच बिगे बहुउद्देश्यीय सहकारी संस्थाले सोमबार आफ्ना शेयर सदस्यहरुलाई आर्थिक गतिविधि जानकारी साथै सदस्यहरूलाई ४०० थान झुल वितरण गरेको छ । ६९४ जना शेयर सदस्य भएको यस सहकारी संस्थाले नियमित मासिक बचत साथै ५ कित्ता १०० भन्दा माथि नियमित बचत साथै उपचार कोष जम्मा गरेका आफ्ना शेयर सदस्य हरूलाई झुल वितरण गरेको हो ।

सहकारी संस्थाकी अध्यक्ष चन्द्रकला भट्टराईको अध्यक्षता राष्टिय सहकारी संस्था सं सचिव कृष्ण प्रसाद मिश्रको प्रमुख आतिथ्यता बुद्धशान्ति गाउँपालिका वडा नं. २ का वडाध्यक्ष डिल्ली ओलीको , वडा सदस्य अमिर श्रेष्ठ, विक्रम बोहोरा, वडा सदस्य बिमला विक, संस्थाकी पुर्व अध्यक्ष रिता सिक्देल लगायतको आतिथ्यतामा भएको कार्यक्रममा संस्थाका उपाध्यक्ष प्रेम प्रसाद न्यौपानेले उपस्थिती शेयर सदस्य तथा अतिथिलाई शाब्दिक स्वागत गरेका थिए ।

कार्यक्रमको अौचित्यमाथी प्रकाश प्रार्दै संथाकी अध्यक्ष चन्द्रकला भट्टराईले विगतका दिनहरुदेखिनै आफ्ना शेयर सदस्यहरुको विकास, विस्तार र प्रर्वद्धनमा उल्लेख्य भूमिका खेल्दै आएको यस संस्थाले आगामी दिनहरुमा पनि कृषक लक्षित विभिन्न कार्यक्रमहरु ल्याउने जानकारी दिएकी छन् ।

सहकारीको कार्य क्षेत्र बुद्धशान्ति गाउँपालिका भर रहेकोले आगामी दिनहरुमा बुद्धशान्तिका सम्पूर्ण क्षेत्रका सदस्यहरुलाई एकीकृत गरी संस्था अघि बढ्ने संस्थाका उपाध्यक्ष प्रेम प्रसाद न्यौपाने बताउछन,।
कार्यक्रममा प्रमुख अतिथिका रुपमा रहेका रास्ट्रिय सहकारि संस्थाका सचिव कृष्ण प्रसाद मिश्रले शुभकामना मन्तव्य राख्दै यस सहकारीसंग समन्वय गरी आगामी दिनहरुमा कृषकको हितका लागि विभिन्न कार्यक्रमहरु ल्याउने तर पछिल्लो समयमा दुर्गा प्रसाईं जस्ता व्यतिले अनावश्यक रूपमा ल्याएको हल्लाहको पछि नलाग्न साथै आफ्नो समस्या भए सिदै सहकारी संस्थामा गएर बुज्न अनुरोध समेत गरेका छन।

यस संस्थाले विगतका दिनहरूमा पनि आफ्ना शेयर सदस्यहरुलाई ५४ थान विद्युतीय टेंकी समूह समूह बनाई कृषकलाई बिऊ विजनमा औषधी हान्न प्रयोग हुने १५ लिटर क्षमता भएको विद्युतीय टेंकी समेत वितरण गरेको साथै संस्था केही टेंकि हरू अझै बाकी रहेकाले संस्थाका सदस्य हरूले समूह बनाई आएमा रहेको टेंकि पनि कृषक हरूलाइ नै वितरण गर्ने र आगामी दिनहरूमा पनि कृषक लक्षित विभिन्न कार्यक्रमहरू ल्याउने संस्थाका उपाध्यक्ष प्रेम प्रसाद न्यौपानेले बताएका छन।

संस्थाका सचिव चुडामणी पाण्डे (रमेश)ले संचालन गरेको कार्यक्रममा अतिथि विक्रम बोहोरा शमिर श्रेस्ठ लगायले शुभकामना मन्तव्य राखेका थिए । कार्यक्रम जयपुरचोक स्थित संस्थाको कार्यलयलको प्राङ्गण मा भएको थियो ।

झापाको बुद्धशान्ति २ स्थित जगदिश्वर शिव पञ्चायन मन्दिर ले जेष्ठमातापिता लक्षित स्वास्थ्य शिविर तथा सचेतना कार्यक्रम सम्पन्न गरेको छ ।

निलकण्ठ डायगोनोष्टिक सेन्टर बिर्तामोडबाट आएका डाक्टर दिपेन्द्रप्रकाश ओली, दीक्षा ओली र सन्तोष भट्टराईको सहजिकरणमा भएको शिविरबाट १०० जना बढि मातापिताले प्रेसर, सुगर, थाइराइड, अक्सिजन लेबल चेक जाँच गरी स्वास्थ्य रहन भिटामिन, क्याल्सियम र फलफूल समेत वितरण गरिएको थियो । कार्यक्रममा विभिन्न रोगहरुबाट बच्ने उपायको विषयमा जानकारी दिइएको थियो ।

मन्दिर समितिका अध्यक्ष पुष्पराज न्यौपानेको अध्यक्षता, डाक्टर दिपेन्द्रप्रकाश ओलीको प्रमुख आतिथ्यता त्यस्तै जेष्ठ नागरिक संरक्षण चौतारी जयपुरका अध्यक्ष छविरमण विमली, बुधबारे सानासहरी खानेपानी तथा सरसफाई उपभोक्ता संस्थाका अध्यक्ष ध्रुव ओली, निलकण्ठ डायगोनोष्टिकका संस्थापक ज्ञानेन्द्र प्रसाद ओली, बुधबारे जेसिजका पूर्व अध्यक्ष मुकेश भट्टराई लगायतको आतिथ्यतामा भएको कार्यक्रममा अध्यक्ष न्यौपानेले उपस्थित सम्पूर्णलाई शाब्दिक स्वागत गर्दै कार्यक्रमको औचित्यमाथि प्रकाश पारेका थिए ।

मन्दिर समितिको सभाहलमा संचालन गरिएको कार्यक्रममा जेष्ठ चौतारिका अध्यक्ष छविरमण विमलीले शुभकामना मन्तव्य राखेका थिए भने मन्दिर कार्य समितिका सचिव रामचन्द्र पौडेलले कार्यक्रम संचालन गरेका थिए ।

झापाको बुद्धशान्ति बुधबारे जेसीजले नयाँ बर्ष को अवसर पारेर बुधबारे जेसीजले शाखा को आफ्नै वेबसाईट तथा २०८० साल को क्यालेण्डर बिमोचन गरेको छ ।

बुधबारे जेसीज को आफ्नै नवनिर्मित सचिवालय भवनमा भएको कार्यक्रम शाखा अध्यक्ष अर्जुन ढकालको सभापतित्व मा भएको थियाे भने बुद्धशान्ति उद्याेग वाणिज्य संघका अध्यक्ष चन्द्र उप्रेति को प्रमुख आथित्यता रहेको थियो।होक्से कृषि सहकारी संस्था, संरक्षित महिला बचत तथा ऋण सहकारि संस्था, बुद्धशान्ति होक्से नेटवर्क प्रा लि , एभरेष्ट साबुन उधोग लगायत का संघ संस्था हरु को आथित्य रहेको कार्यक्रम मा बुधबारे जेसीज का निबर्तमान अध्यक्ष जेसिआई सिनेटर मुकेश भट्टराई मानार्थ सदस्य जेसी दिपेन सिटाैला , पुर्व अध्यक्ष तथा बुद्धशान्ति वार्ड नं १ का वार्ड अध्यक्ष जेसी अनिल वाग्ले, पूर्वाध्यक्ष जेसी नन्द कुमार याफु राई, पूर्व अध्यक्ष जेसी हेमन्त बराल, पूर्व अध्यक्ष जेसी प्रकाश भण्डारी, पूर्व अध्यक्ष जेसी सेमन्त पोख्रेल, समाजसेवी पुरन बरालको उपस्थिति रहेको थियो। कार्यक्रम संयोजक बुधबारे जेसीज का सहकोषाध्यक्ष जेसी अच्युतराज ढकाल ले स्वागत गरेको कार्यक्रम मा सभापति ढकाल ले कार्यक्रम को औचित्य माथि प्रकाश पारेका थिए भने पुर्व अध्यक्ष जेसी अनिल वाग्ले , होक्से कृषि सहकारि संस्था का अध्यक्ष चन्द्रमणी बराल , समाजसेवि तथा तिनतले सामुदायिक बन का उपाध्यक्ष पुरन बराल , बुद्धशान्ति होक्से नेटवर्क का प्रवन्धक भुवन थापा ले शुभकामना मन्तब्य राखेको कार्यक्रम महासचिब जेसी कुशल अधिकारि ले संचालन गरेका थिए।कार्यक्रममा बुधबारे जेसीज का बोर्ड का पदाधिकारि लगायत सदस्य हरुको उल्लेख्य उपस्थिति रहेको थियो। कार्यक्रममा शुभकामना मन्तब्य राख्ने क्रम मा बुद्धशान्ति होक्से नेटवर्क प्रा लि का प्रवन्धक भुवन थापा ले बुधबारे जेसीज ।सँग सहकार्य गर्दै अगाडि बड्न ईच्छुक रहेको जानकारि गराउँदै जेससीज भवन मा निशुल्क रुपमा नेट जडान गर्दिने प्रतिबद्धता व्यक्त गरेका थिए।

झापाको बुद्धशान्ति गाउँपालिका वडा नं ४ मा रहेको लाली गुराँस आमा समुहले १ दिने महिला शसक्तिकरण उत्प्रेरणा कार्यक्रम सम्पन्न गरेको छ ।

लालीगुराँस आमा समुह बुद्धशान्तिकी अध्यक्ष देव कुमारी शेर्माको अध्यक्षतामा भएको कार्यक्रमा बुद्धशान्ति गाउँपालिकाकि पुर्व उपाध्यक्ष मिरा भुर्तेलको प्रमुख आतिथ्यता रहेको थियो ।

कार्यक्रमा विशेष अतिथि बुद्धशान्ति गाउँपालिका कार्यपालिका सदस्य दुर्गा पोख्रल ढुङ्गेल । अतिथिहरूमा बुद्धशान्ति गाउँपालिका वडा नं ४ जेष्ठ नागरीक कि उपाध्यक्ष राधिका अधिकारी साथै प्रगति सिल आमा समूह तेस्तै बुढा सुब्बा आमा समूह मनोकामना आमा समूह शुभ प्रभात आमा समूह खानि गौडा आमा समूहहरूको समेत उपस्थिति रहेको थियो ।

कार्यक्रमा शुभकामना मन्तव्य राख्दै प्रमुख अतिथि मिरा भुर्तेलले आजको समाजमा महिला र पुरुष रथका दुई पांग्रा भनिएता पनि महिलालाई पुरुषको सहयोगी का रूपमा हेरिएको कारणले नै क्षमता भएका महिलापनि परिवार वा समाजको निर्णायक भुमिकामा पुग्न नसकेका हुन्। अबको महिला समाज आफ्नो क्षमता र दक्षता लाई उपयोग गर्न अग्रसर हुने र उनिहरुका उन्नति र प्रगतिमा घर परिवारीको साथ र सहयोग दिनु पर्दछ तब मात्र महिला सक्षम हुन्छन् भन्ने कुरामा जोड दिनुभयो ।

लालि गुराँस आमा समुह बुद्धशान्ति ४ ले आयोजना गरेको कार्यक्रमा विभिन्न समुहका गरि ६० जना को सहभागिता रहेको कार्यक्रमा समुहकि सकृय सदस्य ज्ञानु थापाले उपस्थित सम्पुर्णलाई स्वागत मन्तव्य राख्नु भएको थियो ।

बुद्धशान्ति गाउँपालिका वडा नं ४ लालि गुराँस आमा समुहकि अध्यक्ष देव कुमारि सेर्माले कार्यक्रमको अौचित्य माथि प्रकाश पार्दै आजको समाजमा महिलाहरू सक्षम भए मात्र परिवार समाज र राष्ट्र सक्षम बन्छ ।यसरी समाज र परिवार सक्षम बन्न महिला र पुरुष दुवैको महत्वपुर्ण भुमिका हुन्छ भन्दै कार्यक्रको अौचित्य माथि प्रकाश पार्नु भयो ।

बुद्धशान्ति वडा नं ४ स्थित जेस्ठ नागरिकको सभाहलमा भएको कार्यक्रमको सन्चालन समुहकी सचिब गिता ढुङ्गानाले गर्नुभएको थियो ।

ईलामकाे राेङ गाउपालिकामा माछा पालक किसानहरुकाे लागी दुईदिने तालिम शनिबार सम्पन्न भएकाे छ। तालिममा माछा पालनमा किसानले बिभिन्न राेगहरुकाे पहिचान र निदानकाे लागि किसानहरुलाई प्रशिक्षित गराईने उदेश्यले पहिलाे दिन थ्याेरिकल प्रयाेगात्मक रुपमा गरिएकाे हाे।

काेशी प्रदेश सरकार पशुपंक्षि तथा मत्छ्य बिकाश निर्देसनालयकाे साथै राेङ गाउपालिकाकाे सहकार्यमा भएकाे तालिममा राेङ गाउलिकाका पन्ध्र जना माछा पालक किसानहरुकाे सहभागिता रहेकाे थियाे। तालिमलाई मत्छ्य बिकाश निदेसनालय काेशी प्रदेशका मत्छ्य अधिकृत लाक्पा भाेटिया,नेल्सन पाेखरेल प्राबिधिक साहयक जानुका देबि सुनुवारले सहजिकरण गर्नु भएकाे थियाे।

तालिममा सहभागि किसानहरुलाई उपचार सामाग्रिहरु चुन,नुन,थर्ममिटर लगायतकाे सामाग्रि समेत बितरण गरिएकाे थियाे।काेशी प्रदेशभरी यस्ता तालिमका कार्यक्रम मागकाे आधारमा पन्ध पालिका हरुमा हुने अधिकृत भाेटियाले बताए ।तालिम अत्यान्तै ज्ञान बर्धक र उपयाेगि रहेकाे राेङ ६ का किसान चन्द्र प्रधानले बताए।

झापाको सहारा नेपाल बचत तथा ऋण सहकारी संस्था लि. सेवा केन्द्र बुद्धशान्तिले मंगलबार एक कार्यक्रमको आयोजना गरी लागु औषध, दुव्र्यसन र साइबर अपराध विरुद्ध सचेतना कार्यक्रम सम्पन्न गरेको छ । संस्थाको २८औँ स्थापना दिवसको अवसरमा बुद्धशान्ति ४ स्थित न्यू एभरग्रीन स्कुलमा उक्त कार्यक्रम गरिएको थियो।

सहारा नेपाल सहयोग उपसमिति बुधबारेका संयोजक विष्णु सापकोटाको अध्यक्षतामा भएको कार्यक्रममा बुद्धशान्ति गाउँपालिका प्रमुख मनोज प्रसाईको प्रमुख आतिथ्यता रहेको थियो । त्यस्तै पालिका उपाध्यक्ष भवानी खतिवडाको विशिष्ट आतिथ्यता र ४ नम्बर वडाध्यक्ष शेरबहादुर रायको विशेष आतिथ्यतामा भएको कार्यक्रममा सहयोग समिति बुधबारेका सदस्य दिपेन्द्र संग्रौलाले उपस्थित सम्पूर्ण अतिथिहरुलाई शाब्दिक स्वागत गरेका थिए ।
कार्यक्रमको औचित्यमाथि प्रकाश पार्नेक्रममा संयोजक सापकोटाले सामाजिक उत्तरदायित्व कार्यक्रम अन्तरगत संस्था स्थापना भएको अवसरमा यो कार्यक्रम गरिएको बताएका छन् ।त्यस्तै संस्थाको समग्र पक्षको जानकारी गराउँदै चारआली शाखा अनुगमन अधिकृत गोमा बस्नेतले बचत र ऋणका साथ साथै सामाजिक कार्यमा संस्था अग्रसर रहेको जानकारी दिइन् ।
कार्यक्रममा गाउँपालिका अध्यक्ष मनोज प्रसाई र उपाध्यक्ष भवानी खतिवडाले पनि शुभकामना मन्तव्य राखेका थिए ।
बुद्धशान्तिका विकास, विस्तार र प्रर्वद्धनका लागि सहारा नेपालले महत्वपूर्ण भूमिका खेलेको जनप्रतिनिधीको भनाई थियो ।
त्यस्तै कार्यक्रममा उपस्थित भएका १५० बढि विद्यार्थीहरुलाई काँकरभिट्टा लागुऔषध नियन्त्रण ब्यूरोबाट आएका प्रहरी नायब निरिक्षक कुमार लामिछानेले प्रशिक्षण दिएका थिए।

प्रशिक्षणका क्रममा उनले लागु औषध सेवनबाट हुने असर र बच्ने उपायका बारेमा विद्यार्थीहरुलाई प्रष्ट पारेका थिए ।
सोही कार्यक्रममा बुद्धशान्तिमा रहेका २५ जना दृष्टिबिहिनहरुलाई दैनिक जीवनयापनमा सहज होस् भनी सेतो छडी पनि वितरण भएको छ । सहारा नेपालका संचालक समिति सदस्य भोला धिताल, पार्वता गरिी सहितको सहभागितामा उक्त छडि शान्ती अपांग संघलाई हस्तान्तरण भएको थियो ।